Hizkuntzagatik diskriminatuta. Lekukotasuna

Hizkuntzagatik diskriminatuta –

Hizkuntzagatik diskriminatutaGaur, hemen, Nafarroa Garaian, euskaraz lan egiten duten enpresek ezin dute administrazioarekin gure hizkuntzan lan egin. Funtzionario gehienak euskaldunak ez direnez, txostenak edo proposamenak euskaraz eginez gero, itzul ditzazula eskatzen dizute edo itxoin behar duzula itzultzaileek itzuli arte. Hau da, administrazio publikoak euskara baztertu eta espainieraz lan egin dezaten bultzatzen du halabeharrez.

Adibide zehatz mordoa jar daiteke. Foru Erkidegoko administrazioarekiko harremanetan eta udalerriekin behartuta dago enpresa espainieraz idaztera eta batzarrak espainieraz egitera. Funtzionario bat eta bakarra euskalduna ez den kasuetan ere bai, gainontzeko 4, 5 edo 6 pertsonak euskaldunak bagara ere.

Eskualde euskalduna deritzoten horretako udalerri batzuen kasua da salbuespen bakarra.

Euskaraz lan eta bizi nahi dugunok, egunero, errealitate horrekin topo egiten dugula aintzat hartuta, espainieradun elebakarrak diskriminatuta daudela entzuteak gure instintorik baxuenak pizten ditu. Ezin dute horrenbertzeko kopeta izan.

[Euskalerria Irratiko Metropoli Forala saiorako ‘Minutu bateko manifestua’, 2018ko maiatzaren 30ekoa]

Hizkuntzagatik diskriminatuta
Diskriminazioa, errepresioa, Faxismoa, hizkuntza, Hizkuntzagatik diskriminatuta, nafarroa, UPN, zonifikazioa
Gaizka Aranguren

Ondare inmaterialean aditua

Utzi erantzuna

Zure e-posta helbidea ez da argitaratuko. Beharrezko eremuak * markatuta daude