Aida Suleiman-ek lortu du uztaileko Zuzeu Gaztea Saria
Aida Suleiman-ek lortu du uztaileko Zuzeu Gaztea Saria –
Hilabetero, Azkue Fundazioaren laguntzarekin, ZuZeun artikulu onena argitaratzen duen 30 urtez azpiko egileari 150 euroko ordaina duen Zuzeu GAZTEA Saria ematen zaio.
Uda garaian hondartzaren aurka borrokan aritzea ez da makala. Asko baretu ohi zaizkigu ZuZeuko urak. Eta gurean partaidetzak behera egiten badu ere, sei izan dira uztailean argitaratu diren sarrerak, bost zuzeularik sinatuak. Olatz Ruiz de Zaratek “Zer ikasi, hura ikusi”, Alaitz Estonbak “Ixilarazitako maitaleak” eta Ainhoa Gallego, Amaia Goikoetxea eta Aida Suleiman-ek lehen aldiz hartu dute parte lehiaketan. Amaiaren Ezagutzen al duzu zer den iktus bat? sarrerak aipamen berezia merezi duela deritzo epaimahaiak, aukeratu duen gai arantzatsua doi eta eder azaldu duelako. 
Hausnarketaren ondoren, Aida_Suleiman da Uztaileko saria eskuratu duena, Bilbo erdaldunean, denda euskaldunenak: non eta zer dugu aukeran? sarrerarekin.
‘Hurrengo dendetan, %100 duzu ziurtatua euskaraz arreta jasotzea‘ titularpean, zerrenda, estekak, eta argazki eta elkarrizketak egin ditu Aidak Bilboko dendetako langileekin. Hizkuntza hautuak aztertu eta Bilboko komertzioetako egoeraz euren iritzi eta kezkak ezagutarazi ditu horrela.
Zorionak Aida! Zeurea duzu Uztaileko Zuzeu Gaztea Saria! Jar zaitez gurekin harremanetan 150 euroak eskuratzeko. Zorionak parte hartzaile guztioi, segi fin, segi idazten, buruan duzuena haizatzen. Horretarako jaio baitzen ZuZeuko plaza.
.
Hemen duzu ZUZEU GAZTEA SARIKO arautegia
.
2018 sarituak
Ainhoa Agirrezabalak irabazi du apirileko Zuzeu Gaztea Saria
Raul Nuñez Gastonek erdietsi du otsaileko Zuzeu Gaztea Saria
Aida Suleiman-ek lortu du uztaileko Zuzeu Gaztea Saria Aida Suleiman-ek lortu du uztaileko Zuzeu Gaztea Saria
