Eroskiri boikota, bai ala ez?

Caprabok 18 langile kaleratu ditu Iruñerrian. Otsailean iragarri zuten neurria, baina langileetako batzuk bankuaren bidez jakin zuten kaleratuak izan zirela. Langileen batzordeak zuzendaritzari eskatu dio langile horiek bueltan kontratatu ditzala, baina ez zuten erantzunik jaso.

Caprabo Kataluniako supermerkatu kate bat da, 1959. urtean sortutakoa. 2007an, Eroski taldeak erosi zuen konpainiaren %75, eta 2012. urteaz geroztik osorik dago haren esku.

Eroski taldeak urtez-urte irabaziak izanda eta bestelako konponbiderik planteatu gabe, 18 langile kaleratzea bidegabekeria latza dela salatu du Nafarroako LAB-ek. Eroskik lanpostu nahikoak dituela uste du sindikatuak, eta Nafarroan dituen hamaika dendetan langileak aise birkoloka ditzakeela.

Capraboko arduradunek argudiatu zuten itxi nahi dituzten supermerkatuak galerak eragiten dizkietela. Lehia handia dago sektorean, bereziki Iruñerrian, supermerkatu ugariko gunea izaki.

Enpresa komiteak aspalditik salatu zuen, ordea, dendetan zegoen lan-esku falta. Aurretik hiru egunez greba egin ostean, otsailaren 27an greba mugagabea hasi zuten langileek. 240 langile ditu Caprabok Nafarroan, 27 saltokietan.

Langile batzordeak prentsaurrekoa eskaini zuen pasa den astean: ELAk 3 ordezkari ditu, LAB eta UGTk bina, CCOO eta Solidarik bana. Hemen duzue HamaikaTB-k egindako bideoa.

Nafarroako Gobernuari bitartekaritza ere eskatu diote. Manu Aierdi Garapen Ekonomikorako lehendakariordeak publikoki iragarri zuen enpresarekin bildu zela. “Batzorde honekin, berriz, ez du inolako bilerarik egin. Gobernuari, zehazki Manu Aierdiri, eskatzen diogu Caprabo/Eroski-ren zuzendaritzarekin dagokion kudeaketa egiteko hiru aldeak premiazko bilera batera deitzeko 18 kaleratuei konponbide bat bilatu asmoz”.

Egoera honen aurrean, eta greba orokorraren baitan, LAB Nafarroak Eroskin erosketak ez egiteko eskatu eta boikoterako deia zabaldu du.

Gaur erosketa eguna? @EROSKI supermerkatuetan EZ EROSI!! BOIKOTA!! @caprabo ko langileekin elkartasuna!! pic.twitter.com/3kVfYDyRkw

— LAB Nafarroa (@LABnafarroa) March 4, 2017

LAB-en deiak eztabaida piztu du Twiterren; esaterako, Gaizka Aranguren LAB-eko kidea da baina ez du gai honetan bere sindikatuaren boikoterako deia konpartitzen.

@gaizkaranguren @LABnafarroa @Juantxogoien

Eta zure ustez, Gaizka, noren aurka borrokatu behar da 18 kaleratuen kasu honetan?

— Asier Azpilikueta (@aazpilikueta) March 4, 2017

@gaizkaranguren @LABnafarroa @Juantxogoien

Baina Eroski da (patronalaren rola jokatuta) 18 horiek kaleratu dituena.

Greba ez da zilegi?

— Asier Azpilikueta (@aazpilikueta) March 4, 2017

@gaizkaranguren @LABnafarroa @Juantxogoien Ez zaude ados. Baina zergatik ez? Ez dut ulertzen. #GalderaSerioa

— Asier Azpilikueta (@aazpilikueta) March 4, 2017

@gaizkaranguren ba, nire ustetan kasu honetan, Eroskiren kudeaketa entrepresa kapitalista bezala izaten ari da. @aazpilikueta @LABnafarroa

— Juantxo Goien (@Juantxogoien) March 4, 2017

@Juantxogoien @gaizkaranguren @aazpilikueta @LABnafarroa akziodun eta Lab-eko afiliatu batekin, eta aitortu dit gaia konplexua dela 2/3

— Bakartxo Ruiz (@BakartxoR) March 4, 2017

@BakartxoR @Juantxogoien @gaizkaranguren @LABnafarroa

Eta zergatik egin zioten uko? Jakiterik dago?

— Asier Azpilikueta (@aazpilikueta) March 4, 2017

Badirudi kooperatiba mugimenduan horrelako egoera gatazkatsuak gertatzen direnean min gehiago egiten digula, kontraesanak azaleratu. Niri oso deigarria egiten zait nola funtzionatzen duen Eroskik: 20 urte lanean pasa eta gero langileei bankuaren bitartez jakinarazi diete kale gorrian daudela. Kooperatiba batek.

Eroskik nahi duena saldu dezake, baina hori justifikatu dezakeen argudiorik ez dio inorrek erosiko. Boikota bai ala ez? Zilegitasun osoa langileei. 

Eroskiri boikota, bai ala ez?