Asteburu honetan: Ganbak baratxuritan

Asteburu honetan: ganbak baratxuritan

Ezagutzen duzu inor ganbak gustatzen ez zaizkionik? Guk ez. jaki erraza eta zaporetsua, gainera, baratxuriarekin areagotu egiten dena. Hemen daukazu nola.

.

Ganbak baratxuritan

Ganba edo otarrainxka errezeta hau dizdira eta luxuxko platera duzu, prestatzeko oso erraza eta izugarri gozatzekoa.

Osagaiak:

  • 40 ganba
  • 8 baratxuri ale
  • 4 kaienatxo
  • 10 goilarakada oliba olio
  • gatza

Errezeta:

  1. Ganbak zuritu eta hotzetan gorde.
  2. Baratxuri atalak zuritu eta xerratu.
  3. Zartagin txiki batean, baratxuria eta kaienak gorritzen hasi 3-4 koilarakada oliotan.
  4. Baratxuria kolorea hartzen hasten denean hatz bateko altuerara arte olioz bete eta aurretik gatzatutako otarraixkak gehitu. Gorritzen jarraitu su bizitan.
  5. Olioa bir-birrean hastean sutatik atera eta minutu batez itxaron zerbitzatu aurretik.

Kasu!

Asteburu honetan: ganbak baratxuritanBuztinezko plater txiki batean otarrainxkak ipini eta erabilitako olio apur batez busti. (Ez badaukazu buztinezko platerik ere, konponduko zara, ez da hala?)

Aurretik garbitutako buruekin, saltsa bat ere egin dakieke. Buruak olio gutxirekin zartaginean gorritu eta ardo txuri eta ur pitin bat gehituz. 5 minutuz su ertainean egosi. Iragazi eta otarrainxka platerari gehitu.

Alde handia dago izozturiko ganbak edo freskoak direnen artean. Izoztutakoak erostea erabaki ezkero, kuzinatu aurretik, ongi kendu behar zaie askatzen duten ur guztia, ongi friji daitezen. C’est comme ça.

Asteburu honetan: ganbak baratxuritan

Asteburu honetan: arrautza poxatuak

Asteburu honetan: Pizza, tomate, mozzarela, albaka eta antxoilekin

Asteburu honetan: intxaur eta txokolate browniea

Asteburu honetan: ganbak baratxuritan

Pagotxa.eus

pagotxa

“Errezetak habia utzi duten zure moduko txorientzat”

   Geuria Merkatua denda  MAHALA

Asteburu honetan: ganbak baratxuritan
Pagotxa RZk

Amatxoren altzoa utzi duzu eta abandonaturik sentitzen zara. Lasai, ez izutu, sukalde zintzo eta garbia, zopa eder bat, entsalada bikain bat, esneki goxo bat… horrelako gauza xume bezain zailak aurkituko dituzu PAGOTXA RZtegian. Etxean egiteko aproposak denak!

Utzi erantzuna

Zure e-posta helbidea ez da argitaratuko. Beharrezko eremuak * markatuta daude