Clooney, Suediatik ihesi Italiara doan armagin amerikar misteriotsua da. Gizon bakartia bera, argi dago ohitua dagoela pistolen kolpekaria sakatzera, ez baitu dar-dar txikiena ere egiten norbait akabatu behar duenean. Profesionala da. Ezagun duen gizon ileurdin batek, errifle bat prestatzeko enkargua luzatzen dio eta unean bertan emakume batekin jartzen da kontaktuan. Italiako herri txiki haietan ordea, Clara izeneko prostituta eder bat ezagutu eta maitemindu egingo da. Merezi al du horrelako bizitza bakarti eta hotzarekin jarraitzea?

Gustu handiz aukeratutako planoek, zein soiltasun indartsuz osatutako argazkiak, zinemetako besaulkietara itsatsita utziko zaituzte ziur. Thriller honek ez ditu zinta amerikar baten osagaiak, prestatzeko era bera ere, sukaldeko lana, ez da Hollywoodeko estiloan egin.

Zinemalditik at zinemara joan nahi duzula? Txibizkeria hutsagatik pantaila handiaren aurrean jesarri nahi duzula? Ba hemen aukera bat.

 

Zuzendaria: Anton Corbijn