Mugak ireki!

Mugak ireki! –

Iparra-Hegoa ekimenaren idatzia

Mugak ireki!

Covid-19aren krisiaren ondorioz izan den konfinamendua bukatu denean eta gure mugimenduak malgutu dituztenean, harriduraz eta haserrez ikusten dugu Hego Euskal Herriaren eta Ipar Euskal Herriaren arteko muga oraindik zorrozki itxita dagoela. Ehun kilometroko distantzian mugi litezke Ipar Euskal Herriko biztanleak, baina hegoaldera ezin dira joan, muga itxita dagoelako, eta mendebaldera ere ez, itsasoarengatik; beraz, ehun kilometro horiek ez dira errealak. Gainera, gure mugimendu naturala eta harreman sarea Euskal Herrian dago.

Muga itxita egoteak traba egiten die Euskal Herri barneko mugimenduei, “mugaz gaindiko” langileei, euskal kulturari, euskal ekonomiari, gure arteko harreman naturalei eta abar.

Frantziako eta Espainiako gobernuei eskatzen diegu mugak ireki ditzaten lehenbailehen.

Euskal Elkargoari, Nafarroako Gobernuari eta Eusko Jaurlaritzari eskatzen diegu ahalegin honetan bat egin dezatela.

SINATU ESKAERA

Mugak ireki!
Joseba Aurkenerena

Euskaltzalea eta irakasle-ohia

Zer duzu buruan “Mugak ireki!”-ri buruz

  • Ez dugu ezer eskatu beharrik, eta gutxiago inperialistei. Herri bezala joan, haien oztopo guziak ostikadaz ibaiara bota, plaza hartu eta milaka lagun haien zain egotea tenporalki modu indefinituan. Gure presondegietatik dena beltzez ikusi ordez aukera ezin paregabea dugu independentziari hasiera emateko. Non ote dago herri hontan autoritate -askatzailea- agindu hori emateko eta erresistentzia koordinatzeko? Agiriraren zain gaude, prest gaude…

Utzi erantzuna

Zure e-posta helbidea ez da argitaratuko. Beharrezko eremuak * markatuta daude