[Uda Erotikoak] Berotariko Euskal Hiztergia (bat) –

.

.

Kaixomaitia.eus atariak, euskaldunon harremanetarako guneak ekoiztutako podkasta duzue honakoa.

Uda gozo-gozo igarotzeko, bi ataletan banatuta izago duzue “hiztergia” entzungai.

Plazer dagizuen!

.

ALU

Alubaki: Gerra garaiko gordelekua, babestokia (ikus guda).

Aludiko: Hankarteko jolasei eta solasei dagokiena.

Aluizi: Emakumezkoen eiakulazioa (“squirting”).

Alukurreria: Emakumezkoen prostituzioa.

Alumatu: 1. Cunnilingus, ezpainak leitu. 2. Emakumezkoek iztartea soildu.

Aluminiszente: 1. Azpijanaren, ezpain-janaren ondorioa. 2. Iztarte soildua, alumatua.

Alur-emate: Koitoa.

Alurmutur: Klitoria.

Alurpe: Uzkia (ikus ipurdistira)

Alurrikara: Emakumezkoen orgasmoa.

Alurrin: Eau de Pottor.

Alurrin-makina: Klitoria.

Aluto: Alarguna (zah.).

Aluxu: 25 zentimetroko buztan puska! (Ikus sexusteko; ikus zakilo).

Aluzaroan: Azpijanean, ezpain-janean patxadatsu, apartsu.

Aluze-labur: 1. Tortolaren tamaina. 2. Cunnilingus.

Aluzitu: 1. Pottorroa harro eta nabarmen erakutsi.

.

GU

Gubera: Guk atzean uzten dugun arrastoa.

Guda: 1. Gure urtarorik beroena. 2. Edozein lipar elkarrekin.

Gugalketa: 1. Gu, txortan. 2. Gu, galduta.

Gugari: Gu, elkarrekin, oparo eta emankor.

Gugazaba: Gu, munduaren jaun eta jabe.

Guharte: Zu eta biok, jendez inguratuta baina bakartuta.

Guholde: Gu, hazita, elkar estali nahian.

Gukabil: 1. Gu, eskutik helduta. 2. Gu, bat eginda (gugalketa).

Gukitu: Gu elkarri itsatsi.

Gulertu: Gurearen esanhaiaz, izaeraz eta zergatikoaz jabetu.

Gumezurtz: Gu, bakar-bakarrik, inor gabe.

Gumiltasun: Gu geu, apal-apal, geure xumean.

Gunibertso: Espazioan eta denboran diren (garen) gauza eta gertakari guztien multzoa.

Gurduritasun: Elkar ikusteko grina, ezinegona.

Gurgentzia: Elkar musukatzeko presa, larrialdia.

Gurruma: gure laztanen murmurioa, marmarra.

Gutopia: Idealtzat eta ezin gauzatuzkotzat jotzen den ideia edo proiektua.

.

IPURDI

Ipurdiagnostiko: Gaixotu Nauzu, zentzu eta zantzu guztien arabera.

Ipurdialekto: Sentsualitatearen hamaika hizkerak, braillea barne.

Ipurdiamante: Harribitxi gogor, distiratsua.

Ipurdiana: 1. Nire helburua, nire jomuga. 2. Soldaduak jaiki daitezen, jotzen den doinua.

Ipurdidaktika: Metodoa, teoria eta praktika i(ra)kasteko arbelik egokiena.

Ipurdieta: Ipurmasailak argaltzeko, janari afrodisiakoak hartu eta sexkirolak egitea.

Ipurdiktadura: Zure haragiaren gobernu era gordina.

Ipurdilema: 1. Zure popa da nire norabidea gobernatzen duena. 2. Hau bai zalantza: zure zein ipurmamiri egingo diot kosk lehendabizi?

Ipurdinamita: 1. Zutroglizerina duen lehergaia. 2. Popaztanda.

Ipurdioptria: Miopea naizenez, utzi gehiago hurbiltzen, bertatik bertara ikus eta uki zaitzadan.

Ipurdiploma: Nik emango dizut, behin eta berriz, merezi duzun tituluaren egiaztagiria.

Ipurdistira: 1. Ilargi betea. 2. Itsutzen nauen argi bizia.

Ipurdiskoteka: 1. Dantzalekua. 2. Txortalekua.

Ipurditxa: Pozpa.

Ipurdizipulo: Zure popa irakasle, ni jarraitzaile.

.

MAITA/E

Maitakikardia: Zure musuen erritmora nire bihotza dantzan.

Maitalaia: 1. Gozamenaren dorrea, plazeraren gailurra. 2. Orgasmoa. 3. G puntua. 4. Gu puntua.

Maitalka: Gu, elkar jaten, larru joka.

Maitango: Gu, dantzan, musika eta musuka ozen.

Maitantaka: Guzeanoa bete arte.

Maitanto: Berokirolei dagokien puntua, inork galtzen ez duen norgehiagokan.

Maitarteka: Sexu harreman aldizkako eta klandestinoa.

Maitatuaje: 1. Zure musu bakoitza. 2. Larruazala marrazki ezabagaitzez apaintzeko prozedura.

Maitaupada: Txortan, bihotzaren eta bestelako gihar batzuen uzkurtze eta zabaltze higidura bizia.

Maiteatro: 1. Kalean, jendaurrean, egin ohi diren maitasun keinu eta imintzio nabarmenak, sarritan fikziozkoak. 2. Etxean, ohean, giroa pil-piltzeko egiten diren antzezlanak, mozorro eta guzti.

Maitekila: Mexikar jatorriko edari bizi afrodisiakoa.

Maitekniko: 1. Larruaren arteari dagokiona. 2. Txorta-jokoan trebea.

Maitelefono: 1. Amorantearekin lotzen zaituen zilbor-hestea. 2. Telesexurako tresna.

Maitemati: Larrutan egitea lortu arte amore ematen ez duena (ikus sexgoskorra).

Maitematika: 1 = infinitu, 1+1 = infinitu, 1+1+1 = infinitu,…

Maiatenple: Larrutan, poto egiteko zorian, egoerari aurre egiteko kemena eta gibela.

Maitentazio: 1. Debekua debeku, haragizko bekatu orotara bultzatzen duen zirikaldia. 2. Zu.

Maitente: Maindirepean dena eta denak zutik eta zuzen.

Maitentel: Amorante trakets, berekoi, baboa.

Maitentsio: 1. Tenkaturik dauden gorputz elastikoek eragindako sua. 2. Maiteminduaren arteria-presioa.

Maiteoriko: Teoriazko maitasun eta sexua, Hollywoodekoa, praktikan fikzio hutsa dena.

Maiteorito: Urruneko espaziotik nire larruazala igurztera zatozen materia kiskalgarria.

Maitermiko: 1. Izarapeko berotuei dagokiena. 2. Energia iturri berriztagarri eta agorrezina.

.

MIHI

Mihibrido: Gure mingainen arteko korapiloa.

Mihidratatu: Listu dasta.

Mihidraulika: Fisikaren adarra, gure musuek Newton-en legeak kolokan jartzeko dituzten propietate mekanikoak aztertzen dituena.

Mihieroglifiko: ahoko erotikaren ikur ulergaitzei dagokien hizkuntza, hezkuntza eta hazkuntza.

Mihigiene: 1. Laztan eta muinen trukaketa orekatua. 2. Hizkuntza garbitasuna.

Mihipermerkatu: Plazera doan salerosten den plaza erraldoia.

Mihipnotiko: Zugestioaren bidez, loa ez, baizik eta ametsak eragiten dituen lilura.

Mihipoteka: Zure ahoarekiko zor ezin kitatuzkoa.

Mihippy: Elkar laztantze aske, plazerezko eta bakezalea.

Mihisteria: Elkar jate(n)e(u)rotiko, aztoratu eta bortitza.

Mihitzaldi: Zure oratoria, nire larruan gora eta behera, hunkigarri.

Mihitzarmen: Zu eta bion elkar hartzea (ituna edo listuna).

Mihitzordu: Hitz egiteko ez beste edozertarako tokia eta ordua adostea.

Mihizkuntza: Onomatopeiak, hasperenak, zizpuruak, intziriak (ikus zirrintzika).

.

MUSU

Musu-eten: 1. Musus interruptus. 2. Gure arteko borrokaren etenaldia, mihitzarmen baten bidezkoa.

Musu-lama: Laztan gartsu kiskalgarria.

Musuabe: Zirribarre xume leuna.

Musubjektu: 1. Ni, zu, hura, gu, zuek, haiek. 2. Potrogonista.

Musubsidio: Txorta-jorra nahi eta masailean laztan apal bat jasotzea.

Musufrikario: Zure ukoa, mespretxua, destaina (muzufrikario).

Musutagar: 1. Elkar jatea, elkar irenstea jo eta ke. 2. Eibartar batek emandako musu heavya.

Musugegorri: Zure aho-koban bizi den narrasti pozoitsua.

Musuhar: Lehia lohi lizuna (ikus mihisteria).

Musukalde: Plater goxo eta beroenak kozinatzen diren lekua.

Musumendi: 1. Lardaska goria. 2. Zakil mokoa. 3. Klitori punta.

Musumisio: Mihipnosiaren bidezko mendekotasuna.

Musuntsiezin: Zu eta bion behin betiko elkar hartzea (ikus mihitzarmena).

Musupituki: Lapurtutako musua, estsraperlokoa.

Mususmagarri:

Mususpergarri: Viagra bezala, ahotik hartzen den pilula.

Musuziri: Goiko nahiz beheko ezpainak erretzen dituen txapligua.

.

NEU

Neuforia: Ni, zurekin, zorion betean, larrutan.

Neugarrez: 1. Ni, zurekin, neuforiko. 2. Ni, zu gabe, atsexkabeturik.

Neugoz(i)atu: Masturbatu.

Neukaristia: Maitea, jan eta edan nazazu osorik, gorputz eta odol.

Neunuko: Ni, zu gabe.

Neuli mando: Ni, zugale, zure eskean, temati.

Neurbioso: Elkar ikusteko ezinegonak eta gurduritasunak jota.

Neuri-jasa: Zuparrada.

Neuropa: Zuk eta biok osatzen dugun kontinentea.

Neuskalki: Zu niganatzeko dialektoa.

Neuskarri: Zu.

Neutanasia: Zu eta biok banatzea.

Berotariko Euskal Hiztergia (bat) Berotariko Euskal Hiztergia (bat)