Armagabetzea erromantzearen simaur denean

Armagabetzea erromantzearen aberasgarri >

Esaten da Armada Invencible haren garaian asko handitu zela gaztelaniaren adierazpen gaitasuna. Itsasontziekin gertatutako hondamendiaren handiak, hainbeste jende hildako ekarri zuen ikuskizunak, hitz eta espresamolde berriz hornitu zituela erregeak aitatzeko erak, gudarosteak kritikatzeko moduak eta, oro har, eguneroko bizimoduaren hariak beste era batzuetan zitezkeela handik aurrera adierazi, hainbeste urtean ustelduta egondako urak supituan berritu balira bezala. Biraoak horixe dauka, indarra eta berritasuna.

ETAren armagabetzea ez daiteke, jakina, orduko hondamendiarekin alderatu,  baina nago egundoko aberastasuna ekarriko diola gaztelerari apirilaren zortzirako amaituta utziko den lanak. Txetx Etxeberrik eta Le Mondek jakin beharrekoak argitaratu bezain azkar, han hasi ziren kolore batekoak eta bestekoak, nor irmoago agertuko lehian, nork punpa azkarragoarekin erantzungo, nork bazterrera gehiago hurbilduko…

Rajoyk, pentsatu beharrik ere ez zuen ukan Castilla-La Manchako kongresuaren erdian zer esan behar zuen jakiteko. Aski izan zen jada automatizatuak dituen pare bat rewind eta play berreskuratzearekin, gauzak beti bezain argi adierazita gera zitezen: armagabetu daitezela, desager daitezela…

Armagabetzea erromantzearen aberasgarriEta beste aldeko orakulutik ere, minutu kontua izan zen Rubalcaba jaunaren ahots burutsua entzuteko, belarriekin ere txalo egiten zieten politogo uholdearen ondoan: demokraziak irabazi du, ez da ETA armagabetu, guk desegin dugu, guk irabazi diogu…

Nor bere paperean sartuta, abiatuak ziren saldatarako ere ez zutela balio ziruditen ETAren hezurren enegarren probetxamenduan, bolborarik ezean, memoria ditxosozkoa izango baita aurrerantzean materia nagusi euskaldunoi aurre egiteko orduan.

Batzuek eta besteak (eta tarteko denak ere bai), ederki trebatuak ditugu hainbeste intxaur eman duen laborantza erretoriko honetan. Maixu dira gauzak egiazki nola diren esateko orduan. Ez ibili alferrik intelektual berrien ahots zorrotzagoen bila. Faborez, ez al duzu oraindik ikasi? Hizlari guzti guztiek hartuko dute bide bera, ibaiaren urak ez dira eta desberdinak.

Bai, kontua betikoa da: nork abildade handiagoa erakutsi Munduko espainolik espainolena izateko orduan. Errelatoaren gauzak nork zuzenago adierazten dituen azpimarratzea. Zer uste zenuen, bada, beste edozeinek egingo zukeen bezala, armagabetzeko aukera txukun xamar profitatzen jarriko zirela?

Bai zera! Erromantzeak baditu bere esijentziak eta ezin da utzi igarotzen aukera hau, astakeria handiena esan izanaren ohorea behar du baten batek irabazi, Inperioak segi dezan bere bidean.

Armagabetzea erromantzearen aberasgarri
armagabetzea
Hasier Etxeberria

ALUA MUNDUA ! Idazlea, kazetaria, gidoigilea, blogaria... Euskaldunon Egunkaria eta ZuZeuren sortzaileetakoa. ETBn hamaika saio zuzendu eta aurkeztutakoa. (Argitaratutako Liburuak)

18 pentsamendu “Armagabetzea erromantzearen simaur denean”-ri buruz

  • Sinistudazu Xabier, bi aldiz irakurri dut zure idazkia eta egia esan ez dut tutik ere ulertu. Zein da zure iritzia ETAren armagabetzeari buruz? Uste al duzu publizitate politikoaz aparteko garrantzirik eduki dezakeela gertakari nire ustez grotesko-patetiko honek? Bai, erakutsi ziguten fakultatean, espektakuluaren gizartean bizi garela. Baina nire ustez espektakulu txit txepela da orain arte erakunde armatuak egin duena. Hemendik aurrera tona leherkario, milaka kalasnikov, hamaika zulo bete bonba erakutsiko dizkigutela uste al duzu? Eta noski hortik dabiltza ETAk eragindako heriotz piloa oraindik argitasunik gabe. Ez al duzu uste pairatutakoen mesedetan erakunde armatuak argitu beharko lituzkeela ekintza hoiek, guztien mesederako?

  • Milaka tortura auzi argitzeke daude ta ia inork ez du zigorrik jaso, baina hortaz ez dizut inoiz ezer irakurtzen JEL jauna, zenbat hildako argitzeke daude estatuaren partetik? Ta nun daude zure iruzkinak hori eskatzen? A , ez zu abertzaleei eskatzekoa zera soilik zure laguntxo espainiarrak defendatzearren, guztien mesederako Espainia ta Frantzia gure lurretik joatea zatekeen, baina hortaz ez dizut ezer irakurtzen inoiz, agian horrelakoak idatzi dituzu ta ez naiz konturatu.

    Ta galdetzea alde edo kontra dagon aukeratzen dezunaren arabera kartzelan bukatu dezakezunean…. ba erantzuna bakarrik bat izan daiteke motel.

  • Erakunde armatuak ekintzak nork egin zituen adieraztea eta pertsona horiek kartzelaratzea beharrezkoa dela? Gerra baten soldadu bakoitzak nor hil duen jakitea garrantzitsua al da ba? Ez dut uste… Bakoitzak zer eta nola egin zuen zehatz jakitea ez da garrantzitsua… ETAk egin zituen ekintzak, ETAk du erantzunkizuna, ETA erakundeak eta ETAren parte izan diren guztiek. Pertenencia a banda armada, integracion en banda armada, enaltecimiento del terrorismo eta halakoak…
    Eta ez ahaztu, denak omen gara ETA, ETAkide zirenik ez zekiten asko ere izan da urte askoz kartzelan… Agian bai, agian denak gara Euskadi eta Askatasuna.

    “ETA gero eta itsusiagoa bihurtu da denbora joan ala” diozu, Frankoren garaian erahitzea justifikatuagoa zegoenaren itxura hartzen diot, gerrak orduan zentzua bazuela edo, ETAren sorreran erahiltzea justifikatuagoa zegoela edo, eta ondoren gutxiago… Zail da ulertzen…

  • Niri tortura giza eskubideen kontrako gauza bat iruditzen zait, erahiltzea bezala, estatuak ala ETAk egin berdin dit. Ez didazula entzun? Suagaar, nik ez dut giza eskubideen bortxaketa bat ere defendatuko, zuk egiten duzun bezala, Stalin bezalako saindutxoak defendatuz. Espainiarrak zure lagun dira internazionalista zarenez gero, Suagaar. Ni euskal abertzale soil bat naiz.
    Etxea ixteko lehen lehenik zaborrez garbitu behar da. ETAk eta ezker abertzaleak hamarkadetan ereindako zabor moral eta politikoaz garbitu behar da euskal etxea bere buruaren jabe egin al izateko.
    Ogeitamar urtez jendea erahil eta txanpaina edan eta gero heriotzen kontura oraindik martiri pairatzailearen papera bete nahi duzu. Zuretarrak, gartzelan direnak ere, borreroak dira, ez pairatzaileak.
    Aizu, Ion, edozein sikologoak esango dizu norbait hil egiten badizute beharrezkoa dela biktimarentzako zeinek hil egin duen jakitea. Eta gainera justizia hutsezkoa da. ETAkoak ez ziren trintxera batetik tiroka ari ziren soldadu batzuk, bonban bitartez edota tiroka jendea hil egiten zituzten tipoak baizik. Ni ez naiz ETA, zu izango zara ETA, nik ez ditut nire gain jartzen erakunde ustel horrek eragindako ekintza odoltsuak.
    Heriotza sekula ez da justifikagarri baina ETAkoek saldu al izan zuten Frankoren garaian itxura sasi heroiko bat. Berehala erori ziren maskarak eta gerora argiago gelditu zen tipo hoien tamaina.

