Arnaldo Otegiren elkarrizketaz (eta heterodoxiari gorazarre txiki bat)

Arnaldo Otegiren elkarrizketaz eta heterodoxiari gorazarre

Arnaldo Otegik Jordi Évoleri emandako elkarrizketa, ez zen gauza erraza izan eta, seguru asko, Ezker Abertzalea deitzen den horretan, nekez aurkituko da bera baino egokiagorik atarramentu handiagorik ateratzeko.

Arnaldo Otegiren elkarrizketaz eta heterodoxiari gorazarrePisuzko hitzez kiribildutako lokarri batean funanbulista ibili beharra egokitu zitzaion, Salomon berritu bat bailitzan. A grosso modo esanda, sokaren alde batera erori ezkero,  krokodiloak zeuzkan han behean zain, noiz hanka sartuko ETAren ekinbidearen defentsaren bat egitegatik eta, beste aldera erori ezkero, zain zeuzkan ETAren jarduera kondenatzeagatik kosk egingo zioten pirainak. Egia esanda, Évoleren saioa ia osorik izan baitzen ETAren ingurukoa eta ez hainbeste herri eraikuntzari eta proiektu politikoei buruzkoa.

Arriskua handia zen arren, Otegi airoso irten zen ibilera horretatik, muga-mugan ibili eta hitzen pisua maisuki neurtuz  ez baitzen ez alde batera ez bestera amildu, baina kontua da lokarrian kolokan ibili eta gero, norabait iritsi ote zen, egiazki aurkitu ote zuen pausatzeko moduko lur zatirik.

Dena den, egongo dira hau baino azterteketa burutsu eta zehatzagoak hedabideetan, nik soilik bizpahiru gauza nahi nuke aipatu, hainbeste ertz dituen kontuaren aurrean.

  • Proiektu politikorik ez zen ia aipatu saio guztian zehar

Bai, Otegik Euskadi 20 urte baino lehen independente izango dela esan zuen, baina, oker ez banaiz, 90. eko hamarkadan ere esan zuen 2000. urterako aske izango ginela. Izanak izan, ez zuen independentziak zein onura ekarriko zigun argitu eta hori ezinbestekoa zuen, batez ere, gazte jendeari begira, dejá vu zantzua transmititu baitzuen esandakoak.

  • Iruditzen zait, “Zein mesede ekarri du ETAk?” galdetzen dutenean, ez dela ixilik geratu behar

Badagoela erakunde horren historia hasieratik begiratu eta gauzak beste modu batera azaltzerik, gertaera negargarrietan bakarrik geratu gabe. Mintza gaitezkeela ETAren gainerako eraginez, nahiz eta ez dagoen erraza.

  • Faltan bota nuen heterodoxiari eman beharreko eskertza

Arnaldo Otegik eta Ezker Abertzaleak gaur darabilten diskurtsoa, bai borroka armatuari, bai presoei buruz eta baita demokrazia eta herrigintzari buruz ere, ez da inondik inora berria. Otegik Hipercorreko atentatua (1987) aipatu zuen mugarri gisan, beste batzuek Yoyesen hilketa eguna aipatzen dugun bezala (1986), baina kontua da Otegik gaur esaten dituenak esateagatik, jendea usteltzat izan dela hartua, ETAtik eta enparauetatik izan dela kanporatua eta Yoyesen kasuan, akabatua. Kartzelatik irteteko erabaki pertsonala hartu izan dutenak, traidore izan direla izendatuak…

Erakunde militarrek ortodoxia eta obedientzia behar dute, baina gizarteak askoz ere hobea du heterodoxia, batez ere noraezean galdurik eta sasian zebilen kupula militarrak hartu zuelarik abangoardia politikoaren ardura. Ez al da hala Pakito, Josu Urrutikoetxea,  Mikel Antza eta konpainia? Zenbat hamarkada joan zaigu alferrikako sofrimenduan, zuen iheslari baldintza zurrunetatik hartzeagatik politikagintzari zegozkien erabakiak? Bi buruko izaki behar zuenak, buru bakarra ukan du urtetan eta urtetan, ihesi, hotzez, izuturik, minez, ilunpean… zebilen bitartean. Izango ote da inon herri baten ildo politikoa erabakitzeko baldintza txarragorik?

Gaur badirudi politikaren ardura politikariek dutela Ezker Abertzalean, baina hori ez da beti izan horrela. Gaur badirudi, presoen lehenengo lana espetxetik irteten saiatzea dela, baina hori ez da beti izan horrela. Gaur badirudi, indarkeriaren erabilera guztiz gaitzesgarria dela, baina hori beti ez da izan horrela…

Eta pozten naiz, baina adanismoak alde batera utzita, Ezker Abertzaleak gaur bertan esaten duena hogei edo hogeitabost urte lehenagotik esaten hasi zirenen heterodoxiari egin behar litzaioke merezitako aitortza, madarikatuei itzuli egin behar zaie kendu izan zaien ohorea, hori ere bai baita gure memoriaren zati eta, batez ere, hori baita batzuek orain arte ikusi ez arren, alferrikako min asko eta neke itzelen atzetik, oraintxe daukagun egoera hau ekarri diguna, nolaz eta gauak ekartzen dakien eguna.

Arnaldo Otegiren elkarrizketaz eta heterodoxiari gorazarre

Arnaldo Otegiren elkarrizketaz eta heterodoxiari gorazarre
Arnaldo otegi, ETA, heterodoxia
Hasier Etxeberria

ALUA MUNDUA ! Idazlea, kazetaria, gidoigilea, blogaria... Euskaldunon Egunkaria eta ZuZeuren sortzaileetakoa. ETBn hamaika saio zuzendu eta aurkeztutakoa. (Argitaratutako Liburuak)

44 pentsamendu “Arnaldo Otegiren elkarrizketaz (eta heterodoxiari gorazarre txiki bat)”-ri buruz

  • Gauz bat baino gehiago ez zitzaidan gustatu baina zaila da dena neurtu behar dezunean kartzela jokatzen ari zarelako, ezin duzulako nahi duzuna erran.

    Zenbat sufrimendu aurreztu izango genuen konkistatuak egongo ez bagina?
    Zenbat guda? Hildako? Erdeinu? Tortura? Zenbat milaka urteko espetxe zigorrak?
    Zenbat sufrimendu aurreztuko genuke franko ta gero Espainia sasidemokrazia batean sartu ez bagintu ta gure herriaren etorkizuna erabakitzeko ahalmena bueltatuko bazigun?

    Zenbat min aurreztuko genun, sasi demokrazia hontan, estaduak hainbeste jende erahil, torturatu , frogarik gabe expetxeratu izan ez bazun?

    Ta Frantzia? Zenbat min aurreztu izango genun Frantziako iraultza Iparraldeari kendutakoa esistutu izan ez bazan?
    Ta zenbat sufrimendu aurreztuko genun, Frantziak euskalduni ta euskal kulturari egin dizkionak egin izan ez bazizkio?

    Hemen sufrimenduaren erru esklusiboa batzuena da, ea zer egingo zuketen beraiek konkistatuak izango balira.

    Ta ez da ezeren justifikazioa, baina batzuen aurpegia altzairua baino gogorragoa da, ta ez diot artikuluaren idazleagatik.

    • Peru Dulantz 2016-04-19 15:51

      Ez nuen elkarrizketa ikusi. Ederki gogoratzen nuen Evolek Otegiri egindako azken elkarrizketa, eta oso ondo nekien nondik nora joango zen oraingoan ere. Argi dago Evoleri Espainian ez lioketela barkatuko 3. gradua ez zen beste ezer, eta, hala ere, nekez.

  • Bai, egia da Suagar, zenbat sufrimentu aurreztuko gendukeen baldin eta ezker abertzalea denboraren haseratik, adibidez Santimamiñeko kobazuloan lanpernak jaten genituen mementu berberatik, erakunde armatu bat eraikitzera behartua ez eta gure patuen jabea izan balitza ordutikan denboren bukaeraraino?
    Gauzak horren politak izan balira, orain Otegi izango zen presidente hauteskunde burgesen beharrik gabe eta zu barne-kontseilari.
    Baina (zoritxarrez?) ez gara horrelako egoeran. Zoritxarrez euskal herritarren gehiengoa saldukerian ibili izan da historian zehar eta gutxiengo bat bakarrik da egia eta arrazoiaren jabea eta gutxiengo hori, arrazoia edukitzeagatik bakarrik, milaka espetxe urte pasa behar ditu.
    Pena da benetan adierazpen askatasun ezak ETAk gure herriari ekarritako onak Otegik ezin aipatu izana. Adierazpen askatasuna egongo balitz, ziur nago orduak eta orduak pasako lituzkeela Arnaldok kontatzen erakunde armatuak gure herriari ekarri dizkion mesede eta jolgorioa.

    • Gauzak hain politak balira, Otegi agian ez zan ezta politikan egongo, ezker abertzalea ez du inor behartu ezer sortzera, hiritarrak sortu zuten.
      Ta erantzuteko sortu dugun guztia, Espainia ta Frantziaren erruagatik izan da, asmatu edo ez.

      Ez da gauzak politak edo ez izatea, bakoitzak dagokionari ematea baizik.
      500 mila soldaduko ejerzitua izango bagenu, orain bortitzkeriaren aurka lerratzen diran gehienak, EH ejerzito hori defendatzeko erabiltzearen aldekoak izango ziran.
      Zergatik? Indarra izango genulako, ez degunez saiatu danari errua bota behar diegu, ez hori guztia sortu duten 2 estaduei.

      Ez da polit edo ez, artikuluari erantzuna baizik.
      Ongi izan.

  • Heterodoxoak aipatzen hasita, ez daukat ahazteko “Patxi Traidor” pintadak agertu zirenekoak, Aralarren hedatze aldi hartan, nortaz eta, besteak beste, gerora, alaba ere Otegirekin batera sei urtez bahiketa legalean izan duenaz.

  • Mikel Aralarko
    Elene Txarte 2016-04-19 00:39

    Ezker abertzalearen estrategia (taktika?) osin ilun batean amiltzen ari da horrelako abiadura hain bizkor batean, ez dakidala haiek jabetzen diren ere. Zertan ari dira erridikulu zabar horretan harat-honat, galtzailearen marka kopetatik kendu ezinik? “Erakundearen” amaierak guzia konponduko zuelakoan… Gizarajoak… Besteak zapoak direlakoan.

  • Elkarrizketaren inguruan, bi gauzatxo, besterik ez.
    Txundigarria benetan eta hunkigarria Lopez de la Calleren alaba ikustea esandakoak esaten, ezker abertzaleko jendea bere etxeko atean zelatan zela bertara joaten zen jendea kontrolatzeko. Eta Arnaldo gazteago baten adierazpenak, “ETAren ekintza hori zenbait komunikabideen papera mahai gainean jartzea da…”. Eta ze kanpante esaten duen! Miresgarria. Hemen Suagarrek altzairuzko aurpegietaz hitzegiten duenean nik uste hor duela modeloa, modelo gaindiezina.
    Oso deigarria ere Vicheko kasa-kuartelaren kontrako atentatuan Otegik ematen dituen argibideak. ETAk aspalditik abisua eman zien goardia zibilei emakume eta umeak hortik erretiratzeko, hortaz, inplikatua gelditzen da, hildako hoien ardura ez da bakarrik ETArena…
    En fin, Arnaldoren kutisa beti bezalakoa dela konprobatu dut.

    • Bai eta odolez, fosa komunez, bonbardaketa masiboez, desagertuatakoez, eta eskuak bizkarrera loturik agertzen ziren hildakoez betetako herri honetan zuri ETArenak bakarrik axola zaizkizula.

    • Suagarren altzairuko aurpegia? Zer da zure aurpegia orduan? Nun euskaldunak denetarik pairatu behar omen degu xintik erran gabe, nire altzairuzko aurpegia edo milaka torturatuena? Ta hori ustezko demokrazian bakarrik, nire altzairuzko aurpegia edo estatu zapaltzaileen indar armatuak eragindako ehundaka hildako?

      Nire altzairuzko aurpegia edo zure justifikazioa besteen bortitzkeriaz? Justifikazioa bai, nun batzuk erasotzeko ta defendatzeko eskubidea omen dute , ta besteak erasoak pairatu besterik ez omen zaio gelditzen, kontrakoa, terrorista, mutturrekoa…

      Hemen muturreko iritziak zure bezalakoenak dira, hemen ta edonun, beste gauza da duzuen indarrarekin, jendeari kontrakoa sinestarazi nahi izatea.

  • “Ezker Abertzaleak gaur bertan esaten duena hogei edo hogeitabost urte lehenagotik esaten hasi zirenen heterodoxiari egin behar litzaioke merezitako aitortza, madarikatuei itzuli egin behar zaie kendu izan zaien ohorea, hori ere bai baita gure memoriaren zati eta, batez ere, hori baita batzuek orain arte ikusi ez arren, alferrikako min asko eta neke itzelen atzetik, oraintxe daukagun egoera hau ekarri diguna,…”
    Julen Madariaga, Patxi Zabaleta, Joseba Urrusolo, Miren Egaña, eta beste asko eta asko datozkit gogora.

  • – Ezker Abertzalearen ildo ofizialak autokritika egiten duela errepikatzen du behin eta berriz.
    – Ezker Abertzalearen etorkizunerako ildoa independentziaren aldeko indar metaketan buru belarri sartzea omen da euskal fronte zabal bat mobilizatu nahiean.
    – ETAk bere azken, 2 komunikatuetan, independentziaren alde Ezker Abertzaleak orain dabilzkien tesi berdinak errepikatu ditu. Abian dokumentuan azaltzen direnak.
    Inork eskatu ez dion irakurketa politikoak eginez.

    Beraz, alde batetik Otegi gaixoari belarrondokoak jasotzeko ekilibrista papela egokitu zaio. Eta bestetik ETA independentziaren aldeko borroka dinamitatzeko saiakerak egiten dabil oraindik ere. Estatuak, edo interes beren alde egiten duten komunikabideek nahi dutenean jo dezaketelako komunikatu horietara ezker abertzalearen irudia kakazten jarraitu edo independentziaren aldeko indar metaketa oro ekiditeko.

    Tristea da autokritika egin behar dela esan eta oraindik akats berdinak errepikatzen aritzea.

    Euskaldun eta erreferendumaren aldekoa naizen aldetik, ezkor naiz.

  • Arnaldo Otegi jaunak boteretsua zen ezker ABERTZALE bat suntsitzen lagundu du “soilik ezker..” bihurtuaz gainera.
    Ikastolak galdu genituen,entramatu sozial osoa, eta gaur egin gure herriaren IZENA ere.
    Arnaldo, ez dakit tontoa zaren edo okerrago den zerbait, Madrilentzat lan egiten duzun.
    Orain badakit ez zarela abertzalea, herri bat desagertarazteko kapaz zara txiringito Marxista multikulturak (kultura guztiak gurea ezik) defendatuak.

    Nik bizitza guztian ezker abertzalea bozkatu det, abertzalea zen bakarra zelako, iada badirudi ez duela izan nahi.Ez det bozkatuko hurrengo auteskudeetan,edo agian etxaiari, izan ere gehiago haserretzen naute traidoreek etsaiek bano.
    Ea noiz agertzen den alderdi abertzale euskaldun bat JONO!!

  • Heterodoxo izatea zaila da. Kanpoan gelditzea, etxera joatea, taldetik banatzea zaila da, bai. Irtenbide gogorra da, baina betiere indibiduala. Askoz ere zailagoa deritzot, ordea, kanpoan gelditu gabe, etxera joan gabe, taldetik banatu gabe, taldea utzi gabe lan eta lan jarduteari, barkuaren norabidea aldatzeraino tinko. Hori bai zaila! Eta horretan Arnaldok sekulako ahalegina egin du, ahalegin eskerga. Bere garaian, Arnaldok ere egin zezakeen, heterodoxo gisa etxera bueltatu, “ez nago zuekin ados eta hor konpon”. Baina kolektiboa jarri zuen norbanakoaren gainetik eta lanari ekin. Ez diot heterodoxiari balioa kendu nahi, baina aitortu behar delakoan nago: Arnaldoren bidea bai zaila (eta larrutik ordainarazi diote, bai horixe)! Hamaika mila esker, Arnaldo, hi haiz hi, txapela kentzeko moduko buruzagi!!!

  • La Sextaren elkarrizketa oso alderdikoia izan zen, guztiz alderdikoia. Askoz hobea izan zen atzo Maialen Iriartek “Azpimarra” saioan Otegiri egin ziona. Bertan, ezker abertzaleko buruzagiak, behintzat, bere hausnarketa politikoa adierazteko aukera izan zuen, Espainiako telebistak ukatu ziona. ETBko elkarrizketan, Otegi abertzale bat ikusi nuen, nik uste baino askoz abertzaleagoa, eta hori sorpresa atsegina izan zen niretzat. Bat nator berarekin kontzientzia nazionala, auto-estima eta independentziarekiko zaletasuna Herri gisa berreskuratu behar dugula. Guztiz ados. Baina, era berean, faltan bota nuen autokritika gehiago, urteetan ezker abertzale ofizialak izan duen ETArekiko morrontza aitortzea. Egia baita Otegik berak esan zuen bezala, askoz lehenago bukatu behar izan zuen ETAk bere jarduera armatu zentzugabea, Herri honi azken urteetako sufrimendua ekidinez. Beraz, hausnarketa politikoari dagokionez BIKAIN bat Otegirentzat, baina gatazka armatuari dagokionez EZ-GAINDITUA.

    • Peru Dulantz 2016-04-21 09:52

      Evolek Iriarterena bezalako elkarrizketa egin balio Otegiri, La Sextan eta Espainiako edozein katetan egindako azkena izango zen; eta, hala ere, erabateko etsaigoa erabiliz egindako elkarrizketa izan arren, kriston egurra jaso behar izan du… Bestalde, nik uste dut nahikoa dela iraganari begiratzeaz egungo ezker abertzalearen lan politikoa baldintzatzeko. Denok izan gara parte iragan horretan, gutxi edo asko, eta denok eboluzionatu dugu egoerarekin batera. Jar gaitezen, behingoz, orainari begira.

  • Nik ulertzen dut ezker abertzalekoak zaretenok horrelako desengainua edukitzea.
    Noski gure Arnaldok uste du ezkerrekoa izan behar dela burujabetzaren bidea. Ezker bere muturrekoa, argi dago.
    Argi ikusi nuen Otegik ETA defendatu zuela, Hipercor, Vicheko atentatua, eta abar. Zilegi iruditzen zait. Goardia zibilak ez dira pertsonak, eta abar. Gero berak esatea transizioan ez zela ETAkoa hori gezur ustela besterik ez da. Baina ezker abertzalekook horrelako trolak errex irensten dituzue.
    Ezker abertzaleak nahi izan du normala denez ETAk egindako hilketa profitatzea. Hortan ikusi nuen Otegi piska bat kontraensakor, batetik pakearen adalidea eta bestetik ETArenak, beno, ez ditzagula humillatu hildakoak egiten dituena, bestela aserretuko dira.
    Otegi abertzalea? Ezker abertzaleak nahi izan du gure herriaren askatasuna sozialismoarekin batutzea. Ondorioa hor dago, desprestigioa, Podemosi egindako mesede galanta, azken batean gure herria zatitzea. Ni oso eskubikoa naizenez iruditzen baizait hobe aberatsak abertzaleak balira. Baina klaro Otegik badu bere traiektoria enpresariak bahitzen eta horrelakoak. Ez, ezker muturrekoa izan behar da abertzale izateko baina horrein juxtu ezker mutur horren kontrako herriek, eslovenoek, eslovakiarrek, lituanoek, estonioek, kroatek, lortu dute independentzia. Eta eskoziarrek aukera. Ezker mutur horrek beti jarriko du kausa nazionala bere interes globalen menpe. Eta Arnaldo, euskaldun akonplexatu gisa, beti pentsatuko du hobe dela etengabe frustraturik egotea independentzia sozial horren segidan benetan abertzale izatea baino.

    • Barkatu Xole, ez dakit zuk ikusiko zenuen “Azpimarra” saioan Otegiri Maialen Iriartek egin zion elkarrizketa, baina elkarrizketa horretan Otegik (ahoz behintzat) abertzale integrala dela erakutsi zuen. Bere hausnarketa politikoa ikuspuntu abertzale batetik egin zuen. Nik ez dut dudarik, eta ez naiz ezker abertzale ofizialekoa. Beste gauza bat da zuk esaten duzuna, era berean ere ezker muturreko jarrera agertzea (nire gustukoa ez dena). Baina horregatik ez dugu zalantzan jarri behar bere abertzaletasuna.

      • Ikusi nuen hori eta ikusi nuen ere Ernaiko gazteak Irati Sienrak Otegiri egindako elkarrizketa. Otegik honetan argi esan zuen independentzia eta burujabetza ezker abertzalearen ikuspegitik elite espainiar, frantziar eta europearrak kolokan jarri behar zituela. Independentzia eta sozialismoa txanpon bereko aurpegi desberdinak zirela eta ez zegoela bata besterik gabe. Zer esatea nahi duzu, eslovakoak, esloveniarrak, kroatziarrak, kosovotarrak, guztiak gertatu dira independiente azken urteetan ez kapitalismoaren kontra baizik eta sozialismoaren kontra. Orduan ordenu kapitalista jarri behar da kolokan gure herria aske izateko Otegiren ustetan. Ideia hori okerra da esperientzi historikoak ageri duen bezala.

        • Jone Berridi 2016-04-23 12:59

          Xole, ez zaude guztiz oker baina ez da Kapitalismo/Sozialismo kontua, geo-politika kontua baizik. Alegia, zuk aipaturiko gertakizun horien atzean, errealitate plano ezberdinak elkartzen dira, eta horietako bat da potentzia, bloke edo botere-elkargune internazionalen arteko norgehiagoka. Kroaziaren kasua aipatzearren: nazio haren independentzia mesedegarria zen mendebaldeko potentzientzat Yugoslaviako errepublika eta, azken finean, Errusia ahultzeko, eta horregatik babestu egin zuten ekimen hura Europak eta AEBk.

          Yugoslaviako errepublika mendebaldeko potentzien aliatua edo interesekoa balitz, hau da, orden kapitalista onartuko balu, ez litzateke gaur egun Estatu independientea izango, hain zuzen ere, Ipar irlanda, Euskal Herria edo Kataluina independiente ez diren bezalaxe. Aldiz, egun Sobietar Batasuna munduko lehen potentzia balitz, era berean babestu, finantzatu eta lagunduko lituzke europako herrien askapen mugimendu ezkertiarrak, bere aurkaria ahultze aldera.

          Ondorio gisa: mugimendu abertzalea neo-liberala bihurtzeak ez lioke gure herriari independentziarako aukera gehiago emango “per se”. Kapital Internazionalak Espainia zatitzea onuragarria zaiola ikusten duen egunean, orduan lortuko dute mugimendu abertzaleek sekulako babesa, izan gorri edo urdin.

          • Hara ze kasualitatea borroka geopolitikoan bakarrik sozialismoaren kontrako herriak independizatu direla. Eskoziako kasua ez aipatzeagatik, herrialde kapitalista baten barruan independizatzeko aukera daukana. Txinan ez da horrelakorik gertatzen, tibetarrak eta sinkiangtarrak bere lurraldean bertan herri minorizatuak bihurtu dira. Sobiet Batasunak guri ekarriko lizkigukeen laguntza eta mesedeak kapitalismoarekin tenkan zenean hori joandako gauza da eta ezin dezakegu konprobatu. Dakiguna da Sobiet Batasuna herrien kartzela izan dela eta orain ere Errusiak Txetxeniarrak konkistatu dituela. Niri kapital internazionala bost axola, hoiek dira ezker muturrekoen paranoiak, dakidana da borroka antikapitalista borroka nazionalarekin batzea frakaso bat izan dela Euskal Herrian eta Otegik kopla hori kantatzen jarraitzen duela.

  • Kaxo.

    Lehenengoz sartzen naiz hemen. Gaiak interesatu nau. Nik Ebolek egindako bi elkarrizketak ikusita neuzkan. Ez dut uste Ebolek etsaigoa erakutsu zuenik. Kazetari bat ezin daiteke ibili Maialen Iriarte dabilen bezala ezker abertzaleko ordezkari baten aurrean, osaba Fermin izango balitz bezala, “esan nahi duzuna ni ahoa bete hortz entzungo zaitudala”.

    Noan Eboleren elkarrizketara.

    -Otegik behin eta berriz esan zuen ETAkoa izan zela bakarrik frankismoan. Niri gogorra egiten zait entzutea horrelako gezur borobil bat. Zergatik ez du onartu nahi ETAkoa izan zela 80garrengo hamarkadan?
    -Oso ostia txarrean jarri zen Otegi ETAren ekintzak ia berrogei urte pasata zer onik ekarri duen galdetu zionean. Aitortza nahiko alarmantea egin zuen, aitortu zuenez ez ETAk eta ez ezker abertzaleko politikoek, bide politiko bakezaletatik, ez zutela ezer ere lortu. Hori ahal da ezker abertzalearen emaitza konputoa?
    -Lopez de la Calleren alabarena argigarria gertatu zen. Ikusi genuen Arnaldo gazteago bat ETAren ekintza bereziki nazkagarria defenditzen, kazetari baten hilketa. Beste garaiak ziren, orduan ETAk objetibo berriak erahiltzen zituen. Arnaldok batere enpatxurik gabe ematen zuen aurpegia horrengatik.
    -Niri ez zait eskandaluzkoa iruditzen Otegi hondartzan egotea Miguel Angel Blancoren hilketaren egunean. Eskandaluzkoa iruditzen zait Otegik esatea ekintza horrek mina egin ziola. Horrelako hipokresiak politiko baten sinesgarritasuna puskatu egiten dute. Ez zekiela ETAkoek PPko zinegotzia hil behar zutela. Ez zuen teléfono komunikaziorik behar hori hórrela gertatuko zela jakiteko.
    -ETA oraina da, orainean bizi direlako ETAk jotako jende piloa. Ez hitzegiteagatik mehatxatua, erasotua eta humillatua izan den beste jende piloa ezker abertzalearen beste kideengatik. Ebolek ondo harrapatu zuen Arnaldo esan zionean: “ah, ez da hitzegin behar ETAkoen ekintzez baina bai frankismoaren fusilatutakoei buruz” “hori desberdina da” esatera atrebitu zen Arnaldo.

    Bukatzeko, bere ekintza ametitu nahi ez eta funtsean damutzen ez den sekuestradore bat ezker abertzaleko kandidatoa izatea koherentea iruditzen zait. Baina ez diezagutela saldu Arnaldo dela oso tipo xenxiblea eta humanoa. Ez, alimali politiko bat da, azkarra eta beste gauza asko. Hori bai, gezurrak esateko aurpegia aldatu gabe ez du parerik.

  • Jone Berridi 2016-04-23 13:57

    Xole, mendebalde liberala era berdinean dira “herrien kartzela”, baina era fin eta gozo batean, egiari zor. Tibet herria militarki okupatua eta kolonizatua izan zen. Euskal Herria eta Europa ekonomikoki eta militarki okupatuak dira ere: zorraren bitartez ito gaituzte erakunde finantzieroek, eta gure maila-ekonomikoa mantenduko duen finantzaketarekin jarraitze aldera, horren truke agenda politiko bat inposatzen dute, alegia, agenda politiko liberala. Agenda horrek libre-merkatua goraipatzen du, hau da, pertsonen eta produktuen mugimendu librea muga-zerga eta muga-kontrolik gabe. Horren ondorioz, Europa bizi-bide berri baten bila datozen milioika eta milioka pertsonaz okupatua izaten ari da gaur egun. Txinak Tibet txinatarrez bete zuen bezala, kapitalistek eta euren txotxongilo politikariek EH atzerritarrez bete dute azken hamarkadetan. Nire ustetan, Kapitalismoa eta Sozialismoa enbor bereko adarrak dira, eta biek gainezartzen dituzte irizpide ekonomikoak herri nortasunen gainetik.

    • Jone, ez dakit jakingo duzun baina Euskal Herrian etorkinak, eta batez ere etorkin espainolak, izan ditugu olatuka azken ehun urte baino gehiagotan. Ez da oraingo kontua. Baina ez gara ezta gutxiago ere Tibetar gaxoen parean. Konparazio hori obszeno xamarra iruditzen zait. Kapitalismoak eta botere finantzieroek gizakien joan-etorria gertatzeko baldintza eragiten duela dudarik ez dago. Baina ez da hori Tibeten gertatutakoaren gauza berdina. Han, gobernu txinarrak deliberatuki tibetarrak espulsatu eta txinatarrak erakarri egiten ditu. Hemen partido abertzale batek kudeatzen duen botere autonomoa dugu. Ez da independentzia, baina euskal estatua eta euskal egitura instituzionala hor dago. Eta ezker abertzalearen borroka independentista-sozialistak ikusi dugu zer lortu duen, euskaldunen arteko borroka, hilketa pila eta kartzela-zigorra bere militanteentzat. Zer du esatekorik Otegik ezker iraultzailearen borrokak ekarritako sarietaz? Ezer ere ez. 1999an agindu zigun urtebeterako independiente izango garela eta oraingoan 2020rako. Ez dut uste igarle oso exitosoa denik.

      • Jone Berridi 2016-04-23 18:39

        Bi gauzek baimendu zituzten duela ehun urtetako espainiar etorkin-uholdeak gurean: foru-aduana eta legeen galera, batetik, eta kapitalismo-industrial berriaren langile eskaria bestetik. Finean, esentzialki gaur-egungo etorkin-uholdearen kausa bera du garai artakoak: ekonomia eta merkatua edozeren gainetik jartzen duen legedia.

        EH Tibetekin alderatzea atrebentzia izan dela onartzen dut, haiek jasandakoa askoz ere kriminalagoa izan delako. Balio du esan nahi dudanerako, ordea: Txinatarrek Tibetar herria sakrifikatu zuten Komunismoaren izenean, alegia, ekonomia planifikatu eta zentralizatuaren izenean. Horrela, kapitalistentzat zein sozialistentzat, berdin-berdin, herriek, kulturek eta nazioek ez dute deus ere balio.

        Ondorio gisa, nire ustetan mugimendu abertzaleak ez luke ez liberala ez sozialista izan behar, ez eskuindar ez ezkertiar, soilik abertzale eta zintzo; hala, lurraldetasuna eta nazio (ber)eraikuntza ardatz harturik eta euskaldun jendartea subjektu natural gisa, auzi sozial bakoitza bere horretan aztertu beharko litzateke, gure errealitateik at sortutako pakete-ideologiko prefabrikatuak erabat baztertuz.

        • Ba ze esatea nahi duzu, Jone, esaten duzun gehienarekin konforme nago, bariante batekin, zoritxarrez ezker-eskubiko zatiketa hori ezker abertzaleak berak sortu zuen. Hori hondamendia da gurea bezalako herri txiki batentzako. Horregatik Otegik bahitzaile gertatu zen, pentsaturik Luis Abaitua Michelingo enpresako direktiboa zelako ez zela aski pertsona. Pena da gure herrian ideologia horrek sortu duen zatiketa eta anaien arteko gorrotoa.

      • Hemen ez da inoiz sozialismorik egon nahiz ta ezker abertzaleak sozialismoaren alde egin, hemen EAJren eredua izan degu ta jada ikusi degu ze gaizki joan zaigu, hemen boterea izan dutenak ez dira ezker abertzalekoak izan ta zuk aipatutako bortizkeri horren erantzulea ez da ezker abertzalea izan.

        Zure argumentuak jarraituz, edozein herri beste herri batek erasotua bada ta erasotua dana ez badu indarrik, zertarako defendatzen saiatu ez? Ez dute garaipena erdietsiko, ta jada herri erasotua erasotzaileei ta bertakoei egin behar badie aurre….

        Baina errua ezker abertzalearena noski, jada ikuste da nora garamatzaten eskumako politikak, ze eragin zuten latinoamerikan 80ko hamarkadan.

        • EAJren ereduarengatik Euskal Herria bizi da eta euskal aberria eraiki daiteke. Jendeak ez du pentsatzen eredu honekin gaizki joan zaigunik, zuen zoritxarrerako. Zuek sozialismoa inposatu nahi izan duzue pistola eta bonbekin. Ezker abertzaleak boterea gogorkeriaz inposatu nahi izan du eta ez du lortu. Bejondeiola horregatik.

          Zuk zure buruari kontatzen diozun ipui polit horretan Euskal Herria Ezker Abertzalea da eta Espania EAJ eta espainolak. Ba hori gezur hutsa besterik ez da. Euskal Herria ez duzue ordezkatzen eta horregatik zuen erakunde armatuak “defentsa”rako jarri duen justifikazioa faltsua da errotik.

          Ezker abertzaleak bere erruak ditu eta besteek bereak. Eta gainera Euskal Herria Latinoamerikarekin konparatu nahi didazu politikoki. Ze askapen erreferentziak!

  • Bueno Xole, zergatik leporatzen diozu Otegiri Euskal herri independente bat lortu ez izana?Zure iruzkinetatik ondoriozta daitekeenez egungo EAEan eta Espainiar estatuan eta kartzela politikarekin oso gustura zaude. Garbi dago Euskal herria ez dela independientea, ezta euskalduna ere baina horren errua ez bota Otegiri. Garbi dago gerra hau Espainiak eta bere aliatuak irabazi dutela. Baina Jose Antonio Agirrek esan zuen bezala, gure arima sekula ez duzue konkistatuko. Ze uste duzu beste sei urte gehiago kartzelan edukiko bazenuten agian zuek bezala pentsatuko lukeela? Agian kartzela politika gogorrago batekin eh Xole?

  • Otegik daki abertzale xaloak kilikatzen, baina errexa da esatea eta ez egitea eta esaten jarraitzea eta ez egiten jarraitzea. Baina gainera eske ni ez nago konforme independentzia/sozialismoa bikotearen ezkontza morganatikoarekin. Ezker abertzaleak saldu zigun aspaldi hori zela Euskal Herria askatzeko bidea. Ondorena jakina da. Europan, errepikatzen dut, herriak independiente bihurtu dira Otegiren sozialismoaren kontra. Ni gustora Espainiako kartzelan? Gustora ezker abertzalea, partidoen legea irentsi egin duena legalizatua izateko. Zuk esaten duzun gerra ezker abertzalearen gerra da eta ezker abertzaleak galdu du baina ez derrigorrez euskaldunok. Jose Antonio Agirrek Eusko Gobernua osatu eta estatuto batekin esan zuen hori, beraz arimarik ez dugu galdu Eusko Gobernua lortu eta estatuto bat izateagatik. Erdibide bat baina ezinbestekoa. Nik farra egiten dut ezker abertzaleak esaten duenean euskal estatua eraiki behar dela. Eraikita dago. Orain botoak beharko ditugu aurrera joan nahi baldin badugu. Otegiren kartzelaldia gogorra izango zen baina badago jendea gogorragoak jaso dituena, Luis Abaitua bahitua eta ezker abertzaleak bidean utzitako hilotzak adibidez. Hoiek ondo erahil eta bahitu zituzten, Arrasate?

    • Zu ez zaudela zer?Nik ez nago EAJk aberriaz daukan ideiarekin ta gutxiago han ezarri nahiko zun eredu ekonomikoarekin, ta? Horrexegatik errango dut EAJk ez dula independentziarik nahi? EAJ bezala pentsatzen ez badut uko egingo nioke euskal estatu burujabe bati EAJren ideiak nagusituko balira?
      Ba ez, estatuak eskumakoak, ezkerrekoak, zentrokoak , diktadurak…. izango dira, baina burujabe izanda gure baliabide ta errekurtso guztien jabe.

      Beraz erraten dezunean sozialismoarena ez dezula ikusten, nik uste dut erraten ari zarela independentzia zuri bost axola zaizula.

      Ikusita zer egin duten zure aldekoek EH askatzeko….

  • Bueno Xole Abaitua askatzen gogor aritu zirenak Guardia Zibilak izan ziren, beraz eskerrak eman beharko dizkiezu Estatuko Segurtasun indarrei. Estatuko Segurtasun indar horiek leku berezi bat daukate zuk “euskal estatu” deitzen diozun horretan. Eta nik ez dut inongo botorik emango zuk “eraikitzen jarraitu nahi duzun euskal estatau” hori. Zein da euskal estatu hori EAE? mesedez Xole. Europan herriak ez dira bihurtu independiente Otegiren sozialismoaren kontra. Eta Euskal herri honetan inork ez du planteatu Herri Baltikoek jarraitu zuten bidea, inor ez da ausartzen espainiar jatorrikoek ez luketela izan behar botoa emateko eskubiderik esaten. Beraz ez aipatu Europa Ekialdeko bidea jarraitu ez izana eta hori ez leporatu ezker abertzaleei.Eta zergatik kontrajartzen duzu Otegiren kartzelaldia gogorragoak jasan dituztenekin? Otegiren kartzelaldia injustua izan da berez baita espainiar legedia berarekin (erregea iraintzea).
    Beraz onartu beharko dugu Otegiren kartzelaldia ondo ikusten duzula eta gogora egiten zait eztabaidatzea iritzi bat emateagatik kartzelan sartzea onartzen duen pertsona batekin. Beraz zure azkenengo galderari ez dizut erantzungo ze zuk estatuko epaile eta poliziaren laguntzarekin jokatzen duzu. Euskal estatuko epaileak izan dira Otegi kartzelara bidali dutenak, euskal estatuan dago Logroño? Otegi euskal estatuaren presoa izan da? Zer da independentzia eta sozialismoaren arteko ezkontza morganatikoa?
    Jose Antonio Agirrek hori esan zuen gerra absurdo bat galdu zuenean, bere alderdikide gehienek abandonatu zutenean eta gerra absurdo horretan parte hartzeagatik 100.000 lagun hil zirenean. Historikoki koherenteagoa eta politikoagoa iruditzen zait 60 hamarkadan hasitako independentziaren aldeko borroka, 30.eneko hamarkadan estatutuaren aldeko borroka baino. independentziaren aldeko borrokak EAEko estatutua ekarri du. Beraz balantze bat egitekotan onartu beharko duzu 36ko estatutuak eragindako hildakoak eta sakrifizioak askoz handiagoak izan zirela 1979koak baino.
    Gainera 36.ko estatua erdibide bat izan zen baina ez independentziara frankismora baizik.

    • Nik estatuko polizia indarrak ETA juzkatzen dudan neurri berdinarekin juzkatzen ditut. Zer egiten dutenaren neurriarekin. Zure inbentoa da bestelako guzia. Zuri akaso ondo irudituko zitzaizun enpresa baten direktibo bat bahitzea. Ba horrek ez du zerikusirik euskal kausarekin, hori da ezker abertzaleak euskal kausaren aitzakiaz egiten zituen azio hoietako bat. Kapitalismoaren aitzakia hemengo jendea hil eta bahitzeko aitzakia izan da, bestelako aziotarako ere. Eta ezker abertzalea sobietikoen alde eta bertako herrien kontra egon da beti. Herri zapalketa kapitalismoaren aitzakia tartean dela beti egon da justifikatua. Bestela ikusi ze karantoñak egiten zizkion ezker abertzaleak Milosevici eta nola kondenatzen zuen OTANen interbentzioa kosovarrak eta bosnioen hilketak gelditzeko. Otegiren kartzelaldiaz ez dut ezer esan (bai, gogorra izan dela) eta konkluitzen duzu alde nagoela. Eta azkenengo galderari ez diozula erantzungo epaile eta polizien beldur zarelako? Mutila, ez izan horrein temoso. ETAren hilketen apologia egitera zindoazen? Ze gaiztoa estatua, horrelako iritzi bat esaten uzten ez dizulako. Ezkontza morganatikoa? Ba zerikusia ez duten bi gauza batzea da hoietako gauza baten mesedez. Independentzia/sozialismoa bikoteak ez dio mesederik ekarri Euskal Herriari baina gure herrian sortu du ezker abertzalea bezalako egitura antikapitalista bat hilketa pila eragin dituena horren izenean. Historikoki zuri nahi dizuna irudituko zaizu baina Jose Antonio Agirreren proiektua gaur bertan gauzatua dago eta ezker abertzaleak 60garrengo hamarkadan hasitako independentzia/sozialismo bideak ez du ezer lortu. Koherentzia etekinetan dago, proiektuen gauzatzean, eta zuen proiektuak eta Otegik horixe aitortu zion Eboleri ez du ezer lortu. Hainbeste hildako eta preso eta gero jau

      • Ezker abertzaleak ez ditu helburuak lortu, baina behintzat saiatu da, agian ez modu egokian, baina saiatu eta saiatu jarraitzen du.
        Euskal eskuinak lortu al ditu helburuak? Euskal Herria españolizatzea eta zatitzea al zen helburua?

        Ba non dago Euskal Herria eraman nahi duen beste mugimendua? euskal eskuina indepentzia zalea? Agirre Lehendakariaren garaitik ez da inon ageri.

