Lekeitioko udaltzainak herritarrengandik gero eta urrunago

NDg2OQ==

2009an eman ziren gertaera honen lehen pausuak, eta LAB sindikatuak gaur egun gertatu dena aurreikusi zuen. Berria egunkarian irakurri ahal izan dudanez, izaera ezberdina duten bi gorputz hauen uniformetasuna izan zen Udaltzaingoa Ertzaintzarekin  lanean jartzearen helburua. LABek  “diseinaturik dagoen estrategia bat” zela ziurtatu zuen urte hartan, baita asmatu ere.

Nahiz eta duela bi urtetako auzia izan, oraindik ere lekeitiarren ahotan dirauen gaia da polizia bi horien elkarketa, beraiek izan baitira kalterik handiena jasan dutenak. Udaltzainak ertzainekin batu orduko, herritarren eta udal langileen harremana askoz ere zuzenagoa zen. Gaur egun, ordea, hurbiltasun hori galdu egin da, izan ere, udaltzainak kristal lodi baten atzetik hitz egin behar baitute herritarrekin. Aldaketa hau gertatu orduko, Udaltzaingoaren bulegoan sartu eta aurrez aurre hitz egin zitekeen horiekin, herritar bat gehiago izango balitz bezala. Horretaz aparte, edozein tramite egiterako orduan, galdutako giltza batzuen bila joan esate baterako, herritarra grabatua eta identifikatua izaten da. Hori da gehienbat, herritarrek lokal horretara joan nahi ez izatearen arrazoia.

Gainera, esan beharra dago udaltzainei ez ziola inortxok ere inungo azalpenik eman, egunkari bidez ohartu ziren ertzainen bulego berean hasiko zirela lanean.

Harrigarria edo lotsagarria????

P.D:

BERRI TXARRAK IKUSTEKO SARRERAK NAHI DITUT!!!! =)

Irudia | Lekeitio | Jubadomi | Creative Commons By SA
Ertzaintza, Lekeitio, Udaltzaingoa
Iraitz Madariaga

TXO !! - Kazetaria ikasketaz eta sare sozialetan espezializatua pasioz. Ez dut arrain gehiagorik izan, denak hiltzen zaizkit, orain jatera mugatzen naiz.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude