2019ko irakurrienak

2019-12-30 23:51
ZuZeu
- Euskal Herria

2019ko irakurrienak –

Urte berezia izan da aurtengoa ZUZEU orainkari horizontalean dihardugunontzako, ez alferrik hamargarren urtemuga ospatu baitugu sarean.

Denbora guzti honetan komunitate majoa sortu dugula begitantzen zaigu; 2009tik hona 20.000 sarrera argitaratu ditugu eta 10 Milioi orrialde ikusi dira gure atarian.

2019ko irakurrienak

Bilanak egiten hasita, eta aurtengora etorrita, sinatuta plazaratu ditugun sarrerei erreparatu diegu, hauek nabarmentzeko asmoz, eta hogei zerrendatu dizkizuegu azpian. Irakurriena Santi Leonek lagunaren defentsan “Erraietarik idatzia”, sare sozialetatik desagertu baino lehen -kasik 10.000 ikustaldi izan ditu-. Leonez aparte, sinadura askok idatzi bat baino gehiago dituzte zerrendan, Pako Sudupek, Jonjo Agirrek eta Oier Aranzabalek -tartean Amonarriz eta Beraetxeri eginiko elkarrizketak-, kasurako.

Zuzeu Gaztea Saria lehiaketako parte hartzaile bat ere badago zerrendan, Olatz Ruiz de Zarate; baita salabardoak arrantzatutako sarrera bat ere, Nerea Ibarzabalek Bizkaiko Hitzan sinatua; tamalez, emakumeen sinadura gutxi dira irakurrienen zerrendan.

Gainontzean, aurten gehien irakurri diren sarreren artean badira 2019an argitaratu ez diren batzuk ere: Iñaki Larrañagaren “Txikitako marrazki mitikoak“ (2011koa!), Peru Zarateren “Hilabeteen izenak” (2012), Thais Braga eta Jone Bilbaoren “Plastikoaren kutsadurak” (2016koa) edo Joseba Aurkenerenaren “Euskal Onomatopeiak berreskuratzen” (iazkoa), kasurako.

Aparte, irakurrienen artean sarrera batzuk erakundeen izenean edo ezizenez sinatu izan dira; besteak beste “Desagertzeko arriskuan dauden euskal abizenak”, “Biluzik dantza egin (eo, eo)!” edo “Doraemon eta Nobita greban daude”.

Podcastei dagokienez, Euskal Gaizkileak saileko “Berdabioko atea” eta Fermin Muguruzari egindako elkarrizketaren (Barruan Gaude) sarrerak izan dira gurean irakurrienak.

Ikus dezakegunez, euskarak gairik nagusia izaten jarraitzen du gurean; asko kezkatzen gaitu eta asko idatzi da gure hizkuntzaren egoerari buruz -batzuetan sarrera apokalipsiko samarrak-.

Jarraian, 2019ko sarrera sinatuetan 20 irakurrienak zerrendatu ditugu: