Pornorik naturalena
Gauza jakina da askok jotzen dutela -ejem, dugula- sareko zirrikitu ilunenetara material pornografikoaren bila. Are, webguneen %12a pornografikoa omen da. Baina hona ekarri nahi izan dudan pornoa ez da hemezortzi urtetik gorakoentzat soilik. Naturak berez eskaintzen dituen irudiak dira honakoak; pornorik naturalena -gainontzekoari baliorik kendu gabe, noski-.
EarthPorn du izena, eta sarean oso zabaldua dagoen kontzeptua da. Paraje natural ederrenen argazkiak biltzen dituzten hamaika webgune daude izen bera erabiltzen dutenak. Hona naturfilo lizunenentzako moduko zenbait argazki:
Pornorik naturalena
hau ez. zergatik deitu gertakizun natural batzuei pornoa?
Buruko arazoren bat izan behar da argazki horietan pornoa ikusteko… Sendabidea: zenbat eta gehiago egin gutxiago pentsatuko duzu horretan.
Porno gastronomikoari eskainitako blog bat irekitzekotan nago. Gourmet lizunenek munduko hanburges goxoenen argazkiak ikusteko aukera izanen dute bertan. Eta horrela, ad infinitum.