2022ko sarrerarik irakurrienak
2022ko sarrerarik irakurrienak –
Bukatu da 2022a, eta gurean urteak utzi duenaren laburpenekin bukatzekotan gaude, urtero ohi dugunez, irakurrienen zerrenda agertuta. Hartara, gehien zerk arduratzen gaituen jakingo dugu, zeintzuk gai izan ditugun mintzagai, kezka edo poz iturri.
Jakina, irakurrienak diren heinean, hauetako idatzi ugari izan dira 2022ko iruzkinduenen zerrendan ere, iragan astean plazaratu genuen sarreran.
Orainkari horizontala dugun ZuZeuk 2.400 sarrera inguru plazaratu ditu aurten; horietatik 30 inguruk gainditu dute mila ikustaldien langa, eta bostek 2.500ekoa -sarrerarik irakurrienak kasik 8.000 ikustaldi izan ditu-. Iruzkinduenetan bezala, irakurrienen zerrendan ere badira behin baino gehiagotan nabarmendu diren sinadurak: Juan Inazio Hartsuaga, Joxe Iriarte “Bikila”, Josu Lavin, Nestor Esteban eta JJ Agirre. Atsekabez eta kezkaz dakuzagu zerrenda honetan dugun emakumeen iritziaren falta.
- Markos Jutsuriaga: “GKS: hitz handi hutsen atzean”
- Santi Leone: “Haritz Mujikaren alde (edo, bederen, ez kontra)”
- Juan Inazio Hartsuaga: “Irulegiko Eskuko testurako interpretazio proposamena I”
- Nestor Esteban: “Antsoaingo Udalaren erantzunaren zain”
- Jon Ander Etxebarria: “Eusko Jaurlaritzako jaun-andreak, zeuen datuak aztertuko al ditugu?”
- Joxe Iriarte “Bikila”: “Ukrainan gezurra ari du”
- Aitor Unanue: “Diktadura gelditu”
- Ernesto Leitza: “Miren Gorrotxategi bere burbuilan”
- Amezti: “Hizkuntza hiltzen ari da”
- Josu Lavin: “Euskara idatzia”
- JJ Agirre: “EAErako Hezkuntza-Lege proiektuak atzerapauso larria dakar”
- Lurrune Pelletier: “Iñaki Segurola hil da”
- Iker Tubia: “Korrika”
- Iñaki Azkoaga: “Zein hizki jarriko zenioke autoari matrikulan: EU, EH ala BK?”
- Jean Louis Davant: “Euskadi 7 = 1 da, ez “Irurac bat”!”
Gaiei dagokionean, ZuZeuko kezka iturri nagusia hizkuntzak jarraitzen du izaten: euskarak. Eta gai batzuk indarra galtzen joan diren heinean, pandemia, berbarako, beste batzuk piztu dira: Hezkuntza-Legea eta Ukrainako gerra eta bertako jazoerek ekar lezakeena, esaterako.
Podcastei dagokienez, Huhezik egiten duen Putzutik Plazara saioko “Guk euskaraz, zuk zergatik ez?” izan da irakurriena, eta Zuzeu GAZTEA Saria atalekoen artean, Amets Aizpuruaren “Garaiak aldatu omen dira” nabarmendu da, 3.500 irakurtaldi izan ditu!
Gainontzean, Eztabaida Nazionala serieak jarraitzen du gurean interesa pizten.
- Joseba Gabilondo: “Independentzia eta gero”
- Zigor Garro: “Euskal errepublika”
- Jon Kortazar: “Unibertsaltasuna, dialektika, emantzipazioa”
- Karmelo Landa: “Naziogintzaren oinarrietan”
.
Eta gainera…
Etxeko sarreren artean, “Sorioneku” izan da irakurriena, Irulegiko Eskuaren agerpenak euskaldunongan eragin zuen pozaren adierazgarri, eta salabardoak ekartzen dizkigun gai interesgarrienen artean “Ni ere ikastolaren alde” izan da ikustaldi gehien izan dituena, Agustina Pontesta Garmendiari Naiz hedabidean jasoa. (700.000 orrialde ikustaldi izan ditugu zuzeun orotara 2022an google analytics-en arabera, kuriositaterik baduzu… Bisiten estatistika statcounter).
Gurean idatzi ohi duten elkarte eta erakundeen artean, bestalde, idatzi hauexek izan dira irakurrienak:
- Euskaragara: “Abizenen jatorria eta esanahia: Arana, Etxebarria…”
- Arnas Dezagun Taldea: “Miren gorrotxategi andreari argibide batzuk eta Urte Berri On”
- Euskal Eskola Publikoaren Aldeko Plataforma:
“Hezkuntza Lege berria eta ikastetxe pribatuetan kuotak kobratzea” - Euskararen Jatorria:
“Irulegiko eskua ikusita, Euskeraren Jatorria, Historiazaleok eta Iruña-Veleia Martxan elkarteok ETBri euskalduntze berantiarraren dokumentala betiko kentzeko eskatzen diogu” - Plazara Gatoz: “40 urte gero, hau: Euskal Telebistatik, Erdal Telebistara”
.
2022ko sarrerarik irakurrienak
