Alderdi berri bat, orain artean ez bezalakoa eta gainerako alderdien egitura antzekoarekin

Argigarria da Ramon Solak sinatzen duen artikulua, Ezker Abertzaleak bere historian zehar inoiz erabili ez duen antolaketa molde bat proposatuko delako, zuzendaritzari dagokionean bederen, Bilboko Euskaldunan egingo duen aurkezpenean. Zutik Euskal Herria eztabaidarako txostenean agertzen zuen bezala, ez da alderdiaren berrantolaketa soila izango astelehenekoa, “kultura politiko”aren aldaketa baizik.

Zentzu horretan, argigarria da, militanteen figuratik afiliatuaren figurarako emango den aldaketa. Aurrerantzean, eta inoiz ez bezala, Ezker Abertzaleak afiliatuak izango ditu. Horrela, Ezker Abertzaleak egitura publiko antolatu bat izango du eta afiliatuak bertako dagokion organoetan eztabaidatu eta alderdiaren ekintzetan parte hartu ahalko du. Betebeharren artean kuota ordaintzea edota estatutuekin bat egitea eskatuko zaio.

Kuoten gaia aipatuta, afiliatuen diru-sarrera horiek eta aparteko donazioak izango dira Ezker Abertzaleak aurkeztuko duen alderdi berriaren aktibo finantziero nagusiak, ez baitu patrimoniorik izango abiarazterako orduan.

Zuzendaritzan ere aldaketak

Finantzaketa eta afiliatuen antolaketaz gainera, berritasunik ere badakarte zuzendaritzari dagokionean estatutuek. Horrela, zuzendaritzako organo nagusia Biltzar Nazionala izango da, 300 lagun inguruk osatuko dutena. Honek ildo ideologiko eta politikoak zehaztuko lituzke, eta kasuan, baita estatutuen aldaketa ere.

Hau lau urtean behin batuko litzateke, eta baita modu berezian ere, hala eskatuko balitz. Hau biltzen ez denean, Asanblada Nazionala izango da organu gorena, eta honek, aurrekontuak eta aliantzak eta itunak berraztertzea izango du helburu.

Egunean eguneko jardunerako, 25 laguneko exekutiba nazional bat egongo da: hilabetean behin bilduko da eta alderdiaren dinamizazioaz arduratuko da.

Idazkari nagusia

Idazkari nagusiaren figura berria da Ezker Abertzalearen egitura politikoetan. Buruzagi historikoak izan dituen arren, izendatutako idazkari nagusirik ez duela izan iruditzen zait, eta alde horretatik, berritasuna dakar proposamenak. Hau kongresu nagusiak izendatuko du, lau urterako, asteleheneko estatutuen arabera.

*

Aldaketa honek baina, irekiko al dizkio alderdi legal izateko ateak?

 

Informazio gehiago:

Batasunaren zalantza (El Correo)

Ezker Abertzaleak ETAren biolentzia salatuko du (Diario Vasco)

300 delegatuko Kongresu Nazionala (Gara)

Ezker Abertzalearen alderdi berriaren oinarriak

Irudia | Ezker Abertzalearen alderdi berriaren oinarriak | Google | LGPL
alderdia, ezker abertzalea, politika

2 pentsamendu “Alderdi berri bat, orain artean ez bezalakoa eta gainerako alderdien egitura antzekoarekin”-ri buruz

Utzi erantzuna

Zure e-posta helbidea ez da argitaratuko. Beharrezko eremuak * markatuta daude