Osagaiak

• seitana
• arrautza bat
• irin integrala, 5-6 koilarakada
• oliba olioa
• soja saltsa tanta bat
• tomate saltsa
• ura
• gatza

Errezeta

1. Irina, arrautza, ura, olioa eta gatza nahastu. Eskuekin landu, ore bat lortu arte.
2. Arrabolarekin ondo zabaldu eta moldearekin pizza itxura eman.
3. Oreari tomatea gehitu eta aurretik egindako seitan eta barazkien nahasketa gainean ipini.
4. Pizzak aurretik berotutako labera sartu eta 10 minutuz bertan egiten utzi (180ºc).

Kasu!

• eu.wikipedia.org/Makrobiotika
• en.wikipedia.org/Macrobiotic_diet

Makrobiotika yin eta yang izeneko printzipioan oinarritutako elikatu eta bizitzeko modu bat da, yin eta yang elikagaiak bereizten dira, hotzak eta beroak, eta horien arteko oreka bilatzen da ongizatea eskuratzeko. Bereziki zerealak eta horien artean arroza lehenesten ditu, orekarako beste barazki eta labore naturalak erabiliz. Makrobiotika George Oshawa japoniarrak (1893-1966) landu, aurkeztu eta eman zuen aditzera.

Akaso!

Komentatu behar genuke, makrobiotikan korronte ezberdinak daudela eta horietako batzuk ez dutela seitana erabiltzen.

Seitana gariaren proteina nagusia den glutenarekin egindako jana da. Seitana modu tradizionalean:  Gariaren irinaz osatutako ore bat garbitzen da urarekin, almidoi pikor guztiak kentzen zaizkion arte. Horrela, disolbaezina den glutena besterik ez da geratzen, ore elastiko gisa. Seitan izena japonesezko shokubutsusei tanpaku (landare-proteina) hitzatik dator. Halaere, japonian fu (“gluten”) bezala ezagutzen dute. Txineraz miàn jin (“gari haragia” edo “gluten haragia”) deitzen diote.