Urriaren 15ean hasiko du Literatura Eskolak 2011/2012 trukeurtea

 

Literatura Eskola

2011/2012 trukeurtea

Larrabetzun hasi ginen, 2002ko urrian. Irakurtzen ikasteko Literatura Eskola antolatu gura genuen, euskarazko literaturari buruz genekiena baino askozaz gehiago jakiteko, munduko literatura mundua bera bezain zabal eta anitz ezagutzeko. Gaiak, hizlariak, egunak eta ostantzekoak geuk aukeratuko genituen, geure gurarien arabera, inork derrigortu barik. Literatura Eskolara hurreratuko ginenon arteko sarea osatzeari eta literaturazaleok ikasteko, konpartitzeko, eztabaidatzeko bilgunea izateari bere biziko garrantzia eman diogu hasieratik. Ahalegin horren emaitzari esker zabalduko ditugu Literatura Eskolako ateak zazpigarren urtez, Euskal Herri osoan. Zazpi urteotan Eskolaren beraren egitura eta funtzionamendua errotzeaz gain, euskarazko literatura euskaldunen artean ezagutarazteko eta prestigiatzeko bideratutako hainbat egitasmo jarri ditugu abian, hala nola Eako poesia egunak, Literaturia edota Ahotsenea. Guzti horiek eskolakideon arteko gogoeta zein egonezinetik ernetutako egitasmoak dira. Etenbakoak diren hausnarketa horietatik, 2010/2011 ikasturtean abiatutako ekimenak errotu daitezen ahaleginduko gara.

 

• Saio osagarriak: Eskola burutuko dugun aste berean, orohar literaturarekin zein beren beregi Eskolan landuko dugun gaiarekin zerikusia izango duen ekitaldia proposatuko dugu.

 

• Literatura koadernoak: Aurtengo eskoletan berbagai izango ditugun gaien edukiak jasoko dituen koadernoa atondu eta 2012ko ekaineko lehen asteburuan Larrabetzun antolatuko dugun LITERATURIAn aurkeztuko ditugu.

 

Literatura Eskolari buruz jakin beharreko guztia gure webgunearen bitartez jasoko du gure abarora hurreratzerik ez duenak: www.literaturaeskola.org .

 

Guri edozer jakinarazteko, galdetzeko, eskatzeko edo gedar egiteko:

Idatzi:  eskola@literaturaeskola.org

2011/2012ko egitaraua

 

Berbagaia	Hizlaria	Eguna	Biltokia
Gabriel Arestiren Zuzenbide Debekatua	Karmelo Landa	Urriaren 15ean	Bilbo La Bolsa
Barne irudiaren bilakaera, ahozkotik album ilustratura	Yolanda Arrieta	Azaroaren 12an	Tolosa Bonberenea gaztetxea
Emakume anitza euskal narratiba garaikidean	Gema Lasarte	Abenduaren 17an	Donostia- Orereta Ernest Lluch
Idazketa luzatuz. Begirada bat performatibitatea eta egungo praktika eszenikoei	Ixiar Rozas	Urtarrilaren 21ean	Arrasate Kultur etxean
Literatura Eskolan	Idurre Alonso	Otsailaren 18an	Gasteiz “Ignacio Aldecoa Kultura Etxea” (Florida parkea)
Bonbardaketak literaturan. Hasi Durangon eta Hiroshimatik gora	Iñigo Aranbarri	Martxoaren 24an	Durango Udal liburutegia
Zeintzuk dira euskal literaturaren paradigma berriak?	Ur Apalategi	Apirila 21ean	Ziburu AEKren gaueskola
Antonin Artaud	Xabier Mendiguren eta Ander Lipus	Maiatzaren 12an	Iruñea Euskaldunon Biltokia

 

www.literaturaeskola.org