Martxoan zehar irakurriko dituzun 10 titular

Martxoan zehar irakurriko dituzun 10 titular –

Negu gorria amaitzear den honetan, hemen dituzu martxoko egunkarietan irakurriko dituzun 10 titular. Etorkizun diren 10 albiste, beti bezala, primizian zuretzako.
Martxoan zehar irakurriko dituzun 10 titular

1- Idiazabal eta Elgoibarren arteko partidua arbitratu zuen epailea irmo mintzatu da: “Nik batuan hitz egiteko eskatu nien, besterik ez”.

2- Azken orduko informazioen arabera Anna Gabriel Espainiako kapitalaren erdigunean ezkutatu da, Suitzan.

3- Osakidetzako mediku erdaldun batek txatxangorria atera dio Mendaroko andre bati, euskaraz mintzatzeagatik.

4- Bruce Springsteenek Andoni Ortuzar salatu du, gorroto delituagatik.

5- Pablo Iglesiasek Nafarroako Ahal Duguren izena aldatu du, hemendik aurrera Ni, Ni, Demokrazia eta Ni deituko da.

6- Fiskaltzak adierazi du Iñigo Cabacasek irrist egin eta gomazko pelota baten aurka jo zuela buruarekin.

7- Athletikek doako zerbitzua jarri du Iñigo Martinezen kamiseta duten errealzaleei koloreak eta armarria aldatzeko.

8- Familiaren Batzorde Ofizialaren arabera UPNn afiliatzea da, koinatua bihurtzeko biderik azkarrena. Jose Miguel Goñi (Familian aditua): “Berdin dio anaia arrebarik ez baldin badaukazu, %99,9an betetzen da”.

9- Europako ikerketa baten arabera euskaldunek bizi osoan peajean xahututakoa gordez gero, dagoeneko independentzia lortuko lukete. “Forbeseko zerrendako lehen 123ak euskaldunak lirateke”, adierazi du ikerlari batek.

10- De Miguel kasua itzalita edo estaldurarik gabe dago.

Martxoan zehar irakurriko dituzun 10 titular
10 TITULAR, 10 titularrak, etorkizuneko, umorea

biñeta eraikiak, paranoiak eraikiak, integrismoa iruditan

Utzi erantzuna

Zure e-posta helbidea ez da argitaratuko. Beharrezko eremuak * markatuta daude