Inhar Serranok irabazi du 2023ko Udazkeneko Zuzeu Gaztea Saria – 

Udazkeneko Zuzeu Gaztea Saria dugu sarrera honetan mintzagai, 2023ko urri hasieratik abendura bitarteko parte hartzeari saria-ematea atzeratu zaigula esanda; barka partehartzaileei. Laster izango da Neguko saria emateko unea ere (urtarril hasieratik martxoak 31ra arteko sarrerarik onenari).

Zortzi sinaduraren 27 sarrera argitaratu ditu Zuzeuk udazkeneko GAZTEA atalean, eta guztien artetik, Inhar Serrano Garridoren “Eman Ume” saritzea erabaki dugu.

Hiru hilabeteko honetan Iraia Barbarias ere aipatu nahi dugu, “Bikaintasunak ez du generorik ezagutzen” sarrera, adibidez. Eta gainera, Patricia Morales-en “ZETAK, Nafarroa eta ekimenak, zeinen ederrak diren” zein Izaro Uriarteren parte hartzea ere nabarmentzeko modukoa begitandu zaigu. Espero dezagun guzti hauek, eta aipatzeke utzi ditugunak, aurrerantzean ere idazten jarraitzea. Hiru hilabeteroko saria dugu 30 urtez azpikoen idatzi onenarentzat. Parte hartu nahiko bazenu, hemen duzu arautegia.

Apirilaren 14an, ZUZEUk 15 urte beteko dituela eta, Neguko saria emango dugu, eta akaso berritasunak izango dira. Bitartean, zaude adi eta… segi fin!

Inhar Serranok irabazi du 2023ko Udazkeneko Zuzeu Gaztea Saria

ZUZEU GAZTEA SARIA: Hiru-hilabetean behin… 500€ artikulu onenari

2023ko Udazkeneko Zuzeu Gaztea Saria