Asteburu honetan: Arroza txirlekin

Asteburu honetan: Arroza txirlekin

Asteburu honetarako, RZ errazabetiko sukaldearen adibide eta ezin aproposagoa. Jolasean hasita, honako arroza txirlekin errezeta Imanol Zubelzu eta Javi Riverok proposaturiko erReZeta da, baina bada Xolomo Sapiensek proposaturiko arroza txirlekin erReZeta ere, kitzikarik baduzu biak egiten saia zintezke eta zure gustokoena aukeratu… On egin!

Arroza txirlekin

arroza txirlekin

Txirla mota asko aurki daiteke merkatuan: fina, lerdetsua, japoniarra… Denetan zapore fin eta ohikoena txirla “fina” erakoa da. Galizia aldetik datorrena. Arroza txirlekin errezeta hau egiterakoan txirla mota orok balio du, baita muskuiluak ere. Prozesuan bata bestearen lekuan jartzea nahikoa da kasu honetan.

Osagaiak:

  • Kilo erdi txirla
  • 6 eskukada arroz (bat eta erdi buruko)
  • arrai edo oilasko salda (arrozaren hirukoitza). Urak ere balio du.
  • 4 baratxuri atal
  • ardo txuri kopa bat
  • kaiena txiki bat
  • perrexila
  • oliba olioa
  • gatza

Errezeta:

  1. Arroza egingo den zartagia berotzen jarri oliba olio goilarada batekin. Bero dagoenean, txirlak gehitu eta tapatu. Txirlak irekitzen hasten diren momentuan zartaginetik atera.
  2. Salda berotzen jarri.
  3. Zartagina su ertainera jetsi, oliba olio koilarakada bat, kaiena eta batxuri xerratua gehitu bertara.
  4. Baratxuria kolorea hartzen hasten den momentuan, kaiena atera eta arroza gehitu. Minutu batez gorritu.
  5. Momentu honetan, saldaren 3/4 eta perrexil txikitu eskukada bat gehitu. Estali eta su ertainean egosten jarraitzeko.
  6. Bor-borrean hasten den momentuan gatz puntua eman.
  7. Arroza egosirik baina apur bat gogor dagoela (2 minutu faltan) txirlak eta geratzen den salda gehitu eta mahaiera atera.

Kasu!

Txirlak erosteko momentuan itxirik egon behar dute. Bizirik eta fresko dauden seinale. Erdi zabalik baldin badaude, kutsatzeko arriskua egon daiteke, beraz, hobe ez erostea.

Arroz mota asko topa daiteke merkatuan, aproposena errezeta hau burutzeko, Bomba delakoa da. Mota bakoitzak egoste denbora ezberdina du, hau kontrolatzeko hoberena noizbehinka probatzea da.

Asteburu honetan: Arroz a txirlekin

Errezeta gehiago…

Asteburu honetan: Piperrada

Asteburu honetan: intxaur eta txokolate browniea

Asteburu honetan: Arroza txirlekin – Txirla mota asko aurki daiteke merkatuan: fina, lerdetsua, japoniarra… Txirlak erosteko momentuan itxirik egon behar dute. Bizirik eta fresko dauden seinale. Erdi zabalik baldin badaude, kutsatzeko arriskua egon daiteke, beraz, hobe ez erostea.. Arroz mota asko topa daiteke merkatuan, aproposena errezeta hau burutzeko, Bomba delakoa da.
Pagotxa RZk

Amatxoren altzoa utzi duzu eta abandonaturik sentitzen zara. Lasai, ez izutu, sukalde zintzo eta garbia, zopa eder bat, entsalada bikain bat, esneki goxo bat… horrelako gauza xume bezain zailak aurkituko dituzu PAGOTXA RZtegian. Etxean egiteko aproposak denak!

Utzi erantzuna

Zure e-posta helbidea ez da argitaratuko. Beharrezko eremuak * markatuta daude