Donostian Gazako genozidioa gelditzea eskatzeko ekimena
Donostian Gazako genozidioa gelditzea eskatzeko ekimena –
Martxoak 17 igandean Donostiako alderdi Eder-etik irtenda, Gazako genozidioa gelditzea eskatzeko egindako manifestazioan milaka pertsona bildu ziren, musika, bertsoak, muralak, artistak tartean manifestazioaren ibilbidean… Olatz Salvador, El Drogas, Maddi Oihenart, Juantxo Zeberio, Mikel Urdangarin, Sara Zozaya, Petti, Et Incarnatus kamara orkestra, Maider Zabalegi, Bixente Martinez, Amets Arzallus, Maialen Lujanbio, Beñat Gaztelumendi, Sarai Robles, Nerea Elustondo, Jon Maia, Malmö, Maitane Azurmendi, Noe Viana, Leire Otamendi, Ainhoa Usandizaga, Jone Amezaga, Kantuz abesbatza Hernani, Salatxo abesbatza Orio, Kantakidetza Donostiarrak eta Aiztondo Astigarragakoak. Bideo honetan ikusten den ekimen berezi honekin bukatu da manifestaldia, ondarretako tuneletik Haizearen Orraziraino milaka lagun lurrean etzanda Gazan eraildako pertsonak gogoan. Irudi ikusgarriak…
…
- media.eitb.eus/20240317/DONOSTIA.mp4
- Gazako genozidiora «ez ohitzeko» eskatu dute milaka herritarrek Donostian (argia.eus)
Stop Genocide! Genozidioa amaitu!
Donostia, Basque Country.
24/03/17 pic.twitter.com/cIK2oWH9DB— Kulturatik genozidioa stop (@kulturatik) March 17, 2024
Donostian Gazako genozidioa gelditzea eskatzeko ekimena
Larunbat arratsaldean, Donostian bertan, Osakidetzaren endekapenaren kontrako manifestazioan, soilik ehundaka batzuk. Igandean performance jendetsu polit hau. Larrialdi batean osasun-zentro batean atenditzeko sendagilerik topatzen ez duzunean, egin irribarre eta astindu gogor palestinar bandera.
Gazakoa ez da genozidioa.
Gazakoa, teknikoki genozidio izan zein ez, egin daitekeen basakeria eta krudelkeria handiena da, eta Israel talde armatua erailtzaile handientzat ageri da historiarako. Israelen helburua Palestina osoa lapurtzea da, okupatzea, eta bertan bizi diren guztiak akabatzea, ala hil gabe kanporatzea.
Urriaren 7an Hamasen talde armadunek egin zuten erasoa espwero izatekoa zen, 75 urte Israel jasan etag gero, eta Israelek espero zuen, permititu zuen, lagundu zuen. Aitzaki hutsa besterik ez da. Izan ere, Palestinako gainerako lurraldean ere aurre egiten diote talde eta erakunde armatuek, bai eta Libanotik, Siriatik, Yemendik. Hamas amaiaraztea baliteke; arabiar zein bestelakoen aurkakotasuna, aldiz, areagotuz doa.
Genozidioa ez bada, eta defentsa hutsa baldin bada ere, badu Israel entitatean aurkari eta etsai aski mendetarako. Hitz batek ez du hori aldaraziko. On egin.
Ekintza hauek, bertaratzen direnen kontzieantziak zuritzeaz aparte, beste funtziorik ba al dute?
Zer proposatzen duzu zuk? Etxean geratu eta txintik esan ez? Ala 1349 da garbitu dituzun israeldarren kopurua?
1349-ri erantzunez:
Ekintza hauek hutsune bat betetzen dute.
Palestinar afera euskal gizartearen “borroka bikario” bihurtu da. Euskara eta Euskal estatu baten aldeko borroka galdutzat ematen denez, ordezkatzeko palestinar estatuaren kimeraren atzetik joateak askoz ere progresistagoa dirudi. Batzuentzat, Mikel Haranburu delakoa adibidez, erlijioaren lekua betetzera etorri da, fanatismo puntu batekin. Horrek esplikatzen du plazaratu duzun galderari egin dion iruzkin histerikoa.