Arestiren olerki ezezagunak

Arestiren olerki ezezagunak

“Arestiren olerki ezezagunak eta gutunak berreskuratu dituzte”, halaxe irakurri dugu Uriola.eus atarian.

.

Arestiren olerki ezezagunak1962an Gabriel Arestik idatzi zituen poema ezezagunak bildu dituzte “Mailu batekin: Biola batekin” liburuan Jon eta Paulo Kortazarrek. 1967an Euskal Harria izenburuarekin argitaratu zuen liburuaren “jatorria edo hazia izan zena” berreskuratu dute. Olerkiei Arestiren gutun batzuk erantsi dizkiete, Euskaltzaindiako Artxiboan aurkitutakoak.

 “Inork horren berri ez zuela” adierazi dute Jon Kortazarrek eta Paulo Kortazarrek Arestiren olerki ezezagunak aurkezterakoan gaur Bilboko Udaletxean. Hortaz, argitalpen hau “aurrerapausoa da” Gabriel Arestiren lana “hobeto ezagutzeko”, eta “garrantzitsua da poetaren bilakaera poetikoaz genuen ustea aldatzen duelako”.
.
Poemak 1962koak dira, Harri eta Herri argitaratu aurrekoak eta horrek “testu ezezagun honen garrantzia indartzen du”, Jon Kortazarren arabera. Liburuan gerora Euskal Harria (1967) izango zenaren lehenengo bertsioa dago, “baina urte batzuk lehenagokoa denez, poeta bilbotarraren poesia sozialaren historiara batu beharko genuke”.
.
Poema-liburuarekin batera orain arte argitaratu gabeko bederatzi eskutitz argitaratu dira. Eskutitzetan hainbat gai jorratzen dira: Euskaltzaindiarekin izan zuen harremana, euskara batuaren defentsa eta Mikel Arruzarekin izan zuen eztabaida. Horrez gain, “bere literatur proiektuei buruzko informazio baliotsua eskaintzen digute, Juan San Martinekin izandako eskutitz-truke aberatsari esker”, Jon Kortazarren hitzetan.
.
“Ukaezina da hemen jasotzen diren eskutitzen balio historikoa”, idazle bilbotarraren bizitza eta lana hobeto ezagutzen laguntzen baitute. “Hain da hori horrela ze, gai asko aipatzen dituela eskutitzotan”. Lehenengo eskutitzean, esaterako, Gabriel Arestik 22 urte besterik ez zuen eta Euskaltzaindiari idazten dio, gerora lotura estua izango zuen erakundeari.
.
1967an Arestik Agustin Ibarrolaren ilustrazioekin osatu zituen bere testuak, lagun handia zuelako; bada, gaur Naiel Ibarrola -Agustinen iloba- izan da testuekin batera datozen irudien egilea.
.
Bilboko Udaleko Euskara eta Hezkuntza Sailak Mailu batekin: biola batekin liburuaren 1.000 ale argitaratu ditu. Liburua Bizkaiko zenbait liburu-dendatan eskuratu ahal izango da.

.

Juan Maria Aburto

.

Jon Kortazar

Arestiren olerki ezezagunak Arestiren olerki ezezagunak Arestiren olerki ezezagunak Arestiren olerki ezezagunak
Gabriel Aresti, poemak
Salabardoa

Sarean, han eta hemen argitaratzen direnak harrapatzen ditut, gure interesekoak direlakoan.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude