Egizu ekarpen freskagarria eta eskuratu uztaileko Zuzeu Gaztea Saria (azken egunak!!)
Egizu ekarpen freskagarria eta eskuratu uztaileko Zuzeu Gaztea Saria
ZUZEU orainkari horizontalak, Azkue Fundazioaren laguntza estimagarriarekin, Zuzeu Gaztea Saria sortu zuen, 2016an sartzearekin batera.
Asmoa, gazteak euskaraz idaztera xaxatzea. Akuilua, 150 euro hilero-hilero, 30 urte azpiko idazlearen sarrera bikainena saritzeko.
Ikasturtean zehar lehiaketari martxa hartzea kostatu bazaio, azterketak eta beste zirela, behin opor eta festa giroan murgilduta bero zapak lozorroan utzi du parte hartzea, bukatzear den uztail honetan.
Gazte, 150 euro ditugu zeure ekarpen freskagarria saritzeko!
* Lehiaketan parte hartzen duen orok benetako izen-abizenez argitaratu beharko du artikulua, argazki eta guzti. (Baldintzak HEMEN).
.
.
Zuzeu Gaztea sariak azken sei hilabetetan argitaratu dituen artikulu guztiak irakurgai dituzue hemen. Orain arteko irabazleak, hauexek izan dira:
- Urtarrilean, Katalin Antxiaren “Kirol arroparekin bueltaka”.
- Otsailean, Alazne Sainz Gil de Paulesen “Feminaziak sutan”.
- Martxoan, Jon Intxaurragaren “Museoan mozkor”.
- Apirilean, Leire Regadasen “Kaleko eserlekua”.
- Maiatzean, Mikel Jauregiren “TTIP edo gure bizitzaren gaineko giltzarrapoa”.
- Ekainean, Mikel Perezen “Gure Esku dago; errepaso txiki bat”.
