Asteburu honetan: Igel hanka salteatuak errezeta
Asteburu honetan: Igel hanka salteatuak RZ –
Haragiak RZ sailtxo motz hau amaitzeko, asteburu honetan berezia eta exotikoa dirudiena baina euskaldunon artean aspalditik dabilen Igel hanka salteatuak errezeta bikaina. Errezeta zaporetsua, erraza eta denak txundituta uzteko primerakoa, ezhoiko bihurtu den mokadua ama eta izeba bisitan datozenerako, lagunekin, ligatzeko… Segi gozo, segi fin eta on egin! 🙂
…
IGEL HANKA SALTEATUAK
…
Osagaiak 4 pertsonentzako:
- Kg bat igel hanka garbi, eskeletotik bereiziak
- 4 baratxuri ale, pikatuak
- Eskukada bat perrexil, pikatua
- 8 koilarakada oliba olio
- Limoi bat, lautan zatitua
…
Errezeta
- Animaliaren gorputzarekin batean aurkezten dira igel hankak, makilatxo batean sarturik. Guraize batzuen bitartez bereiziko ditugu hanka mamitsu sendoak animaliaren gorputzetik (bota egingo dugu hau). Garbitu, gatza eman eta piperbeltza erantsiko diegu, errotatxo batez.
- Padera batean oliba olioa isuri eta su bizian frijituko ditugu, erre gabe, baratxuri pikatuak. Gorritzen hasi orduko gaineratuko ditugu igel hankak eta, su bizian betiere, alde guztietatik gorritzen utziko ditugu, haragi txigortuaren kolorea hartu arte. Gure suaren bizitasuna horren handia ez bada, edo etxeko padera txikia bada, bi edo hiru txandatan gorrituko ditugu hankak, erregos ez daitezen, egoki friji daitezen.
- Perrexil fresko pikatua hautseztatuko dugu haien gainetik, sutatik atera baino lehen.
- Baratxuritan txigortu eta gero, xukaturik aurkeztuko ditugu erretilu batean, lautan zatitutako limoi batekin. Limoi zukua garaztatuko dugu haien gainetik, garratz xamar gustatuz gero.
…
Kasu!
Anfibio anuroen artean badira jauzi azkarrak eta indartsuak egiten dituzten igelak (Rana agil adibidez; izena bera nahiko argigarria da), baina baita salto txikitxoak baino egiten ez dituzten beste zenbait igel eta apo ere. Beste batzuk ezin dute saltorik egin: apo lasterkariak (Bufo calamita), esaterako, korrikaldi txiki baten antzeko zerbait egiten du, gelditu, eta berriro korrika. zientziakaiera.eus/igelen-jauziak
…
Akaso!
Asier Olaizola pilotari ohia ETBko “Txoriene” saioan igel-hankak Zudairiko estilora RZ prestatuz.
…
Kuala Lumpur-eko Chinatown-en igela txinar estilo tradizionalean RZ sukaldatzen. How to cook live frogs-Chinatown Kuala Lumpur-Traditional Chinese Style. Warning! Brutal scenes.
…
Errezeta gehiago…
Asteburu honetan: Zapo, kuia txiki eta txanpiñoi brotxetak RZ
…
GeuriaMerkatua euskara sustatzeagatik saritua!
…
Zorionak Pagotxatarron partetik!
Segi fin!
Igel hanka salteatuak Haragiak RZ sailtxo motz hau amaitzeko, gaurkoan berezia eta exotikoa dirudiena baina euskaldunon artean aspalditik dabilen Igel hanka salteatuak RZ bikaina.
