28.000: Iruñeko gardentasunaz egindako kontsultak… erdaraz, jakina

Berriak azaltzen duenez, Iruñeko Udalak urte hasieran bere gardentasunari buruz irekitako webgunean 28.000 kontsulta baino gehiago egin dituzte herritarrek. Baina, horretarako, Udalaren erdarazko webgunera jo behar izan dute, euskarazko webguneak ez baitu gardentasunari buruzko atalik.

Erdarazkoan, “transparencia” atala

Euskarazkoan, ez dago “Gardentasuna” izeneko atalik

Nik ulertzen dut Iruñeko Udalak oraindik gaitasunik ez izatea informazio guztia ele bietan eta aldi berean emateko; baina horrelakoetan, mesedez, informazioa eman dezala euskarazko webgunean ere, nahiz eta oraindik euskaraturik ez egon.

Bestela, erabiltzailea banaiz eta baldin badakit euskarazko webguneak informazio gutxiago duela, ez dela fidagarria, informazioa zaharkitua duela… Zertarako joko dut hara? Erdarazkora joko dut.

28.000: Iruñeko gardentasunaz egindako kontsultak… erdaraz, jakina