Asteburu honetan: Pasta barazkiekin

Asteburu honetan: Pasta barazkiekin –

Pagotxa RZk - Asteburu honetan: Pasta barazkiekin

Asteburu honetarako, gabonetako jatunkeria denbora honen osteko barne garbiketa prozesua jarraituz, beste RZ garbi eta basiko bat dakarkizugu, erraza, begetarianoentzat ere bai, parranda osterako, ama eta izeba datozenerako edo noiznahi jateko modukoa. Segi fin, gozatu eta on egin!  🙂

Pasta barazkiekin

Asteburu honetan: Pasta barazkiekin

Osagaiak

  • Tipulin bat, txiki-txiki egina
  • Piper berde bat, txiki-txiki egina
  • Piper gorri bat, txiki-txiki egina
  • Porru bat, txiki-txiki egina
  • Lekak, zerrenda laburretan moztuak eta hariak kenduta. Eskutada bat
  • Dozena bat orburu bihotz, garbiak, lau puskatan moztuak.
  • 6 baratxuri ale, zerrendatan
  • 6 koilarakada oliba olio
  • Perrexil xehatua
  • 600 g pasta, egosi berria, nahi dena (saltsa daramaten plater mota honetarako espagetiak edo tagliatelleak dira egokiak)

Pasta barazkiekin

Asteburu honetan: Pasta barazkiekinErrezeta

  1. Zartagin batean 3 koilarakada olio jarri eta orburu bihotzak sartu, gatz pixka batekin, pixkana-pixkana salteatu daitezen. Gorritu daitezela gutxika-gutxika, orburuak xamurtuz joateko. Gutxienez 15 minutu beharko dira, su motelean.
  2. Orburuak atera, zartaginean beste 2 koilarakada olio gehiago jarri eta lekak gehitu. 10 minutuan salteatuko ditugu su ez oso bizian, gatz pixar batekin. Berde-berde gelditu daitezela. Orburuekin batera aterako ditugu.
  3. Orduan gainerako olioa gehitu, baita tipulina, baratxuriak, piperrak eta porrua ere, gatz pixka batekin. Salteatu daitezela su bizi samarrean, gorritu daitezela, baina bigundu gabe. Hobe gogorxko egotea. Horretarako hobea da, beraz, txiki-txiki eginda egotea dena eta di-da batean salteatzea.
  4. Orduan gorderik ditugun barazkiak gehitu, orburuak eta lekak, eta gatz pixar bat eman.
  5. Bukatzeko, pasta egosi berria eta xukatua gehituko dugu. Pasta salteatu eta ongi nahas dadila gainerakoarekin. Par-par bota perrexila gainetik eta zerbitzatu.

Errezeta gehiago …

Asteburu honetan: Pasta onddoekin

Asteburu honetan: Espagetiak bolognesa eran

Geuria Merkatua
Asteburu honetan: Pasta barazkiekin
Pagotxa RZk

Amatxoren altzoa utzi duzu eta abandonaturik sentitzen zara. Lasai, ez izutu, sukalde zintzo eta garbia, zopa eder bat, entsalada bikain bat, esneki goxo bat… horrelako gauza xume bezain zailak aurkituko dituzu PAGOTXA RZtegian. Etxean egiteko aproposak denak!

Utzi erantzuna

Zure e-posta helbidea ez da argitaratuko. Beharrezko eremuak * markatuta daude