Asteburu honetan: Txekor azpizuna orburuekin eta idiazabalgo gaztaren saltsarekin RZ

Asteburu honetan: Txekor azpizuna orburuekin eta idiazabalgo gaztaren saltsarekin RZ –

Txekor azpizuna orburuekin eta idiazabalgo gaztaren saltsarekin RZ - Pagotxa RZk

Asteburu honetan haragiak RZ sailtxoa jarraituz Txekor azpizuna orburuekin eta idiazabalgo gaztaren saltsarekin RZ goxo hau dakarkizuguIker Markinezen «Euskal sukaldaritza praktikoa» bere liburuko beste RZ goxo eta erraz bat. RZ zaporetsua eta denak txundituta uzteko primerakoa, lagunekin gozatzeko, ama eta izeba bisitan datozenerako, ligatzeko… Segi gozo, segi fin eta on egin 🙂

TXEKOR AZPIZUNA ORBURUEKIN eta IDIAZABALGO GAZTAREN SALTSAREKIN

Asteburu honetan: Txekor azpizuna orburuekin eta idiazabalgo gaztaren saltsarekin RZOsagaiak 4 pertsonentzako:

  • 4 azpizun xerra (200 g ingurukoa bakoitza)
  • Dozena bat orburu
  • Idiazabalgo gazta puska bat, 150 g
  • Basokada bat esne gain
  • Koilarakada pare bat irin
  • Oliba olio birjina
  • Gatza
  • Piperrauts beltza

Errezeta

  1. Lapiko bat urez bete, eta koilarakada pare bat irin eta gatz pitin bat bota. Sutan jarri berotzen irakin arte.
  2. Bitartean, orburuak prestatzen hasiko gara. Horretarako, orburuei lehen orriak kenduko dizkiegu. Beldurrik gabe kendu. Horretan dago sekretua, bestela kanpoko kapak jatean gortasun puntua ematen diote. Zuztarrak, berriz, moztu gabe zuritu, findu arte. Hori bera egin beste orburuekin, eta punta aldea ere orburu bakoitzari ondo moztu. Garrantzitsua da ordena horri jarraitzea, bestela orburuak azkar belzten hasiko dira. Ur irakinetara bota, eta 20 bat minutuz irakiten eduki. Sua itzali eta bertan utzi epeldu arte. Ondoren, orburuak atera, eta erditik moztu, puntatik buztanera, eta gorde.
  3. Lapiko batean, esne gaina su motelean berotzen jarri. Idiazabalgo gazta pusketatan xehatu eta lapikora gehitu. Ongi nahastu eta gazta ondo urtu arte irakiten eduki, minutu pare batez gutxi gorabehera. Sua itzali eta gorde.
  4. Zartagin zabal bat plantxa modura ondo berotzen jarri, su bizian. Jarraian, azpizunak bertan ipini. Gatz pitin bat bota, baita piperrauts beltza ere. Olio zorrotada fin bat gehitu, eta hiru bat minutuz zartaginean erre eta buelta eman. Beste hiru bat minutuz eduki, eta gatza eta piperrautsa bota. Azkenik, azpizun xerrak erretilu batera pasatu, eta sua itzali gabe gazta eta esne gain saltsa bertara irauli.
  5. Pare bat minutuz irakiten eduki. Hala, saltsa lodituko zaigu. Bertara orburuak gehitu, azken berotua emateko, eta jada platera bukatuko dugu. Horretarako, platerean azpizun xerra jarri eta gainetik eta inguruan orburuak jarri, eta dena saltsaz ongi estali.

Bere lehen liburua plazaratu du Txertoa katalogoa eta Ttarttaloren eskutik, «Euskal sukaldaritza praktikoa»Kasu!

Orburuei lehen orriak kenduko dizkiegu. Beldurrik gabe kendu. Horretan dago sekretua, bestela kanpoko kapak jatean gortasun puntua ematen diote. Zuztarrak, berriz, moztu gabe zuritu, findu arte. 

Iker Markinez ormaiztegin KUKO Jatetxeko sukaldaria…

Akaso!

Xuban Intxaustik gidatzen zuen ETBko “Txoriene” saioan Ikerrek TXEKOR AZPIZUNA FOIE ETA PORTO SALTSAREKIN RZ egin zuenekoa…

Asteburu honetan: Txekor azpizuna orburuekin eta idiazabalgo gaztaren saltsarekin RZ

Errezeta gehiago…

Asteburu honetan: Haragi eta barazki lasagna

MahalenMahala - mahala.eusMahalen eta mundua 2.atalaMahala

Asteburu honetan: Txekor azpizuna orburuekin eta idiazabalgo gaztaren saltsarekin RZ
Pagotxa RZk

Amatxoren altzoa utzi duzu eta abandonaturik sentitzen zara. Lasai, ez izutu, sukalde zintzo eta garbia, zopa eder bat, entsalada bikain bat, esneki goxo bat… horrelako gauza xume bezain zailak aurkituko dituzu PAGOTXA RZtegian. Etxean egiteko aproposak denak!

Utzi erantzuna

Zure e-posta helbidea ez da argitaratuko. Beharrezko eremuak * markatuta daude