Maider Fernandezek erdietsi du maiatzeko Zuzeu Gaztea Saria
Maider Fernandezek erdietsi du maiatzeko Zuzeu Gaztea Saria –
Maiatzean hamalau sarrera jaso ditu Zuzeu Gaztea Sariak, 13 sinaduren eskutik. Horietatik bi inoiz lehiaketan parte hartu gabeak ziren, sekula saria irabazi gabekoak guzti-guztiak. Tamalez, hamahiru gazte horietatik hiru ez dira saria jasotzeko lehian sartu, izen abizenez sinatu ez edo argazkia falta zitzaelako, eta beraz, ez zituztelako baldintza guztiak betetzen.
Guztien artetik, Maider Fernandez nabarmendu da, eta berak erdietsi du maiatzeko Zuzeu GAZTEA Saria, “Anaitasuna eraikitzera kondenaturik“ sarreragatik. Idatzian, ariketa interesgarria egin eta ipuin batean baleude bezala irudikatu dizkigu Fernandezek abertzaletasunak dituen bi familia politiko nagusiak, etxe bera eraiki behar duten bi anaia bailiran.
Saritutako sarrerez gain, izan dira azpimarratzeko moduko sarrera gehiago ere, besteak beste eztabaida piztu duen Natxo Eizaguirreren “Ekintza berekoi baten salaketa” eta gurean lehen sarrera duen Oihane Beñaranen “Eskubide higikorrak“.
ZUZEU orainkari horizontalak, Azkue Fundazioaren laguntzarekin, 150 eurorekin saritzen du hilabetero 30 urte azpiko idazleen sarrerarik onena. Hemen duzue arautegia.
.
.
Ainhoa Agirrezabalak irabazi du apirileko Zuzeu Gaztea Saria
Raul Nuñez Gastonek erdietsi du otsaileko Zuzeu Gaztea Saria
Maider Fernandezek erdietsi du maiatzeko Zuzeu Gaztea Saria
