Desbideraketa historiko ideologikoa eta politikoa
Desbideraketa historiko ideologikoa eta politikoa –
“Desbideraketa historiko ideologiko eta politikoa” gertatzen da Estatu konkistatu eta okupatu batean, abertzale izeneko klase politikoak bere Estatuko historia ezagutzen ez duenean, edo hura ezagututa, konkistatzaile diren Estatu inperialisten politika kolonialista onartzen duenean, beraz, darabilten politika Estatu konkistatzaileei komeni zaiena da.
Anormaltasun hori gertatu da gure “NAFAR ESTATUAN” konkista eta okupazio jarraituagatik, Nafarroako paradigmarekin ahaztu ziren eta hizkuntza eta etnia bakarrik hartu zuten ardatz, hizkuntza eta historia gizarte garatu baten zutabeak direnean.
Baina dena aldatu ahal izan zuen gertaera bat gertatu zen. Etienne Polverel Nafarroako Gorteetako Sindikoak hogei printzipio edo argudio nagusiren inguruko alegatu bat aurkeztu zuen 1789an Parisko Batzarrean, eta bertan argi eta garbi definitu zituen “NAFARROAKO ESTATUA” zenaren oinarrizko kontzeptuak eta legeak egiteko modua.
Paradigma hori ez ezagutzearen ondorioz, gizarteak benetako erreferente historikoak galdu ditu, estatu konkistatzaileenak bere gain hartuz, hori bai, euskaraz, eta atzerapen handia eragin du gure “NAFAR ESTATUA” berreskuratzeko bidean, hori baita askeak eta subiranoak izateko modu bakarra.
Errealitate horrek eragindako ondorioak:
- XIX. mendeko hiru karlistaldiak, gure gizartea pobretzea eta emigrazio masiboa eragin zutenak.
- 1936ko estatu-kolpea, Espainiako faxak sortua eta ondorio larriak eragin dituena, oraindik ari gara ordaintzen.
- Gure historia ukatzea eta nafar paradigmaren lehen eta bigarren hezkuntzako eskoletan ez irakastea; horrela, gure gizartearen adotrinamendua gure “NAFAR ESTATUA” ren ez den balioetan luzatuko da.
- Horren ordez, Espainia eta Frantzia konkistatzaileek dituzten Estatuen neurriko autonomiak jarri dira.
Ondorioa: Etienne Polverel sindiko biarnesaren hogei printzipio nagusiak “NAFAR ESTATUKO” lurralde osoan zabaldu izan balira, gaur egun gizarte bat osatuko genuke Estatu aske eta subirano batean.
Desbideraketa historiko ideologikoa eta politikoa