  • Agirreren proiektua gauzatu du euskal eskuina deitzen duzun horrek. Modu demokratikoan, nafarrek bestelako euskaldunekin batzeko aukera dutela.
    Ezker abertzalea saiatu da bazterrak nazkatzen eta guzia izorratzen eta azkenean derrotatua izan da. Gaitzerdi.

    • Orain Euskal Herrian bizi dugun egoera baldin bazen, Francorekin bat egingo zuen. Agian bai, Espainiar errepublika baten alde sakrifikatu zituen milaka euskaldun.

      Gaur egungo egoera, espainiar okupazio eta kolonizazioa mantentzea, herriaren zatiketa mantentzea, euskeraren gainbehera,… espainiarrek bakarrik ezingo zueten lortu hori guztia, baina euskal eskuinaren kolaborazioa izan dute euskal independentismoaren errepresioan eta horrek kutsu demokratikoa eman dio, gainera.

      Helburua lortu du Espainiak, euskal eskuinaren laguntzaz. Lastima Euskal Herriaren aurka izan den.

  • Euskal Herria eta ezker abertzalea ez dira gauza berdina. Ea noiz enteratzen hasten zareten egi soil horretaz. Ezker abertzaleak hasi zuen bere gerra eta gerra hori galdu du. Orain guztiok izan behar dugu ezker abertzalearen saio odoltsu antzu horren erantzule, bai zera! Euskal ikurriñaz inguratu nahi duzue zuen kausa hutsa dena. Ba hori ez da egia.
    Agirreren proiektua hiru probintziak batzea zen erkidego bakarrean eta hori lortu da. Nafarrek nahi badute gurekin bat egin dezakete. Zuretzat ez du ezer balio. Hor ikusten da zure abertzaletasunaren tamaina eza.
    Espainolek esaten dute ere zuen laguntzaz bizi izan dela EAJ. Errealitatea EAJk bere bidea hartu duela eta bide hori irabazi duela. Hori egiten zaizue irentsigaitza.

  • Euskal herria eta EAE ez dira gauza berdina ea noiz enteratzen zaren Xole egi soil horretaz. Ezker Abertzalak ez du lortu euskal estatu independiente bat baina hori kritikatzea zuri ez dagokizu.EAE saio odoltsu baten ondoren lortu da eta sufrimendu askoren gainean ari zarete mantentzen.Agirreren proiektua zein izan zen benetan? Lizarrako estatutua?Espainiako Atzerriko Errepublikako presidenete izatea? Euskadi independiente bat Europar Batasunean egotea? Estatu batuarren interbentzio militarra lortzea bigarren mundu gerraren ondoren Francoren kontra eta Euzkadi eskatzeko. Nik uste dut Agirrek ez zuela izen helburu politiko seriorik. Baionako Ituna sinatu zuen monarkiaren aurka, eta eusko jaurlaritza baldintzrik gabe ezartzeko hegoaldean. Ba bueno Xole, bere oinordekotza eskatzen dutenek bi baldintza horiek ez zituzten bete. Beraz Agirreren lejitimitatea ez eman oraingo erkidego autonomo horri. Non esan zuen Agirrek bere helburua 3 probintziekin erkidego autonomo bat egitea zela?
    Ezker Abertzaleko batzuk euskal ikurriñaz inguratzen dute euren burruka, baina zuen “engendro” instituzional horren bandera ofizialak Espainiakoa eta ikurriña dira. Egia da EAJk bere bidea hartu duela baina EAJ 2016an ez da 1936koa. EAJk gaur egun ez dauka militanterik, ez proiektu politikorik , eta ez ezer. Zergetatik, eta beraz estorsiotik bizi dan ente bat baino ez da.
    Gainera Xole, “demokraziaren” oinarri minimoak ere ez dituzu errespetatzen, badakizu zure erkidego autonomo honetan OTANi ezetz esan ziotela botoemaileek, eta beraz kondenatu egin beharko zenituzke OTANek egindako ekintza militar guztiak. Beraz Xole ez bazara demokrata, eta bakezale, eta zure jarduera politikoa Espainiako banderaz inguratzen baduzu ?zer zara? Erantzuna ez da zaila.
    Ondorioz, zergatik leporatzen diozu Arnaldori bere helburuak lortu ez izana, zuk helburu horien kontra egiten baduzu?

  • Nola niri ez dagokidala kritikatzea ezker abertzalea lortu ez duenarengatik? Ezker abertzaleak ez du bakarrik ez-lortu estatu independiente bat, borroka bat eraman du eta ehunka pertsona erahil ditu bere erakunde armatuak. Berak sortutako sofrikarioa eta giza hondamena kritikagarriak dira. Gertatzen dena da zure moldeetan ezker abertzaleak status ia erlijiosoa duela, gizakien gainekoa. Ba ez, ezker abertzalea erakunde guziz gizatiarra da eta beste edozer erakunde bezala kritikatu daiteke, nahiz eta zuk bestela pentsatu. Agirreren proiektua Eusko Gobernu bat eratzea zen, estatuto bat lortu eta fatxismoari aurre egitea izan zen. Euskal kondaira piskat gehiago irakurri beharko zenuke. Bere proiektua gainera gauzatu da, beraz Agirrek irabazi du. Eta esatea lehenengo Agirrek ez zuela helburu politiko seriorik eta gero EAJk ez duela bere ideala gorde, kontradikzio sakonetan erortzea da. Agirreren estatutua baino hobea zen bat lortu zuen EAJk. Nola ez zuela Agirrek hori onartuko? Agirrek hiru probintzietako estatuto bat ordezkatzen zuen. Nola uka dezakezu oraingoa bestearen ondorioa ez denik? Sikofoniak egiten dituzu Donibaneko bere hilerrian? Bandera espainiarra ezker abertzalea buruan dagoen udal guzietan jarrita dago. Beraz, lehenik, bestea kritikatu baino egin besteei eskatzen dizkiezuen etxekolanak. Gaurko EAJ bestearen ondorioa da. Ajuriagerrak eta Leizaolak eman zioten Garaikotxeari ordukoaren oinordekotza. Esango didazu ba ezker abertzalea ordezkatzen duela 36ko EAJ? Horrelako inbentzioak irakurtzeko jaio gara, bai. Nik zergatik ukatu behar ditut OTANen ekintza militar guziak? Zuretzat ondo dago akaso Milosevicen piztiek eragin zituzten sarraskiak? Zuk inguratzen nauzu ezker abertzalearen udaletxetan ondeatzen duen bandera espainiarra. Eta ez bada gutxi gainer errepublikar espainola jartzeko potroak dituzue. Dobleki espainiar banderaz inguratu zarete ezker abertzaleko kideak. Ni noski nagoela Arnaldoren independentzia/sozialismoa bikote horren kontra. Ez dizut inoiz ukatu, ezker abertzalea buru eta ezin kritikatu daitekeen erregimen poliziala ez zait gustatzen eta gutxiago buru bezala bahitzaile gezurtero bat, Arnaldo den bezala.

  • Momentuz erregimen poliziala EAEn bertan dago, Europako edozein eskualdeetan baino polizia gehiago daukazue eta beraz ez leporatu inori . Aguirrek ez zuen helburu politiko garbirik baina hala ere gaurko EAj ez da bere oinordekoa, Ezker Abertzale ofiziala errepublikao banderak jartzen ibili dira, baina bandera hori EAJk gogor defendatu zuen 36-37ko gerran, eta baita gero ere. Beraz orduko EAJ, oraingokoa eta Ezker Abertzale ofiziala bandera bertsuak defendatzen ari zarete. Funtsean Eta noski ez daukazula Ezker Abertzaleari kritikatzeko eskubiderik, ez behintzat eragin duen sofrikarioa argudiatuz eta halaber OTANen bonbardaketak defendatzea.
    Historia piskat ba dakit eta garbi daukat Baionako Itunean EAJk Euzko jaurlaritzak Hegoaldean baldintzarik gabe agintean jartzeko konpromisoa hartu zuela. Eta Franco hil eta gero konpromiso hura ez zenutela bete. Aitzitik, onartu zenituen Suarezen erreforma eta ondoren deitutako Espainiako Gorteetako hauteskundeak. Hauteskunde horiek onartu eta gero Leizaolak ez zuen inolako lejitimitaterik ezer trasmititzeko , eta zeremonia hura, hori izan zen zeremonia bat inolako eduki politikorik gabea. Lejitimitatea Espainiako gorteetan zegoen… eta dago.

  • Momentuz ezker abertzaleko jefeek erregimen polizial horren fiskaliarekin paktatu egiten du beraiek ETA direla esanda kartzelan sartuak ez izateko. Ziur nago nahiago zendukeela Lopez de la Calleren alabak deskribatzen zuen erregimen poliziala, bere aita erahil zutenean etxeko atean ezker abertzaleko militanteak bijilantzian egotea ea zeintzuk ematen zizkion doluminak ikusteko. Ze garaiak! ETAk erahil eta ezker abertzaleko oinezkoek populazioaren erreakzioak bijilatu. Agirre Lehendakariak proiektu bat zuen, urtetan ibili zen euskal estatuto bat lortu nahiean, lehenengo karlistekin paktatu zuen horretarako eta gero errepublikarrekin. Eta gaurko EAJ bere ondorengoa da, zuk nahi ala ez. Bai, OTANen azioa Yugoslavian, horren alde nago, herri zapalduen kausa defendatu zuelako Milosevic zuen laguna herrialdeak zapaldu eta masakratzen zituen bitartean. Ezker abertzaleak egin dituen hilketak kritikagarriak dira niregatik eta edozeinengatik eta zu ez zara aitasantu politiko bat bestela esateko.
    EAJk estatuto bat nahi zuen eta lortu zuen. Hori da egia. Noski, EAJk Suarezen erreforma onartu zuen estatuto baten truke. Eta 1977ko hauteskundeetan eta geroagokoetan argi gelditu zen partido bakoitzak izan zituen botoak. Ezker abertzalea, ikusi zen orduan eta gero, kontrakoak, gutxiengo bat besterik ez zinaten. Eta herria kontra egon arren ETAk kriston sarraski pila egiten jarraitu zuen. Leizaolak ez zuela lejitimitaterik? Bera zen Eusko Gobernuaren Lehendakari Agirre hil ondotik eta berak transmititu zuen ordezkatzen zuena eta noski ezker abertzaleak betidanik mesprezatu egin duena. Zuretzat, bandera errepublikarra eta monarkikoa ezker abertzaleko balkoietan zintzilikatu egiten direnez, ez naiz harritzen lejitimitatea Espainiako gorteetan dagoela sinestea.

  • Lopez de lacallaren alabak esaten duenak niri ez dit inporta. lopez de Lacallek defendatzen zuen erregimen poliziala da orain indarrean dagoena. EAJk ez zuen ezer paktatu, baldintzarik gabe onartu zuen Postfrankismoak eskaini ziona. OTANen bonbardaketaren alde bazaude, berriro diot, eskubide guztia kentzen dizu ezer kritikatzeko. Are gehiago Erkidego horren populazioak, botoen bitartez esan zuelako OTANi ezetz. Gainera aurreko post batean boto gehiago eskatzen zenituen ez dakit zer gehiago lortzeko. Bueno ba Xole: zuk hainbeste gorrotatzen duzun Arnaldo Otegik eman zizkion boto horiek Ibarretxeri… eta zer egin zuen? Ezer ez. Eta Leizaolari zuek kendu zenioten legitimitatea. 1977ko hauteskundeak egin eta gero ze legitimitate zeukan atzerriko euskal Gobernuak? bat ere ez.Eta mesedez ez esan OTANek herri zapalduak defendatzen dituela. Zergatik ez zion lagundu Agirreri Euskal Herria askatzeko?

  • Xole, PNVren abertzaletasuna intxaurrondoaren arrimura elikatu da ETAren sorreratik hona. Orain gutxi arte, PNVk ez zituen tronkua eta abarrak astintzen, bai ordea intxaurrak batzen. ETA eta ezkerreko mugimendu abertzalerik egon ez balitz, gaur egun PNV alderdi regionalista hutsa izango zen, Cantabriakoa den bezala, eta Iñigo Urkullu, berriz, Miguel Angel Revilla ezdeus bat.
    Orain denok joan beharko dugu intxaur bila, Xole, eta zuek ere arbola ondo astindu beharko duzue, fruiturik bilduko baduzue. Bestela jai.

  • Bost axola dizu erregimen polizial baten kolaboratzaile erahil baten alabak esaten duena ezker abertzaleak bere ate ondoan egindako zelatari lan polizialari buruz. Ulertzekoa da. ETAk hil du eta horregatik merezi zuen, eztala? Ez, ez erantzun, espetxean sartzeko arrisku bizian egongo zinateke erantzungo bazenu. OTANek yugoslaviako ejerzito inperialistaren kontra ekin zuen, Milosevic zuen lagunaren kontra, bere tankeak Eslobenia, Kroatzia, Bosnia eta Kosovora eraman zituena. Zuretzat orduan zilegi zen Milosevicek egin nahi izan zuen garbiketa etnikoa? Erantzun dezakezu galdera hau zigor penalaren inongo beldurrik gabe, Arrasate. Nik ulertzen dut Agirre proiekturik gabe zegoela esaten baduzu nahiz kontrakoa begibistan izan eta bere zilegitasuna eta Leizaolarena ez badituzu ametitzen nola ametituko duzu Leizaolak Garaikoetxeari egin zion potere transmisioa. Ulertzekoa da. Baina gaurko Eusko Gobernua bestearen ondorena da zuk nahi ala ez. Zergatik? Lehengo gobernuko arduradunak eta lehendakari berriak horrela adostu zutelako. Belatz, ez dut uste ezker abertzaleak edo ETAk inoiz EAJri mesedea egin zionik. Eta gainera kontraesantsua da esatea EAJ Intxaurrondoren arrimuan elikatu dela eta era berean ETAk laguntza eman ziola. Piska bat surrealista da horrelakoak irakurtzea, baina ohituta nago.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude