Gatibu ez ei da ongi etorria Anoetan –

Gaur Realak etxean jokatzen duela-eta, partida girotzeko Gatibuk Anoetan joko zuela iragarri zuen orain gutxi talde donostiarrak, eta derrepente agertu ziren kexu ziren zaleen mezuak sare sozialetan, zer eta… labur esatearren, gernikar laukoteko kantari Alex Sardui “etsaiaren zalea dela salatuz”! Gauzak horrela, bi aldeek emanaldia bertan behera uztea erabaki dute. Giroa sortzea bazen asmoa… ondo berotu da, alajaina!

Kaixo lagunok.
Sare sozialetan eta komunikabideetan sortu den zalaparta ikusita, bihar, #RealeArena-n eskaintzeko ginen kontzertua bertan behera uztea erabaki dugu Gatibuk eta @RealSociedadEUS-ek euskal futbol zalegoa ez banatzeko asmoz.
???????? Musikak ez gaitzala konfrontatu.

— Gatibu (@gatibu) February 26, 2022

Kirola eta kirol zaletasuna bizitzeko mila modu badaude, bat eta bakarra da, futbolari dagokionez, azkenaldian gailentzen ari dena, norbere taldea bultzatzeaz bezainbeste besteena gorrotatzeaz arduratzen dena. Jakina, honakoan ere neurriz kanpokoa izan da guzti honek Real eta Athletic zaleen artean eragin duen kalapita, erabat gaiztotua. Esan beharra dago, behin boikota gauzatu ostean asko izan direla, zorionez, erabakiarekin konforme agertu ez diren zaleak ere.

Gaur elastiko txuriurdina jantziko duten jokalariei erreparatuta, bistan da Realean jokatzeko ez dagoela zertan realzalea izan behar. Anoetan kantatzeko bai, antza.

Gatibu ez ei da ongi etorria Anoetan, bertan behera utzi dute emanaldia