Emakume idazleak
Emakume idazleak
Gaur, martxoak 8, Emakume Idazleen Nazioarteko Eguna ospatzen ei da, Euskal Pen erakundearen arabera.
Euskal PENek urtero ematen ditu ezagutzera, afixa batean, martxotik martxora emakume idazleek eta itzultzaileek euskaraz argitaratu dituzten liburuak. Afixak Euskal Herriko liburudenda guztietako erakusleihoetan erakusten dira, liburu hauekin batera, emakumeek egindako literatura begi bistan uzteko. 2015etik aurrera kartelak beste hainbat esparrutara ere eraman dira: EAEko liburutegi guztietara, eta hainbat udaletara, berdintasunaren alde lanean ari direnen gunetara hain zuzen.
.
.
Afixaren aitzakia profitatuta, bertan ageri diren egileen eta aurten idatzitako liburuak zerrendatuko ditugu, euskal emakume idazleen lanak hobetu ezagutu ditzagun:
Poesia
- Amaiur B. Blasco “Egunsentia”, (Maiatz)
- Ekhine Eizagirre “Alde erantzira nabil”, (Susa)
- Izaro Gorostidi “Mariametsetan”, (Beta)
- Marisa Zubiri “Udaberria gutaz ahaztu zen urte hartan“, (Denonartean) -Iruñeko Udaleko Idazle Berriendako Euskarazko XXIV. Literatur Lehiaketan I. saria-.
- Amaia Iturbide “Dorrearen eta penduluaren arteko ituna“, (Erein)
.
Gutunak
- Laura Mintegi (eta Birgit Vanderbeke) “Korrespondentziak“, (Erein)
- Arantxa Urretabizkaia (eta Menna Elfyn) “Korrespondentziak“, (Erein)
- Eider Rodriguez (eta Belen Gopegui) “Korrespondentziak“, (Erein)
* DSS2016, Donostia 2016 Europako Kultur Hiriburutzaren egitasmoa.
.
Bilduma
- Irati Jimenez “Odola” + “Musua” + “Gatza”, (Txalaparta) – Nabarra aldizkarirako egindako piezen bilduma-.
.
Nobela
- Mariasun Landa “Azken balada“, (Erein) -narrazioa-
.
- Miren Gorrotxategi “33 ezkil“, (Elkar) -Agustin Zubikarai Saria-
- Kattalin Miner “Nola heldu naiz ni honaino”, (Elkar) -Igartza Saria-
- Arantxa Iturbe “Koadernoa zuri“, (Elkar)
- Amaia Iturbide “Ispiluen arteko zirriborroak“, (Beta)
- Aitziber Etxeberria “Nomada”, (Erein)
.
Saiakera eta testigantza
- Leire Ibarguren “Laura esaten zioten (Miren Odriozolaren borrokak)“, (Txalaparta)
- Arantxa Urretabizkaia “Bidean ikasia”, (Pamiela)
- Joan Errea “Aita deitzen zen gizona“, (Pamiela)
- Marikita Tambourin “Agoten in memoriam“, (Maiatz)
.
Guztira hamazortzi idazle eta hogeita bat lan dira aurkeztu ditugunak. Zerrendatik kanpo gelditu dira, bistan denez, haur eta gazte literaturako liburuak eta emakume itzultzaileek euskarara ekarri dituztenak. Beste bateren bat falta da?
Emakume idazleak Emakume idazleak Emakume idazleak
Hemen iaz argitaratutako beste liburu batzuk (haur eta gazte literatura alde batera utzita):
Poesia
UGALDE PIKABEA, Garazi / IZAGIRRE ZUBIMENDI, Anartz: Morfologiak / Forma geometrikoak zure baitan. Donostia, Bermingham, 2016.
Narrazioak
LABANDIBAR, Goiatz: Fotogramak. Donostia, Elkar, 2016
Saiakerak
ARRIETA, Yolanda: Ahoa bete amets. Ahozko poesiaren alde. Iruñea, Denonartean, 2016
BASTERRETXEA, María del Carmen: Euskal Herria, Kultura Matrilineala. Santa Cruz de Tenerife, Asociación para la Recuperación Saberes Tradicionales Potlatch Ediciones, 2016.
LASARTE, Gema: Emakume bertsolariak: ahanzturatik diskurtso propiora. Gasteiz, Eusko Jaurlaritza, 2016
ZILBETI, Maider: Arte-ekoizpen feministak euskal testuinguru kulturalean. Bilbo, Udako Euskal Unibertsitatea, 2016
Aforismoak
URKIZA, Ana: Ez dago atzera bueltarik. Iruñea, Denonartean, 2016.
Kronikak
LERTXUNDI PANADERO, Xabier / LERTXUNDI PANADERO, Junkal: Mustafa-Megobari. Kaukaso-Kurdistan bizikletaz. Donostia, Junkal Lertxundi (egile editore), 2016.
Ez dira emakume idazle gehiago behar. Emakume arrantzale, altura langile, mehatzari eta kamioliari gehiago behar dira. Ez da posible gizonak 10 urte gutxiago bizitzea.
Kaixo,
nire liburuak ez dira kontuan hartu, eta ikusten dut EMAKUNDEk ateratakoa dela zerrenda eta argazkia.
2018an MUXUAK poema-liburu ilustratua atera nuen Zortziko argitaletxearekin (Angelu).
2019an EUSKAL POETA BAT MAZEDONIAN poema-bilduma atera zen ANTOLOGIA bateratu batean: https://independent.academia.edu/ainaramaya
2019an PEPITO, BIZIMINAREN ETA MAITEMINAREN TXINPARTA biografia atera nuen MAIATZ argitaletxearekin
(2012an nire lehen poema-liburua atera nuen MAIATZ argitaletxearekin, eta 2016an haur eta gazte literaturan ene lehen eleberria OROIMINEZKO IGANDEAK formatu digitalean: https://www.entreescritores.com/es/biblioteca/Infantil/juvenil/igandeak/12-65-0/#.XmXs5uSovcs)
Emakunde-k kontuan hartu behar luke EUSKAL PEN CLUBak beste euskal emakume askoz gehiago, ene uste apalean.
Eskerrik asko…
Niri dagokidanez, idazle batek emakume izate hutsa bere liburuak erosteko nahikoa dela uste izatea arrazoi nahikoa da bere liburuak ez erosteko. Zergatik baztertu behar nituzke gizonek idatzitako liburuak gizon izate hutsagatik? Zergatik boikoteatu talentua?
Emakume hitza, marketing gai bihurtu duzue. Pasako da eta uste dut galtzen aterako zaretela.
Nik jada emakumeen lorpen guztiekin zalantza daukat bere merituengatik dagoen hor ala emakume delako. Eta ez da nire errua.