Durangoko Azokak Ipar Euskal Herriko nobedadeak aurkeztu ditu

Durangoko Azokak Ipar Euskal Herriko nobedadeak aurkeztu ditu –

  • Ipar Euskal Herriko nobedadeak aurkeztu ditu gaur Durangoko Azokak Baionan egindako prentsaurrekoan.

Durangoko Azokak Ipar Euskal Herriko nobedadeak aurkeztu ditu gaurDurangoko Azokako 54. edizioan Lapurdi, Behenafarroa eta Zuberoako 9 erakusmahai egongo dira. 40 nobedade baino gehiago egongo dira: 23 liburu, 3 liburu-disko, 13 disko, Seaskako egutekia… Nobedade guztien %10 Ipar Euskal Herrikoa izango da. Autoekoizleen Plazan ere Ipar Euskal Herriko disko bat egongo da: Bankako Menditarrak.

Horrez gain, 15 kultur ekitaldi baino gehiago izango dituzte. Ostegun arratsaldean, abenduak 5, Ipar Euskal Herriko lau lan proiektatuko dira Irudienean.

  • Ahotsenea zuzenekoak: Willis Drummond, Manez eta Kobreak, Murgi, Antton Larrandaburu eta bitxiloreak.
  • Irudienea: “Gazteluak zubi” dokumentala, “Hiru uhinak” dokumentala, “Ito” film laburra, “Tantaka” websailaren lehen atala, “Anti” film laburra.
  • Ahotsenea solasaldiak: Mixu – Sustraiak, Maiatz aldizkariaren 68. eta 69. zenbakiak.
  • Saguganbara: Altxorraren bila! (Elkar), Aldo musikari! (Matahami).
  • Gogoetaren Plaza: Jurgi Ekiza.

Prentsaurrekoa Baionako Euskal Museoan antolatu da, EKEk antolatuta. Gerediagako kideekin batera, Ipar Euskal Herriko sortzaileak eta diskoetxe eta argitaletxeetako arduradunak izan dira.

Ipar Euskal Herriko ekoizpenak oso presente egongo dira Durangoko Azokako 54. edizioan. Aurtengo kulturaren plazan Lapurdi, Behenafarroa eta Zuberoako 40 nobedade baino gehiago izango ditugu: 23 liburu, 13 disko, hiru disko-liburu eta Seaskako egutegia.

Landako Gunean 264 erakusmahai izango ditugu, horietatik bederatzi Ipar Euskal Herrikoak izango dira. Egitarauari dagokionez ere, 15 kultur ekitaldi baino gehiagotan izango dugu Ipar EHko sortzaileen parte-hartzea.

Ahotseneako zuzenekoen karpan, lau talde izango ditugu: abenduaren 5ean Willis Drummond talde ezaguna “Zugzwang” lan berria aurkezten; abenduaren 6an Manez eta Kobreak eta Murgi taldeak izango ditugu; azken egunean, bere aldetik, Antton Larrandaburu eta bitxiloreak, “Ibilbide terapeutikoa” aurkezten.

Ahotsenea solasaldien kasuan, azken egunean ere aurkezpen bi izango ditugu: Agorilaren “Mixu – Sustraiak” lan kolektiboa eta Maiatz aldizkariaren 68. eta 69. edizioak.

Saguganbaran, aurkezpen bi egongo dira: abenduaren 6an Elkarren “Altxorraren bila!”, eta 8an Matahami argitaletxearen “Aldo musikari!”.

Irudienean, lehenengo egunean, Ipar Euskal Herriko hainbat lan proiektatuko dira: “Gazteluak zubi” dokumentala (Eneko Zuberogoitia, Ane Zuazubiskar eta Unai Portilla); “Hiru uhinak” dokumentala (Loic Legrand – Kanaldude); “Ito” fikziozko film labur kolektiboa; eta “Tantaka” websaila (Idoia Rodriguez eta Joana Parot). Horrez gain, abenduaren 6an Josu Martinezen “Anti” lana ere egongo da ikusgai, Ipar EHn euskarak izan zuen debekuaren ingurukoa.

Gogoetaren Plazan ere Jurgi Ekizak parte hartuko du, “Kultura lana da, profesionalizazioa hizpide” mahainguruan, abenduaren 7an 12:30ean Musika Eskolan, Maite Mutuberria eta Danele Sarriugartegaz batera.

 

Durangaldea lan esparru duen elkartea gara, baina Euskal Herri osora zabaldu eta hedatzen diren ekimenak ere tarteka burutzen ditugu. Adibiderik, garbiena, Durangoko Azoka bera da. 1965. urtean sortu zen elkartea, eskualdetasuna aldarrikatzeko beharrizana ikusi zutelako eta gertuko ondare historikoa zein kulturala - galduta zegoena - berreskuratu eta zaindu beharra zegoela sinistuta.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude