Euskaraz, baina ingelesari uko egin gabe

Euskaraz, baina ingelesari uko egin gabeIngelesez hitz egiten jakitea ez da ezinbestekoa, are, gertuko herrialdeen hizkuntzak ezagutzea garrantzitsuagoa da ingelesa menperatzea baino. Hori da Moreno Cabreraren tesia, eta hori bera dio Aiora Jaka Irizarrek atzo 31eskutik blogean argitaratutako “Ingelesik? Ez, eskerrik asko” artikuluan. Moreno Cabrera harago doa eta multinazional batean lan egiteko ez bada ingelesak inongo baliorik ez duela ere esan izan du.

Ni ez nago inondik inora ados. Besterik da ingelesa ikasteko modu egokia zein den, noiz hasi behar den ikasten eta abar, baina ingelesez jardun eta ulertzeko gaitasuna ezinbestekoa ez bada, bada, gutxienez, oso erabilgarria, eta hankamotz uzten du horretarako gaitasunik ez duena.

Batetik, edozein ikergaitan informazio gaurkotuena ingelesez dago (oro har). Hori ulertzeko gai ez denak beste baten itzulpenaren zain egon beharko du. Berdin gertatzen da, ikergai zientifikoetara joan gabe, edozeri buruzko informazio espezifikoa bilatu nahi denean, eta sareko webgune, aplikazio eta bestelako tresna nagusiek ere ingelesa izaten dute abiapuntu. Bestetik, ostalaritzan edo merkataritzan lan egingo duenarentzat ere, Euskal Herrira datozen turisten gehiengoarekin komunikatzeko aukera emango dio ingelesak, eta nola ez, bidaiatzeko ere erraztasunak izango ditu.

Izan ere, eta hortik abiatzen da anglofobia, Aiora Jakaren baieztapen potolo hau ez da zuzena: “Ingelesa lingua franca unibertsaltzat jotzea hizkuntza-aniztasunaren aurka joatea da”. Onerako edo txarrerako gero eta globalizatuagoa dagoen mundu honetan, bistan da euskarak ez digula edonorekin komunikatzeko aukera eskainiko. Alde horretatik, interesgarria da gaztelania edo frantsesa jakin ahal izatea, Espainiar eta Frantziar estatuko herritarrekin komunikatzeko aukeraz gain, beste hainbat herrialdetan ere hitz egiten baitira. Baina hala ere, AEB eta Europako gainontzeko estatu gehienetako herritarrekin hitz egin ahal izateko beste hizkuntza bat behar dugu nahitaez, erotuko baikinake estatu bakoitzeko hizkuntza ikasteko saikaeran.

Horregatik da ezin erabilgarriagoa denok lingua franca-tzat jotzen dugun hizkuntza bat izatea, eta horrek hizkuntza aniztasunari mesede egiten diola ere esango nuke: nazio bakoitzak bere hizkuntza propioa izan dezake munduarekin hitz egiteko bigarren edo hirugarren bat ikastea nahikoa badu, baina 25 hizkuntza ikasi behar baditu horretarako, nekez eutsiko dio bereari, ikuspegi pragmatiko batetik 25 horietatik gehien hitz egiten direnak hautatu beharko dituelako.

Laburbilduz, munduko gainontzeko herritarrekin komunikatu ahal izateko hizkuntza eraginkorrena gaur gaurkoz ingelesa da, eta horrek ez luke euskararentzat inolako trabarik izan behar. Gure borrokak beste bat izan behar du: gaztelaniari ere “kanporako hizkuntzaren” estatusa eman eta gure hizkuntza euskara bihurtzea; begirale batek haurrei euskaraz egiteko esan dielako zigorrik ez jasotzea…

Ni ere lotsatzen naute “Basque Culinary Center” eta gisa horretako izenek, eta haserretzen Lacunzaren gisan ingelesaren aitzakian aberasten diren akademiek, baina euskaraz bizitzeko ingelesaren kontra borrokatu behar badugu, jai dugulakoan nago.

euskara, euskaraz, hizkuntzak, ingelesa, Moreno Cabrera

51 pentsamendu “Euskaraz, baina ingelesari uko egin gabe”-ri buruz

  • Peru Dulantz 2014-07-23 12:41

    Askoz gertuago nago Aiora Jakaren iritzitik, Aiorak ez dio ezetzik esaten ingelesa ikasteari (nahiz eta izenburuan kontrakoa dirudien); ezetz esaten dio gaur gure gizartean zabaltzen ari den ingelesaren aldeko sukar eroari baizik, zeina absurdoraino eramaten ari baita kasu askotan.

  • Oso, baino oso tentel izan behar da norbait halako baieztapen bat egiteko. Nola ez da izango ezinbestekoa ingelesa gaurko mundu globalizatuan? Euskara gure herriko hizkuntza dela ez du inork ukatuko, baina hori ez gaitu gute begiak ixtera eraman behar.

  • Peru Dulantz 2014-07-23 14:33

    GV: nik ez dakit ingelesik (oinarrizko maila baino ez daukat), eta zinez diotsut ez dudala ingelesaren beharrik, ez lanerako ez nire bizitza pribaturako. Beharra izango banu, sakondu egingo nuke ezagutza horretan, baina ez da hori nire kasua, ezta jende gehienarena ere.

    • Noski, esan dudana pertsonaren perfilaren araberakoa izango da. Hau da, demagun 50 urte dauzkazula eta dagoeneko lanpostu finko batean primeran zaudela, kasu horretan agian ez da inongo arazorik izango, gainera zu beste belaunaldikoa zarela argi dago.

      Baina, bestalde, etorkizun iluneko gaztea bazara kontua goitik behera aldatzen da, ziur aski hemendik kanpora joateko beharra iritsiko zaizula eta bertan hitz egiteko hizkuntz hedatuena, denok dakigunez, ingelesa da inongo zalantzarik gabe. Beraz, ingelesa barneratzea ez da gazteentzako gomendioa, baizik eta beharra baizik, ezinbestekoa alegia.

  • Mundua baldin badu hizkuntz unibertsal bat ta leku gutietako biztanleak ondo menderatzen badute, beste hizkuntz guztiak desagertuko ziran, edozertarako Ingelesa behar badezu bakarrik idei pertsonalengatik mantenduko ziran besteak desagertu arte.

    Edozein ikerketarako behar dezula? Ikerlariak esan nahiko dezu ez? Ze beste guztiak…
    Aplikazioak? Guztiak itzultzen dira edo gehiengo zabal bat.

    Ostalaritzen? Beti egin dut lan publikoaren aurrean ta beti atzerritarrak hartatu behar izan ditut, nere atzerriko hizkuntz maila Ingeles indioen modun egitea da.

    Inoiz ez dut arazo bat izan edozein hartatzeko, txinoa izan ala japoniarra.

    Ala ere gehiengo zabal batek ez du inoiz ingelesa ezertarako behar izango, bidaiatzearena ere ez dut ikusten.

    Zenbat bidai egiten ditugu orokorrean gure bizitza osun ta zenbat denbora ematen du hemengo biztanleria atzerrian?

    Ba hori, Ingelesa gehienetanez degula behar ezertarako, biztanleriaren gehiengo zabal batek behintzat.

    Beraz Ingeles maila normal bat edukitzea ondo legoke ta gero depende nura bideratzen dezun bizitza gehio ikasi ala ez.

    Baina denok txikitatik Ingelesa oso ondo ikasi beharra izugarrizko lastrea da hezkuntzarako, ordu hoiek beste gauz asko preparatzen erabili daitezkelako.

    Benetan, artikulua idatzi duna, zenbat lagun ta ze lanbidetan ditu Ingelesaren beharrik dutenak?

    Berriro diot, gehiengo zabala hemen ez du -ingelesik beharko ezertarako.

  • “Euskara vs ingelesa” eztabaida ez litzateke izan behar. Nafar gobernuaren kasuan horretan tematuta dago aspaldi, eta Eusko Jaurlaritzari dagokinez, eredu hirueledunarekin ere ingelesari bultzada ematen. Eman beharreko eztabaida, “euskarari nola lehentasuna eman” behar luke izan, jakitun hizkuntzak ezagutzea aberasgarria dela. Euskararen ezagutza %100ean bermatzeko zer egingo dugun.

  • Gaur Euskadi Irratiko goizeko albistegian, Estatu Batuetan exekutatu duten preso bati buruz:

    Esataria: “presoaren abokatuak ez dakit zer eta badakit zer esan du”
    [hitz horien audioa sartu dute eta]: “a kan uan txipei uike for mantxu…” [10-15 segundoko ingelesezko audioa amaitu da, eta inolako off ahotsik edo itzulpenik gabe jarraitzen du esatariak]
    Esataria: senitartekoak ere ez dakit zer eta badakit zer esan du”
    [hitz horien audioa sartu dute eta]: “istiful safer uesin kor txuin….” [beste 10-15 segundo, inolako itzulpenik gabe]

    Eta ama eta biok bekainak altxatzen genituela pentsatzen nuen nerekiko: esatariak audioa sartu baino lehen esandakoa errepikatzen ari bada lekuko hori, zer interes du? eta lekukoa ezer berririk esaten ari bada, nola bota daiteke itzulpenik gabe, jakinik entzulegoaren gehiengoak ez duela piperrik ulertzen?

  • GV Dulantz ein dun baieztsorna egi borobula da. Tentrl esatrm diozu gainera! Esaidazu mundu globalizatu hontan zertatako da ezinbestekoa Ingelesa? Gehienentzako ez du ezertarako balio izango ta oso gutxitan edo inoiz erabiliko dutenean. Agian erratua nago baina nik dakidanez hemen lanpostuen %90a ez du ta ez du ta ez du beharko Ingeles mailarik. Ta hori momentuz egi borobila fa.

  • Ingelesa ikasi nahi ez izatea ezjakina izan nahi izatea da. Gaur egun guztia idazten da ingelesez, GUZTIA. Ez naiz datuak aipatzen hasiko, ez bazara gai ikusteko hau, soilik tentela zarelako da.
    .
    Bestalde herri baten marginalizazioa bilatzen ari zarete ingeleraren aurkako jarrera horrekin. Beraz hemen, euskotribuan bizi beharko ginen? Nola komunikatuko ginen munduarekin? Euskal askapenerako ezinbestekoa da euskaldun guztiok maisutasunez ingelesez idatzi eta hitzegitea.
    .
    Hare gehiago. Kulturalki askatuak izan ezean inperioen preso izango garenez, euskal kontzientziatu guztiek jakin beharko lukete GUTXIENEZ:
    1)Euskara
    2)Ingelesa
    3)Frantsesa
    4)Gaztelania

  • “Baina denok txikitatik Ingelesa oso ondo ikasi beharra izugarrizko lastrea da hezkuntzarako, ordu hoiek beste gauz asko preparatzen erabili daitezkelako.

    Benetan, artikulua idatzi duna, zenbat lagun ta ze lanbidetan ditu Ingelesaren beharrik dutenak?

    Berriro diot, gehiengo zabala hemen ez du -ingelesik beharko ezertarako.”
    Lotsa eta nazka ematen didazu. Hizkuntzak jakitea inoiz ere ez da denbora galtzea. Bestalde, zuk ziurrekin ez duzu lagunik: nire lagunetako batek ingelesez jakingo ez balu langabezian legoke.
    3 Urtetatik umeei irakatsi behar zaizkie euskaldunoi beharrezko zaizkigun 4 hizkuntzak, gure bizilagunekin hitzegiteko, eta batez ere, herri atzeratu bat ez izateko. Ingelesarik gabe mundutik marginatuak geundeke (gaude?).
    .
    Jakintza maila minimo bat behar duen edozein lan edo egiteko kultura unibertsaletik elikatzen da, gaur egun ingelesetik. Gaztetxean drogatu eta kañak zerbitzatu besterik ez baduzu bizitzan egin nahi, aurrera; baina zure herria traizionatu egingo duzu, tribu atzerakoi bihurtu.

  • JAck hesteateratzailea esaten zun modun, zatikaz hasiko gea.

    Inor ez du esan Ingelesa ikasi behar ez danik, txikitatik hastea ez du esan nahi maila ona lortuko duzunik ezta gutxiagorik ere, Ingelesesko klaseak 4 urterekin zertako? Ezertarako ta 8 urterekin hasten bada berdin ikasten da, Suedian uste dut 10 kin hasten diala ta hemen baino maila altuago dakate, beraz txiki txikitatik hastea kaltea egiten dio beste gauz batzuk ikasteko denbora kentzen dielako, ta kalte egiten ez badie ez da hobeagoa.

    Zure lagauna zer? Oso ondo ume nere argudioaren aurka zure laguna erabiltzen dezu? Zenbat lanbideentzako beharko da Ingelesa edo behar da gaur egun hemen aritzeko? Ez zure laguna, gehiengoak. .Ze edo lagunik ez dituzu edo 1 aipatzea oso argumentu pobrea da

    Ta zure laguna ingelesari esker lortu du, beste bat agian Alemaniari esker, ta ez gaude hemen txiki txikitatik alemanieraz ikasi behar dela izugarri ondo erraten ez?

    Gero erraten dezu gure umeei 4 hizkuntza irakatsi beharko diegula, zertarako? Atzerrira bizitzera juteko? Mesedez. Nor da hemen traidorea?

    Agian usteko dezu gehienak multinazional batean egingo dutela lan edo? Ez, hoiek ta Ingelesa beharko dutenak benetan gutxiengo dira,ZUK gustoko izan ala ez.
    bestela jarritzazu hemen dauden lanbideak ta esaidazu zertarako beharko da Ingelesa lanbide hoietan, EZERTARAKO, zuk guztoko izan ala ez.

    Erraten dezu hizkuntza bat jakitea ez da noiz denbora galtzea? Hau broman edo esaten dezu ez?

    Borondatez bada bale, baina inoiz erabiliko ez duten Ingelesa ahazteko, denbora beste zerbait ikasten eman daiteke, ta hori ez da esatea Ingelesa ikasi ez ditzaten.

    Kañak serbitzatzeko? Klasista zera orain? Kañak bakarrik ez ume.

    Albaitari batek beharko du? Iturgina? Soldadorea? Famili medikua? Dendari gehienak? Eraikiuntzakua? Ingelesa ematen ez duten irakasleak?.
    Landan lan egiten duna? Okela saltzen duna?
    Ez , ez eta ez, orduan? A zure lagun batek lortu dula

    Orduan zertaz ari zera?

    Esan dudan modun, oinarrizko maila izatea ta gero depende nura bideratzen dezun bizitza maila hori hobetzea bale, baina gehienak ZUK GUSTOKO ala ez, ez du Ingelsa ezertarako beharko.

    Nik traidorea? Zuk zera kolonizazio bat beste batengatik aldatu nahi duna.

    Ume bat txiki txikitatik 2 orduz Ingelesa ikasten eskolatik ateratzerakuan ez badu erabiltzen ez du izugarri ondo ikasiko ta jada esan dizut hobekien hitzegiten duten herriak beranduago hasten diala.

    4 hizkuntza ikasten ditugu ta mateak edo uzten ditugu? Ergelkeri galanta ez? Orduan?
    Mateak Ingelesez? Ergelkleriago, ez dago mailarik ez irakaslerik ta gero gehienak ez erabiltzeko zertarako?

    Frantziaran jun ta Ingelesarekin berdin gertatuko zaizu, Frantsesa beharko dezu lanbide gehientzako, Alemanian? Berdin.
    latinoamerikan? Txinan? Ba txinera.

    Orduan benetan, zertaz ari zera? Liburuak ingelesez irakurri nahi dituzu? Ba nik ez.
    Atzerrira juteko? Ingelesa hizkuntza duten lekuetara esaten dut.
    A hori da gauza, denok jun behar omen gera kanpura ez? Mesedez.
    Gehiengoa ez da bere autonomi erkidegotik irtengo ta.
    Bidaiatzeko? Noski ume, aste bat hortik juteko beste hizkuntz bat ikasi beharko degu ez? Kar kar.

    Bukatzeko, jakintza maila minimo bat ezin da izan gauz guztiaz izan, beraz aukeratu beharra dago.
    Gaur egun dena idazten da Ingelesez? Ta duela 30 urte ere, ta? Ta? Ta hori txinera gailentzen ez bada. Itzulpenak zertako daude? Jende arruntetaz ari naiz, orduan?

    4 hizkuntz? Orokorrean guztiak? Kar kar.

    Oraindik itxaroten nago zuk esateko ze ehunekotan edo ze lanbidetan beharko da hemen Ingelesa lan egiteko, a ez, zure lagun batek Ingelesari esker lortu dula lana.

    Ta nazka zuk bezalako guaiak emango dute ume, nik argumentuak eman dizkizut, zuk zure lagun batek lana aurkitu dula besterik ez, a ta Ingelesez irakurri omen nahi dezula.

    • Hori da arazoa. Ez duzu kulturarekin eta zientziarekin kontakturik nahi. Zu iturgina izan zaitezke, eta lan egin euskaraz. Baina ganorazko EDOZEIN literatura gaur egun ingelesez soilik dago publikatua.
      Hori da arazoa. Zuk hizkuntzak multinazionalekin lotzen dituzu, zure mentalitatea diruzalea da subkontzientean. Kañak eta lana. Guztia euskaraz bai, baina dirua irabazi eta kontsumoa. Mundura irteteko (ez zure mentalitate sinplean espazialki, baizik eta irakurketaren bidez kulturalki) 4 hizkuntza horiek jakin behar dira bai ala bai, gutxienez, euskaldunon kasuan.
      .
      Guztia beste hizkuntzetara itzultzen dela gezurra da, eta hori esateak zure ezjakintasuna agerian uzten du, ez duzu ez asko irakurri. Horren froga da euskaldunok dugun sorkuntza literario penagarria.

      • Kutureta jauna, jar itzazu lanbide hoiek mesedez,
        Ganorazko zer? Bai Ingelesez bakarrik dago kultura, utzi mamukeriak motel.
        EEUUn lehengo potentzia munduan ta bere biztanleriaren gehiengoa ez daki beste hizkuntzik, zeatik ote?
        Ez dena ez da itultzen, baina bai milioika gauz. Horrela hobeto motel?

        Jar itzazu Ingelesaa beharko duten lanbide hoiek ta kito, ezin dezula? Zeatik? Gehienak ez dutelako behar hori izango?

        Lanbide hoiek (multinazionala aipatu dut beste bat aipatu nezakeen bezala) zeintzuk dia motel? Jar itzazu.

        etorkizunean beharko dana ala zuk kultua zarela uste izatea?
        Ta Ingeles asko baina irakurtzen dezuna ulertzeko gaitasun gutxi.

        Ingelsa bai, txiki txikitatik ez, ta Natibu bezala ere ez, geo behar badezu hobetu dezakezulako.

        Jun zaitez kaletik gazteekin hitzegitera ta ea zenbat dira gai 5 minutuko elkarrizketa izateko zukin Ingelesez, ta ea zenbat beharko dute Ingelesa bere bizitzan.

        Gehienak kultureta jauna ez dute ezertarako beharko, ta hori horrela da kultureta jauna.

        Esaten dezu, agian zu iturgina izan zaitezke bakarrik.
        Berriro motza zerala edo aditzera ematen dezu.

        Lanbide gehienak, gehienago zabala lan egingo ditun lanbide hoietan, horrelako lanbideak dira, ULERTZEN?

        Beraz Ingelesa behako badezu geo hobetu dezakezu ikasitakua. Ta beharko ez badezu, egingo dezunarekin zerikusia dakana hobeto etorriko litzaizuke.

        • Nola zer lan? Nik esan dudana da edozein lan izanda ere, zure eguneroko bizitzan irakurri beharreko ia edozein eduki kultural, tekniko edo zientifiko ingelesez dagoela. Eta lanak? Aski daude: edozein ingeniaritza, edozein ikerketa, unibertsitateko irakasle, DLH, DBH… zer irakasle motak ez die kultura unibertsalean dagoen edozein ezagutza transmititzen bere ikasleei? Ingelesez ez dakien poeta bat? Ingelesez ez dakien musikari bat, matematikari bat, mediku bat? Existituko dira, baina neanderthala bezela, desagertu beharreko espezie zaharkitu bat dira.
          .
          Bestalde, “lanbide” hitza soilik errepikatu eta errepikatu duzu. Itxurazko internazionalismo horren atzean diruarekiko bizioa ikusten zaizu.
          .
          Eta gure literatura pobrea?? 2+2=4 delako ebidentziarik ez du frogapenik behar, baina tira, hemen erreferentzia bat: http://www.naiz.eus/eu/hemeroteca/gara/editions/gara2014-05-13-07-00/hemerotecaarticles/gure-literatura-idatzia-pobrea-dela-esan-genezake-baina-ez-horregatik-ezkutatu-beharrekoa
          .
          Guztia irakatsi, idatzi, sortu daiteke euskarazko benetako ezagutza batekin. Baina, zu ez zara demiurgoa, edozer sortu edo ikasteko beste herrietan idazten dena ikasi behar duzu. Ala demiurgoa zara?

      • Peru Dulantz 2014-07-28 07:52

        “ganorazko EDOZEIN literatura gaur egun ingelesez soilik dago publikatua”. Ederki, euskal literatura osoa zakarrontzira… Hori bai kosmopaletismoa!! (Terminoa Itzain jaunari zor diot).

  • Gauzatxo bat ahaztu dut, lagun atzerritarrekin hitzegiteko? Beste ergelkeri bat, zenbat lagun du jendeak orokorrean atzerrian (atzerritarra dana) ta berarekin normalean hitzegiten duna?

    Ta dituztenean artean zenbat egiten dute Ingeles edo Ingelesa ez dan beste hizkuntza bat?

    Ta ze arazo izango luke lagun horrekin hitzegiteko beranduago hasi izan balu Ingelesa ikasten? Inolako arazorik? Ta noiz ezagutzen du orokorrean jendeak atzerriko lagunak? HaundiagoaK diranean?Ta hori izaten baditu, jada nahiko demostratua dago hondamendi bategatik ez bada, jende gehiena hemen gelditzen dela ta hemen ez dela behar lanbide gehientzako. Kar kar.

    Aldizkari hau irakurtzen dutenen artean zenbat erabiltzen dute Ingelesa orokorrean beharra dutelako? Ta ze maiztasunarekin? Ta El diario Vasco irakurtzen dutenak edo beste bat.

    Ta zuk hemen gelditzen bazera bizitzen, berdina gertatuko zaizu, edo zuk borondatez irakurri nahi dezu, edo pelikulak horrela ikusi, edo ziurrenez ez dezu Ingelesa apenas erabiliko ez bazera behar duten lanbideen %10 horretaz.

    A, ta nik hizkuntzei esker lana lortu duna ere ezagutzen dut mutil, baina GUTXIENGO dira.Bakazi zer dan GUTXIENGOA?

    Ingelesa dakiten guztikin 15 minutu hitzegiteko 60 mila urte beharko zun norbaitek. Baina agian lagun atzerritar bat izaten badut… edo beharko duten lanbideen %10 hortan banago… Edo edo, ez da behar zuk esaten dezun modun, ta hori ez du esan nahi ikasi behar ez danik.

    Ongi izan ume.

  • Ingelesarekin biziraun dezakezu, lan egiteko Suediarra.
    http://economia.elpais.com/economia/2013/10/14/empleo/1381774742_428203.html
    Alemanian, hitzegin beharra ez dakazun lana badakazu bale, bestela Alemanieraz behar dezu jakin.
    http://www.go4it.es/blog/2012/10/trabajar-en-alemania-sin-saber-aleman-2/
    Frantzian
    http://www.portalparados.es/actualidad/27306/Trabajar-en-Francia-Parlez-vous-fran%C3%A7ais-Imprescindible-el-B2-para-encontrar-empleo-

    Finlandian
    http://www.finlandia.es/public/default.aspx?nodeid=36871&contentlan=9&culture=es-ES
    Danimarkan Danesa
    http://mevoyalmundo.com/consejos-para-trabaja-en-dinamarca/

    Ta horrela jarraitu dezakegu eoiak.

    Leku hoietan ziur lanbideak daudela Ingelesa behar dutenak, baina gehienetan ez, ta han bizitzeko Ingelesarekin bakarrik ez dezu ezer egiten, nahiz ta multinazional batean lan egin.

    Orduan Suediara bazoaz, ta Suediera ez badakizu ez zinateke jungo edo Suediera ere ikasi beharko degu? Ba depende nura bideratzen zaitun bizitza.

    Ta leku hoietan beranduago hasten dira Ingelesa ikasten hemen baino.

  • Ta Euskaldunok dugun kultur sorkuntza penagarria?

    Hori zuk esango dezu, ala ere hori ere ez du hizkuntzarekin zerikusirik ume, ez nekien Ingelesa mendetan zehar jasarria izan zanik, ez nekin Ingeles hiztunak 2 milioi besterik ez ziranik….

    Lanak ta lan totalen ze %kon behar da Ingelesa?

    Lehen esten zan ezin zela Fisika Euskeraz ikasi, orain hau da. Ingeles gabe ez zoaz inora, D eredukoak Euskera ez badute erabiltzen, urte batzuk pasata izugarri kostatzen zaie Euskeraz aritzea ta ez dira gai liburu bat ulertzeko, baina Ingelesa natibu bezala txiki txikitatik ikastea egingo dizu zer? A bai, kultureta.

    • Zure hizkuntza eta ezagutza pobrea dela eta, espainiar inperialisten bozero zara: “Lehen esten zan ezin zela Fisika Euskeraz ikasi, orain hau da.” Hori Fraga izeneko politikari espainiar batek esan zuen, eta kitto. Tentelek agian sinetsi zioten! Eta… euskaraz irakatsitako fisika guzti hori, nondik hartzen da? Fisika modernoaren sortzaileek euskaraz idazten zuten eta ni ez naiz konturatu?
      .
      Tentela zara. Ezjakina. Ez zenuke Zuzeun idatzi behar beste kultura maila bat hartu eta zure xenofobia eta diru gutizia gainditu arte.

  • Mundu guztia mundu guztiarekin ingeleraz komunikatzen da. Gu astakirtenak gara eta ez dugu ingeleraz ikasiko. Gora astakirtenak.

    “The evil that men do lives after them; the good is oft interred with their bones.”

  • Gooby:
    Guztia irakatsi, idatzi, sortu daiteke euskarazko benetako ezagutza batekin. Baina, zu ez zara demiurgoa, edozer sortu edo ikasteko beste herrietan idazten dena ikasi behar duzu. Ala demiurgoa zara?

    Sugar:
    Ikusten nola pentsatzeko gaitasun gutxi dakazu.

    Beste herrialdeak egiten dutena itzultzen da irakasteko, edo ikasten dugun guztia Euskaldunak sortu dugu? Beraz berriro diot zertaz ari zera? Gutxiengoa ez du behar izango (ta ala ere ez dut esan ikasi behar ez danik), edo itzultzaileak izango gara guztiak ta gero beste profesio bat?

    Medizinako liburuak ez daude Euskaratuak?Ba bai, badaude, ta gehio egin daiteke ziur.
    Nola da posible ni demiurgoa ez banaiz?

    Gooby jauna, haudiuste kuturzale haundi hori, Ingelesatik etorriko da nahi dezuna baina Euskaratu da ez?Beraz nik esan bezala itzultzen da ez?Orduan zertaz ari zera?
    4 urtekin Ingelesarekin hastea lastrea da Euskararentzako, gure umeak (guraso gaztelradunak dutenak batik bat) ez dutelako behar dan ezagupen maila, ta 4 urterekin bada, Euskaraz jolastea Ingelesez ikasten aritzea baino hobeagoa litzateke ta baita beharrezkoagoa ere, edo Ingelesez bizi nahi dezu hemen? Maila hoberen duten herrialdeak 8 urterekin edo hasten dira.
    Ulertzen txiki?

    Ta hori ez da Ingelesaren kontra egotea tentel jauna.

    Oraindik itxaroten nago esan dezazun zenbat lanbidetan beharko dute hemen Ingelesa etorkizunean kuturzale hori, ez dezu egiten? Zergatik? Arrazoia ez dakazulako.

    Gero teknologia berrikin hasten bagea…. Itzultzaileak geo ta hobeagoak dira, ta orain ahozkoak egiten ari dira, baita mobiletik hitzegiterakuan mobila edozein hizkuntzara momentuan itzultzeko gailuak prestatzen ere.
    Hemendik 20 urtera aparagailu batekin ia edozein hizkuntza izango dezu zure eskura, baina Ingelesa natibuak bezala behar degu txiki txikitatik e.

    Beraz beti mantendu dudan modun, Ingelesa bai, baina ez hain txikitatik ta ez natibu bezala, gero hobetu dezakezulako depende nura bideratzen dezun zure bizitza. Ze zu nahi ala ez, gehiengo zabalari ez zaio beharrezkua izango. Ze gehiengo zabala lanbide arruntak izango dute nun Ingelesa ez da beharrezkoa izango, beraz ikasketak beharren arabera modatu beharko dira, ta hori ez da Ingelesa ezta inulako hizkuntza baztertzea.
    Edo agian hemen Ingelesez bizi nahi dezu? A, ba hori beste gauza da haundiuste jauna.

    JAR ITZAZU BEHINGOZ INGELESA BEHARKO DUTEN LANBIDE GUZTI HOIEK TA ORDUAN ESANGO DIZUT ARRAZOIA DEZULA.
    Ezingo dezu lanbide hoiek ez daudelako, ta ala ta guztiz ere egongo baziran, 8 urterekin hastea nahiko litzateke. Ta hori da denbora osuan mantendu dudana.

    Ez dezu ezta irakurtzen dezuna ulertzen, beraz zail xamar egiten zait pentsatzea Ingelesez irakurtzen dezuna ulertzen dezunik.

    Ta ez ditut lerdokeri gehi erantzungo, gutxigo jartzen dudana ulertzeko gai ez zeanean nahiz ta erraza izan oso, ta ez dut ere honekin jarraituko, Ingelesa beharko duten lanbide guzti hoiek, ta lanbide totalen ze % dire jartzen dezun arte.

    Beraz hemen bukatu da eztabaida ez dituzulako jarriko.

    Ze jarri dezuna ez da ezer, hau edozer hau, mesedez, zenbat lan ta ze %tan.
    Gehiena ez du beharko, baina zu guai zarenez ta kultua , besteei begietatik sartu nahi diezu erabiliko ez duten zerbait. a bai, horrela “kultuaago” edo izango diralako,

    A ta argi gelditu da Ingelsaz bizitzea dela zure hautua, edo hori dirudi mutil.

    Neandertalak? Hori esaten zuten Gazteleradunek Euskaraz bizi nahi zutenetaz, Euskaraz ikasi nahi zutenetaz….

    LANBIDE HOIEK MESEDEZ, a bai, edozer hau edozer beste, Ingeniaritza? Orduan maila bat izan ta depende nura bideratzen dezun bizitza hobetu ez?

    Edo gehienak horrelako lanbideak izango dituzte? Ez.
    A ez, zuk normalean Ingelesez aritzeko nahi dezu, baina traidorea ni naiz Euskaraz bizi nahi dudalako, zuk zera Euskara hemen ordezkatu nahi duna motel.Ba normalean aritzeko ta guai izateko, zuk ordaindu zure ikasketak.

    Ta orain Ingelesez esaten dana, len Frantsesetaz esaten zan, ta Frantsesa dakiten mordo daude ezertarako erabiltzen ez dutenak.

    EEUUn Ingelesa ama hizkuntza, ta 55 milioi pertsona jaki baleei esker jaten dute, nola da posible? Ingelesa dakite ta?

    • Pertsona bezala behar duzu hizkuntza internazionala jakin, euskal tribuan ezin zara kateatu. Min egin diozue gure herriari, gaur bizi dugun aislamenduak pentsamendua usteldu digu. Endogamia kulturala genetikoa baino suntsitzaileagoa da!!!!
      .
      Lanak, hona hemen zure lan madarikatuak:

      Medikua (euskaraz uste duzu dagoela medizina idatzia?)
      Unibertsitate irakaslea
      Edozerren irakasle. Zer irakatsiko diezu zure ikasleei, euskaraz dagoena soilik? Eta euskaraz dagoena nondik hartu da?
      Ingeles irakaslea
      Ikerlaria
      Tabernaria (bai, hiri bateko edozein tabernetan ingelesa eskatzen dute giriak zerbitzatzeko)
      Filologoa
      Filosofoa
      Militante internazionalista subentzionatua
      Militarra
      Supermerkatuan badakite ingelesez erantzuten
      Autobus lehiatilan ingelesez badakite erantzuten
      Prostituta
      Idazlea
      Pilotua
      Autobuslaria (polizia atzerritarrekin noski ere euskaraz egingo duzu?)
      Kamioilaria
      Bankaria
      Futbolaria
      Lapurra (arabiera eta serbiera ikasi beharko duzu bestela)
      Intelektuala
      Intelektualoide subentzionatua

      Dena dela, politikari arrakastatsua izan nahi duenak hizkuntza bat bakarra jakin behar du, eta hori ozta ozta hitzegiteko kapaza izan, begiratu alderdi bozkatuenetako liderrak!
      .
      Eta sexua nahi baduzu euskal herrian, joan zaitez ingelesa praktikatzen. Euskaraz, ligatzeko hitzik ez dagoela pentsatzen hasi naiz.

  • Konparazioak Suediarekin? Suediera hikuntza germanikoa da, ingelesaren oso antzekoa: http://esl.fis.edu/grammar/langdiff/swedish.htm (esteka ingelesez dago)

    Argi dago eskolak puntu bateraino soilik lagun gaitzakeela (ikus euskerarekin gertatzen dena).

    Umeek ingelesa ikastea nahi badugu, eskolaz kanpo paradigma aldaketa bat behar dugu. Zine eta telebistan bikoizketak egiteari utzi eta azpitituluak erabili, Internetek eskaintzen dizkigun baliabideei zukua atera, bertako ingeles hiztunekin harremanak izan… Hala ere, azken finean norberaren esku dago zein maila lortu, ezagutzaren beste arlo guztietan bezala.

    Gaur egun ingelesa jakitearen “beharra” dudan jartzen duenik ba al dago? Interes kultural minimo bat duen edonork (zinea, musika, literatura, politika…) ingelesa jakin behar du gazteleraz eta zer esanik ez euskeraz eskura dagoen material urritik haratago joan nahi badu. Hala era, lanerako ematen zaion garrantzia puztu egiten da, Moreno Cabrerarekin 100% ados nago alde horretan http://www.youtube.com/watch?v=R8GX_qKVfZY (gazteleraz, lasai)

    Eta frantsesari dagokionez berriz, “zazpiak bat” serio hartzen duen edonork gaztelerari ematen diogun garrantzia bera eman beharko lioke, teorikoki behintzat.

  • a bai, horrela “kultuaago” edo izango diralako,

    Gora paletismoa.

  • Peru Dulantz 2014-07-28 07:57

    Inork ez du esaten ingelesa ikasi behar ez denik. Ikasi dezala behar duenak (horretarako ez dago 4 urterekin hasteko inolako beharrik), eta argi dago gaurko munduan denoi komeni zaigula oinarri-oinarrizko ezagutza bat (“on” eta “off” behintzat ikasi behar dugu, besteak beste). Baina kritikatzen duguna ingelesaren izenean egiten ari diren gehiegikeriak dira, zeinak muturreraino eta ergelkeriaraino eramaten baitira askotan (zenbaitetan geure kulturari eta hizkuntzari uko egiteraino), eta hori bai ez dugula onartzen. Eta ez ahaztu ingelesa dela inperialista espainolek euskarari eremuak kentzeko aurkitu duten Troiako Zaldi berria.

    • Eta… zer zerikusi zuzen du ba hezkuntzan batek euskara kentzeko ingelesa sartzea, ingelesa GUZTIZ ez dominatzearekin? Zeozer hobetzen dugu NFEko hezkuntzan ingelesa ez ikasiz? Zer ikusirik du literaturaren %0,0000001a euskaraz egotea (oso pobreki gainera) ingelesa GUZTIZ ez dominatzek?
      .
      Bestalde, edozein pertsonak, eskema mental bariatua izateko gutxienez 3 hizkuntza jakin behar ditu, edo agian 4. Euskaldunok, dudarik gabe 4, zer abertzale klase zara EH okupatzen duten 2 hizkuntzak ezagutzen ez badituzu?
      .
      Eta paleo-pertsona bat izan nahi ez baduzu, ingelesa behintzat, irakurtzen gai izan behar duzu, begi bistakoa da ia guztia dagoela ingelesez. Hori bai, munduko erlojutik 10 urte atzeratua egon nahi baduzu itxaroten GAZTELANIARA itzultzea materia guzti hori, zure esku dago. Zeren, Sugarrek dioena, guztia itzultzen dela hizkuntza guztietara, hau da, euskarara, sekulako gezurra da.
      .
      Ez ikasi hizkuntzak. Euskotribua guztirako gai da!!! AIAIAIAIAIAIAIAIAIAEHEHEHAAAAAAAAAIII!!!!

  • Peru Dulantz 2014-07-28 13:18

    Guztia ingelesez dago? Merezi duen guztia? Edo ingelesez dagoelako “cool”agoa da eta horregatik merezi du? Nik ez dakit ingelesez, eta ez dut uste merezi duen ezer galtzen ari naizenik. Edo kontrakoa, merezi duten gauza asko galtzen ari naiz, ingelesez, euskaraz, gaztelaniaz, txineraz… Baina ezin dut munduan den eta merezi duen guztia hartu, ez daukat ez denborarik, ez gogorik, ez indarrik, ez ahalmenik… Zuk ez duzu uste ingelesaren miresmen eta monokultibo horregatik gauza asko galtzen ari zarenik? Benetan? Kontua da gure kultura eta hizkuntzari uko egin eta beste batzuena (“guayagoa”) hartu behar dugun, eta gure seme-alabak yakee bihurtu behar ditugun edo Euskal Herriko haurrak munduari irekita dauden EUSKALDUN gisa hezi.

    • Bai, guztia dago ingelesez. Ez duzu EBIDENTEA dena onartu nahi, ingelesez ez dakizulako! Gainera nabaritzen da ez zarela zure herritik mugitu, edozein lekura joanda ingelesez komunikatzen zera eta.
      .
      Noski, pentsatuko duzula euskararekin nahikoa dela. Hizkuntza internazionala ez dakizunez, ez dakizu interneten ZER dagoen ere.
      .
      Demagun, arteari buruz irakurri nahi duzu? Euskaraz zer dago idatzita arteari buruz? Matematikari buruz? Teknologia? Zientzia?
      .
      Ingelesa ez da guayagoa. Are gehiago, hizkuntza nahiko aspergarria iruditzen zait, monotonoa eta natiboek ahoskera konplikatzen dute inolako zentzurik gabe. Baina komunikazio internazionala da zuk nahi ala ez: indiar eta alemaniar bat nola komunikatzen dira? Garrantzi internazionaleko publikazioak zer hizkuntzatan idazten dira?
      .
      Konplexua duzu, eta oso larria. Begibistakoa dena ukatzen duzu zure hizkuntza ez-gaitasuna defendatzeko. Zorionak.

  • “Zuk ez duzu uste ingelesaren miresmen eta monokultibo horregatik gauza asko galtzen ari zarenik? Benetan?”
    .
    Zu motza zara? Ezin tentelagoa zara. Nik ez dut inolako monokultiborik, ingelesaz gain beste hizkuntzak jakin eta erabiltzen ditut. Zer galdu dut ba ingelesa ikasita (berez ikasi dudana edozein materiari buruz irakurtzen eta kanpotarrekin hitzegiten, ez naiz klasera joan)??
    .
    “Kontua da gure kultura eta hizkuntzari uko egin eta beste batzuena (“guayagoa”) hartu behar dugun”
    .
    Erasokorra, gezurtia eta nazkagarria zara. Nik euskaraz egiten dut egunero, nire seme-alabek euskaraz egiten dute egunero, zer esan dut nik ba hori esateko zuk? Zure konplexuengatik ez ni iraindu. “Ukatu”, diozu, nik bizitza osoa euskarari eskeini diodanean. Ez dizut berriz erantzungo, zure errespetu faltak ez du inoren barkamenik.

  • Peru Dulantz 2014-07-28 15:01

    Hemen gehiegikeriaz ari gara. Ingelesaren izenean urrutiegi eramaten ari diren jarrerez. Adibidez, artikulu honen iturburuan dagoen pasadizoa: haurrei 4 hilabetetik aurrera ingelesa eskaintzen dien haurtzaindegiarena (seguraski sekulako arrakastarekin). Edo orain Estatu Espainiarrean hezkuntzan hainbeste bultzatzen ari den eredu hiru-eledunarena, batez ere Nafarroa, Valentzia eta Balearretan, kasualitatez, hizkuntz propioa eta PPren gobernua duten lurraldeetan… Nik dakidala, ingelesa oso ondo ikasten duten Europa Iparraldeko lurraldeetan ez da horralakorik egiten; inori ez zaio bururatzen oinarrizko hezkuntzan ingelesa izatea lan-hizkuntza eskoletan. Niri ere behar-beharrezkoa iruditzen zait ingeles maila on bat ematea haurrei eskolan (oinarrizko maila orokor bat, eta gero, hautatzen dituzten ikasketen arabera, horretan sakondu beharko dute), baina betiere euskara maila on bat ziurtatuta.

    • Ama hizkuntza germanikoa dutenentzat guretzat baino askoz ere errezagoa da ingelesa ikastea, ez dauka zentzurik konparatzeak ere.

      • Peru Dulantz 2014-07-28 18:04

        Hori horrela izanik ere, funtsean ez dio indarrik kentzen nire argudioari. Haurrak euskaldundu gabe daudelarik ingelesari ekiteak ez du zentzurik. Nire ustez Euskal Herriko eskoletan inoiz ez litzaioke ingelesari lekurik ireki behar haurrek 8 urte bete baino lehen, eta lan-hizkuntza moduan, DBHra arte itxaron beharko litzateke (12 urte). Bitartean, euskara eta euskaraz ondo ikasi eta ezagutzak ondo finkatu. Euskara beste hizkuntzekin batera porrusalda moduko batean nahastuta sartzen badugu, jai.

        • Euskarari gaztelerak egiten dio kalte, ez ingelesak
          Eta ikasteko erraztasunak argudioari indarra kentzen dio, jakina, zenbat eta zailago izan hobe lehenago hastea, matematikak ere 8 urterekin hasiko al zinateke irakasten?

          • Peru Dulantz 2014-07-29 07:25

            Hain zuzen ere, horixe da arazoa, ez dute matematika eta beste gai batzuk ikasteko denborarik ere; orduen erdiak baino gehiago hizkuntzak lantzeari ematen dizkiotelako. Bestealde, Barcinak berak ere aitortu zuen 13 TVn: “Gracias al modelo en inglés hemos conseguido frenar la expansión del modelo D en Navarra”. Ez da kasualitatea eredu hirueleduna inposatzea Balearretan eta Valentzian (PP) bertako hizkuntzan oinarrituta zegoen hezkuntza-sistemaren aldean. Hemen ere, Celaa eta PPSOEren gobernuaren eskutik etorri zen eredu trilinguea… Kasualitatea? Ingelesez egiten dena euskaraz egiten denari lekua kenduz egiten bada, norentzat da kaltea?

  • Peru Dulantz: “Nire ustez Euskal Herriko eskoletan inoiz ez litzaioke ingelesari lekurik ireki behar haurrek 8 urte bete baino lehen.”
    Ingelesa hirugarren hizkuntza bezala edo bigarren hizkuntza bezala? Eta gaztelerari? Euskal Herriko eskoletan zerk izan beharko luke garrantzitsuagoa, ingelesak edo gaztelerak?

    Peru Dulantz: “nik ez dakit ingelesik (oinarrizko maila baino ez daukat), eta zinez diotsut ez dudala ingelesaren beharrik” 2014/07/23 14:33
    Noski, zuk gaztelera duzu bigarren hizkuntza bezala, horrek gazteleraz hitz egiten den mundu zabalera irekitzen zaitu. Ingelesa? Zertarako?

    Sugar: “nere atzerriko hizkuntz maila Ingeles indioen modun egitea da.” 2014/07/23 15:03
    Eta harro nago.

    Sugar: “Berriro diot, gehiengo zabala hemen ez du ingelesik beharko ezertarako.” 2014/07/23 15:03
    Gehiengo zabalaren beste edozein argumentu erabili nezake hemen baina alperrik da.

    Sugar: “Esaidazu mundu globalizatu hontan zertatako da ezinbestekoa Ingelesa?” 2014/07/25 13:20
    Hasteko, mundu globalizatu honen beste puntako jendearekin hitz egiteko. Baina dirudienez batzuk ez dute euskal tributik atera nahi.

    Sugar: “Ta zure laguna ingelesari esker lortu du, beste bat agian Alemaniari esker, ta ez gaude hemen txiki txikitatik alemanieraz ikasi behar dela izugarri ondo erraten ez?” 2014/07/25 14:48
    Ez, hemen, batzuk, esaten ari garena da hizkuntzak jakitea sekulako aberastasuna dela. Frantziarrek, alemaniarrek, italiarrek, errusiarrek, japoniarrek, hego amerikarrek ingelesa baldin badute bigarren hizkuntza, guk zergatik ez? Batzuk nahiago duzuelako gure bigarren hizkuntza espainiera/frantziera izatea. Eta ingelera, bada oinarrizko maila bat. Present/past simplekin nahikoa.

    Sugar: “Erraten dezu hizkuntza bat jakitea ez da noiz denbora galtzea? Hau broman edo esaten dezu ez?” 2014/07/25 14:48
    facepalm

    Sugar: “Gehiengoa ez da bere autonomi erkidegotik irtengo ta.” 2014/07/25 14:48
    Orduan mundu globalizatuan bizi gera ala ez?

    Sugar: “Bukatzeko, jakintza maila minimo bat ezin da izan gauz guztiaz izan, beraz aukeratu beharra dago.” 2014/07/25 14:48
    Aukeratu. Espainiara edo ingelera?

    Sugar: “Medizinako liburuak ez daude Euskaratuak?” 2014/07/26 14:25
    Galdetu Leioako medikuntzako ikasleei gaur egungo egoeraz. Erantzunak harrituko zaitu.

    Sugar: “Itzultzaileak geo ta hobeagoak dira, ta orain ahozkoak egiten ari dira, baita mobiletik hitzegiterakuan mobila edozein hizkuntzara momentuan itzultzeko gailuak prestatzen ere.” 2014/07/26 14:25
    Gailuen helburua da lana beraiek egitea horrela gizakiak denbora gehiago izan dezan, ez gizakia ezjakina izan dadin.

    Peru Dulantz: “Inork ez du esaten ingelesa ikasi behar ez denik. Ikasi dezala behar duenak” 2014/07/28 07:57
    Eta espainiara/frantziararekin esaldiak berdin funzionatuko luke? Proba dezagun: Inork ez du esaten espainiara/frantziara ikasi behar ez denik. Ikasi dezala behar duenak.
    Orain, biak batzen baldin baditugu: Inork ez du esaten ingelesa eta espainiara/frantziara ikasi behar ez denik. Ikasi dezala behar duenak.
    Baina orduan zer izango gara, euskaraz bakarrik dakien herri bat? Eta kanpotarrekin nola komunikatuko gara? Nola gureganatu kanpoko jakinduria? Hemen arazo bat dago, bigarren hizkuntza bat behar dugu. Espainiara/frantziara edo ingalara?

    Peru Dulantz: “Nik ez dakit ingelesez, eta ez dut uste merezi duen ezer galtzen ari naizenik.” 2014/07/28 13:18
    Facepalm: Face > aurpegi, begitarte. Palm > esku-azpi, esku-zabal, esku-ahur, esku-barru, esku-barren. Facepalm norberaren eskua arpegian jartzearen keinua da, eskua zabalik eta esku ahurra arpegiarekin kontaktuan. Keinua maiz exageratzen da mugimendua indartuz zaplasteko baten soinua lortzeko eskua arpegira iristen denean. Keinua kultura askotan erabiltzen da frustrazioa, etsipena, lotsa, ezustekoa edo sarkasmoa adierazteko.

    Crónica de un paletismo anunciado. 2014. ZuZeuko eztabaidak.

    • Peru Dulantz 2014-07-30 07:34

      Ez da oso jokabide zintzoa nire esaldietako batzuk testuingurutik ateratzea, eman nahi ez nien zentzua emateko. Galdetu zure buruari zergatik zatozen bat Barcinaren, eta Valentzia eta Balearretako peperoen politikarekin. Paletismoa izan daiteke arazo bat, baina gaur, hemen, COSMOPALETISMOA da nagusi gure artean, eta horren izenean, gure gurasoek hamaika sakrifizio eginez sortutako ikastoletan hazi diren belaunaldiak zakarrontzira botatzen ari dira, lasai asko, egindako lan hori guztia.

      • Galdetu zure buruari noiz idatzi dudan UPN eta PPren hizkuntza politika kolonialistarekin bat natorrela.
        .
        Ez zara konturatzen espainiara/frantziara bigarren hizkuntzatzat sartuta daukagula erraietara arte. Eta onartzen duzue. Angalara ordea baztertu egiten duzue, hirugarren hizkuntza bat irakasteak euskara kaltetuko duelakoan. Konparatu ditzagun berriz ere beste herrialde batzuen bigarren hizkuntza EHrenarekin. Espainian, eta Frantzian, angalara; nahiz eta bizilagunak izan, beraien bigarren hizkuntza angalara da, izorra dadila bizilaguna. Italia, Norvegia, Suedia, Japon, Txina, Txile… Herri guzti hoietan bigarren hizkuntza angalara da. Guk zergatik ez?
        .
        Gure EH maitea Frantzia eta Espainiak zatitua daukalako, politika kolonialista pairatzeaz gain kolonoen hizkuntza jakin behar dugulako. Eta inperio hauen hizkuntza onartzen da baina AEBrena ez, hori ez, horrek euskara mindu dezake, hori ez da espainiara zein frantziara bezain ondo hitz egin behar, hori ez da natiboak bezala hitz egin behar. Independentzia nahi dugu baina aske diren beste herriak bigarren hizkuntza angalara duten bitartean guk espainiara/frantziara hitz egiten dugu eta ez dugu jabearen hizkuntzatikan askatu nahi. Zeren gaur egun hori ez da posible, ezin liteke (fisika ere ezin da euskaraz irakatsi). EHn frantziara edo espainiara jakin behar da zeren bestela nola tratatu hauen gobernuekin, hauen intituzioekin, nola hitz egin euskaraz ez dakiten kolonoekin, nola adierazi Espainia eta Frantziari gu ez garela Espainiarrak edo Frantziarrak? Gu subdito onak gara, guk jabearen hizkuntza ikasten dugu, hitz egiten dugu, onartzen dugu, defenditzen dugu kanpoko (beste) hizkuntzaren kontra.
        .
        Berriro diot, aukeratu: Bigarren hizkuntza, ingalara ala frantziara/espainiara? Mundu osoari zabaldu edo Espainiar/Frantziar munduari zabaldu?
        .
        Hona nire eredu ideala gaurko euskal eskolarako: gaur ez da existitzen euskal eskola.
        .
        Euskara guretzat, angalara beraientzat.

    • Ez nuen berriro erantzun behar baina beno.

      Harro nagoela esan dut edo ez dudala ia erabili behar izan?
      Nire tributaz?
      Gehienak hemen geldituko dira bizitzen (edo hori da gehiengoaren nahia), beraz ez dakit zer esan nahi dezu, inor ez du esan Ingelesa ikasi behar ez danik, baina tira.

      Gehiengoak nahi ala ez, ez du erabiliko, gehiengoa ez du Norbegiarrekin hitzegiten egongo, ezta Britaniarrekin, ta lagun britaniarra izanda ordenagailuz hitzegiteko, ez da izugarrizko maila behar, ala ere ez dut esan ez dela ikasi behar.

      EEUUn eskaintzen diren postuen %3a soilik behar du goi mailako kualifikazioa.

      http://blogs.publico.es/vicenc-navarro/2014/07/29/por-que-el-desempleo-es-tan-elevado/
      Hemen ez gaude hitzegiten gutxien erabiliko den zerbaitetaz, gutxiengoa izango delako herri guztietako pertsona hoiekin hitzegingo dutenak.

      Egun baten Ingelesa guztientzako beharrezkua bada, zertarako besteak?

      • Ez da goi kualifikazio kontua, ez da denok unibertsitatean katedra bat izan behar dugula baizik eta bigarren hizkuntza bat ganoraz jakin behar dugula, mundura irekiko gaituen bigarren hizkuntza bat.

        Berriro diot, angalara edo espainiara/frantziara?

        • Ingelesa ikasi behar da ? Bai, hain gaztetik? Ez.
          hori ez da ezerreri uko egin.
          Goi kualifikazioarena ta Ingelesarena gauz berdina da, denok unibertsitatera jun gintezke baina gero unbibertsitario asko beraien ikasketekin zerikusia ez duten gauzetan lan egin beharko dute, gaur egun askotan gertatzen dan antzera.

          Mundura ireki behar gara? Bai, nola? Ba lan hoiek izango dituzten jendekin, ze gehineak hemen bizi nahi ta biziko gera, ta Ingelesa ez dugu erabiliko, ta horrela da.

          Ta horretarako maila jakin batekin nahiko da, ta gero behar duna hobetu.

          Beste gau bat izango zan Gaztelera Ingelesetik ordezkatzea nahiko bagenu, hori bale, baina Ingelesa orain gaztelera menderatzen degun moduan, gaztelera ere menderatzea horrela, gero euskara maila ona izugarria…. ezin da, ta ez da beharrezkoa.

          Nitzako leno egin behar zana hauxe da.

          ze estruktura ekonomikoa dakagu ta zein izango dugu?
          Ta gero hau beharko badegu, hau ikasiko degu txiki txikitatik, gero dagoena jendeari azaldu ta gehio ikasi nahi badu ikas dezala, baina leno beharrak daude.

          Ta ere ez zitzaidan inportatuko Frantsesa sartzea, Euskarari lekua kendu gabe.

          Adibidez, 8 edo 9 urtetik aparte, leku batzutan Ingelesa, bestetan Frantsesa, bestetan Alemaniera…

          Horrela Euskara izango zan Euskaldun guztiak batuko gintuzke hizkuntz bakarra, jende eleaniztuna egongo legoke,… Baina Euskarari tokia kendu gabe ta gaur egun dagon obsesio gabe.

          Ta maila izatearekin nahiko ez bazitzaien batzuri, gero hobetu zezaketen, unibertsitatean adibidez.

          Ingelesa ez dizu zertan munduaren ateak ireki behar, jun Alemaniara ta Alemaniera beharko dezu, Frantzian Frantsesan, Ipar amerikan Gaztelera, Finalndian finlandiera…

          Ez da ingleses kontua, baina bai kolonizazio kontua nitzako.

          • Bai, nabari da kolonizazio kasu larria dela, espainiar kolonizazioa.

  • Peru Dulantz 2014-07-30 07:22

    Gaur eta hemen ingelesak ez du gaztelaniaren lekua hartuko. Haur guztiek, nahitaez, jakin behar dute gaztelania eskola-aldia amaitzen dutenean, eta gaztelaniaren gutxieneko presentzia behar da eskolan, gustatu ala ez. Horri ingelesarekin eginten ari diren gehiegikeriak gehitzen badizkiogu, non geratzen da euskararen lekua? Gero eta murriztuago. Haurrak oraindik euskaldundu gabe daudelarik hirugarren hizkuntza sartzen ari gara, hor dago arazoa.

    • beraz gaztelania bai inposatu behar zaie, baina frantsesa edo ingelera ez? baionan ere gazteleraz egingo dute?? ni hizkuntza desberdinen garrantzia apreziatzen dut, zu nazionalista espainola zara!!!

  • Peru Dulantz 2014-07-30 07:28

    Hona nire eredu ideala gaurko euskal eskolarako: 1) Euskarazko murgiltzea 8/10 urtera arte; 2) Ingelesa eta gaztelania ikasgai moduan 12/16 urtera arte; 3) Ikasgairen bat ingelesez eta gaztelaniaz (beharraren arabera) hortik aurrera. Orain egiten ari dena, eskolaurrean (edo haurtzaindegian!!) ingelesa lan-hizkuntza gisa erabiltzen hastea eta abar alferrikakoa eta kaltegarria baino ez da, nire iritziz.

    • beraz gaztelania bai inposatu behar zaie, baina frantsesa edo ingelera ez? baionan ere gazteleraz egingo dute?? ni hizkuntza desberdinen garrantzia apreziatzen dut, zu nazionalista espainola zara!!!

      • Peru Dulantz 2014-07-31 08:41

        Gaur hemen dugun errealitateaz ari naiz. Ingelesa sartzeko euskarari kentzen zaio lekua, hezkuntzan eta beste hainbat esparrutan, ez gaztelaniari (ezin delako). Gaztelania kendu eta ingelesarekin ordezkatu? Niregatik, ados. Baina une honetan euskarari ari zaio lekua jaten ingelesa, hori da egia. Adibidez, eredu hirueledunean nola sartu da ingeles gehiago? Euskara gutxiago eginez. Oraindik euskaraz hitz egiteko gauza ez diren 8 urteko haurrak ingelesezko udalekuetara joaten direnean, nora joateari utzten diote? Euskarazko udalekuetara. Musikari gazte euskaldunen talde bat elkartu eta ingelesez kantatzea erabakitzen dutenean, zer hizkuntzari uko egiten diote? Euskarari. Gaztelaniak ez zeukan prestigiorik gure artean jada. Inori ez zitzaion bururatzen haurrak D eredua ez zen batean eskolatzea. Orain, inkesten arabera, gehienek eredu hirueleduna aukeratuko lukete…. Ingelesaren Troiako Zaldiarekin euskara murrizten ari gara.

  • Zuzeu orainkaria irakurtzeari utziko diot hemen eta orain. Propaganda españolista, euskaraz idatzi arren, ez dut toleratzen.
    .
    Agurrik ez. Izorra zaitezte.

    • Peru Dulantz 2014-07-31 08:42

      Gooby eta enparauak… Uste dut ulertzen hasi naizela, frenopatikoan Zuzeun idaztea gomendatu dizuete, tratamendu gisa… Ederki. Animo, segi horrela.

  • Ikerkertak dio 8 urtekin hasten dianak maila antzekoa lortzen dutela leno hasten dianak baino, hortaz horren alde egitea traidore ta Espainiar Nazionalista bihurtzen zaitu, joño, ta nik konturatu gabe.

    Gehienak ez dute Ingelesa ezertarako erabiliko, gutxigo lan batean, baina hori erratea Espainiaren alde egotea da, joño.

    Nik uste nun euskaraz bizitzea zela gauza, orain Ingeles ta gazteleraren arteko burruka omen da, Ingelesa abertzalea egiten omen gaitu, Gaztelera ez. joño.

    Orain Fagor Catak erosi dula,erraten da 1500 lanpostu edo egongo direla edo mantenduko direla, zenbat lanpostutan beharko dute Ingeles maila minimorik? %2a? %3a? Ba hori erratea ere Nazionalista Espainiatarra bihurtzen nau, joño. Ta Fagor ezin da internazionalki konpetitu? Bai, konpetentzia hori hemengo lanpostuetan Ingelesaren beharra eragingo luke? Ez.

    Ta Ingelesa hain sutsuki defendatzen duzunok, esan al duzue Ingelesa Gaztelerarengatik ordezka dezagun? Ez, baina hori berdin du, abertzaleak beraiek omen.

    Beraz Gazteleraren kolonizazioaz gain, orain Ingelesarena, Alemaniaren ekonomia ikusia gutxi barru berdina nahiko dute batzuk, azkenean Euskara ez dan beste hizkuntzak ikasi beharko ditugu, ta orduan bai abertzaleak izango gera. joño.

    • Sugar: “Ta Ingelesa hain sutsuki defendatzen duzunok, esan al duzue Ingelesa Gaztelerarengatik ordezka dezagun? Ez”

      Duzunok horrekin dudatan nago, ez bait dakit nori zuzentzen ari zaren baina espero dut ni ez sartzea zaku horretan. Hala balitz, eskatuko nizuke berriz irakurtzea dagoeneko hainbat aldiz idatzi dudana.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude