Gasteiz euskaraz bizi

Gasteiz euskaraz bizi

Gasteiz euskaraz biziGasteizko jaien atarian, Gasteizko euskalgintzako gizarte erakundeen ekimenez, eta beste hainbat eragile eta erakunderen babesarekin, Gasteiz Euskaraz Bizi dekalogoa aurkeztu dute. Gasteizko jaietan eta urte osoan zehar euskaraz bizitzeko nahia adierazi nahi dute, “elkarrekin hizkuntza partekatuz, gozatuz eta erabiliz”.

Gero eta gehiago gara Gasteizen euskaraz bizi nahi dugunok; espazio guztietan euskaraz aritu: familian, seme-alabekin, lagunartean, lanean, erosketak egiten ditugunean, sare sozialetan… Elkarrekin hizkuntza partekatuz, gozatuz eta erabiliz. Era berean, euskaraz eredu izan behar dugu; jendaurreko agerpen publikoetan euskarari lehentasuna emanez, hizkuntza paisaian euskarari dagokion lekua eskainiz, baita etorri berriei zein ikasten ari direnei euskaraz egiteko aukera erraztuz ere. Euskaraz guneak eta uneak sortu eta partekatu nahi ditugu; elkarrekin euskaraz bizi, horixe da gure nahia, Gasteizko jaietan eta urte osoan zehar.

Gasteizko jaiak parada ezin hobea da euskaraz bizitzeko; euskarak eta jaiek, biak uztartuta, gozatzeko aukera ematen baitute. Horiek horrela, Gasteizko jaietan hasita, eta urte osora begira, honako dekalogoa proposatzen dugu. Gasteizko euskalgintzako gizarte eragileen ekimenez sorturiko dekalogo honekin bat egiten dugun entitate eta norbanakook dei egiten dizuegu jaietan parte hartzen duzuen guztioi zeuen egin dezazuen #GasteizEuskarazBizi dekalogoa.

  1. EGIN – Edonoiz, edonon, edonorekin… Euskaraz ekin!
  2. AHALDUNDU – Irten armairutik, egin euskararen jabe!
  3. ERAGIN – Izan nahia, euskararen lehengaia
  4. ERABILI – Hidratatu zaitez… Edan euskararen iturritik!
  5. PLAZARATU – Ibaia itsasora, euskara plazara
  6. GOZATU – Egin kosk zure zatiari. Ez geratu puskarik gabe
  7. PARTEKATU – Partekatu gure aterkia #GasteizEuskarazBizi
  8. MURGILDU – Busti, murgildu eta gozatu euskararen uretan
  9. SORTU – Jarri zure pieza Gasteiz euskaldunari!
  10. ALDARRIKATU – Euskaraz bizitzera goaz! Bazatoz?

Sinatzaileen artean, Bertsozale elkartea, GEU elkartea, Lazarraga Kultur elkartea, Euskal Herrian Euskaraz, AEK, IKA, Bai Euskarari Ziurtagiriaren elkartea, Neska eta Blusen Batzordea eta kuadrilla guztiak, Txosnen Batzordea, Gasteizko Udala, Arabako Foru Aldundia eta talde politiko ezberdinak daude.

Gasteiz euskaraz bizi Gasteiz euskaraz bizi Gasteiz euskaraz bizi Gasteiz euskaraz bizi

euskara, festak, Gasteiz
Rober Gutiérrez

Bai Euskarari Elkartea http://twitter.com/robergutierrez

6 pentsamendu “Gasteiz euskaraz bizi”-ri buruz

  • Txantxangorriak baino ez zaizkio falta ekimenari. Bolondreskeriari helduta biziraun gara, norbanakoari sekulako ahalegin askotan antzua eskatuz. Gero eta zailagoa da Jaurlaritzaren eta zenbait gizarte-ekimenen mezuak bereiztea.
    Egin? Gasteizen edonon, edonoiz, edonorekin euskaraz ekin? Ametsetan?
    Plazaratu? Segun eta non, izango da, martitzarrarena egingo ez bada.
    Erabili baino lehen ondo “hidratatu” bai, segurura jotzen ez baduzu behintzat.
    Gozatu nahi baduzu, joan euskaldunen gotorlekuetara, bestela jaietan ere jai!
    ALDARRIKATU ganorazko eta oinarri serioa duten kanpainak eta ekimenak. Oraindik etsi ez dugun euskaldun amorratu zaharkituok ez ditugu ez txantxangorriak ez proposamen gozozozoak behar. Aldiz, Gasteizen zehar euskaraz non egin dezakegun seinalatzen duten gidak zabalduko bazenituzte, hori beste kontu bat litzateke.
    Aldatu txipa, lagunok. Baduzue eta sasoia!

  • Txantxa gorria 2016-08-01 10:16

    Zein alderdik siinatu dute hamarrekoa?
    Zertarako balio dute horrelako ekimenek?

  • Txantxa gorria 2016-08-01 13:56

    PP, Ciudadanos, PSOE… sinatzaileen artean daude?

  • Euskaraz hitz egiteko norbait? ( c1)

    • Nik neronek, ezer esatekotan, hitz egiteko inor esanen nuke, inor ba al den esateko. Baita Gernikan, Abadinon, Azpeitian eta Azkoitian ere. Ez atzendu herri horietan guztietan Gasteizen baino euskaldun guttiago bizi direla, eta duda izpirik gabe Egunkariak ale guttiago saltzen dituela. Segun eta non ……., komak, elipsiak, bua!

  • Norbait euskeraz hitz egiteko? (B2.1)

Utzi erantzuna

Zure e-posta helbidea ez da argitaratuko. Beharrezko eremuak * markatuta daude