Migrazioa, euskarak espero ez zuen aukera

Migrazioa, euskarak espero ez zuen aukera –

Egunotan Oñatiko Larraña Etxeari buruzko erreportajeak ikusi ditugu. Iazko urritik 104 asilo-eskatzaileren ostatu da. Eusko Jaurlaritzaren ardurapean, CEAR erakundeak kudeatuta. Bizi ditugun xenofobia sasoietan, egitasmo eredugarria dela ikusi dugu, inongo zurrumurru eta jarrera arrazistarik piztu gabe, baita zenbait oñatiarren parte hartzearekin ere.

Migrazioa, euskarak espero ez zuen aukera

Erreportajean Afrika mendebaldetik gurera iritsitako gazteak ikusi ditugu. 22 herrialdetako jendea omen dago; ehun lagun pasa izan dira, eta 82 daude gaur egun. Ofizio bat ikasi eta lan egin gura dute, eta gazteak dira, bikotea izatea eta inoiz familia eratzea ere badute buruan, adin horretako gehienen antzera. “Adin txikikoak dituzten lau familia ere bizi dira. Jateko, lotarako eta espazioa izateko aukera emateaz gain, arreta juridikoa, osasunekoa, hizkuntza ikasteko laguntza, errolda, aisialdia eta prestakuntza ere jasotzen dute” irakurri dugu prentsan eta telebistan entzun. HIZKUNTZA ikasteko laguntza? Zein da Oñatiko hizkuntza, baina?

Goienan erreportajea egin dute, eta elkarrizketatua euskarara bikoiztu behar izan dute. Hala galdetu dio kazetariak:

Zein da zuen egunerokoa hemen?
Zentroak eskaintzen dizkigun aktibitate guztiak bikainak dira. Informatika klaseak jasotzen ditugu, eta gaztelania ikasten gabiltza. Telebista ikusteko gela bat daukagu eta hor gustura egoten gara. Taldea ere badaukagu Herriko Futbol Txapelketan.

Gaztelaniarekin nahiko ondo moldatzen zara. Euskararekin?
Hiru hilabete daramatzat gaztelania ikasten. Lehenik ondo menderatu gura dut gaztelania, eta ondoren euskara ikasteko intentzioa ere badut.

Oñati UEMAn sartu zen 2012. Eustaten arabera (2016), % 78 dira euskaldunak, ehuneko 8,5 ia euskaldunak eta ehuneko 13,5 erdaldunak. 10 mila biztanle pasa dituen herria izanik, Larraña Etxeak ehuneko bateko igoera dakarkio Oñatiko biztanleriari. Eustat-eko paradigmatik irteten den ehuneko 1 da: ez dira euskaldunak, teknikoki erdaldunak dira, baina Hegoaldean horrek gehienetan espainiera hiztun elebakarra esan gura du. Kasu honetan, ez euskaraz ez espainolez ez dakiten pertsonak dira. Eta beraz, edonora iritsita harrera egin dieten erakundeek eskatzen dieten lehen gauza hizkuntza ikastea da. Ez da euskaltzale erradikal eta insolidarioen planteamendua, langile eskubideak edo osasun-arreta edo beste edozein eskubide primarioren aurretik euren posizio linguistikoa ezarri gura duen jendearen esaten diena. Alemaniara, Frantziara, Espainiara zein Euskal Herrira iristean eskatzen (agintzen) zaien lehen gauza da: hemen bizitzeko, ezinbestekoa duzu hizkuntza ikastea, hori gabe ezinezko izango zaizulako formazio bat edo lanbide bat izatea. Kohesiorako eta ghettorik ez izateko ezinbesteko urratsa da lekuko hizkuntza ikastea, mundu guztiak onartzen dizu hori espainolaz edo alemanaz edo Suedian suedierari buruz ari bazara. Baina kohesio sozialerako eta komunikaziorako euskaraz ikasi behar dutela esaten baduzu, aurreko puntura zoaz, inposizio insolidarioa egiten ari zara.

50 eta 60ko hamarkadatik Espainiatik eta Galiziatik iritsi ziren eta Espainiako erregio batera zetozela uste zutenen aldean, XXI. mendeko migratzaileek badakite beste hizkuntza bat duen beste herrialde batera datozela, ahalegina egin behar dutela bertakotzeko. Are gehiago, egiteko prest datoz, hizkuntza ikasteko prest. Hizkuntza hori espainola dela esaten badiegu, espainolez ikasiko dute. Bilbon ikusten ari garen pintada xenofoboen alde mingarriena hori da, kanpotik datozenei leporatzea euskararen galera, geu izanik hizkuntza ikasteko prest datozenei espainola ikastera behartu eta euskara menutik kentzen diegunak. Gehienez ere, menuaren atze-atzean dago, oinarrizko guztia barneratu ostean -lehendabizi, espainol hizkuntza, gero, ofizioa, gero beste zerbait-, euskara hor dagoela esaten diegu. Ordurako, noski, bertakotuta dago, gure kontraesan eta hipokresia guztiekin, eta badaki espainola dela hemen bizitzeko behar dena. Euskara seme-alabek jakingo dute.

Tamalez, utzikeria ez da erakundeen ardura soilik. CEARek egiten duen lan bikainean, alde kritikagarri hori dauka, sistematikoki espainolez ikasaraztea iritsi berriei. Jarrera bera dute han-hemenka elkartasunez eta borondate onez diharduten askok ere. Etorkinak euskalduntzen ziharduen lagun batek ziostan: aurreko udan euskarari buruz egin zuten plangintza landu eta aurkeztu zioten etorkinei aterpe ematen ari ziren gaztetxe bateko lagunei… eta haiek erantzun, ez ote zeukan plangintza hori bera espainolez. Larraña Etxeari buruzko albiste baten irakurtzen dugun zelan egiten den ikasten duten hizkuntza: “a través de personas voluntarias de Oñati y clases en la EPA”. Oñatiarrak, borondate onenarekin eta elkartasunez, baina herria erdalduntzen?

10 mila biztanleko herrian 104 lagun berrik ehuneko bat igotzen dute biztanle kopurua. Euskaldunak ehuneko 78 izanik eta % 13,5 erdaldunak, 104 lagun horiekin euskaldun kopurua % 80ra hurbil liteke -eta erdaldunen 13,5 hori jaitsi bidenabar-, edo erdaldunak % 15eraino iritsiko dira eta euskaldun kopurua 77ra jaitsi.

Fenomeno migratorio bat beti da erronka une bat gizarte batentzat. Euskarari dakarkion arriskua salatzen dute xenofobo batzuek Bilbon, euskarari zer nola aukera dakarkion erreparatu (nahi) gabe. Noiz izan dugu gure artean euskararik jakin ez arren gure arteko hizkuntza hegemonikoa ere ez dakiten pertsonak? Noiz, hizkuntzak eta bertako kultura ikasteko horrenbesteko borondatea erakutsi duen jendea? Arriskua baino askoz gehiago, sekulako aukera da euskararentzat eta helduen alfabetatzearentzat, euskara ikasteko duela hiruzpalau hamarkadako grinak itzali diren sasoiotan.

Konplexurik gabe aldarrikatu behar da migratzaileek euskaraz ikasi BEHAR dutela, bertako erakunde, elkarte eta norbanakook euskara EMAN behar diegula, ezin ditugula baztertu, kohesiorako tresna garrantzitsuena dugulako. Oñatin, Sestaon zein Kanpezun, herri hau euskalduntzeko sekulako abagunea da. Konplexurik gabe, gure kontraesanez jakitun (bertako erdaldunari eskatzen ez zaion eskatzea iritsi berriari): beste eremu askotan ere gertatzen da migratzaileak egitea bertakoak nahi ez duena, eta iritsi berri denean egin ezean, gerorako uzteak, espainola ikasten duenerako, beranduegi da, esperientziak erakutsi digunez. Trukean, konpromisoa behar da, noski, euskara ikastea onuragarri izan behar baita, bai gizarte hartzailearentzat, bai gizarte horretara iritsi berri denarentzat, bertan bizi, lan eta gizarteratzeko tresna eraginkorrena zaion neurrian.

Migrazioa, euskarak espero ez zuen aukera Migrazioa, euskarak espero ez zuen aukera Migrazioa, euskarak espero ez zuen aukera
euskara, migranteak

134 pentsamendu “Migrazioa, euskarak espero ez zuen aukera”-ri buruz

  • Ados, denek euskara ikasi behar dute bainan artikuloan ez da azaltzen inolako abagunerik. Gaztelania ikasten ari dira ta gero agian… Ta Espainia ta Frantziatik kanpo datozen etorkinen jarrera askoz hobeagoa da euskararekiko, hemen, Frantzia ta Espainiatik datoztenak baino. Bainan derrigorra izan ezean, herri hau gehiago gaztelaratuko ta frantsestuko dute. Espainiarrek ta frantziarrek egiten duten lez. Ta ez du esan nahi etor ez daitezen, bainan egia ez ikustea dela iruditzen zait.

  • euskaldun bat 2019-03-02 17:33

    Artikulua irakurrita ateratzen dudan ondorioa: “Orain komeriak!”. Artikulua idatzi duena zulotik atera ezinik dabil: inmigrazioa ezin du kritikatu, etorkinek ez diote euskararik ikasten, gaztetxeak idatzia erderaz eskatzen dio… Monstruoa sortu duzue eta orain atzera bueltarik ez! Orain komeriak! Jarraitu, jarraitu aniztasuna elikatzen! Aberastu egiten omen gintuen…

  • Ez hanka eta ez buztan.

  • Urruti: ehunenekoak aipatzerakoan %1 soilik. Ez da deus, diozu.
    Gero bukeran bi aldiz “sekulakoa” aukera eta abagunea.
    Ez zait gustatu. Gauzak bideratzeko Urruti, ez da aski poliki idaztea, zorroztasuna eta egia behar dugu Euskal Herrian

  • Eta Xenofobo laidoa hor hain erraz ateratzea ere ez zait oso egokia iduritu.
    Herri ukatuan bizi gara, Urruti. Maíz ahazten zaigun kontua dugu hau, edozein analisi egiterakoan, tamalez

  • Artikulu honek erralitate oso latz bat erakusten digu, baina oso gaizki azalduta.
    Izenburu egokia hau da: “Inmigrazioa,euskarak espero ez zuen arazoa”.
    Gure herri honek hainbat inmigrazio masibo ezagutu zituen aurreko mendean, errealitate soziolingusitikoan erdalduntze nabaria eraginez. Noski, erdalduntze hori espainiar politika inperialistan kokatzen da eta inuxente bat edo espainolen agente bat ez den edonork daki populazio desplazamenduak politika kolonialistaren elementu eraginkorrenetako bat direla.
    Aurreko mendean ordea, gure herria ez zen hain txepela eta politika kolonialistari abertzaletasunarekin erantzun zion. Horregatik, erdalduntzea gelditu eta euskara putzu sakonetik atera zen.
    Mendearen bukaeran bazirudien ez zegoela atzera bueltarik. D eredua nagusitzen, A eredua ahultzen…eta euskalgintza euskalduntze plan anbiziosoenak gauzatzeko prestu, Kontseilua eta Bai Euskararekin.
    Baina ezustean mende berriarekin batera beste inmigrazio masibo bat hasi zen etortzen eta 20 urte geroago euskara berriz atzeraka doala ebidentzia bat da.
    Inmigrazio masiboak sekulako eragin linguistikoa du herri zapalduetan. Txillardegi zenak oso argi esplikatzen zuen. “Inmigrazioa linguistikoki ez da arazo bat bere hizkuntza politika aplikatzeko baliabideak dituen estatu independiente batean. Baina estatua ukatua duen nazio zapaldu minorizatu batean, egoera arras diferentea da.”
    Guk zoritxarrez nazio zapaldu minorizatua izaten jarraitzen dugu eta horren errua ez da, jakina, beharrak jota gurera datozenena, baina egoera horretan gurera milaka erdaldun gehiago etortzea aukera bat dela esatea txorakeri bat da. Burla bat, txiste txar bat, jendea tontotzat hartzea.
    Baina txarrena da abertzaletasuna karidadearekin ordezkatu dutela askok eta duela 20 urte “euskaraz eta kitto” zioten batzuk, gaur egun inmigrazioa erakartzeko taldeetan parte hartu eta haiei espainola irakastea bihurtu dutela gaur egungo “militantzia”.

  • Igor, Espainiatik eta Frantziatik datorkigun inmigrazio masiboa ez da eten.
    Lehen munduko pasaporterik ez dutenen migrazioaren neurrikoa edo handiagoa da, baina gure agintari eta sindikalista abertzale gehientsuenak hain daude desinformatuta edo konplexuz beteak, edota biak ala biak, ezin baita espainiarren eta frantsesen inmigrazioa aipatu ere egin.
    Izan ere, hemen kafeari paké, eta menpekotasunari abegikortasun esaten baitzaio.
    Eta euskaltzaleok txikira (%1ari, %2ari, eta abar) enbidoka ari garen bitartean, unionistak ordagoak jo eta jo.

  • Beñat Castorene
    Benat Castorene 2019-03-03 11:19

    Txillardegi zenak arrazoin zuen, hau da, hain segur Estatu independiente batek lagunduko ligukeela emigranteak euskara ikastera derrigortzen. Bederen haien kopurua arrazoigarria egoiten balitz, bestenaz, akabo. Begira zer arazo duten Frantziarrek berek Parise inguruetan.
    Anartean, guri dagokigunez, zapalkuntzak, kolonisatuaren egoerak, jartzen ahalko gintuzke kontraesanezko bi obligazioen aurrean, alegia karidadea pratikatzearen eta gure identitatearen defentsa artean hautatu beharra. Hau da enetako gaurko orden politikoaren perbertsitatearen seinalea bera.
    Kasik ahantzia nuen “karidade” hitzari erreparatu nion Zigorren komentario onean, eta, aspaldiko partez, bilatu dut « samaritano ona »ren parabola asmatzen entseiatzeko zer egingo zuen gure kasuan.
    Samaritanoak egin zuen zinezko esfortzu bat, bainan iduriz neurtua, alegia, ez zion batere utzi bere orduko lehentasanuri, bidaiatzeari.
    Gero kontuz! ez dira eta emigrante guziak biktimatzat edo saindutzat bezala hartu behar. asko errespetatzen nuen gure aitona zena bera ere, Nafaroa behereko bere sorterriko meategian ahal zuen bezala lan egin beharrean, nahiago izan zuen Txilera joan eta hausnartu gabe hango kolonizazioan parte hartu.
    Orduan, zer eginen zuen samaritano onak ? ba, euskara ikasi nahi ez dutenak, behin ase eta sendatu, Baionako geltokira ereman eta Pariserako billeta ordaindu.
    Aurretik badakit horrekin nehor ez dela ados izanen.

  • Beñat Castorene
    Benat Castorene 2019-03-03 11:54

    Bai Hantxonek arrazoi du erabat , gogora arazi dit Frantziarren imigrazioa nabarmen dela momentuz bietatik larriena.
    Ez da eten baizik eta urtero areagotzen ari. Gutiengoa bilakatzen ari gara Lapurdin ez bada jadaniko horrela.
    Gure politikariek ez dute ezer erraiten eta ezin dute ezer erran, “euskal elkargo”a dela eta, begirada amultsuena egin nahi dutelarik BABko gehiengo hautesle frantziarrei.

  • Han Txon, arrazoi duzu inmigrazio espainiar eta frantziarra aipatzean, nik ere aipatu dut politika kolonialista hori. Baina oker, oso oker zabiltza zu ere XXI. mendeko inmigrazio berriaren eragina gutxiesten eta %1rekin konparatzen ari bazara.
    Oñatin gune horretan dauden etorkinak dira %1, etxe horretan daudenak besterik ez. Hortik kanpoko etxebizitzetan ehundaka gehiago bizi dira eta haietako askoren ama-hizkuntza gainera bada espainola.
    2000. urtea baino lehen Euskal Herrian europar pasaporterik gabeko atzerritarrak %1 inguru ziren. 20 urte geroago %15 inguru. Ia milioi-erdi erdaldun berriri buruz ari gara eta gu, euskaldunok ez gabiltza milioi erditik oso gora.

    Iparrameriketako herri natiboentzat inmigrante hispanoak haien kulturarentzat aukera bat dira? Haiek izango dira ingelesa eta beraien hizkuntza utzi eta kultura autoktonoa bereganatu eta salbatuko dutenak?

    Hemengo “inteligentsia” baino tontoagorik bada inon?

  • Igor, esan nahi nuen inmigrazioa ezin dela mugatu azken hogei urteetan gertatu denera, batetik, eta ezin dugula kolonizatzaile espainiar eta frantsesen amarruan jausten erori, hau da, soilik lehen munduko pasaporta ez duen jende txiroa zenbatzen “etorkin” gisa, Eustatek eta bere atzetik erakunde guztiek, abertzaleak barne, egin ohi duten bezala.
    Lehen munduko pasaportea ez dutenak, erabateko gutxiengoa dira azken 60 urteetan Euskal Herrira etorritako etorkin guztien artean.
    Eta bai, bogan dagoen onkeria merke menpekoaren aldean, bat nator Beñatekin.
    Etorkinei abegi egin bai, baina gure herria errespetatuko ez badute, agur BenHur. Berdin orain datozenei eta duela 50 urte etorritakoei.
    Baina askoz errazagoa da, erosoagoa, txupigiaiagoa askoz ere, “hemen lan egin eta bizi diren guztiak euskaldunak” direla esan eta gure herria desegiten utzi.

  • Hau eskandalu ikaragarria da. Politikari ustez abertzaleak beren herriaren kalte jokatzen ari dira, ignorantzia, ausardia falta edo saldukeriagatik. Agian nahiago ez jakin atzetik dauden zuzentarauak, egia esatera. Astakeria hau geratu behar da berandu izan baino lehenago, iadanik geure lurrean gutxiengoan baikara.

    Herriak bizi behar du!

    Euskaldunok lehenengo, euskara lehenengo!

  • Teoria oso polita. Baina praktikan zer gertatzen da etorkinekin? Nagusiki erdadra hautatzen dutela, espainola hitzegiten dutelako ( latinoak) edo euskara ez dutelako inolaz ere abantail bezala ikusten. Beraientzat Espainiara edo frantziara datozte. Euskal Herria bost axola zaie. Eta ondorioz kolonizatzaile espainol/frantses batean bihurtzen dira. Ez ahaztu gu kolonia bat izaten jarraitzen dugula eta kolonietan aniztasunik ez dago, dagoena betiko leloa da; arrai handiak BETI jaten duela arrain txikia. Asmatu zein den arrain txikia ….

  • Migrazio politika kontrolatua behar dugu eta migratzaileak herri euskaldun txikietan kokatu lehenbailehen euskalduntzeko konpromisoarekin, bestela jai. Hiriburuetan eta zonalde erdaldunetan ez dira euskaldunduko, horietan lehenik bertakoek euskaldundu beharko lukete, ze eredu migratzaileentzat bestela!

  • euskaldun bat 2019-03-03 15:04

    Munro, ulertzen dut zer esan nahi duzun baina herri txikietara eramatea errore bat litzateke, badakizu ondo. Zer gertatzen da batek euskaraz ez dakienean? Hamar euskaldun erdaraz hitz egiten hasten direla, zer azaldu behar dizut nik… Hain ahula da herri txikietako euskal-ekosistema, pizti berri bakar batek dena alda dezakela. Hoberena inmigraziorik ez egotea eta jaiotze-tasa handitzeko neurriak hartzea dira. Azken hau inork ez du aipatu ere egiten.

  • Gauza asko esan dira, zentzuzkoak, errespetoz eta egiaren bila.
    Norbatek esan du Espainiako Estatuko kanpokoek %15 direla; Nafarroan behintzat bai.
    Eta Urrutik aipatu ez duena: ehuneko hori gaineko %85a baino askoz ere gazteagoa dela, askoz ere gazteagoa eta gainera hemengo jendea baino askoz ere gazteago ezkontzen dela.
    Eta une gehiago izaten dituela.

  • Beste batek esan duen bezala, “euskarak espero ez zuen arazoa” titularra askoz ere egokiagoa litzateke.
    Baina ez noa hortara, nere ustez kanpotarrei lehen hitza euskaraz egitea erabat beharrezko ikusten dut. Alde batetik sorpresa hartu eta euskaraz segitzeko aukerak egoten direlako (nahiz eta oso gutxitan gertatu), baina garrantzitsuena euskara kanpotarrei ikusaraztea eta horrekin gutxi batzuk euskarara bultzatu eta beste batzuek umeei euskararen garrantzia transmitituko liekete. Ene ustez pauso erreza da eta bere emaitzatxoak ematen dituena. Pena izugarria ematen dit euskalzale askok kanpotarrei lehen hitza gazteleraz egiten ikustea. Hori bai, adibidez tabernetan euskaraz dena eskatu beharko genieke eta ume kanpotarrei osoki euskaraz egin denek gutxi asko euskara badakitelako.
    Nere ustez lehen hitzarena oso garrantzitsua da, salto txiki baina tinkoa emateko,

  • Hainbeste komentarioren artean, bakar batek proposatzen du arazoaren muinera hurbiltzen den zerbait: “Migrazio politika kontrolatua behar dugu”. Bai, baina nork kontrolatua?

    Utziz gero migrazioaren kontrola oraingo estatu kolonizatzaileen esku, harrika egiten diogu geure buruari.

    Orduan, zer egin daiteke aldatzeko egungo egoera penagarri hau?

  • frente kultural zabal bat behar da, alderditik kanpo, euskaraz bizi naiz dutetik, euskaraz bizi naiz salto egiten duena, euskara ardatz duena. Herri menperatu batek beti konfrontatio batean egon behar du, bestela gaur jasaten dugun “pax romana” honetan, azukrea baino errazago urtuko gara. Nire ustez konfontazio hori euskaratik etorri behar du. Bukatu beharko luke sumisio linguistikoa, diktadura linguistikoa, Osaba Tom delako jarduerak bukatu behar dira,
    Ez badugu ulertzen gaur egungo dikotomoa Kolonizatzaile versus kolonizatuen artea dela, jai dugu.

  • Zergatik ez dute ikerketa hau Iruñea, Bilbo edo Gasteizen egin? Noski, herri oso euskaldun eta ttikietan integrazioa gerta daiteke, baina euskal lurraldearen %90an ez. Kolonizazio prozesu batean ezin kanpotar berriak integratu.

    Lehen manipulazioa. Orain, bigarrena: Immigrazioaren aurkako pare bat margoketagatik eskandalizatu dira betikoak. Donostian, ibaialdean zenbait margoketek hau diote: “Moros hijos de puta” eta “Moros asesinos de mierda”. 10 urte eta oraindik hor diraute. Zergatik ez dute kanpaina bat hasi margoketa hauen aurka? Zergatik ez dira haien onetik atera betiko kintakolumnistak? Erdaraz daudelako. Euskaldunongan monopolio politikoa soilik nahi dutelako. Manipulagarriagoak bait gara, frantsesek eta españolek zokoratuta gaituztelako eta edozein “salbatzaile” besarkatzen dugu. Hemen nazio mila nahi dute baina buruzagitza bakarra. Ba txolloa amaitu da.

  • Eta euskaldun asko ( seguraski intzentzio onarekin) osaba Tomen papera egiten ….

  • Ganbaratxotik 2019-03-04 20:35

    Afer alferrik. Haizeari hesiak jartzen? Inmigrazioa kontrolatu? Zeinek, Urkulluk?
    Barkos-ek? EHa independente denean horma eraiki?
    Hemen dira. Gehiago etorriko dira. Milaka. Proposamen egingarri, eraginkor motibagarriak egiteko garaia da. Errudunak bilatzea eta haeingan ardura guztia botatzearekin ez da ezer aurreratzen. Proposamen errealistak. Artikulugileak bota du berea izen-abizenekin.
    Euskeraren frentea mahi duenak ere hor du Euskal Herrian Euskaraz erakundea berrindartzeko parada, ezer berririk.asmatzen ibili.gabe.
    Lanera….

  • Ganbaratxo… eta hirea? Izen abizenekin?

  • euskaldun bat 2019-03-04 21:32

    Ganbaratxo gustora dago inmigrazioaren krisiarekin, ezker abertzaleko gehiengo bat bezalaxe. Euskaraz eta euskal kulturaz arduratzen dira baina bigarren maila batean. Lehenengo mailan sozialismoa eta kontu horiek dituzte eta inmigrazioaren kontu hau ezin hobeto datorkie (mesiasen bigarren etorrera bezalakoa) ea behingoz kapitalismo ostia hau, EAJko jauntxo eta familia horiek, eta AEB eta inperialismo guztia popatik hartzera bidaltzen diren behingoz. Geroz eta okerrago orduan eta hobeto irizpideari jarraiki. Inmigrazioak euskarari kalte egingo dion? Beno… ez da hain garrantzitsua. Beste maila batean daudela iruditzen zaie eta inmigrazioaz beldurruta ikusten gaituztenean barre egiten dute nagusitasun osoz, maila baxuko alienatuak garenoi.

  • euskaldun bat 2019-03-04 22:34

    Intelektualki baxuagoak garenoi begira nola mintza zaigun: “Haizeari hesiak jartzen?”. Itzela erantzuna! Alde poetiko eta guzti! Horrelakoak genioek soilik bota ohi dituzte. “Hemen dira. Gehiago etorriko dira”, ikaratuta daudenei beste heltzekada ur hotza gainera. “Zer!? Beldurtuta zaudete?” esan nahian bezala. Itzela, Ganbaratxotik! Genio bat! Bilduko zinegotzi den bat gogorarazten didazu: laneko kontuak tarteko Parisera joan behar zuen (bolada hartan Parisen atentatuak ari ziren gertatzen eta sikosi egoera zegoen) eta hara non esaten duen arro-arro, “Parisera noa tarrrrrarrrrarrrarrrarrrra…” eskuekin metraileta simulatuz, metrailetaren soinua egiten. Nik neure buruari esaten nion ezin sinetsirik , “iluminatu gixaxo honek gainetik zehokela pentsatzen dik!”. Gustokoa izanen nuen Parisera joan zenean atentaduren baten erdian elbarri gelditu izan balitz baina ez, osorik itzuli zen. Nik beti pentsatu izan dut hauek beste maila intelektual altuago bat dutela.

  • Aljeriarrek pieds-noirsak sarraskitu eta euren herritik bota zituztenean, eta hauek Marseillako portura iritsi zirenean barkuetan pilaturik, izuturik eta guztia galdu zutelarik, hor zeuden CGTko komunistak “Pieds-Noirsak itsasora” moduko pankartak erakusten eta euren aberrikide sarraskituei iseka egiten. Gaur aldiz, kontrakoa esaten digute komunista horien ondorengoek: kolonoak hemen direla, milioika etorriko direla, onartu behar ditugula, haiekin nahastu behar garela eta gure nortasuna sakrifikatu behar dugula gizatasuna eta elkartasunaren izenean.

  • Urtzi Urrutikoetxea

    A ze erantzun zaparrada, eta ze tristea mezu gehienei darien xenofobia, ustezko abertzaletasunetik Trump edo Salviniren mezuak barreiatzen. Bai, mezu xenofoboak askori mingarriago zaizkigu euskaraz idazten badira.

    Baina immigrazioa hemen dago, lehen egon zen bezala, euskaldunek lehen ere kanpora jo duten legez, eta estatu independentea izanda ere hori ez da aldatuko. Estatu independente batek naziotasuna arautu lezake, hizkuntzan esaterako. Baina egun egiten diren harrera politikak ez ditu Madrilek agintzen. Euskal Herrira datozenei espainolez irakastea euskal administrazioen, udalen, GKEen, boluntarioen erabakia da. Espainiako autonomia soil izanda ere erabaki liteke euskaraz irakastea, ez dago hori debekatzen duen araurik, ez dago legerik esaten duenik etorkinei lehendabizi espainolez irakatsi behar zaiela. Areago, hobe lege bat balego, lege hori aldatzea baino ez litzateke beharko eta. Aldiz, oso barneratuta dagoen mentalitate aldaketa behar da, hizkuntza etorkinekin lantzen den lehen gauza dela, eta Euskal Herrian hizkuntza horrek euskara izan behar duela.

    Trump, Salvini, Orban, Le Pen eta enparauen mezuak asko eta gehiegi ere idatzi dira dagoeneko eztabaida honetan. Egin diezaiegun lekua bestelakoei ere.

  • beste euskaldun bat 2019-03-04 23:55

    Perspektibaz, eta oso hippie-a den arren, maitasuna eta errespetua bide bakarrak, etorkizun nahasketa global ezinbestekoan… euskaldun, askatasun indibidual eta kolektiboak aldarri zorionaren bidean…

  • Egin diezaiogun tokia Txillardegiri, ezker abertzaleko kide historiko eta Korrikak omenduko duenari (Joxean Agirrerekin elkarrizketa, Elkarrek argitaratua):

    “-Uste al duzu Euskal Herrian ere migrazio masiboak ondorio larriak utzi dituela?
    – Frankismoak emigrazioa arma politiko gisa erabili zuen, Horretan ez dago dudarik, eta ez dakit zergatik ez diren gertakari horren ondorioak sakon aztertzen. Halako beldur bat sumatu dut beti gai honi buruz hitz egin behar den bakoitzean. Emigranteek gure eskubideak onartzen dituzte ala zapaltzaileen agente bihurtzen dira.

    – Emigrazio masiborik ez balitz, gure egoera politikoa askoz ere hobea izango zela pentsatzen duzu?
    – Seguru nago horretaz. Begira lehengo batean esplikatu zidaten Tuteran ere arazo larriak dituztela Soria, Errioxa eta aberretik etorritako emigrante multzoekin. Eta han ez dute integratzeko hizkuntza arazorik izan. Nik badakit emigranteek ez dutela indibidualki horren errurik, baina fenomeno honek ondorio larriak utzi dizkio herri honi. Euskal Herria herri okupatua da alderdi askotatik, eta demofrafia aldetik ere bai. Herri bat tamaina honetaraino zapaltzen denean ez du balio demokraziaz hitz egiteak. Demokraziak oso zentzu eskasa du herri bat zapalduta dagoenean edo, gure kasuan bezala, bertakoak minorian gaudenean.”

    Trump edo Le Pen-en hitzak dira? Txillardegiri ere xenofobia leporatuko diozue españolistek egiten zioten bezala? Edo akonplejatu batzuk zarete edo zeozer okerrago.

    Gure minorizazio egoeran inmigrazioa arazo bat gehiago da eta egin behar den lehen gauza oso oinarrizkoa da. Hura ez sustatzea.

