III. Poltsiko Antzerki Sorkuntzaren deialdian izena emateko epea zabalik

Poltsiko Antzerkiaren alorrean euskarazko sorkuntzak bultzatzeko III. Proiektu Deialdia antolatu du Donostia Kulturak, Donostiako Udaleko Euskara Zerbitzua eta Euskal Herriko Antzerkizale Elkartearen laguntzaz. Izena emateko epea abenduaren 14an amaituko da. Gehienez ere, 4.000 euro jasoko ditu egitasmo hautatuak. Informazio guztia Poltsiko Antzerkiaren orrialdean.

Ekimen honen lehen helburua formatu txikiko antzerkiaren inguruan euskarazko lanen eskaintza urria ikusita, alor horretan euskarazko sorkuntzak bultzatzea da.

Bestalde, sorkuntzarako diru laguntza soilaz gain, antzezlan horien ekoizpenean eta hedapenean laguntzea da bigarren helburua, eta beraz, aukeratutako proiektuarekin emanaldiak antolatu nahi dira ere.

Kategoria bakarra eta orokorra izango da. Mota eta genero guztiak onartuko dira, baita dizplina artekoak ere.

Sorkuntza proiektua gauzatzeko kultur etxeek espazioak lagako dituzte martxoan zehar hautatutako obra lantzeko.

Sorkuntza lanaren 4 estreinaldi egingo dira Poltsiko Antzerkia jaialdiaren programazioaren barruan, 2013ko maiatzaren 9tik 26ra bitartean. Estreinaldi hau Donostiako 4 taberna ezberdinetan egingo da.

antzoki, antzokia, Donostia, Euskal Herria, Kultura, Poltsiko antzerkia

Utzi erantzuna

Zure e-posta helbidea ez da argitaratuko. Beharrezko eremuak * markatuta daude