    • Zuk Espainiaren aldeko abertzalea zara, ta ez du esan torturaren alde zaudela, baizik ta beti gauz batzuk ateratzen dituzula ta besteak ahaztu.Halare erraten dezunean berdina dela estaduak eginten badu edo hiritar batzuk, argi uzten dezu zer zaren.
      Estaduak egindako beti izango da mila aldiz txarragoa, beraiek ustez kontrakorako daudelako.
      ETAri buruz diozuna ere gezurra da, ETAk ez zun hiltzen bera bezala pentsatzen ez zutenak, baina tira hori sinistu nahi baduzu niri bost.Ta horrekin ez naiz esaten ari ondo zegoenik.
      Nik ez ditut eskubide urraketak defendatu, datuak eman ditut zuk aipatutakoari buruz baina tira zuk badiozu.
      Jaularitzako gobernua zer? EAE EH da? Edo Zati bat?
      Ezker abertzalekoek izan zutela zer?Hemen ezker abertzalekoek ta ezker abertzalekoekin zerikusia ez zuten askok kartzela pairatu dute torturapean egindako aitorpenengatik, asmatutako frogengatik….
      Izan zituztela aldizkariak? Arazo barik edo? Ez, ta ez zizkieten itxi? Gainera froga asmatuekin.
      Horrelako auzi baten alemaniako begirale bat etorri zan ta hauxe erran zun.

      Ikusi ditut epaiketak nun salatuak errugabeak zirela, baina inoiz ez dut ikusi orain arte delitu gabeko epaiketarik.
      Beraz….
      Gartzelan denetarik dago ta inozente mordo ere bai demostratu dan bezalaxe, baita neurrigabeko zigorrak jaso dituzten ehundaka, baina zuk hain abertzalea zara ondo iruditzen zaizula EHtar errugabeak zigortzea, neurriz kanpoko zigorrak jasotzea…
      Azkenean Espainia maite dezulako.
      Nik internazionalista naiz ta antiarrazista ere herrien arteko elkarlanean sinisten dudalako, klase arteko elkarlanean… hori ez du zerikusirik bakoitzak bere estadua izatearekin.
      Zuk euskal abertzale solik? Espainiakoa errango nuke nik .

      Zergatik? Beti jarriko dituzulako aitzakiak EAJ kontrakoa agindu arte EHren burjabetasuna lortzeari.
      Beno hobeto erranda EAJzale zara soilik.
      Defendatu dezulako XXI. mendeko burjabetza arraro hori ta baita ere EAJk esan duenean independentzia ezinekoa dela
      Beraz zuk abertzalea?
      Bai bai.

  • Badakit zu ez zarela ETA, ez dituzula zure gain jartzen erakunde ustel horrek eragindako ekintza odoltsuak, jakina. Eta jakina dela ez dela ETA. Baina Euskadi ta Askatasuna kontzeptuaren borrokan baduzu nolabaiteko erantzunkizunik?
    Biktimen kontuan ulertzen dut diozuna, baina torturatua izan den bati buruz arituta ere, torturatzailea da garrantzitsua edo Estatuaren aitortza, egiletza eta barkamen eskea. ETArekin berdin.
    Carrero voló ez duzu inoiz abestu? ETAren borroka ez duzu inoiz ulertu? Borroka armatua ez da inoiz izan zilegi?

  • A ber, Ion, zentzu metafisikoan guziak gara guztiaren erantzule. Baina ardura zuzenetaz ari bagara nik ez dut sekula ETAren ekintzarik onartu, horren atzean ETAk bere gain hartu nahi zuen gizakiekiko bizitza eta heriotzaren eskubidea zegoelako, arrazoi makur eta maltzur bat. Hiltzailea izatea baino gauza okerragoa da erahiltzeko eskubide duzula pentsatzea. Orduan beste hilkorren gainetik zarela pentsatzen baituzu.
    Nire ustez torturarekin gauza beretsua gertatzen da, estatuak erantzunkizun kolektiboa onartu behar du ekintza hoietan, ETAk bereekin egin behar duen bezala. ETAren borroka ulertu? Diktadura baten azpian gauzak beste modu batean ikusi daitezke. Arazoa da erakunde batek herriaren izenean erahil eta herria berarekin ez dagoela demostratzen deuenean bere ekintzetan jarraitzea da. Beraz, geroko erahilketak iraganeko erahilketaren zentzu berdina daukate, erakunde hiltzaile bati boterea ematea.

    • EAjk PPSOErekin adostutako mozioekin guda batzuen aferan, pagotxa izan behar da edozein bortizkeriaren kontra zaudela errateko.

  • Ados nago esaten dituzun gauza batzutan, baina beste batzutan ez. Gizakiekiko bizitza eta heriotzaren eskubidea ez du ETAk, ez luke inork eduki behar teorikoki, estatuek eta sistemak badute ordea erahiltzeko eskubidea, lurra, etxea, bizitza kenduko dizute, edo gosez hiltzen utzi. Hala dago mundua eta egungo sistema montatuta. Hotza eta krudela den arren, herri batek bere baitan du botere hori. ETAk herriaren izenean hartu zuena, Gaizki dagoela, ados nago, baina zilegi da? Eurek badute erahiltzeko eskubidea, jabegoaren eskubidea, euren baitan erabaki oro. Nola borroka egin horren aurka zerorrek biolentziaren eskubidea izan gabe…
    (Badakit agian erraz eta erosotasunetik iritzia ematen nabilela, eta teorikoki eta praktikoki gauzak ez direla berdinak, baina jarrai dezadan…)
    Esklabuak bere ustezko jabegotik biolentziaz askatzeko zilegitasuna duela uste dudan bezala, herri batek, bere jabego dela uste duen herri bati biolentziaz erantzuteko zilegitasuna dauka neure ustez, metafisikoki edo teorikoki eta praktikoki (gauzak muturrera eramanda nahi baduzu). Nazio eraketak historian eta beti biolentziaz eman direla jakinda gainera.
    Diktadura baten azpian egon, edo ustezko demokrazia omnipotente totalitario itsu baten azpian alde gehegirik ez dago, ezta? Agian bai…
    Ados nago ETAk zentzurik ez duela jadanik, baina Euskadi eta Askatasunak bai, eta horren aldeko borrokak ere bai. Hor daukat nik kontraesana, gaur egun Estatuaren aurkako borroka demokratikoarekin parre galanta egiten dutela iruditzen zait demokrata espainolek… Gustora gainera, beti EZ izango den erantzunaz, baina demokratikoki edozer dela posible esanda, baina In saecula saeculorum EZ.

  • Barkatuko didazu, Ion, nire ustez gatazka honetan bi baino bando gehiago izan dira, gutxienez bat gehiago, hiru beraz, eta agian laugarren bat… Gure gizartea konplexua da eta nahiz eta espainolek eta ezker abertzalekoek (horretan bat datoz) esan bi bando bakarrik direla (edo gu edo besteak, edo nirekin edo zurekin) hori ez da horrela.
    ETA erakunde iraultzaile bat da eta horren ondorioz abangoardia, beren ikuspegitik langileria ala herriaren parte kontzientzia duna. Beste gainontzekoak etsaiak ala herritar alienatuak gara.
    Gure herriaren gehiengoa herbestean zegoen Eusko Jaurlaritzak ordezkatzen zuen eta 1977ko hauteskundeek hori adierazi zuten inongo dudarik gabe.
    Diktadura eta bere osteko demokrazian aldea ez da txikia, ezker abertzaleak bere erakunde legalak montatu zituen, bere periodikua, sindikatuak, elkarteak… Francorekin posible izango ez zena. Eta ezker abertzalea hauteskundeetara aurkeztu eta bere postu publikoak bete zituen ere bai.
    Ni ez naiz horren ezkerra, Ion, arazoa gehiengo askiak lortzea da. Gure herriaren gehiengo erreala lortzea, alegia.

  • Bando eta mando asko bai, mando zentzu guztietan… Baina EuskalHerria batetik eta Espainia bestetik, indibiduo, komunitate, gizarte, herri, nazio eta semantikatan sartu gabe. Gu eta haiek bat sentitzen dut nik, “gurekin edo gure aurka”rekin ez nago ados, eta GU hori konplexua eta heterogeneoa dela ere argi dago..
    Ados ETA erakunde iraultzaile eta abangoardia izan dela, eta GUrekin ez dagoen GUtakoa etsaia dela kontzeptua akats larria izan dela, hori ez baita horrela, eta horrela pentsatzeak tirania bidera eraman duela erromantzea behar zuenak. Erahilketa bakoitza ere zama astuna izan da gizartearentzat, guztiontzat, ziur bainago deabrurik ez dela GUre artean, deabrukeriatan ibili bagara ere, batzuk gehiago eta besteak gutxiago. Oso gaizki egin dira gauza asko, marra gorriak direnak direla erabat pasata, baina ezin da haserako ideia edo funtsa ahaztu: EuskalHerria badela, existitzen dela, bagarela, eta GU garela.
    Diktadurak eta sasidemokraziak gai polita eta sakona dira, baina laburtzeko esan erabat eszeptikoa naizela gaur egungo espainiar demokrazia honekin, ilusio bat dela pentsatzen dut askotan. EuskalHerrian gehiengo askiak izanda ere, Estatuak ez du inoiz, inoiz diotsut, HAIEN gehiengoaren gainetik GUre gehiengoa jarriko, esan bezala, haien jabegoa gara (eta armez defendatuko dute euren jabegoa).
    Gure esku dago ekimen polita da, eta neure elkartasun eta sostengua dute, baina ez dut uste gure esku dagoenik, HAIEN esku dago. Demokrazia honetan EuskalHerri buruaski bat izatera iritsiko garela utopiatik nahiko gertu ikusten dut. Baina utopia omen da bidea… Hala bedi.

  • Noski Euskal Herria badela eta egongo dela.
    Eta ez dut uste estatuak ezer egin dezakeen Euskal Herriak erabaki bat hartuko balu batera ala bestera. Ez ditut Brunetearen tankeak pasiatzen ikusten gure kaleetatik. Arazoa gehiengoak behar direla da. Eta Euskal Herriak duen zatiketarekin gehiengo hoiek ez dagoela lortzerik.
    Ez dago lortzerik ezin batuzkoa baita ezker abertzalea eta EAJren indarra. Bakoitzak bere bidea egin duelako eta bakoitzak bere ideologia dute. Ezker abertzaleak mendebaldean dagoen eredu demokratiko baten kontra egiten du, ez bakarrik Espainiarren demokraziaren kontra. Hori da arazoa.

    • Ez dituzula tankeak pasatzen ikusten? Zuk ezagutzen duzun espainia ez da nik ezagutzen dudana ta historiak ezagutarazi didana.

  • Estatuak EZ esango du, espainiar parlamentua medio, espainiar soberania aitzaki, espainiak dauka beren lurraldeekiko azken hitza, soberania edo jabegoa. Eta tankeak ez agian (ez nuke eskua sutan jarriko…). Gure autonomia euren eskutan da, edo bilatuko dute presio erarik, articulo X de la constitucion edo nahi edo behar dutena…
    Bai, abetzaleen batasuna arazo da. Abertzale ez direnen askatasun demokratiko aukerara erakartzea beste arazoa, Ezker abertzaleak denbora behar du bere burua berpentsatu eta berposionatzeko, AhalDugu-Podemos tokia egiten eta EuskalHerriari buruzko ideia propiorik gabe, PSE galduta… EAJkoak gustora daudela deritzot egungo lurraldetasun-askatasun aferaren egoeran, komodo. Ez dira gehegi mugituko itxura egiteko ez besterik, inoiz baino boteretsuago eta lasaiago daude. Irabazteko gutxi eta galtzeko asko dutela barneratuta dute, Agirre bat balego agian… Edo utopiaren bidean 50 urte barru…

  • Izaterik ez duen etorkizun batez hitzegiten ari gara. Baina estatuak ezezkoa emateko aurrebaldintzak ez dira betetzen. Gaur bertako botazioak Gure Esku Dagore eskutik oso emaitza kaxkarrak lortu dituzte. Jendearen arduran ez dago ezker abertzaleak etengabeki aldarrikatzen duen hausturarako bidean.

  • Baina estatuak ezezkoa emateko aurrebaldintzak ez dira betetzen

    Hau umorea zurea, baldintzak hor daude, hau Espainia da ta kito dira beraien baldintzak.
    Aldebiko negoziazioetan ziur lortuko duela EAJk herri honen independentzia. Bai horixe.

    Katalunian ikusten ari gara, galdetu nahi zuten ta erantzuna? Ta hori beraien estatutoa lumatu zutelako andaluziari aitortzen zikiotenak beraiei ez aitortuz, zergatik? Katalanak zirelako.

    JELen. Kar kar.

  • Gehengoak lortu behar dira edozer aldarrikapen gauzatzeko, Suagaar. Zure kasuan noski ezker abertzaleak dekretatu eta gauzak gertatu beharko lirateke. Baina jende gehiena demokraziaren aldekoa da, hori da zure zoritxarra.

  • goian bego Hasier! 🙁

Utzi erantzuna

Zure e-posta helbidea ez da argitaratuko. Beharrezko eremuak * markatuta daude