    Afrikako herrialdetako ezkerrek ere hango gazteei ez alde egiteko eskatzen diete. Hemen inmigrazioa sustatzearen alde dauden bakarrak hortatik aberasten direnak dira, esklabista berriak. Eta esklabista hauek dira dirua jartzen dutenak mendebaldeko progresiak esklabutzaren erabilerari aniztasun deitu eta iritzi publikoa alienatu dezaten.

    Egin behar den bigarren gauza, gero eta jende gehiagok aipatzen duen bezala, ume gehiago egitea da. Demografi borrokari ekiten ez badiogu gure patua iparrameriketako natiboen berdina izango da.

  • euskaldun bat 2019-03-05 07:25

    Alferrik zabiltz Igor, ikusi nahi ez duenari ikusarazten. Hauek gustora daude, oraingo honetan kaptalismoa mapatik ezabatzea lortuko dutelakoan daude itsututa euren betiko delirioak oraingoan beteko dituztelakoan. Geroz eta okerrago, hobeto. Amets egiten dute: milioi bat etorkin berri hurrengo astean Euskal Herrian, istiluak kalean, EAJ desegiten, enpresak erortzen… azkenean amets handia betetzen. “Que os jodan!” diote eurekiko. Horrelakoak dira, Igor. Ez dituzu aldatuko. Ganbaratxotik-ek esana da foro honetan: “hainbeste beldur mestizajeari!”. Gero hor goian batek idatzi du: “globalizazio nahasketa ezinbestekoa”. Globalizazioaren aurka hitz egiten dute baina berez ondo datorkie globalizazioa.

  • Beñat Castorene
    Beñat Castorene 2019-03-05 08:30

    Horrainoko errua kezkagarria da, sendimendu nazionalaren desagerpena erakutsiko bailuke autoreen baitan.
    Nola hemen imigrazioa inportanteena oraindik frantziarra den, tabu bat da eta logikoa da: izan ere gure politikariek ezin baitute frantziarren botoak konkistatu nahi izan BABan eta bestetik beraien inbasioa salatu Herrian.

  • Beste hippie bat 2019-03-05 08:46

    Perspektibaz, eta oso hippiea den arren, onartu behar dugu ezinbestekoa dela Espainia eta Frantziaren baitakoak garela. 500 urte daramatzazkigula horrela eta ez dagoela hain gaizki ere. Beraz, maitasunez eta errespetuz diot, hoberena litzateke hori onartzea eta euskal naziotasunari uko egitea. Pentsa zenbat arazo eta liskar ekarri dituen gurera, zenbat sufrimendu, zenbat hildako…. eta zertarako? Etorkizun nahasketa global ezinbestekoa datorkigu eta! Hainbeste mende erresistentzian eta sufritzen nahastutzen bukatzeko? Hobe Euskal Herriaz ahaztu, miliaka urtetan iraun duen herri honi uko egin, espainiar eta frantziar bilakatu behingoz, eta etorkizuna mestizaia eta kultura berrien inposaketa bada, onar dezagun hori ere! Gainera, eskolan euskara ikasi behar izan duten espainolez, amerikarrez, asiarrez eta afrikarrez beteriko herria Euskal Herria izaten jarraitzen du! Fermin Muguruzak esan dit behin afrikarra probatuz gero, euskalduna motz gelditzen dela. Zer argudio gehiago nahi dituzue?

  • Urtzi, ezin dira kritikak txuria beltz paradigman egin. Zuek esandakoa kritikatzen duten guztiak arrazista, Salvinizale….. Beti berdin, ezin al dira kritikak desberdindu eta batzuengandik zerbait ikasi? Benetan uste al duzu etorkinak aukera bat direla euskararentzat? Honek ez du esan nahi etorkinen arazoa ez dugula errotik hartu behar. Pentsatu apur bat, Euskal Herri aske batetan mugak irekiko bagenitu zer gertatuko litzateke aste gutxitan? Kanpotarrak errespetu osoz tratatu behar dira, baina burua zerbaitetarako dugu, erabiltzeko.
    Bukatzeko, antiarrazista peto petoa naiz.

  • Urtzi Urrutikoetxea

    Iker, hemen erabiltzen ari diren argudioetako asko, ugalkortasunetik mugak ixtera eta gure kultura/hizkuntzaren galerara, Salvinik edo Trumpek egiten dituzten oso antzekoak dira. EH askean ez ditugu mugak irekiko, mugak berez egongo dira irekita -hala espero dut-, Europan mugak zabalik dauden seinale. Eta migrazioekin irabazi duten herrialdeak asko dira, Australiatik Kanadara, subiranotasunez eta hegemoniatik arituta, jakina sekulako aukera direla euskararentzat.

  • Urtzi Urrutikoetxea

    Xakht, artikulua ez duzunez ulertu, ezabatu egingo dut zure mezua, ez baitator harira. Andaluziatik edo Gaztelatik etorri zirenentzat espainolez egiten zen beste eskualde batera iritsi ziren, Errumaniatik edo Nigeriatik datorrenak badaki beste hizkuntza bat dagoela, ez derrigor euskara, baina bai ezin dela bere etxeko hizkuntzan bizi, ahalegin extra bat behar duela, Espainiatik zetorrenak aintzat hartzen ere ez zuena. Ahalegin extra hori egiteko prest dagoena espainierara ala euskarara bideratzen dugun, gure erabakia da.

  • Urtzi Urrutikoetxea

    Beñat, uste dut guztiz desberdina dela nik aipatu dudan immigrazioa, Oñatin esaterako nagusiki afrikarrak dira, eta horien harrera nola egiten den dut aipagai. Frantziatik Lapurdiko kostaldera bizitzera datozenen kasua oso desberdina da, hizkuntzari bezainbat etxeen prezioari, gazteen aukerari eta beste hainbat faktoreri eragiten baitie. Ez dut uste neurgailu berarekin azter daitezkeenik.

  • euskaldun bat 2019-03-05 12:23

    Kontraesanez betetako testua idatzi duzu. Iritzi emaileei Trump eta Salvini deitu diezu. Xakht-en iritzia ezabatu duzu. Australian inmigrazioak sekulako nazioa sortu duela diozu, bai Kanadan eta bai Australian aborigenak erreserbetan alkoholizatuta daudenean. Badirudi beraz ZUZEUkoa zarela, iritzia ezabatzeko aukera duzunez. Zentsuratzailea gainera! Aupa hi!

  • Urtzi Urrutikoetxea

    Ba bai, aspaldi konturatu ginen teorian nahi dena esateko askatasuna zoragarria izan arren, trolleoak eztabaida toxikatu eta gain hartzen duenean, eztabaida horren moderazioa ere beharrezko dela. Zuzeu-koa izan gabe ere, artikuluaren eztabaida planteatzen duenak hori moderatzeko ardura ere badu. Edo hori, edo artikulua bera kendu eta artikuluarekin batera atzetik etorri den zaparrada erreakzionarioa. Eta berdin egingo dut gaiari EAJ vs Bildu eta antzeko planoetara urruntzen zarenean. Nahi baduzu, sortu zure kontua eta hor idatzi zure planteamenduak.

  • eukaldun bat 2019-03-05 13:10

    Zuretzat trolleoa dena, niretzat ez da eta alderantziz. Kaleko jendea gara, ez dugu tesirik idatziko hemen, horretarako Arxiv bezalako tokiak daude. Mespretxuz “Zaparrada erreakzionarioa” diozun hori, kaleko jendearen iritzia da. Artikulua idatzi ondoren gustoko iritziak soilik irakurri nahi badituzu, sortu zure poltsikotik web orrialde bat eta han nahi duzuna egin. Orri honek laguntza publikoak dituen bitartean ezin duzu nahi duzuna egin. Beñat Hach-i goraintziak!

  • Luze pasa zara jendeari arrazista deituta, Urtzi. Arazoa zerorrek eragin duzu, ez baituzu testuarekin asmatu. Adibidez: “migrazioekin irabazi duten herrialdeak asko dira, Australiatik Kanadara, subiranotasunez eta hegemoniatik arituta” . Hau da marka!
    Australia eta Kanada genozidio latzak burututako estatuak dira, beste asko bezala.
    Esan behar da, oro har migrazioa ez dela aukera bat, desgrazia bat baizik.
    Gure arbasoak ere biktima eta borrero izan dira sarri, emigratzera BEHARTUTA egon direnean. Aukera izan ohi da sarraskigileentzat eta aurretiaz joandako explotatzaileentzat.
    Emigrazioa ia sekula ez da pagotxa edo aukera, desgrazia edo bizirauteko ezinbesteko ekimena baizik. Sarrik oso ondo azaldu zuen:
    Nekez uzten du bere sorterria sustriak han dituenak.
    Nekez uzten du bere lurra zuhaitzak ez bada abaildu eta oholetan.
    Ez du niniak begia uzten ez bada erroi edo arrubioen mokoetan.
    Nekez uzten du gezalak itsasoa ez hare harriak basamortua.
    Ez du liliak udaberria uzten ez elurrak zuritasuna.
    Bere sorterria nekez uzten du sustraiak han dituenak.

  • Urtzi Urrutikoetxea

    Jone, testuarekin asmatu zein ez, xenofobia darionari xenofobo deitu behar zaio, eta ez zuritu. “Ateak itxi eta umeak egin” esaten badu norbaitek, adibidez. Trenerako billetea erosi eta kanpora bidaltzea esaten badu norbaitek, esaterako.

    Migrazioak tragedien ondorio dira, ados horretan, baina horrek ez du errealitatea ezkutatzen: tragediak egon badaude, kanpora doan asko noizbait itzultzeko asmoz abiatzen da, baina urteak badoaz, leku berrian nola-hala errotzen da (edo etxera itzultzen denean jabetzen da hura ez dela dagoeneko “etxea”), edo seme-alabek esaten diote migrazio herrikoak direla ordurako. Beraz, hasieran tragedia bat egon arren, fenomeno hori hor dago eta ez dirudi berehalakoan desagertuko denik; hori zelan kudeatu da gakoa, ez horri ateak nola itxi eztabaidatzea, gu lehen mundutik kanpo bageunde bezala.

    Ñabardura: AEBk genozidioa egin zuten jatorrizko herriekin, Australian ere gertatu zen, baina Kanadako kasua ezberdina da, egungo bazterketa-egoeratik begiratuta dena berdintzeko joera egon arren. XIX. mendera arte europar emigranteak ziren sarritan Kanadako herri indigenekin bat egiten zuena, klima gogorretan bizirauteko berme onena zirelako.

    Adibide txarrak izango ziren, baina indigenismotik erantzuten bazaio euskararen auziari, jai dugu. Etorkizuneko Euskal Herria euskalduna bada, migrazioa euskalduntzetik etorriko da.

  • Peru Gabiriko 2019-03-05 13:54

    Eta zure ustez, Urtzi, nondik hasiko gara? Otxarkoagatik, adibidez? Horko ijito ghetto a (oh barkatu, Trumpen antza hartzen ari naiz ..) “izugarrizko potentziala,” izan daiteke euskararen salbamenerako..

  • Ez nago prest, hilzorian dagoen herri bat artatzeko edukita, besteen zoritxarrak geure gain hartzeko. Beren herria utzi duten horien aurka ezer eduki gabe, lehentasuna Euskal Herriak du edozein kasutan. Ezin izan dugu 50 urtez bertan bizitako belarrimotzari euskara inposatzerik izan, eta orain etorkinak “aukera” omen. Aizu, adarra jotzera beste leku batera, ez gara eta atzo jaioak.

    Masa-inmigrazioa probokatutako fenomenoa da eta kaltea besterik ez digu ekarriko, 50-60-70 hamarkadetan Hego EHn eta azken hogei urteetan Ipar EHn ongi baieztatu ahal izan dugun bezala.

    Euskaldunok lehenengo, euskara lehenengo!

  • Kanada eta Australia estatu independienteak dira, herri natiboen genozidioaren gainean erakiak gainera, Jonek ondo azaldu duen moduan.
    Txillardegik zioen moduan, gurea bezalako herri okupatu eta minorizatu batean inmigrazioak minorizatua are minorizatuago bihurtzen du. Euskaldunok indar demografikorik eta indar politikorik izan gabe migrazioa euskaldundu ahal izango dugula pentsatzea ebidentzia guztien aurkako zentzugabekeria da.

  • euskaldun bat 2019-03-05 14:11

    Nire amonak ezetz erantzungo lizuke, ez direla Euskal Herrikoak. Eta uste dut gehienen amonak hala erantzungo luketela. Nire bizilagunak Palentziatik etorri ziren orain dela 50 urte inguru. Familia osatu eta 3 ume dituzte. Inork ez du euskaraz hitz bakar bat ikasi. Bizilagunen bilerak erderaz egiten dira eurengatik. Euskal Herrikoak al dira? Ahal banu deportatu egingo nituzke.

  • Beñat Castorene
    Benat Castorene 2019-03-05 14:13

    Aise uler dezakegunez gainera, mundu guziko etorkinek, behar gorriak eraginda, lehentsasunez ikasten dute botere dominantearen hizkuntza eta kultura.
    Horrela egin zuten Txilera joandako gure arbaso baxenabertarrek, espainola ikasi zuten ez maputxera, eta, tristea bada ere, maputxak ez zituzten estimu haunditan hartzen.

  • Hara! Badirudi Espainiar eta Frantziar kolonizazioa ez ezik kolonizazio globalista ere pairatu beharko dugula. Sasi-abertzaleek globalismoak ekarritako kultura-aniztasunari esker geroz eta sakabanatutagoa dagoen gizartea, hau da, ahulagoa den gizartea onartu behar dugula diote.

    Sasi-abertzale globalistak eta kapitalismo globalak helburu berberak dituzte:

    1) Gizartea kultura, balore, bizimodu, interes… ezberdinak dituzten pertsonekin sakabanatu (bai, justu afrikako mugak marraztu zutenean egin zutena, alegia, anabasa sortzeko etnia ezberdineko pertsonak herrialde berberan bildu).

    2) Giza-talde ezberdinen arteko interesak desberdinak direla eta, giza-taldeen artean tirabirak sortu (AEBko arrazakeria -Black Panthers, Blacks Lives Matter, KKK- edo Ekialde Ertainako gatazka erlijiosoak esaterako).

    3) Giza-taldeen arteko mesfidantzari esker indibidualismoa sustatu eta komunitate etnikoaren loturak hausten dira. Horren ondorioz, nazioak sortu zuen estatua ahultzen da eta kapitalismoa estatuaren papera berenganatzen du. Norbanakoa komunitate baten kidea izatetik ase gabeko kontsumista izatera bilakatzen da.

  • Urtzi Urrutikoetxea

    Ados, Beñat, baina Hegoaldean, mendebaldean batez ere, badira botere kuota batzuk, nahi bestekoak izan gabe ere. Mugen ardura, esaterako, estatuek dute, baina barruan direnak nola artatu, bertako erakundeek erabakitzen dute. Espainolez irakastea ez du Madrilek legez agintzen, gure borondatez egiten da. Arduraren zati handiena erakundeek dute, noski, Jaurlaritzak edo udalek -UEMAn dauden udalek ere bai-, baina baita gizarteko zibileko erakundeek eta norbanakoek ere.

    Hor sakonean, badago oso sakon errotutako eta aldatzeko oso zaila den pentsamolde bat: euskaldunekin euskaraz, euskaraz ez dakitenekin espainolez/frantsesez (nahiz eta mintzakideak espainolez/frantsesez ez jakin), nolabait munduari mintzatzeko hizkuntza hori balitz legez. Eta hor nor bere burua ahalduntzea ez da erraza, baina egin behar da.

  • Peru_Gabiriko 2019-03-05 14:24

    Hala ere, Urtziren alde zerbait esan nahiko nuke:

    Errealitatea, den bezalakoa da, ez dugu inork aukeratu, Urtzik ere ez. Aurre-aurrean daukagu. Kontua da gainera heldu zaigun errealitate gordin hori nola kudeatu behar dugun (baldin eta horretarako modurik baldin badago), aurrera egin ahal izateko.

    Eta… zer nahi duzue? Diskurtso hau ez da oraingo indijenistek zabaltzen dutena baino burugabeagoa.

    Zerbait beharko da, ipar bat, norabide bat… Zerbait

  • Urrutikoetxea jauna, inmigrazioa euskalduntzeaz hitz egiten duzu horrek Euskal Herria salbatuko duelakoan. Australia eta Kanada erabiltzen dituzu adibide gisa, tabula rasa batetik jaiotako Estatu berri modernoak eta tamaina kontinentaleko herrialdeak direlarik, hain zuzen ere, gure Estaturik gabeko nazio zahar eta txiki honen kontrako adibideak. Beste behin ere, euskal nortasuna euskararen ezagutzara murrizten duzu, arbuiatuz euskal nortasuna euskara bera baina gauza are zabalago eta sakonagoa dela. Euskal izatearen parte diren balio, idiosinkrasia, ohitura, tradizio eta bereizitasun gehienak ez dira eskolan irakasten, gurasoengandik jasotzen da, arbasoengandik. Eta gure patua, euskaraz gain, faktore etniko-kultural horietara dago loturik halabeharrez. Konkistatzaile espainiarrek nahuatl, zapotekoa, mixtekoa edo maia bera ikasi izan balute ere, horrek ez luke zibilizazio eta herri aurre-hispaniarren suntsiketa ekidingo, zeren eta euren tradizio, arraza eta sinismenak berdin-berdin izango ziren ordezkatuak, hizkuntza gora behera, hain zuzen ere, ezkertiar endofoboek horrenbeste aldarrikatzen duzuen mestizaia eta nahasketa kulturalagatik (arrazen nahasketa goraipatzea da benetako arrazismoa). Euskalduntasunaren biziraupenaren aferari ez bazaio herri honen dimentsio etnikoa kontuan hartuko duen erantzun bat ematen, konponbide guztiak izango dira okerrak, zurea barne. Akaso inmigrazio basati honen geratzea ez dago gure esku, baina gure esku dago honen aurrean hartu dezakegun jarrera herri gisa. Erabaki dezakegu klaudikatu edo ostrukarena egin geure buruak gizalegetasun faltsu batez zurituz gure herriaren etnozidioaren aurrean, edo hartu daiteke bide politikoki-ez-zuzen baina duin eta harro bat: globalistek inposaturiko kolonizazioa eta mestizajea euskaldunon arteko ugalketa eta auto-segregazioarekin erantzun, herri juduak duela 2500 urte harturiko bidean oinarrituz. Goizago ala beranduago, bide hori hartu beharko da herri gisa biziraun nahi bada. Geroz eta gehiago luzatu, hainbat eta zama, sufrimendu eta sumindura handiagoa datozen euskal belaunaldientzat.

  • euskaldun bat 2019-03-05 14:27

    Jendeak jakin dezan: mugikorretik bidaltzen ditudan mezuak ez dira agertu ere egiten ZUZEUn. Badirudi cookie bidez edo IP helbidearen bidez iragazki bat jarri dutela ni blokeatzeko. Beno… ez da gutxi, ezagutza teknikoak badituzte ZUZEUn. Baina beno… iragazki horien bidez ni automatikoki blokeatzea zaila izango zaizue. Gainean egon beharko duzue, begira, mezua ezabatzeko.

  • Le Pen, Salvini, Trump… beti aho dutenek Txina, India, Filipinak edo Herrialde musulmanak euren nortasuna sustatzen eta indartzen ari direla ahazten dute. Badirudi munduan soilik Mendebaldeko zibilizazioa mundu globalaren izenean desagerrarazi behar dela…

  • Eztabaida interesgarria. Zorionak, Urtzi.

    Gai honen inguruan badirudi bi ikuspuntu kontrajarri daudela egungo euskaldun militanteen artean (ez dakit zein portzentajetan, baina ez nintzateke ausartuko nirekin bat ez datozenei troll deitzera). Pena da, zeren hain gutxi garelarik bereziki larria izan liteke funtsezko kontu horrek eragin lezakeen talka.

    Ez dakit desadostasun hori gainditzeko modurik dagoen, puntu minimo batzuetan sikiera. Azkenean denok gara harro samarrak geure iritzietan eta zurrun-zurrunak geure jarreretan. Edonola ere, bi kontu ikusten ditut ebatzi beharrekoak, horra:

    Lehena, posible al dugu etorkinak masiboki euskalduntzea? Zein dira aukerak gaur egun?

    Bigarrena, gure esku al dago etorkinei ateak ixtea, batez ere estatuen baliabideak geure egin gabe?

  • Zentsura egon da hemen: ez bat eta ez bi, zenbat iruzkin izan dira ezabatuak? Adierazpen askatasuna!

    Garretti erantzuna: 1) Ez dugu posible etorkinak masiboki euskalduntzea. Ez dugu inposatzeko botere politikorik eta ezta baliabide materialik ere. Migrazioa euskararentzat aukera dela esatea euskaldunoi aurpegira barre egitea da. 2) Ez dago gure esku geure mugen kontrola, horretarako (oraingoz oso hurrun ikusten den) estatua beharko genuke.

  • Nik ez dut ezer etorkinen aurka, are gehio, harreman estua daukat eurekin lanean eta familian. Baina EHra etorri den immigrazio MASIBO hau (200.000pertsona) euskararentzat onuragarria da edo kaltegarria??

  • 1) Urtzik bestelako iritzia du (ikusi 8 komentario gorago).

    2) Ezin badugu ezer egin (ez bada boto ematea VOX alderdiari edo haren balizko baliokide euskaldunei), uste dut alferrekoa dela puntu honetan tematzea, ez baitugu frustrazioa eta ezinikusia besterik sortuko (non eta preseski frustrazioa eta ezinikusia sortu nahi ez dugun).

    Niri askosaz interesgarriagoa eta bideragarriagoa iruditzen zait lehen puntuaren haritik tira egitea.

  • irakurle, Urtzirentzat 2019-03-05 15:29

    Gauza bat da zuk uste duzuna eta beste bat errealitatea, gordina gainera. Kanpotar bat euskalduntzen dugunerako, 100 erdaldunduta daude. Eta euskaraz ikasteak ez du esan nahi defendatuko duenik. Nik ingeleseko C2 daukat eta horrek ez du esan nahi erabiliko dudanik eta are gutxiago defendatuko dudanik. Euskaraz hezi eta hazi behar zaituzte. Identifikatu behar zara horrekin. Eta hor familia eta lagunek eragin erabatekoa dute.

    % handi bat euskaldunta ere (demagun %20), %80a erdaldua dago. 1.000 biztanleko herri euskaldun peto batean, 10 etorkin sartzen badituzu, akaso euskaldunduko dira, ondo gainera.

    Baina Bilbo, Gasteiz, Iruñea, Donostian kontzetratzen dira gehienak, hau da, hirietan. Eta hor guzti guztiek erdara hedatzen dute.

    Zoaz Ezkerralde, Gasteiza, Iruñea, Baionara. Ikusi bertako errealitatea. Hango etorkinei, espainol edo ez, euskarak 5 axola die ia guztiei. Bai gogorra da, baina horrela da. Ukaezina da.

    Gai hau tabu bat da gure politikari eta medioen artean. Eta are gehiago Ezker Abertzalean. Beldurra diote gai honi ganoraz heltzeko, baina sakonean badakite zein den errealitatea. Ez diote aurre egin nahi, ezikusiaren egin nahi dute. Akats larria.

    Egizu gogoeta eta ikertu pixka bat. Aztertu analitikoki eta enpirikoki. Nik ez dut iritzia ematen, gaia menperatzen ez badut. Baina, sinetsidazu, hizkuntzalaritza, soziolinguistika eta demografia azterketa sinplea eginda, ondorioak oso argiak dira. Jantzia nago gaian. Baina ez zara aditu bat izan behar ondorio horietara heltzeko.

    Eskerrik asko zure bide lanagatik edonola ere Urtzi. Ez gaude zure aurka, baina ezjakintasunagatik? edo itsukeriagatik, oso oso oker zaude.

  • Nik ere euskarara erakartzen saiatzen naiz. Baina zuk, nik edo gutxiengo batek egiten duguna ez da erabakiorra. NAHIA eta ERREALITATEA ezberdindu behar dituzu.

    Gure jaiotza tasa txikia izateak ez du esan nahi DEMOGRAFIKOKI ORDEZKATUAK izan behar dugunik. Herri bezala bizirauteko borrokatu behar dugu. Ez naiz natalista, baina EH euskalduna nahi badugu, euskaltzaleok umeak eduki behar ditugu.

    Gure biztanleria txikitzen dago (ingurugiro ikuspuntutik ez da txarra), baina ERDALDUNEZ, modu masiboan, ordezkatzen badugu, euskara eta gure identitateak ez du etorkizunik.

    Ez da oso azkarra izan behar: EHra erdaldunak erakartzen baditugu, EH erdalduna izango da. (EHn dauden etorkinen ERDIA Hego Amerikakoak dira. Ta gainontzekoa, erdara, urte baten ikasten du).
    -Ze uste duzu?*?

  • errealitate zaplastada 2019-03-05 15:32

    Euskara zabaltzeko faktore asko behar dira. Aita eta ama erabat euskaraz egiten badiote umeari, euskarazko kultura eskaintzen badiozu soilik, lagun-harremana euskarazkoak eskaintzen badiozu, ikastolara bidaltzen baduzu… euskaraz egingo du. Nik umea dut eta oso ongi dakit zertaz ari naizen. Ikastolan kasu pilo ikusten ditut.

    Eta badakizu zer? Aitak edo amak, haietako BATEK SOILIK gazteleraz egiten badio, umeak gaztelera egiten du. Kasu bat azalduko dizut, oso hurbilekoa: aita erabat euskalduna eta ama Kolonbiakoa, ez euskalduna. Aitak etengabe euskaraz egiten eta umeak, aldiz, erdaraz erantzuten etengabe, papá eta mamá esaten.

    Autobus geltokiko bere adin tarteko beste 4 umeek (nirea tarteko), ordea, guraso euskaldunak dituzte eta horiek bai, ondo egiten dute.

    Eta okerrena: gainontzeko umeak gazteleraz hasten dira emakume Kolonbiarraren alaba dagoenean eta baita gurasoekin ere.

    Errealitatea aldatu daiteke aldatu daitekeenean.?

  • Josu Lavin

    Neu momentuz euscaldunec euscaldunequin euscaraz eguiteaz conformatzen naiz, ceina baita helburu bat nondic osso osso urrun baicaude oraindic ere.

  • Nola izango da posible etorkinak masiboki euskalduntzea bertako gehiengoa euskalduntzea ere ez badugu lortu!!!! Bestalde, beste era bateko etorkinak ere aipatu nahi nituzke; Donostiara adibidez espainiar gazte pila etortzen da lanera, askok lauzpabost urte egiten dute eta gero aldegin, horietako batzuk bertan gelditzen dira, bitartean barra-barra gaztelaniaz. “total urte batzutarako ez dut euskara ikasiko..” Ezagutzen ditudan beste migratzaile batzuk ere gauza bera diote, ez dakite zenbat denbora egongo diren, beraz ez da inola ere lehentasuna euskaraz ikastea. Normala da gutako askok nahi ez izatea kanpotarrak etortzea, ez gara faszistak, baizik eta atzerapausuak eta arriskuak ikusten ditugu. Euskaraz egiten nuen hainbat komertzio eta tabernetan gaztelaniaz egin behar dut etorkinak daudelako lanean; bilerak euskaraz egiten ziren hainbat eskolatan gaztelaniaz ari dira berriro guraso etorkinek hala exigituta, eta abar. Arazoak eta atzerapausuak badaude, egoera kudeatzen asmatzen ez dugun bitartean nahiago inor ez bada etortzen, edo ahalik eta jende gutxien behintzat.

  • Peru Gabiriko 2019-03-05 16:13

    Beno, ni EHko hiriburu batean bizi naiz. Kasualitatez gero ciber-lokutorio horietako batera joan behar dut, fotokopia batzuk ateratzera.
    Bertako emakumeari euskaraz egingo diot, eta ea zer gertatzen den… (kontatuko dizuet, jejeje)

    Gauzatxo batzuk egin daitezkeela uste dut, adibidez: Beraien musika (batxata, patxanga…) euskarazko letrekin atera eta tabernetan jarri, mundu guztiak dantzatzeko…

    Ijitoen diskak promozionatu, euskaraz eginak badira,… etab.

    Zer diozue?

  • Beñat Castorene
    Beñat Castorene 2019-03-05 18:50

    Oierrek arrazoi du azpimarratzea beti ahanzten duguna, hizkuntza ez dela gure funts etno-kulturalaren parte bat baizik.
    Etorkin guziak euskalduntzea lortzen baginu ere, kopuru haundian sartzen eta egoiten balire, Euskal herria ez liteke gehiago Euskal herria izan..Ez dut ulertzen nola posible den hau ez sentitzea. Arrazakeria da hau sentitzea?

    • Urtzi Urrutikoetxea

      Bai, arrazakeria da. Euskal Herria aldatu egingo da, duela 20 urtetik hona eta duela 200 urtetik hona aldatu den bezala. Zure argudioen arabera, ordukoek ere esango dute hau ez dela gehiago Euskal Herri. Bada, hemen gaude. Nahi ba, zuretzat Euskal Herria ez omen den etorkizuneko herrialde euskaldun horretan.

  • Beñat jauna: niri gauza aski argia egiten zait zuk planteaturikoa, pellokeria bat alegia. Erdi eta Hego Amerikan bizirik dirauten hizkuntza autoktono bakarrak kolonoekin mestizatu ez diren komunitate indigenek hitz egiten dute. Mestizaturiko herri guztiek galdu dute euren hizkuntza, kultura, tradizioa eta, finean, nortasuna. Nik ez dut kontrako kasurik ezagutzen. Euskaldunokin zibilizazio eta inperio handiekin gertatu ez zena gertatuko dela esaten duena, edo gezurtia da edo bere burua engainatzen ari da. “Nahitaezko” immigrazioa eta horren ondorioz etor daitekeen nahasketa etnikoa alaiki defendatzen duena da benetako arrazista, zeren nahasketa horrek arraza, etnia eta herri guztien suntsiketa aurresuposatzen du, bai etorri-berriena eta bai autoktonoena ere. Adibide kromatiko bat ezarriz, soilik marroiak izango garela zuriak, beltzak, horiak eta gorriak ziren tokian. Beraz, zer zentzu du abertzale, independentista edo euskaltzale izatea eta aldi berean Euskal Herria existituko ez den etorkizun globalizatu hori onestu eta faboratzea? Galdera hau zuzendurik doa bai jeltzaleei eta bai ezker abertzaleko lagunei, bi alderdiek defendatzen baitute kanpotarren etorrera masiboa sasi-argudio ezberdinetan babestuz, eta inor gutxik izan du potrorik afera honi aurpegiz erantzuteko, beti saihesbide eta etiketa antzuetara joaz. Pieds-Noirsak itsasora bota nahi zituzten CGTko sindikalistak bezala, banago euren aberria, kultura eta aberrikideak gorroto dituzten santujale aurpegiko makina bat euskaldun badirela gurean.

  • Arrazakeria? Inondik ere ez, Beñat. Baina Bascountryn dena alderantziz azaltzen espezialista asko eta gehiegi dauzkagu.
    Ezin dugula euskaldun elebakarrak izan? A zer zorte handia! Zorionekoak gu!
    Zaborrak jaten gaituela? Egundoko pagotxa! Erraustegi erraldoiak eraiki eta Europako herrialde aurreratuenen pare kokatuko gara energia berriztagarriak sortzen.
    Etorkinak etorri eta etorri ari zaizkigula eta ez daukagula tresnarik uholdea kudeatzeko?
    Ez dago arazorik! Euskaraz egiten saiatzen garen hamar euskalerritarretatik batek euskaraz egingo diegu lehen hitza, eta txundituta, euskaltegietan emango dute izena denek derrepente, euskaltzaleon bidelagun bilakatuta.
    Eta horrela dena.

  • Aitzol Azurtza 2019-03-05 22:19

    Urtzi Urrutikoetxeak dio: “Espainolez irakastea ez du Madrilek legez agintzen, gure borondatez egiten da.”

    Ez da egia Espainiak ez duela etorkina espainiera ikastera behartzen, etorkinak espainiar hiritartasuna eskuratu nahi badu (etorkin askoren epe-luzeko helburua), derrigorrez espainiera ikasi behar bait du (ez euskara, ez kataluniera, ezta galiziera ere).

    Espainiako konstituzioak dio espainiar hiritar orok espainieraz jakin BEHAR duela (=derrigortasuna) eta bestelako hizkuntzak (euskara, kataluniera, galiziera) eskubide direla (=hautazkoak direla, ez-derrigorrezkoak).

    Antzeko gertatzen da Frantzian, non frantsesa derrigorrezko hizkuntza den hiritartasuna lortzeko (gainontzeko hizkuntzak hautazkoak dira).

    Espainiako eta Frantziako konstituzioek espainierari eta frantsesari aitortzen dieten lehentasun absolutua isilpetzea egiari muzin egitea da.

    Euskara bere lurraldean derrigorrezkoa ez den bitartean euskararik gabe lasai asko bizi ahal izango dira espainiarrak, frantziarrak eta gainontzeko erdaldunak Euskal Herrian.

    • Urtzi Urrutikoetxea

      Aitzol, ez gelditu testuko esaldi batekin. Edo hobeto irakurri esaten dudana: “irakastea” esaten dut, ez “ikastea”. Irakastea irakasleak egiten du, bertakoak irakasten du. Etortzen denak ziur aski espainolez ikasteko motibazio handiagoa izango dute, baina ni ez naiz horri buruz ari: hemendik zer irakasten zaien, zer eskatzen dieten hemenego udalek, zer irakasten dieten elkarteek eta boluntarioek. Horiek, eurek aukeratzen dute espainolez irakastea. Hel diezaiogun gaian planteatzen denari, hemendik dagoen jarrerari.

  • Peru Gabiriko 2019-03-05 23:58

    Azurtzaren ondorioa = euskara derrigortu egin behar da, euskal lurralde guztietan mundu guztiari. Punto.

  • Peru Gabiriko, neurea ere da ondorio hori. Kontua da ezin dugula derrigortu euskara, armada bat falta dugu.

  • Peru Gabiriko 2019-03-06 00:47

    Armada bat falta dugula euskara derrigortzeko?????

    Hori duk ateraldia, hi!

    Sekula ez nian halako arrazoirik entzun!

    Horrekin seko jota utzi nauk

  • Orduan, edo oso gazte zara, edo oso onozo, Peru Gabiriko.

  • euskaldun bat 2019-03-06 09:26

    Eta azkenean atzo ciber-lokutoriokoarekin euskaraz hitz egin al zenuen, Peru Gabiriko? Apenas lo egin dudan gaur atzo ciber-lokutorioan zer gertatu ote zen jakinminez

  • Akaso Garret nostalgiaz begiratzen duzu Ignacio de Juana, Ramón Caride eta Idoia Lopez Riañotarrek osatu zuten armada “euskalduna”.

  • Nire ustez arazoa oso sinplea da; gu kolonia frantses/espainol bat besterik ez gara, bertako hizkuntza eta kultura minorizatua den espazio soziolinguistiko batean kokatuak gaude. Ondorioz, hemen, Polinesian edota Kirguistanen, kolonia batean kanpotarrrak sartzen badituzu (milaka eta milaka), hegemonikoa den hizkuntza hautatuko dute (eta gainera kontuan harturik etorkin gehienek hizkuntza hegemonikoa hitzegiten datoztela, hau da, latino jatorrikoak).
    Zein da ondorioa? argi dago nire ustez, etorkin hoiek kolonizatzailearen papera hartzen dutela. Hortaz konszienteak ez direla? Seguraski, baina tamalez kolono berriak dira
    Egoera hau bizi izan genuen 50 eta 60 hamarkadetan, eta argi dago zer gertatu zen, hizkuntzaren desagertzea espazio soziolinguistiko askotan.
    Zer egin daiteke?
    lehengo gauza, aitortu oso egoera kezkagarri batean gaudela eta azterketak zientifikoak izan behar dutela. Ezin dena da egoera kritikoki azaltzen dugunoi xenofobo edo arrazista deitzea. Ez da serioa, nik ez dut nire burua arrazista bezala ikusten, nik ikusten dudana zerbait lehen bait lehen egin behar dela. Adibidez, tontakeriak alde batera utzi, hausnarketa serio bat egin (arazoa dagoela barneratzea) eta estatu bat bezala funtzionatzen hastea.
    Nik argi daukat egoera genozida eta etnozida batean gaudela, orain dela 800 urte hasitako asimilizazio kultural baten azken prozesuan, hau da, ordezkatze prozesuan. Zergatik? Herri zapaldu eta menderatu bat garelako (arlo soziolinguistikoan beintzat). Entzun ahal duzue noizbait gure ordezkariei hausnarketa hau egiten? Barneratua daukate Urkullu edo Otegik ekonomia, ongi izatea, pentsioak, RGIa eta beste faktore bezain garrantsitsua dela ulertzea gure herria genozidio batean murgildurik gaudela? Entzun ahal dituzue bere burua euskalduntzat duten gure ordezkariei hitzegiten? Etorkinen kopurua 20% porzentaia pasatzen baduela gureak egin duela aztertu dute gure ordezkariek? edo ta hemendik 50 urtera euskaldunak azken mohikanoen egoeran egotea berdin zaie?.
    Horregaik beste iruzkin batean esaten nuen bezala, frente kultural indartsu bat eratu behar da orain edo bestela beranduegia izango da.

  • Urtzi, Benati egindako erantzunean diozu egungo EH aldatu egin dela duela 200 urteko EHrekin alderatuz, eta era berean aldatuko dela 20 urte barru. Zuk diozuna endekapena da, eta ez aldaketa. Duela 200 urte gipuzkoako gehiengo zabala euskaraz eta euskaldun moduan bizi zen. Euskalduna zen. Gaur egun gipuzkoan euskaraz bizitzen ahalegintzen garenak ez gara %30era iristen, eta gainera kultura, ohitura, balio eta bizimodu espainolizatu, moderno eta kosmopolitan murgildurik gaude. Guzti hori azken 200 urtetan pairatu dugun nahasketa eta ordezkapen etnikoaren ondorio da, beste gauzen artean, etnikoki gutxiengoa garelako orain. Hemendik 20 urtera are gutxiago eta nahastuagoak egongo gara zure inmigrazio kuttunari esker. Hala jarraitzekotan, etorkizuneko herrialde hori ez da Euskal Herria izango, are gutxiago euskaldun, eta hemen dagoen arrazista bakarra zu zara, arrazista anti-zuria. Joan beste bati ziria sartzera

  • Peru Gabiriko 2019-03-06 11:56

    NIRE ATZOKO ESPERIMENTU ENIPIKOA

    Sentitzen dut, euskaldun bat. Nire esperimentua ez zen oso ongi atera.

    Kontua da auzo honetako ciber-ean MOHAMMED HALILIren alarguna aritzen dela lanean. Melillatik etorritako jenio txarreko emakume bat. Gainera, herrena. Zapata batean takoia bestean baino lodiagoa daukana.

    Kontua da atzo fotokopiak ateratzera joan nintzenean, ume batzuk golosinak lapurtu zizkiotela, eta “kriston letxean” zegoen emakume deabruzko hau. Herrena denez, ezin izan zien atzetik korrika jarraitu umeei.

    Ni heldu nintzenean, arabieraz marmarikatzen zebilen, kristonak eta bi esaten… Ez zegoen esperimentuetarako.

    Lasai, euskaldun bat. Oraindik fotokopia gehiago atera behar ditut, eta itzuliko naiz bertara. Ea beste aldarte batean topatzen dudan.

    Gaur bazkalondoan siesta eder bat egin ezazu… 🙂

  • euskaldun bat 2019-03-06 12:41

    Joe, Peru Gabiriko! Ze pena atzokoa… eta nik loa galdu ezertarako. Dena dela, etorkinei harrera egiten dieten talde horietako bat MOHANNED HALILIrengana eta bere emaztearengana hitz egitera joaten badira euskaltegian izena emateko konbentzituko dituztela uste al duzu? Iruña Nafarroako Erresumako hiriburua dela azalduz gero eta historia azalduz gero, izena emango dute, ez? Edo galdera hauei erantzuteko hurrengo fotokopiak noiz aterako dituzun zain gelditu behar naiz, gero zure esperimentuaren emaitzen berri izateko?

  • Bentazar maitea, nola derrigortu ote dituzte espainol eta frantses hizkuntzak Euskal Herrian ez bada armaden bidez (eta hemengo eliteen konplizitatez eta txaloz)?

    ETAren komodina edozertarako zure haizatze horrek agerian uzten ditu zure argumentu eskasak, obsesio maltzurrak eta kaka nahasten ibiltzeko izaera petoa. Koinatu makala ez zara izango gero!

  • Ene Garret laztana, euskara espainolek eta frantsesek beraien hizkuntza bezala derrigortu behar dugula pentsatzen baduzu, orduan ez dago diferentziarik euskaldun eta frantses-espainol izatearen artean.
    ETAren komodinak iraungo du ETA oso erakunde jatorra, erresistentea eta euskaltzalea zela batzuek pentsatzen duzuen bitartean eta horren ondorioz horrelako engendro bat eraiki behar dela euskara inposatzearen aitzakiz. Baina jakin badakigu ETAk lehenik poliziak hil, gero ertzainak, gero kargo publikoak… En fin, erakunde hiltzaile bati beta ematea euskararen aitzakiz ez zait biderik zintzoena iruditzen.

  • Bentazar maitea, orduan erdarak inposatu daitezke EHn eta euskara ez? Horrekin jartzen zara hemen martxan den genozidioaren alde, eta zure ETA gora eta ETA behera guztien keak ezin du hori estali.

  • euskaldun bat 2019-03-06 15:57

    ETA ez zen euskararen defentsarako sortu, Bentazar. Iraultza sozialista eta horrelako kontuetarako baizik. Garrett, nik ez dut gai hori erabiliko baina maskara guztiak kenduta, zintzoki, niri norbaitek azaldu behar dit zergatik garai batean defendatzeko hiltzeko gai ginen eta orain, inmigrazioarekin dugun erasoa edukita, ez soilik ez gara defendatzen edo gutxienez inmigrazioa kritikatzen; ez, “ONGI ETORRI ERREFUXIATUAK” gainera. Eta Garrett, ondo dakizu zein esparru politikoko jendea dabilen horrela. Eta horrek min ematen du. Zer gertatu da tartean hainbesteko aldaketa gertatzeko? Baina ez hori bakarrik: lehengo inmigrazio hura ere inoiz ez da kritikatu, beti tabu izan da. Nik uste dut badakidala zein den azalpena, baina inmigrazioa babesten duzuenok azalpenaren bat eman beharko duzue, ez? Eta mesedez, niri ez etorri gizatasun kontuekin, beharrean direnei laguntza bat eta beste, zeren lehen hiltzeko gai ginen eta hain denbora gutxian ezin daiteke pertsona bat hainbeste aldatu.

  • Aitzol Azurtza 2019-03-06 17:00

    Peru Gabiriko-k dio: “Azurtzaren ondorioa = euskara derrigortu egin behar da, euskal lurralde guztietan mundu guztiari. Punto”

    Hala da, Peru, derrigortasunik gabe euskarak euskal hiztunon borondate on hutsarekin etorkizunik ez duelako. Borondatekotasun hutsak euskara desagerraraztera darama, epe laburrago edo luzeagoan.

    Espainiera Espainiako Erresuma osoaren hizkuntza ofizial bakarra da, espainiera 400 miliotik gora hiztunek darabilten arren. Frantsesa Frantziar Errepublikaren hizkuntza ofizial bakarra da, frantsesak 200 miliotik gora erabiltzaile duen arren. Hizkuntza “komunikazio tresna” soiltzat erabili nahi izanak ez du espainieraren eta frantsesaren ofizialtasun bakar eta esklusiboa azaltzen. Ofizialtasun honen atzean espainiera eta frantsesa gailentzeko eta eremu bereko beste hizkuntzak ezabatzeko nahia dago.

    Begira nola gailendu zen espainiera Ameriketan hango errepublikek independentzia lortu ondoren. Espainiar Inperioaren garaian espainiera soilik elite agintarien hizkuntza baldin bazen, gaur egun herrialde hauetako biztanle gehienen lehen hizkuntza da, ofizialtasunari eta derrigortasunari esker.

    Afrikako herrialde frankofonoetan prozesu berbera gertatzen ari da gaur egun. Frantziar Inperioaren garaian frantsesa elite kolonialaren hizkuntza zen baina egun frantsesa afrikar hizkuntzak ordezkatzen ari da lehen hizkuntza bezala, ofizialtasunari eta derrigortasunari esker.

  • Ene Garret, nik ez dut esan erdara inposatu daitezkeenik eta euskara bai, nik esan dut jokabide batek ez duela beste justifikatzen, bestela gure etsaien parekoak izango ginatekeelako eta beraz nazio diferentziarik ez litzatekeelako espainol inperalista eta euskaldu inposatzaile baten artean. Baina, noski, zuri euskara ez, inposizioa gustatzen zaizu, ikusten danez, zure kirakoei bezala. Eta euskara aitzaki da horretarako. Horrela jartzen zara ETAren 800 erahildakoen zuritzearen alde.

  • Inmigrazioa arautzea, naziotasuna erdiesteko baldintzak jartzea, globalizazio hau ezbaian jartzea…arrazismoa al da?

  • Izugarri eskertzen da eztabaida… are gehiago Urtzi zeure hausnarketa eta azalpen saiakerak, ez dizutela errez jartzen argi da… aupa hi. Troll-eo erdi serio hau adierazgarria da oso… iruzkin batzuekin flipatzen nabil… aupa zuzeu…

  • Euskaldun bat, zergatik bideratzen dituzu zure iruzkinak etengabe sozialismoa erasotzera? Aberriaren gainetik jartzen duzu kapitala, ala?
    Inmigrazio masiboa eta nazioen suntsipena KAPITALAK bultzatzen du. Globalizazioa ultrakapitalismo basatia da eta ezker progrea neoliberalismo kulturalaren parte bat.
    Inmigrazio berri hau hasi zenean ETA,bai ETA, izan zen Zutabe aldizkari batean gaia aztertu eta Euskal Herriaren nortasunarentzat mehatxu bat zela esan zuen lehen eragilea. Eta PNV eta bere orduko sozio Ezker Batuak “xenofobo” deitu zioten. Burgesia da inmigrazioaren erantzule nagusia, herria bost axola eta etekina baizik bilatzen ez duelako.
    Abertzale izatea eta kapitalistazale izatea ez da bateragarria.

  • Peru Gabiriko 2019-03-07 00:39

    Motel, motel…
    A ze pijada idatzi duzuna oraintxe bertan.
    Zu kapitalismo bastaiarekin ez duzu ezer jakin nahi??
    Ba tabernan zaudenean ez eskatu Errioxako ardorik (hori ere kapitalismo basatiaren ondorio bat baita)
    Ez edan zerbezarik, ze agian enpresa multinazional bati mesedea egiten ari zara.
    Ez edan KAS naranja, hori atzerritarren produktua da eta euskal nortasuna kolpatu dezake.

    Tabernan zaudenean URA eskatu. Ona da, merkea, eta gainera izugarri sanoa.

    Joan zaitez artzain Zuberoako etxola batetara, eta oilo batzuk hazi itzazu bertan. Nahi baduzu Pink Floyd-en diska batzuk utziko dizkizut egun osoan ez aspertzeko !!

  • euskaldun bat 2019-03-07 07:37

    “Nola?”, eskerrik asko erantzunagatik, benetan. ETAren zutabean hori agertzen bazen, ez da gutxi. Baina ez didazu azaldu zergatik orain ezker abertzaleko mundu hori (eta EAJ ere bai, baina hauek beti badaezpada bigarren lerroan eta ahopean esanez) “ongi etorri errefuxiatuak” esanez dabilen. Gauza bat da horma eraiki nahi ez izatea eta bestea ongi etorri esatea, eta ez hori bakarrik, hona ekartzeko beraien bila joatea.

  • Peru Gabiriko, zuk bai pijada eta txorrada galanta bota duzula. Ameriketako Estatu Batuak, kapitalismoaren eredu, zergatik bete zen afrikar “inmigrantez” eta da gizarte multukultural eta multiarrazialaren eredu? Kapitalak mundua Ameriketako Estatu Batu handi bat bihurtzea du xede. Ez badakizu ikasi pixkat Peru, gauzak zerbaitegatuk gertatzen dira eta.
    Euskaldun bat, ni ere pozten nau zure erantzunak eta bertan EAJk duen ardura ere aipatzeak.
    Ezker abertzaleari dagokionez argi dago egungoa eta historikoa zeharo desberdinak direla. ETAren kasua aipatu dizut, gorago Txillardegik zioena ere aipatu dute. Argalak berak Arrigorriaga (bere herria) zergatik hain erdalduna zen azaltzeko, kausa nagusienetako bat inmigrazioa zela idatzi zuen.
    Zer gertatu da? Otegi bezalako sektore progreak nagusitu direla eta gaur egun, ezkerraren parte gehiena bezala, erabat trotskizatua dagoela kapital handienaren marioneta bihurtuta.

  • Zeinek sortu du abertzaletasuna eta anti-kapitalismoaren maridaje zaputz hori? Ezker abertzaleak. Zertarako balio izan du? Gure herria mehatxuz, gogorkeriz eta odolez zipristintzeko herriko zenbait gallitok matoi itxuraz pasiatu zitezen horren kontura. Zergatik dabiltza ezker abertzaleko akolitoak matra hori errepikatzen? Abertzale radikalak bere amu horretan harrapatu nahi dituztelako. Zer sortu du ezker abertzaleak hain maite duen sozialismoak -Kuban eta Venezuelan adibidez? Miseria gorria eta estatu poliziako-militarista bat. Zer sortzen du hemen anti-kapitalismoak? Abertzaleen arteko gerra eta ez-abertzaleen abertzaletasunaren instrumentalizazioa? Zer egin behar da? Nola bezalako sasi-abertzale aurpegi-gogorren engainu ustela salatu.

  • Zer egin du hemen kapitalismoak? Langile atzerritarrak samaldan ekarri. Zer egin du PNVk? Burgesiarekin lerrokatu eta Sabino Arana eta enparauak zaborpean lurperatu. Zer egiten du PNVk Venezuekaren aurka? Inperialismo estatubatuarraren marionetarena. Abertzaletasuna herriaren aldekoa da ezinbestean. PNV kapitalaren aldekoa da, horregatik, errepikatzen dute etorkin gehiago behar direla. Patronalaren agenda inmigrazionista PNVren agenda da. Mugarik gabeko merkatuaren agenda PNVren agenda da. Siriatik Ipar-Koreara eta Venezuelatik Libiara NATOren txakurtxoarena egitea PNVren agenda da.

  • EHB eta EAJko fanboyok nazkatuta gauzkazue denoi. Utzi afera bakoitza zuon arteko mokoka bihurtzeari eta eztabaida-lekua zikintzeari. Astunak.

    Okerrena geure herriari kalte egiten dioten kontuetan denak ados zaudetela da. Horietan ez duzue batere ezberdintasunik. EH betirako desagertze bidean dago eta ez zarete inmigrazioa gisako fenomenoen gaineko analisi propioa egiteko gai

  • Erabat ados Mikelats. Bildu eta EAJ funtsean ados daude eta eztabaida hauek, duten garrantziaz hartu beharrean, lehia elektoralerako esparrua besterik ez dira horien jarraitzaileentzat.

  • Ados Mikelats eta Nola-rekin. Bentazar, bota dituztun iruzkin guztietan ez duzu inmigrazioaren eraginaren inguruko inolako baloraziorik egin, eta banago horren zergatiaren atzean besteek diotena dagoela: EAJkoei bost axola dizue euskaldunon ordezkapen etnikoak, bilduko troskoei berdin dien modu berean. Biak zarete, sakonean, kintakolumnista batzuk. Ni zuria naiz, baino askoz hobeto ulertzen naiz Nola moduko gorri abertzaleekin edozein jeltzale liberal globalistekin baino.

  • Ene Oier, nire iritzia emango dizut: lehen lehenik euskaldunok gure burua farfailla maximalista orotik libratu behar dugu. Euskaldunok elkartu eta eratu behar dugu arazo honen inguruan. Nire lehen proposamena: Katalunian egin bezala, hemen hizkuntza murgiltze adarrak sortu beharko lirateke non eta etorkinen seme-alabek euskara soilik ikasi beharko lukete, zenbait asignatura tekinikoekin batera gazteleraz. Lehenengo gauza gure hizkuntza ikasi dezatela. Bigarren, etorkinen gurasoei (eta ez etorkinenena ere) euskararen aldeko input positibo bat eduki dezatela exigitu behar zaie. Nire azken berria honi buruz. Neskatxa bat, 18 urte, ekuatoriarra, euskara ikasi zuen ederki ederki Gipuzkoako herri batean, Donostira etorri eta euskaraz hitzegiten hasi zen bere institutoan eta ikasle batek esan zion: “zergatik hitzegiten duzu euskaraz?”. Eta klasekideei galdetu zien: “zeintzuk daude euskara hiltzearen alde”. Guztiek besoa altxa zuten. Horrelako egoeren berri zuzena eduki behar da eta behar den bezala interbenitu behar da. Nola bezalako marxista-leninistek beren hizkuntza politikoa erabat adaptatua dute zu bezalakoen belarrietan tilin egiteko, Oier. Eta kintakolumnista izango da alternatiba eraikitzailerik eta adostasun jartzailerik planteatu ezean besteak etsaien zakuan sartzen dituena. Bukatzeko: borroka antikapitalista eta abertzaletasuna ezin daitezke batera jarri. Hori anatema izan beharko litzateke edozein abertzalearentzat.

  • Ganbaratxotik 2019-03-07 13:19

    Alfer alferrik. Alferrik itsasoari hesiak jartzea (are gehiago klima aldaletarekin). Alferrik eztabaida baikor eta eraikitzailea beldurrak itsutzen duenarekin. Alferrik baikor izan bere izaera mestizoa ukatzen duenarekin. Alferrik gitxiengoak eta ahulak jo puntuan jartzen dituenarekin herria eraikitzerik. Erronka berrien aurrean errezkeritik ihes egiten dutenekin alferrik gabiltza. Alferrik zabiltza Urtzi arrazoitzen espainol eta frantsez mentalitatearekin euskeraz gorrotoz dabiltzatenekin. Alferrik ikusi nahi ez bada bistakoa dena: euskera hizkuntza nahasia dela. Gure hitzen %80a maileguak direla. Euskaldunak ukabila eta esku irekia une historiko bakoitzean egoki erabiltzen jakin duelako dirauela egun.
    Hala ere, estimatzen da zure ahalegina. Segi holaxe.

  • euskaldun bat 2019-03-07 14:34

    “Nola?”, estimatzen dut eman didazun azken azalpena baina arazo bat daukat, inmigrazioaz nire ikuspuntu antzekoa duzula, beraz, ez didala ezer aportatzen. “ONGI ETORRI ERREFUXIATUAK” dioten horien iritzia jakin nahi dut eta oker ez banago, pertsona hori topatu dudala uste dut: Ganbaratxotik. Beraz, Ganbaratxotik-i nire goiko galdera. Errazago jarriko dizut eta hemen idatziko dizut berriro:

    “… niri norbaitek azaldu behar dit zergatik garai batean defendatzeko hiltzeko gai ginen eta orain, inmigrazioarekin dugun erasoa edukita, ez soilik ez gara defendatzen edo gutxienez inmigrazioa kritikatzen; ez, “ONGI ETORRI ERREFUXIATUAK” gainera. Eta Ganbaratxotik, ondo dakizu zein esparru politikoko jendea dabilen horrela. Eta horrek min ematen du. Zer gertatu da tartean hainbesteko aldaketa gertatzeko? Baina ez hori bakarrik: lehengo inmigrazio hura ere inoiz ez da kritikatu, beti tabu izan da. Nik uste dut badakidala zein den azalpena, baina inmigrazioa babesten duzuenok azalpenaren bat eman beharko duzue, ez? Eta mesedez, niri ez etorri gizatasun kontuekin, beharrean direnei laguntza bat eta beste, zeren lehen hiltzeko gai ginen eta hain denbora gutxian ezin daiteke pertsona bat hainbeste aldatu.”

  • Bentazar jauna, eskertzen da zure erantzuna. Ados euskaldunok arazo honen inguruan batu eta ados jarri behar garela, zaila izango bada ere. Ongi ikusten dut ere etorkinak euskalduntzea, baina ez jendeak oro har ideia horren oinarrian duen “konstruktibismo kulturalaren” perspektiba. Ikuspegi horrek errealitate etnikoen dimentsioa ukatzen du, banakoaren arbasoek, familiak eta komunitateak hizkuntzaren erabilpenean duen erabakigarritasuna arbuiatzen du eta euskal nortasuna euskararen ezagutza hutsera murrizten du. Jakin badakit zu nahikoa azkarra zarela hortaz jabetzeko. Alta, 18 urteko ekuatoriarra euskaradun egin bada, horren kausa da gipuzkoako herrixka horretan jatorrizko euskaldunen komunitate bat zegoela, eta horren baitan hezi dela bera. Beraz, edozein etorkin zinez euskaldundu dadin, aurrebaldintza nahitaezkoa da pisuzko euskal nukleo etniko bat egotea, euskal komunitate horrekin bizi eta harremandu ahala euskaldunduko delarik kanpotarra. Kanpotarrak lagundu eta euskaraz irakasteko ekimen, proposamen eta dirulaguntza asko ikusten ditut Bildu eta EAJren kontrolpeko administrazioetan, baina ez dut inondik ikusten euskal etnia berrindartzeko ekimen, proposamen eta dirulaguntzarik, ez euskaldunon demografia indartze bidean, ez euskal etniakoon arteko harreman eta lotura sozio-ekonomikoak sustatze-bidean, ez eta gure kontzientzia etno-nazional propioa garatze-bidean. Aldiz, asko dira irakurri ditudan iruzkinak bertokoon jarrerak salatuz eta kanpotarrenak lausengatuz, zuk egin duzun moduan (arrazoiarekin edo gabe). Ez dakit, niri jarrera hori ez zait batere osasuntsua iruditzen bizi nahi duen herri bateko sektore abertzale batean, eta banago progreen propio den auto-mespretxu jarrera horrek uxatu egiten dituela gure gaztetxoak erdalduntasunera. Euskaldunok gure arbasoen sen ona mantendu izan bagenu, ez ginateke kanpotarrekin mestizatuko, ez ginateke kultura arrotz eta modernoetara horrenbeste irekiko, ez ginateke gizon eta emakumeen arteko liskarretan murgilduko, eta, aldiz, gure nortasun txiki baino handiaz harro egongo ginake, gure artean ezkondu eta seme-alabak izango genituzke, gure artean lagundu eta harremanduko ginateke bai lanean eta bai egunerokoan, gure administrazio eta botere-egitura autonomoen bitartez antolatuko ginateke… eta guzti hori kanpotarrak gizalegez eta errespetuz tratatzeari utzi gabe. Horren beharrean, ganbaratxo bezalako negartiak jasan behar, inoiz inon argudio sendorik bota ez eta gainontzekoei arrazoi-falta leporatzen. Benetan eztabaidan sartzeko potro uzkurtu eta txikiegiekin. Etzaitez beraiek bezala izan Bentazar, utzi itzazu progrekeriak alde batera Bentazar, hori baita euskaldunon benetako anatema.

  • Patxi Azparren

    Behin irakurri nuen Bruselara bizitzera joaten diren etorkinetatik 10tik 9k aukeratzen dutela frantsesa euren seme-alaben hezkuntzarako. Gertaera horrek desorekatu du flandiar hiztun eta frantses hiztunen arteko proportzioa. Euskal Herrian, berriz, egoera ezberdina da. Ez naiz inozoa , hemen ere, ziurasko (oraingoz) etorrik berrien %90k frantsesa ala gaztelera aukeratuko dute “gizarteratzeko”, aldiz, horietako asko eta asko, gehienek, eskualde askotan D ereduan matrikulatzen dituzte euren haurrak. Horrek Bruselako egoeratik aldentzen gaitu, errotik.
    Egoera berriak erronka berriak sortu ditu eta ez dira makalak, baina nik nahiago dut Urtzik hartu duen xedetik aurre egitea horri.
    Egoera berri honi ganoraz eta indartsu erantzun ahal izateko Euskal Estatu baten babesa behar dugu. Handitzen ari den eta handiko den aniztasun horretan euskara izan ahal dadin jatorri ezberdinekoen arteko zubia, komuneko hizkuntza eta hizkuntz hegemonikoa.
    Bistan da, erabileraren tasa %12ren bueltan egonda urrun dugu hegemonia; aldiz, hegemonia berreskuratzea euskalgintza osoaren helburua izan behar delakoan nago.

  • Ene Oier, nik kasu bat adierazi dizut, eta ez kanpokoa ederresteko eta hemengoa gutxiesteko, baizik eta esateko etorkinekin dugun arazoa gure artean bideratu behar dugun arazoaren ondorioa dela: Donosti batean gazteek horrelako postura hartzen badute izango da euskaldun ala erdi-euskaldunen familietan euskararen aldeko input gabezi falta handia dagoelako. Hau da, gure artean bideratu behar duguna. Nola euskarari eman garai batean (nire gazte garaian adibidez) zuen telurika eta erakargarritasun kulturala? Hori ez da lortuko Azparren jaunak dioen “estatua”ren bitartez (ezker abertzaleko jende hauek beti koertzibilitate subjetu baten bila dabiltza) baizik eta euskara eta euskal kultura distira-araziz Francoren ondoren distiratzen zen bezala, baita euskaldun ez ziren baskoentzat ere. Gure arbasoen izpiritua berreskuratu behar da eta izpiritua alkartasuna eta anaitasunaren bitartez piztu daiteke. Euskal demografiak noski duela arazo larri hori: euskaldunok promozio sozialean gora jo dugun heinean famili loturak uxatzen hasi gara. Noski, euskal erradikal eta abertzaletasun petoenaren gailurra hartzen bada ezker abertzale eta bere ezker muturreko hereseen ideologia (familiaren kontrakoa, gizonaren kontrakoa, komunitate organikoen kontrakoa, gure zaharren kontrakoa) hori gertatzen da, euskaldunok (horrelako asko ezagunak ditut) munduko tiporik modernilloenak garela eta horrek antzutasun nazionalera garamatzala. Ni ez naiz jeltzale globalista baizik eta huts hutsik lokalista.

  • Bide hortatik bada, ziur topo egingo dugula ene Bentazar

  • Patxi Azparren, normala da etorkinek Bruselasen 10tik 9k frantsesa hautatzea, neerlanderra populazioaren %7k hitz egiten baitu, Bruselas jatorriz flandriarra izan arren, gaur egun erabat frantsestuta dagoen hiria da.

    Bestetik, D ereduan ikasteak ez du esan nahi euskaldundu edo euskara bertoko jendearekin komunikatzeko erabiliko duten hizkuntza izango denik, horrek bizi diren inguru linguistikoak baldintzatuko du. Gainera askok haien gurasoak egin zuten bezala eta joandako lekuarekin lotura handirik ez dutenez aukera badute bizitokiz aldatzeko prest egongo dira, hemengo norbait baino erabakitasun handiagoarekin bederen. Beraz, haiek euskara denboragaltze bat dela pentsatuko duten lehenak izango dira (batez ere eremu erdaldunean bizi badira).

    Inguruak ematen dio hizkuntzari honek duen garrantzia eta ez D ereduak. Edo ez al dute Ondarroan bizi diren afrikarrek ikastolara joan barik euskara (bertoko hizkera) ikasi? Gauza bera esan dezakegu eremu erdaldunean D ereduan ikasi eta euskara erabiltzeko zailtasun ugari dituen jendeari buruz. Beraz, euskararen lehen erronka honen inguru linguistikoa (herria, auzoa, eskualdea, lantegia…) sendotzea litzateke.

  • Patxi Azparren

    Azkeneko paragrafoarekin erabat ados, Oier.

    Bestalde, D eredua erakargarri bilakatu da, hainbat arrazoi dela medio. Arrazoi horietako batzuk ez ditugu atsegin izango, baina egoera horrek sortzen dituen aukerak erabili behar ditugu.

    Hainbat eta hainbat egoera komunikatibo sortu dira dagoeneko eta berriak sortuko dira aurki. Egoera komunikatiboan zein nortasun kolektiboak. Gure lana nortasun kolektibo horietako erakargarriena euskaldungoa izatea da eta euskalduntasun horri ezaugarri juridikoa ematea.

  • Sortzen ari diren “nortasun kolektibo berriak” erdaldunak dira gehientsuenak, españolak eta frantsesak. Gure lanaz ari zarenean euskalgintzaz ari zara?
    Hainbeste urteren ostean euskalgintza ez da jabetu bere ezdeustasunaz?
    Eragileak alderdiak, sindikatuak, ,lan mundua, hedabideak… horiek eta beste beste batzuk dira.
    Euskalgintza ez da ezer horien aldean. Ganoraz eta independentziaz antolatuko balitz, presio egin diezaieke boterea dutenei, baina egungo egonhortasunean, kaka.

  • Aitzol Azurtza 2019-03-08 02:41

    PatxinAzparren-ek dio: “Gure lana nortasun kolektibo horietako erakargarriena euskaldungoa izatea da”

    Errealismo maila handiagoa izan behar genuke euskara sustatzeko neurriak aipatzean.

    Mundu honetako jende gehienak hizkuntzak beharraren beharrez ikasten ditu, ez hizkuntzaren bertute linguistiko-artistikoengatik, ezta hiztun elkartearen erakargarritasun hutsagatik ere.

    Hizkuntza lana eta bizimodu hobea ziurtatzeko tresna baldin bada jendeak hizkuntza ikasteko eta bereganatzeko ahalegina egingo du diruz eta denboraz. Hizkuntzak bizimodua hobetzeko edo ogia ziurtatzeko balio ez badu, inork ez du ahaleginik egingo hizkuntza hori ikasteko. Hau nonahi gertatzen da, Euskal Herrian ere bai.

    Gure agintariak zozokeriatan ari dira “euskara erakargarri egiteagatik” hiztun berriak erakarriko ditugula uste badute. Beren buruari eta beren zergapekoenei iruzur egiten ari zaiete, borondatekotasunean oinarritutako ahalegin hauek guztiak hutsalak eta antzuak direlako.

    Hizkuntza erakargarri egiten duena bere praktikotasuna da (ogibidea ziurtatzeko balio duen ala ez) eta horretarako hizkuntzak ofiziala eta derrigorrezkoa izan behar du.

  • euskaldun bat 2019-03-08 06:40

    Beno, Ganbaratxorik-ek ez dit erantzuten eta beste inork ere ez. Alegia, “ONGI ETORRI ERREFUXIATUAK!” dioen horietako batek nire azken galderari erantzutea nahi dut baina badirudi foro honetan ez dagoela hori dioen inor. Eta badira eh! Irunen lema horren pean egin zuten manifan 5000 lagun elkartu ziren baina dirudienez ez dira ZUZEUlariak.

  • Urtzi Urrutikoetxeari galdera zehatza 2019-03-08 09:55

    Urtzi Urrutikoetxeari jaun hori:

    Galdera oso erraza egin nahi dizugu eta zera da: *Euskal Herrian beste 100.000 erdaldun gehiago sartzen baditugu (berdin dio nongoak edo zein arrazakoak) hurrengo 10 urteotan, Euskal Herria erdaldunago edo euskaldunago izango da?*

    Uste dut erantzuna oso argia dela. Baina zure erantzun zintzoa eta errealista nahiko genuke. Inolako baldintza, dogma, ideologia, nahi edo desio tartean ez dagoelarik. Aukera oso erraza da: Euskaldunago edo erdaldunago?

    Mila esker.
    Euskaltzale kezkatu bat.

  • Gehienok ulertzen dugu etorkinen egoera eta gurera integratzen lagundu nahi diegu. Neuk egoera partikular arrakastatsuak ezagutzen ditut, baina guztiak baldintza jakin batzuetan izan dira: kopuru txikitan etorriak eta herri txiki euskaldunetan egonkortutakoak. Bestelako egoera batean ibili direnak, hiruzpalau urtero tokiz aldatzen, hiri erdaldunetan bizi direnak.. hauen kasuan ez dira euskalduntzen, seme-alabek nolabaiteko euskararen ezagutza lortzen dute (edo ez), baina ez euskaldundu (euskaraz bizi eta euskaldun sentitu). Ezer egin gabe, asmo onetan itsututa, errealitatean interbenitu gabe, argi dago migranteak etortzea euskaldunon kalterako dela. Etorkinik gabe ere izugarrizko zailtasunak ditugu bizirauteko. BERTAKOAK ERE EUSKALDUNDU EZINIK GABILTZA, HAU DA ERREALITATEA JAUN_ANDREOK! Euskalduntasuna sustatzeko programak sortzen egon beharko genuke; euskalduntze programa sendo eta efektiboak hemen bizi nahi duen ororentzat, bertan jaiotako zein etorkin. Bitartean beste guztia pajeo hutsa.

  • Patxi Azparren

    Noski Aitzol, euskera erakargarria izateko bidetako bat lan esparrua da. Txillardegik zioen moduan ” hizkuntza bat ez bada beharrezkoa bere lurraldean, jai du”.

  • Euskara erakargarri egiteko, lehenik menpekotasunetik eta borondatekeriatik irten, eta ardurak dituztenei gure eskubideak exijitzen hasi beharko dugu, bestela jai. Nola eragingo dugu bestela lan munduan edota beste edozein mundutan?

  • Ganbaratxotik 2019-03-11 22:12

    Basque Chilldren’s Committe (BCC) 1937
    Britania Handiko eskuindar gehienak euskal errefuxiatuak hartzearen kontra zeuden orduan ere. Orduan ere, gobernuaren baimen baina laguntzarik gabe herritar xumeek beraien sos-ekin egin zieten ongietorria erregimen xenofobo, antieuskaldun eta faxistak eragindako gerratik ihesi zihoazen ume euskaldunei. Ez al zaigu berriro babes bila joan beharra tokatuko….

  • euskaldun bat 2019-03-11 23:20

    Ganbaratxotik, hain aspergarria zara, jada maite zaitudala. Erresuma Batuan ez dute guk euskararekin dugun bezalako ahuldaderik, Espainiak ere ez, Alemaniak ere ez. Estatu horietan 100.000 errefuxiatu hartzen dituzu eta txintxo-txintxo zure hizkuntza ikasten dute gutxienez. Euskal Herrian 100.000 errefuxiatu hartzen dituzu eta sekulako triskantza egiten dute, elefante batek baratza koxkor batean egin dezakeena bezalakoa. “Eta euskara ikasiko du tu abuelak” esango dizute, tururu ikasiko dute. Ulertzen duzu aldea? Euskal Herrian 100.000 errefuxiatu ha?tzea Alemanian 20 milioi hartzea bezala litzateke. Proposatu 20 milioi hartzeko alemaniarrei, ea zer erantzuten dizuten. Baina gu ez… nik ez dakit zer gertatu zaigun baina hain denbora gutxian transformazio bat gertatu zaigu, ni jada galduta nagoela: atzo arte hiltzeko gai ginen defendatzeko eta orain berriz hau…

  • Ganbaratxotik 2019-03-12 12:10

    Itsasoan hiltzen utzi behar dira beraz. Hori ez baita erahiltzea. Naturak egingo digu lan zikina eta kitto. Bejondeizula. Nork esan eta non jartzen du 100.000 lagun jaso behar ditugunik? Bretania Handiko HERRITARREK 4000 haurreri egin zieten ongietorria. Euskeraz baino ez zekiten haietako askok. Gerratik ihesi datozen eta gehienetan pasoan zein itzultzeko asmotan datozenak ezin ditugula artatu? Urtero saharako polisarioko umeak jaso eta euskeraz ederki eginaz bueltatzen dira inolako arazorik sortu gabe. Are gehiago bertako umeak kontzientziatu.ere egiten dira norbere hizkuntza eta indentitatea defendatzearen garrantziaz haiekin izandako elkarbizitzan. Elkartasunak indartu egingo gaitu herri bezela, trinkotu eta hizluntz aniztasun mosaikoa gero eta handiagoan, euskerak irabaztearekin batera, erdera kolonizatzaileek galdu

  • Suedian bizi diren, Bosnia eta Yemengo bi errefuxiatuen arteko elkarrizketa mamitxua jartzen dut hemen.
    Oso interesgarria iruditu zait ahoan bilorik gabe hitz egiten baitute beren esperientziaz (bai beren herrialdeari buruz, Suediari buruz eta baita txakurtxistuei buruz ere).

    https://www.youtube.com/watch?v=yr08NVA0m6g

  • euskaldun bat 2019-03-12 22:52

    Ganbaratxotik, beraz etorkinekiko zure jarrera errukiak eta laguntzeko borondate hutsak markatzen du, beste ezer gehiago gabe. Hala dela esaten badidazu ere ez dizut sinesten. Zuk edo zuek jakingo duzue zer agenda ezkutatzen den jarrera horren atzean. Beti jakin nahi izan dut zuen bene-benetako arrazoia zein den baina ez da erraza. Nirea badakizu, ezkutuan ez dago ezer. Eta 100.000 diren edo ez, nik ez dut eztabaidatzen jarraituko, milioi bat esanda ere eztabaidatzen jarraituko genukeelako. Aniztasunaren goratzarre egiten duzu baina Merkelek aspaldi esan zuen aniztasun kulturalak huts egin zuela, eta hori alemaniarrek esaten dute… zer esan ote dezakegu euskaldunok, baina ez, zuek ez. Norbaiti entzun nion ezkerra eta eskuinaren garaia pasa dela eta orain globalizazioaren aldekoen eta kontrakoen garaia datorrela. Eta hala saldu nahi diguten arren globalizazioa ez da nahitaezko etorkizuna. Ni aurka nago eta ez dut zalantzarik globalizazioak komunismoaren bide bera eraman behar duela, antinaturala delako besterik gabe. Ondo izan.

  • ganbaratxotik 2019-03-13 11:37

    Ni ere globalizazioaren aurka nago. Zerbaitetan bat egiten dugu. Herriak eta pertsonak zapaltzen dituena. Beldurra zabaltzen duena. Planeta xukatzen duena. Hizkuntza txikiak ezabatzen dituena. Jendea landa eremuetatik expultsatu eta hiri metropolietara eramaten dituena gero Europara etortzea beste aukerarik eduki ez dezaten. Dumping-a egiten duena Afrikako herrialdeetan Europan subentzionatutako elikagai merkeekin hango nekazaritza desagertaraziz. Kontsumismoa sustatzen duena. Hazkundea mugagabea dela sinestarazi nahi diena gure umeei jakinik baliabideak mugatuak direla. Herritarrak anestesiatu eta politikatik urrutiratu nahi dituena. Sare sozialetan troleo jasaezinarekin jendea nazkatu eta politikari profesional (gerenteen esku) eta eliteen esku utzi nahi dituena……Badira makina bat eta gehiago arrazoi globalizazioaren aurka egoteko.

    Lasai egon zaitezke. Ez nago inolako konspirazio boltxebikeren baitan Euskal Herria suntsitu nahian. Sinistuta nago gehienok ez gaudela horretan. Guztiz kontrakoa Euskal Herri euskaldun eta aske baten alde egitea baino ez dut obsesio, Euskera baino ez nekiela 14 urterarte, nola ba? Ez dut inola ere alderatuko sekula globalizazio horrek bere herrian sustraiak dituen hori (siriarra, palestinarra, Venezuelarra,…) kanporatu dituena eta Txillardegik bere garaian aipatutako berariaz frankismoak Espainiako landa eremuetatik Euskal Herria erdalduntzeko bidalitako jende behart(s)ua. Are gutxiago iruditzen zait bidezkoa itsasoan hiltzen uzten ditugun horiek eta Carrero Blanco-tik hasi eta gaur arte Euskal Herria zapaltzea beste helbururik eduki ez dutenak konparatzea. Denak hildakoak noski. Denak erahilak. Baina neretzat behintzat ez dira denak berdinak. Ni ere argia izango nauzu.
    Izan ondo, zu ere.

  • Juxtu honegatik daude betiko komunikabideak, egunkariak eta kazetariak dauden egoera tamalgarrian, inork iada ez dizue ezer sinisten.
    Artikulu hau adibide bikaina da,guri, oztadarrez betetako “imagine” estiloko ametsetako mundu bikain bat saldu nahi diguzue, baina tamalez, etxetik kalera irteten garenean benetako errealitatea ikusten dugu, eta ez du iruzkin hauen edo stablishmentaren telebistetan agertzen denarekin zerikusirik.
    Inmigrante asko ezagutzen ditut (zuek denok bezalaxe), afrikarrak, ekialde hurbilekoak, asiar batzuk, latindarrak eta hara, denek dakite espainola, eta denak hasieran 15 egun AEK ra joan badira ere ez dakite euskara ezta ikasteko intentziorik ere, azkenengoz 25 urte inguruko hemen hezitako gazte asiar baten ahotik entzun behar izan dut “hablame español …tio”, Eta inmigrantez beteriko lurranlde honetan, ia egunero inmigranteekin hitzegin behar eta beti haurretik galdetzen diot edonori “ba al dakizu euskaraz?”. Bi,2,TWO,duo, bakarrik ezagutzen ditut euskaraz komunikatzeko kapazak direnak, neska latindar bat, eta 50 urte hemen daramatzan tipo beltz bat.
    Beno, denok dakigu zertaz ari naizen, denok ikusi dezakegu egunero beste batzuek onartu nahi ezpadute ere.

    Egia esan elite globalistak oso ondo lan egin du “Europako lege ezberdinak suntsitzeko kultura ezberdinak suntsitu behar dira” diotenean, arazoa da bertakook geure gain hartzen dugunean geure suntsiketa. Batzuek, ikastolekin bezela,herrikoekin edo beste hainbat gauzekin hemendik 10 urtera esango dute “ia…..kagada izan zen baina orduan ezin genuen jakin” edo “inork ezin zuen jakin orduan”…..hala goaz goazen bidetik, eta gazteak azkar ikasi dute “salvese quien pueda” dela etorkizuna,ideologia kolektibista arrotzen suntsitutako herri bat.
    EZKERRA,GAUR ZUEK ZARETE STABLISHMENT A.

  • Manipulazio ariketa gaiztoa zurea, Urtzi Urrutikoetxea jauna.
    Hedabide bateko zutabegile izateak ematen dizun abantailaz baliatuta, ondoko zitalkeria idatzi duzu, zuzeun jaso zenuen kritika zaparradari mendekuz-edo:
    “Ordezkapen handia da (Zelanda Berriko) hiltzaileak idatzitako dokumentuaren
    izenburua. Frantziatik mundura zabaldu den teoria arrazista (eta antifeminista, detaile garrantzitsua) era arriskutsuan ari da errotzen. Berriki Zuzeu-n idatzi nuen artikulu batek 119 erantzun izan ditu. Anonimoak gehienak, xenofoboak ia guztiak, euskaraz denak”
    Ez du eztabaidarik ere merezi. Zeuk adierazi bezala, Trollak ez dira elikatu behar.

  • Joxe Iriarte Bikila

    Harri eta zur halako zaborra xenofoboa irakurtzearekin. Urtzik bezala oso gutxik arduratu da Euskal herria munduan kokatzeko eta alderantziz ere. Ezin ahaztu, Euskaldunak (batzuk jakina, baina ez gutxi) XIX eta XX mendean alde egin behar izan zutenak ogi bila. 36. ondoren milaka babes bila. 60tik aurrera errepresiotik ihes egiteko (ni neu ere). Eta azken urtaten lan bila (gure seme alabak). Denok ados neoliberalismoeta egungo europear batasuna (Eta Espainian estatuarenak )kalte egiten diguna, baina horren erantzule (kausa baizk) ez dira etorkinak. Hots: gure “enpresa eta erakundeek” ere baduzte zer ikusterik bere inperialismo ekonomikoekin. Jakina: etorkin uholdeak bere dira arriskutsuak, batez ere, etorkinentzak. Dean den, une honetan ez dago uholderik, oso gezurra da. Nola erantzun horri? Horri hautan irakurri dugun xenofobi utstel horrekin, edo arazoari aurrre eginez oportunitatea bihurtuz?. Nola, poltika sozial, lingustiko iklusiboekin. Bestela
    jai. Konzentrazio eremuak, kanporatzeak, edo faxismo euskaldun bat? Sozialismoa eta independentzia (herri europear libreen arteko konfederazio bati atxikia) edo jai.

  • Iruzkin guztiak ez dira xenofoboak izan, ezta hurrik eman ere. Iruzkinen bat egin dugun zenbaitek artikulua kritikatu dugu proposamen sinplista egiten duelako.
    Ez guztiak sartu zaku berean, Bikila. Eta inor iraindu aurretik, irakurri mesedez.
    Esan gabe doa, berrian Urtzik idatzi duen zutabea negargarria da. Manikeismo merkea.

  • Joxe Iriarte Bikila

    Nik ez dut, inondik inora iruzkin GUZTIAK xenofoboak izan direla. Esan dut, harri eta zur geratu naizela hainbest zaborra irakurtzen. Gurea bezalako herri txiki bat, izugarrizko arazoan ditu egungo gizarte neoliberalean eta gainera estatu espainola (eta frantsesan) kokaturik. Eta heeri bezela irauteko eta gainera emantzipatzeko, kapitalismo pratriarkalatik, kolonizazio kulturralagatik, eta gure eremu nataural- geografikoaren susntsiketagatik asakatu beharko gara. Beraz, erantzun simpleak ezin eman. Baina, utopiazaleok askotan sinplekerian erortzen geralako salatuak izan garen arren . Bada, xinpleenak distopiak adierazten dute: alegia etorkinak kanpora edo gheetan eta dena konponduta.
    Hori da VOX eta Lepenen mezuiren oinarria. Euskal VOX hegemoniko bat sortuko balitz, nahiago emigratu. Edo klandestinitatera pasa.

  • Aizu Bikila, hemen inork ez du esan, nik dakidala, etorkinak kanporatu edo ghetoetan sartu behar direnik. Hemen esaten dena da inmigrazioa, fenómeno gisa, arazo bat dela herri euskaldunaren biziraupenerako. Izan ere, kolonizazioa eta herrien arteko nahasketak beti izan dira boterearen tresna herrien etnozidioak aurrera eramateko orduan, bai Armenian, bai Saharan eta baita Euskal Herrian ere. Ni ere aspertuta nago zu eta bertze askok etengabe jaurtitzen duzuen zabor troskistaz eta feministaz, gauza astuna eta nekagarria zuena delako herri txiki hontako hegemonia sozial, kulturala eta mediatikoa. Baina nik ez daukat, zorionez, zure azal leuna, eta gai naiz nire kordakoak ez diren ikuspuntuekin elkarbizitzeko. Ea zuk ere ezkerrak horrenbeste predikatzen duen adierazpen askatasuna, tolerantzia eta errespetu apur bat erakusten duzun. Animo.

  • euskaldun bat 2019-03-18 11:29

    Pertsona eroek ere izaten dituzte arrazoizko egiak eta Zelanda Berriko honek ere bota zuen egi bat, hala esan omen zuen atentatua egin aurretik egitera zioanaz: behingoagatik pertsona bati zuzen deituko diote faxista. Ez da egi makala! Garai batean indeseable guztiak komunistak ziren, orain faxistak. Islamistek atentatua egiten dutenean errua mendebaldeko gizarteei botatzen diezue. Mendebaldeko pertsona batek atentatua egitean ere, errua mendebaldeko gizarteari botatzen diozue. Urtzi honek, Berriako artikuluarekin bere burua definitu du. Beste gauzen artean Justin Trudeau eta Zelanda Berriko lehen ministra goraipatzen ditu. Justin Trudeau hau orain dela gutxi zen eskimalei barkamen eske belaunikatuta eta guzti, valiente hipocrita! Establishmentaren panpintxo bat da tipo hori. Zelanda Berrikoa berriz, musulmanen beloarekin.agertu da ondorengo egunetan, hara establishmentaren beste panpintxo bat. Urtzik dioenez, bere umeei maorieraz hitz egiteko eskatzen omen dietela eta bla, bla, bla… 60.000 hiztun direnean, jada zer eginik ez dagoenean, orduan gara pertsona onak, Zelanda Berriko kartzeletan alde handiz Maoriak daudenean eta delinkuentzia besterik ez dutenean. Zorte pixka batekin etorkizunean Espainiako gobernuburuak ere bere umeei euskaraz hitz egiteko eskatuko die. Hipokresia barra-barra!

  • Berriro jartzen duzu fokoa gutxiengo baten mezu xenofoboetan, eztabaidaren muinera jo ordez. Berdin egin du Urtzik. Bere planteamendua okerra dela onartu ordez, guztien aurka jo du, xenofobia leporatuz kritikatu duten guztiei. Hortik ez goaz inora.
    Areago, zorrotz begiratuta, Urtziren beraren artikuluari dario xenofobia, nahi gabe bada ere. Zergatik erreparatzen die etorkin ez-europarrei, eta ez espainiarrei, adibidez?
    Sinplekeria hutsa da hasieratik amaierara, Estatu zapaltzaileek ezarri dizkiguten betaurrekoekin egina gainera.

  • Hau flipantea da. Etorkinek ez dute inongo errurik. Beraiek ez daude euskararen aurka espainiar ta frantziar etorkinak bezala. Beraiek ikusten dutena egiten dute ta errezenak dira behartzeko, euskaraz ikastera. Batik bat beraien seme alabak. Gauza da ez dela egiten ahal denean. Ta batzuk hori probesten dute esateko etorkinak gaitza direla. Gurean, ez ikasteko eskubidea dutela, bertoko erdaldunak ta Espainia ta Frantziatik etorritakoek pentsatzen dute batik bat. Gauza da dugun autogobernu ziztrinarekin askoz gehiago egin ahal dugula. Bainan Espainiarrak PPSOE abandonatzern ari dira, ta EAJk ez du euskararen alde egin nahi, gutxiago boz asko jasotzen ari dituenean espainiarren partetik. Ta etorkinak dira arazoa? Ez. Gainera ezin da sarrera galarazi, munduko froga guztiek diote. Beraz hobe genuke denak euskalduntzeko planak eskatuko bagina, ta ez etorkinei ez duten errua bota. Errua Espainiak, Frantziak ta beraien legeetaz aprobetxatzen direnak dute. Ez beste estatuko etorkinak. 10 urtetan gizarte osoa euskaldundu daiteke, ta erraza izango zen legeak eginez ta baliabideak jarriz. Bainan bozkak galduko zituen EAJk, ta ezker abertzaleko usteko euskaltzaile batzuek ere, sutan jarriko ziren. Etorkinak etorriko dira bai edo bai. Hobe dugu ahulenari errua bota baino, laguntzen saiatzen bagara, ta ikasi nahi ez duenaren aurka egin, Bertoko edo kanpoko. Euskara ez baduzu ikasten, kolonoa zara, gaizki ari zara….. Hori sentituz, gauzak hobetuko ziren ta asko.

  • Joxe Iriarte Bikila

    Ikus eta entzun facebooken zintzilikatuta dagoen Errenteriako udalak propozionatu duen bideoa: egin zaidazu bisita. Xenpelarrek Iparragirreri botatako erronka etorkinei eginez.

    https://www.facebook.com/search/top/?q=mirokutana&epa=SEARCH_BOX

  • zuk zeuk zentsuratu 2019-03-18 15:00

    Non egiten da euskara gehiago Azpeitian edo Barakaldon? Bietan egon da errepresio bera.
    Etorkin masa gehiago=euskara gutxiago. Horrek ez due esan nahi errudun bakarrak direnik edo euskara gorrotatzen dutenik. Baina ondorio hori ukaezina da, ezkerreko edo eskumako izan. PNV Gipuzkoan euskaltzaleagoa da Barakaldon baino. Zenbat eta etorkin erdaldun gehiago egon, orduan eta euskarak indar gutxiago.

    Etorkinek erdalduntzen ez dutela ikusten ez dutenak edo a) erabat itsu daude edo b) euskarak benetan 5 axola die.

  • Egin zaidazu bexamela eta pastela.
    Topikoz jositako balizko multikulturalismo postalezkoa.
    Portzierto, flamenkoak bai, baina euskal dantzarik inondik ez da ageri.
    Hain gara kosmopolit eta txupiguaiak ze, beste guztiei lekua egin beharraren beharrez, gure lekuarekin ahaztu egiten garen beti.
    Errealitatea da, Errenterian euskararen erabilera %15era ere ez dela heltzen, eta espainiera dela hizkuntza nagusia eta noranahikoa. Bideoan ageri diren jatorri ezberdinetako etorkinak españolez “integratuko”dirla, alegia.
    Egi zaidau bisita gabe, “visítame” hobeto egokitzen zaiola, alegia.
    Estaturik eta beraz, inmigrazioa kudeatzeko tresna eraginkorrik ez daukagun bitartean, inmigrazioak (eta gazte euskaldunen emigrazioak, hori ere gertatzen baita) euskararen ordezkapena indartu eta azkartu egiten du. Errealitate hori ikusaraztea ez da arrazista izatea, errealista baizik. Hori esanda, ahalik eta harrerarik onena egin behar zaio EHra gure kultura errespetatuz bizitzera datorren etorkinari, izan espainiarra, frantsesa, nigeriarra edo berdin dio nongoa. Arazoa da hain gaudela konplexuz beteta, eta egitasmoz hustuta, hain gara itxurazaleak ze, ezin dugun normaltasunez ezertaz hitz egin.
    Euren hizkuntza (espainiera / frantsesa) inposatu eta geureari bizkarra ematen diotenak, irriz hartu behar ditugu, adibidez?

  • Suposatzen dut bihar Urrutikoetxea jaunak Utrechteko erasotzaileari buruzko artikulua idatziko duela, ezta? Edo beharbada ez. Azken finean Londreseko alkatea den Sadiq Khan esan zuen bezala, terrorismo erasoak hiri handien parte dira.

  • Eztabaida garratza beti bezala euskal politikan. Aspalditik bizi dugun noraezaren eta antsietatearen erakusle, ez baitugu irteera aurkitzen – baliteke momentuz ez egotea. Inmigrazioa arazo? Onura (ez dakit onurarik ote duen)? Eztabaida dezakegu fenomeno bakoitzaren arrisku eta aukerez, baina edozein kasutan, zer egin dezakegu? Gutxi gara ta, hobe nolabait bideratu energia hori, bestela geure artean ozpindu besterik ez dugu egiten.

    Ez da sekretua, halako krisi luzeetan zera behar dela: lasaitasuna eta pertseberantzia, oinarrietara itzuli.

  • Joxe Iriarte Bikila

    Bideoan ez da dantza egiten, keinuak baizik. Dantzak Gure esku dagoen bideoan agertzen ziren. Keinu eta janzkera guztiak txapela eta guzti. Dena den, badakizu flamenkoa euskaraz egiten duen talde bakarra Errenterikoa dela? Oriantxe bertan argitaratuko du Izarra izeneko euskal-flamenko singlea.

  • Bai motel. Ez dut ba jakingo. Eta gauza ederra da. Baina multikulturalismorik ez da gurean, ezta Errenterian ere. Kultura nagusi eta homogeneo bat baizik, española, flamenkoa horren adierazgarri topiko, eta haren azpian euskalduna arnas estuka, azkenak ematen, eta multzoka datozen herri ezberdinetako lagun taldeen adierazpen iragankorrak, euren haurren eskolatzearekin, kultura español menperatzailean urtu egingo direnak.
    Fikziozko kontakizuna elikatzen dugu sarri, asimilazioa eta akulturazioa estaltzeko .

Utzi erantzuna

Zure e-posta helbidea ez da argitaratuko. Beharrezko eremuak * markatuta daude