Euskal Herria, Gizateriaren eta Wall Street-en artean
Euskal Herria, Gizateriaren eta Wall Street-en artean –
EUSKAL HERRIA, GIZATERIAREN ETA WALL STREET-EN ARTEAN
- Europa, edo mundu osoa bere baitan, aro berri baten atarian dago. Hainbat urtez prestatu den garai berri hau 2022an abiatu da nabarmenki.
- Testuinguru horretan, erronka estrategiko historiko baten aurrean dago Euskal Herria. Lurralde txikia izanik, ahalmen eta baliabide mugatuak ditugularik, gure inguruko korronte nagusiek herrestan eraman gaituzte, eta mendebaldeko oligarkia finantzarioaren interesak eta helburuak itsu-itsuan jarraitzearen aldeko apustua egin dugu, ia aho batez.
- Bilakaera horrek aukera politiko edo ideologikoen arteko desberdintasun errealak desagertzea ekarri du, guztiok ingurune sozioekonomiko neoliberalean, geopolitika atlantistan eta kultur korronte korporatibo postmodernoetan kokatu garelarik (posmofeminismoa, katastrofismo ekologikoa, zerokulturalismo globalista).
- Garai hori amaitu da. Edo, gutxienez, amaitzen hasi da. Herrialde Gainerakorren eta Mendebaldearen arteko talka geopolitikoa, argi eta garbi, gizateriaren gehiengo handiaren eta Wall Streetek ordezkatzen duen gutxiengo oligarkiko txikiaren arteko aurrez aurreko talka bihurtzen ari da.
- Denbora amaitzen ari zaigu. Erlojua azkar doa aurrera, eta herrialdeek, talde sozial eta politikoek, aukeratu egin beharko dute. Wall Streetera lotuta jarraitzea –euskal talde politikoak oraindik dauden bezala– edo mundu berrirantz azkar mugitzea.
- 2022ak erakutsi digu herrialde gainerakorrek mundu berri horren alde egin duten apustu hori argia, zuzena eta aurrez aurrekoa dela orain, eta apustu hori ez dela soilik herrialde gainerakorrena, garapen bidean dauden ia herrialde guztiak batu bait zaizkio apustu horri, mendebaldeko oligarkia finantzarioari aurre egiteko asmoz.
- Ez gaitezen okertu. Mendebaldean bertan, Europan eta Estatu Batuetan, gero eta agintari gehiago, gero eta talde sozial eta ekonomiko gehiago, alderdiz, bandoz aldatzeko lanean ari dira. Azken finean, alde batetik, gizateria osoaren eta, bestetik, oligarkia finantzarioko eliteen arteko aurrez aurreko borroka baten aurrean gaudela gero eta argiagoa da.
- Euskal herritarrok ez dakigu hori dela bizi dugun egoera historikoa. Ez dakigu, gure komunikabideek eta gure talde politikoek ezkutatu egiten digutelako. Baina prozesuak aurrera doaz eta euskal talde sozial eta politikoek gero eta denbora gutxiago dute etorkizunaren alde egiteko, gizateriaren aldeko apustua egiteko.
- Denbora amaitzen ari zaigu. Errebelde ospea izan genuen luzaroan euskaldunok. Orain, Europako herrien artean, oligarkia finantzarioaren interesen aurreko herri otzanenetako bat bihurtu gara. Norabidea aldatzeko azken aukeraren aurrean gaude agian; adibidez, Euskal Herriak BRICS erakunderako sarrera eskatuz, estatu iparramerikarren bat aztertzen ari den bezala. Edo Frantziako eta Espainiako parlamentuei BRICS erakundeari atxikitzeko proposatuz. Hasiera interesgarria izango litzateke.
Testu hau SOZIALDEMOKRAZIAREN ETORKIZUNAri buruzko EKAI Center-en egitasmoaren barne kokatzen da. Mila esker zure arretagatik. Jarraitu gurekin.
PDF: https://drive.google.com/file/HZagAQ7/view
Euskal Herria, Gizateriaren eta Wall Street-en artean
