Mikel Perezek irabazi du ekaineko ZuZeu Gaztea Saria
Mikel Perezek irabazi du ekaineko ZuZeu Gaztea Saria
ZuZeu Gaztea saria gazteak euskaraz idaztera kitzikatzeko asmoz sortu zen, askotan esan dizuegunez. Eta inoiz kexu agertu izan bagara ere, espero genuen emaitza eman ez duelakoan, tantaka-tantaka busti gaitu, zirimiriak bezala.
Ekainean 7 sarrera jaso ditugu, horietatik 4 gurean lehen aldiz parte hartzen zutenen eskutik -besteetatik bi aurreko hilabeteren batean saria irabazitakoak dira-. Gainera, sarrera guzti-guztiek izan dute iruzkinen bat edo beste, interesa piztu duten seinale, eta eztabaida interesgarria ere ekarri dute zenbaitetan; gure aldetik oso positibotzat hartzen duguna.
Jasotako idatzi guztien artetik Mikel Perezek idatzitako “Gure esku dago, errepaso txiki bat” saritzea erabaki dugu, gurean jorratu izan den gai baten atzera begirako ulergarria egin ez ezik aurrera begirako erronken berri labur eman digulako.
Zorionak Mikel! Zeurea duzu ekaineko Zuzeu Gaztea saria. Jar zaitez gurekin harremanetan 150 euroak eskuratzeko.
Aizue!, uztaileko Zuzeuko Gaztea Saria martxan duzue jada… zeren zain zaudete?
.
ZUZEU GAZTEA SARIA
Mikel Perezek irabazi du ekaineko ZuZeu Gaztea Saria
Mikel Jauregi Hercek irabazi du maiatzeko ZuZeu Gaztea Saria
