[Txiorik Onena] 2023ko 12. astea –

Urteko 12. astea, ohi bezala, zazpi txioko sorta batean laburtua.

Asteon, hauexek dira hautatutako txioetan jorratu diren gaiak: sinesmenak, zu hartzeak, gaupaseroak, begirada, ezkorrak, kaltea eta atzelariak.

Joan den asteko txio sortatik Ibon Iza Totorikarena izan da bozkatuena.

.

Zein begitantzen zaizu asteko txiorik onena?

Sinismenak sinismen, etxepeko Carmenek tinbrea jo eta erramua jarri dizula abixatzen dizunean, ilusioa egiten dizu ?? pic.twitter.com/i31V3IeVz6

— Esti Elduaien Uranga (@Eelduaien) April 2, 2023

Nahiago zu hartzea, su hartzea baino. pic.twitter.com/7GAweotb4G

— Ainara (@ainaralei) April 2, 2023

Ogia erostera igande goizean. Bi gaupasero etxera bueltan aurrez aurre. Eztabaidan datoz:

– Oskorri, Euskal Herriak eman duen hirugarren talderik onena da, Lisabo eta Negu Gorriaken atzetik!

– Horretan behintzat ados gaude!

Desadostasuna non zegoen jakin gabe geratu naiz…

— Haritz Pascual Garjon (@haritzpg) April 2, 2023

Ondo begiratu! pic.twitter.com/TW534uXPnc

— Ainhoa (@Ttuttuken) April 3, 2023

Askok dauzkagu inguruan pertsonak beti ezkor, beti kexaka, beti kritiko, beti eskeka dabiltzanak . Atzo nire anaiak “bateria xurgatzaile” izendatu zituen eta bikain iruditu zitzaidan.

— Endika Alonso Irisarri (@lorezain) April 4, 2023

“katea ez da eten” zioen testuak, eta nik “kaltea ez da eten” irakurri dut; nire lapsusek ere etenik ez.

— Xabier Mendiguren (@xme64) April 4, 2023

“Aitorrek lasaitzeko esan zidan, eta on egin zidan; orduan hasi nintzen gozatzen”.
Prentsan irakurria, atzelari batek esana, jakina.

— Angel Erro® (@angelerro) April 5, 2023

.

.

Pasa den asteko txiorik onena

EUSKARA arrautzaren gorringoa bada, arrautzaren zuringoa KULTURA da. Gorringo bako arrautza, ez da arrautza, zuringo bakoa ere ez. #kultura #hezkuntza #orlandotomatea pic.twitter.com/uXn4Pu7BJ9

— Ibon Iza Totorika (@ibon_iza) March 29, 2023

[Txiorik Onena] 2023ko 12. astea