(Irudiaren goiko ezkerrean klik egin, merezi du eta)

Gaur Abenduak lehen pausuak eman ditu. Goizean goizetik irratian hotza ari zuen eta kalean euria, egutegiak agintzen duen moduan. Ez da txinaurriak topatzeko girorik aproposena.

Berez, data jarria ziguten gaurko eta txinaurritegian begiratuz gero “ekitaldi irekia da” zegoen idatzita, baina urduri geunden. Joan egin gara eta bertan topatu ditugu “txinaurriak” diskoaren ideologoak, ekintzaileak eta jarraitzaileak, Mikel Laboari ikasitako kantuekin egin dutena erakusteko irrikaz.

“Txinaurriak” ikusi dut, elegantea da, orain aditzea falta zait.

Gaur bi urte bete dira Mikel Laboak utzi gintuenetik.