Espainiar estatuak beti dio legeak errespetatu behar direla eta epaileek agindutakoa bete. Ezin da justizia zalantzan paratu, baina sententzia gustuko ez duenean zer? Kosovok bere independentzia aldarrikatu zuen 2008an eta orain Nazioarteko Justizia Auzitegiak ontzat jo du Serbiatik banatzea, “ez zuen zuzenbide internazionala urratu” . Espainiak, baina, ez du onartuko Kosovo estatu gisa, Europar Batasuneko Grezia, Zipre, Eslovakia eta Errumania bezala.

Euskal Herrira itzultzen garelarik, berriz, legeak errespetatzeko exijitzen digute. Egia da NJAren erabakia ez dela loteslea, baina garrantzitsua bada izatez. Baina Estatu espainiarrak oraindik dio Kosovok nazioarteko zuzenbidea urratu duela. Espainiak bere independentzia onar dezan, bi bide baizik ez dago: bi estatuen arteko akordioa edo ONUren Segurtasun Kontseiluak 1999an hartutako erabakia -Kosovo Serbiaren zatitzat hartu zuen orduan- bertan behera utzi dezan. Miguel Angel Moratinosek argi esan du, “gatazkak konpontzeko bide bakarra elkarrizketa da”. To eta no!

Eskerrak AEBk argi utzi diguten Euskal Herrian eta Herrialde Katalanetan ez dela posible sententzia hau aplikatzea. Hemen ez da elkarrizketa izanen gatazkei konponbidea emateko bidea?