Zarauzko zakarrontzien erreketek eta udako bestelako ekintzek, nahiz eta Eusko Jaurlaritzak esan ez direla “kale borrokako ekintzak”, zer esana izan dute euskal politikagintzan. Edo behintzat batek baino gehiagok ahoa zabaldu du etekina ateratzekotan. Antonio Basagoitik sinesgarritasuna kendu nahi dio ezker abertzalearen edozein manifestu edo adierazpeni, ekuazio logiko korapilatsuak eginaz: “Batasuna sinesten duena pepelerdoa da edo bestelako interes nazkagarriak ditu”, adierazi du PPko lehendakarigaiak.

Jose Antonio Pastor PSEko bozeramaleak adierazi duenez, azken ekintzek “garbi” erakusten dute ezker abertzalearen “zati batek” oraindik biolentziaren erabilera “hobesten” duela. 

Baina aizue, galdu naiz jada… zuek zerbait ulertzen duzue? Ez al zuten hauek biolentziaren “kondena” eskatzen atzo arte?