DVDak euskaraz bikoiztuta edo azpititulatuta –

Euskaraz ikus daitezkeen hainbat filma eskuragarri daude Zineuskadiri esker

….

Zineuskadik, euskal ikus-entzunezko sektorea sustatuz eta indartuz, filmak euskaraz ikusi eta eskuratzeko aukera eskaintzen du, zinema ekoizpenak zinema aretoetatik igaro ostean jarraipena eman eta bizia gal ez dezaten. Horregatik, hainbat filma DVD formatuan eskura daitezke ohiko banaketa kanalen bitartez, sarean dauden zenbait plataforma eta dendetan, filmen eskubideak dituzten banatzaileen lankidetzei esker. Katalogo horretan, Zinema Euskaraz ataleko eta Filmazpiteko filmak aurkitu daitezke.

Zinema Euskaraz programak herritarren eskura euskal balio zinematografikoak sustatuko dituen, euskararen erabilera komunikazio kultural gisa erabiliko duen, zein aisialdi arloan normalizazioa bultzatuko duen filma sorta jartzea du helburu. Bestalde, Filmazpit egitasmoa, Donostia Kulturak kudeatu eta Zineuskadik finantzatutako euskarazko azpitituludun zinema zabaltzeko programa da, zeinak Donostiako Zinemaldiaren eta Euskadiko Filmategiaren laguntza duen.

Zineuskadin aurkitu daitekeen katalogoan 30 film topa daitezke euskaraz bikoiztuak edo euskarazko azpitituluekin: 22 Zinema Euskaraz atalekoak dira, eta gainerako zortziak, Filmazpitekoak. Generoari dagokionez honela sailkatu dira pelikulak: hiru abentura, lau komedia, bat beldurrezkoa, sei drama, hamar animazio eta sei dokumental. Hala ere, euskaraz ikusi daitezkeen filmen zerrenda handitzen joango da aurrerantzean.

.

Film zerrenda:

• AINTZA (SLAVA)
• ASTERIX ETA OBELIX: JAINKOEN EGOITZA (ASTÉRIX ET OBÉLIX: LE DOMAINE DES DIEUX)
• ASTERIX ETA OBELIX: MAIESTATEAREN ZERBITZURA (ASTÉRIX ET OBÉLIX: AU SERVICE DE SA MAJESTÉ)
• BOST EGUN DANTZATZEKO (FIVE DAYS TO DANCE)
• CHEF (LE CHEF)
• DIFRET
• DORAEMON ETA NOBITA HOLMES ETORKIZUNEKO MUSEO HARRIGARRIAN (DORAEMON: NOBITA NO HIMITSU DÔGU MUSEUM)
• DORAEMON STAND BY ME
• DRAGON BALL Z BATTLE OF GODS (DORAGON BÔRU ZETTO: KAMI TO KAMI)
• DRAGON BALL Z: F BERPIZTUA (DORAGON BÔRU ZETTO: FUKKATSU NO)
• EGUN HANDIA (LE GRAND JOUR)
• ESKERRIK ASKO, UGAZABA! (MERCI PATRON!)
• FALTA DEN IRUDIA (L’IMAGE MANQUANTE)
• FATIMA
• GABRIELLE
• GAZTE HARRIGARRIA T.S. SPIVET (L ?EXTRAVAGANT VOYAGE DU JEUNE ET PRODIGIEUX T.S. SPIVET)
• HIPPOCRATE
• IKUSI ARTE (HASTA LA VISTA)
• INTZIRIA (THE WAILING / GOKSUNG)
• IRUZURGILEA (THE IMPOSTER)
• KOARDERNO HANDIA (A NAGY FÜZET)
• KOKO DRAGOI TXIKIA (DER KLEINE DRACHE KOKOSNUSS)
• KON-TIKI
• MA VIE DE COURGETTE
• MAGIAREN ETXEA (THE HOUSE OF MAGIC)
• MARKO MAKAKO (MARCO MACACO)
• MAYA ERLEA (MAYA THE BEE MOVIE)
• NESKA BANDA (GIRLHOOD)
• NOLA?
• OMAR
• ORAINDIK HEMEN GAUDE (WE ARE STILL HERE)
• OSPEA 20 PAUSORA (20 FEET FROM STARDOM)
• PIXKANA-PIXKANA (PASO A PASO)
• PURA VIDA
• SHORT TERM 12
• TARZAN
• UDAKO AMODIO BAT (LA BELLE SAISON)
• ZIPI & ZAPE ETA KANIKAREN KLUBA (ZIPI & ZAPE Y EL CLUB DE LA CANICA)

DVDak euskaraz bikoiztuta edo azpititulatuta