Ni ez naiz arrazista, baina…
Ni ez naiz arrazista, baina… –
Ni ez naiz arrazista, baina marrokiar bat nire albotik pasatzen denean goizeko lauretan sentitzen dudan azken gauza segurtasuna da.
Txikitatik eskolan eta etxean irakasten digute besteak errespetatu behar direla , beren jatorria edozein dela ere desberdin tratatu gabe. Hori dela eta, betidanik ikaskide beltzaran edo txinatarrak izan arren, guztiekin harreman ona izan dut. Are gehiago, nire bi lagun minak atzerritarrak dira.
Horrek gutxi badirudi, nire eskolan immigranteak laguntzeko hainbat ekintza sortu dituzte. Espanierazko klaseak eman ez ezik, ondo bizitzeko lana eta bizilekua ere errazten dizkiete. Nola ez, horrelako ekintzetan eskolako ikasleok parte hartzera animatzen gaituzte, eta urtero parte hartzen dut. Hasieran esandakoari kontraargudiatzen banago ere, horrelako ekintzak izugarri gustatzen zaizkidala aitortu behar dut. Haien istorioak eta bizitzarekiko ikuspuntua jakiteak pentsaera irekiagoa izatera lagundu nau, eta ez daude hitz nahikorik hori eskertzeko.
Zoritxarrez, atzerritarrak hainbeste lagundu badidate ere, aitortzekoa da lapurretekin eta jazarpenekin izan ditudan esperientzia guztiak marrokiarrekin izan direla (haien artean bere hizkuntzaz komunikatzen zirenez argumentu hori egiaztatu dezaket). Horregatik, kasualitatea izan baliteke ere, eskarmentuak eraman nau kalean, eta orokorrean gauean haiek ikustean beldurra sentitzera eta alboko espaloira aldatzera bizitako egoera desatseginak berriro ez bizitzeko.
Adibide gisa, orain dela aste bat bizi nuena izan daiteke. Ostiralero bezala, nire lagunekin nengoen Bilboko kaleetan. Zortzi ginen, guztiak neskak, eta gutako inork ez zuen aurrez aurreko lapurrertarik inoiz pairatu. Alabaina, gutxienez seik kaleko jazarpena ezagutzen genuen. Hori dela eta, urrunetik hiru mutil atzerritar ikusi genituenean, gure sena piztu zen, eta gure artean hainbat eszena imaginatu genituen. Esate baterako, batek komentario desegokiak bakarrik esango zigutela esan zuen. Besteok, lapurreta baten irudia buruan bageneukan ere, lagunari sinetsi nahi izan genion, eta lasaitzen saiatu ginen. Gure pentsamenduak elkarbanatzen genituen bitartean, elkarrizketari hasiera eman zioten hiru atzerritarrak gero eta gertuago zeuden, gure amets gaiztoa errealitatea bihurtzeko prest. Orduan, justo gure aurrean gelditu zirenean, bi lagunen poltsak haien eskuetatik lapurtu zizkieten. Denborarik galdu barik, bere beste bi kideak gutako beste biei eskuan zeukaten mugikorra hartzen saiatu ziren. Nire lagunak, ordea, ez zuten hain erraz amore eman, eta segapotoa ez galtzen ahalegindu ziren. Falta ginen beste laurok ez genekien zer egin. Batzuk negarrez zeuden. Besteak, berriz, gertatzen zenari adi zeuden, gero haien aurpegia ertzainei ondo deskribatzeko. Ni ez nengoen ezta negarrez ezta mutilei begiratzen, haien eskuei baizik. Arraroa badirudi ere, zerbait berreskuratu nahian egon nintzen. Zorionez, nire lagun baten poltsa berreskuratu nuen, eta barruan zeraman mugikorra, giltzak eta dirua barne.
Topaketa tamalgarri hori bukatu zen haietako batek “saca el cuchillo” esaldia esan zuenean. Hori entzutean, eskuko telefonoetaz ahaztu eta guztiok atzeratu egin ginen, hiru mutilak arineketan nola ihes egiten zuten ikusiz.
Istorioaren alde txarrena ez da galdu genituen gauza guztiak, noski, bizitakoaren trauma baizik. Eskolan horrelako gertakizunak eskutatzen saiatzen badira ere, saihestezina da horretaz hitz egitea. Horregatik eta besteen gertakizuna elkarbanatu ondoren, konturatu gara arazoaren gakoa ez dela gu arrazistak garela, baizik eta espierientziak nola jokatzen dugun irakasten digula.
Ni ez naiz arrazista, baina…
Ez naiz arrazista baina, sormenerako gaitasun handia daukat.
Barka, artikuluko egilea gezurti deitzen? Hara, orain ere aditua zara besteen bizitzako gertakariez.
Beraz, zure ideologiaren arabera, gertakariei sinesgarritasuna eman edo kentzen diezun horietakoa zara?
Bada bai, are gehiago esango nuke zeu ere ez zarela oso urrun ibiliko, gezurretan eta profil desberdinekin. Duela gutxi Sofia Ortuondo izenekoaren artikulu honetan erakutsi zenuen/zenuten moduan https://zuzeu.eus/mundua/japonia-immigraziorik-nahi-ez-duen-herrialdea/ ildo beretik ibili zinen/zineten. Sofia eta Cristina, biak ia batera sortutako instagram moduko argazkiak, gazteak baina aurpegirik ez. Interneten bilaketa azkarra eginda agertzen ez diren mamuak. Egunen baten Zeuzeuk IDak eskatu beharko ditu, batez ere horrelako gorroto mezuak ekiditeko. Lagun “beltzaranak” dituen ez naiz arrazista baina… Arrazista zitala. Zu/zuek hor zaude/te txo/ño gezurra zabaltzen, gorrotoa hedatzen. Zoazte pikutara!
Nazkatu agurgarri hori,
Cristina Iza Elcoro-Iribe naiz, eta, sinetsi ala ez, ni naiz idazlanaren egilea.
Irakurritako testua nire eskarmentu propiotik atera dut, eta kontatutako guztia benetan bizi izan dut. Gainera, zuk esandako Sofia hori ez dut ezagutzen.
Ulergarria da interneten zalantzak izatea besteen profilekin. Hala eta guztiz ere, ez zait egokiena iruditzen besteez mesfidatzea, eta gainera batzuengan bakarrik.
Zalantzarik balego, pozik erakutsiko nioke Zuzeuren zuzendariari nire identifikazioa, baina, normala denez, ez zuri ezta edozein ezezaguni emango dizkiot nire datu pertsonalak.
Are gehiago, zalantzetan jartzen bagara, nola jakin dezaket zu ez zarela identifikazio lapur bat eta nire datuak ez dituzula lapurtu nahi?
Kontxo, kontxo… konspiranoiko kutsua hartzen dizut. JoRjorjORxx!
Gogorra izan behar du ikustea zuk bezala pentsatzen ez duen jende asko dagoela, ezta?
Ulertzen duzu zergatik naiz.eus, publico.es edo argia.eus-en ezin diren iritzirik eman ezta? Oh, sorpresa, “mamuek” iritziak ematen dituztelako!! “mamu” arrazista-faxista-matxista-voxzale-xenofobo-etabar.
Agian, hobeto NAN eskatu iritzia eman nahi duten guztiei, zuk proposatu bezala. Horrela komunismoan edo nazismoan bezala, biztanle guztien iritziak kontrolpean eduki, eh?
Hemen kontrolak jarri nahi dituen bakarra zeu zara. Zure azalaren kolorea ez dutenei, noski! Alaporai, txotxolo!
Arrazismoa gora eta behera. Nik ez dakit zer ulertzen den arrazistatzat, zerbait txarra bezala. Baina gehiengoak zuriak diren toki batean beltzekin ez ezkondu nahi izatea, hori arrazistatzat jotzen bada adibidez, orduan arrazista izatea zerbait naturala, biologikoa da. Bikotekidea aukeratzerakoan, animaliak garen neurrian, nik uste dut biologiak ez dakit nola bideratzen zaituela aukeraketa egiterakoan. Arrazoiak esan ahal dizu beltza batekin ezkontzea ez dela ezer txarra, baina biologiak agintzen du eta gure geneetan idatzirik dagoen zerbaitek edo aukeraketa egiten du, espeziearen iraunkortasuna edo ez dakit zer dela eta. Eta beltzei gauza bera gertatzen zaie. Eta ezkontzarekin bezala beste gauza askorekin gertatzen da. Hori txarra da? Niri ez zait iruditzen. Beltzen herrialde batean bizi banaiz eta arazoak baldin baditut, onartua ez naizelako, agian beltzak kritikatzen hasi aurretik pentsatu beharko nuke ea zer egiten dudan nik beltzen artean, agian nire antzekotasun biologiko gehiago dutenen konpainia bilatu beharko nuke. Naturala ez dena, ni beltzen artean egotea da. Baina hori modu natural batean pertsona zuriak zein pertsona beltzak ulertu beharko lukete. Gero beste gauza bat da kolorearengatik pertsonari kalte egin nahi izatea apropos. Baina bestelakoan, niri naturaren partehartzea dela iruditzen zait. Eta noski, normala ez dena da, gaur egungo neoliberalismo politikoki zuzen honek proposatzen duena, alegia, mundu guztia nahasturik edonon eta edonola bizitzea. Hori ez da naturala. Hori naturan inongo ekosisteman ez da gertatzen. Eta naturala ez denez, ez du inoiz funtzionatuko, porrot egitera kondenatuta dago. Beraz, ez dakit zergatik tematzen zareten naturaren aurka egiten.
Garagarra, zurea arrazakeri biologikoa da, XIX. mendeko kutsu peto-petoa duena. Ia ia esango diguzu beltzak eta xuriak bi espezie ezberdin direla, eta biologiak edo “naturak” esaten digula normala dela bertze espezie batekin ez ugaltzea. Eta “natura” horrekin bat egiten ez duena neoliberalismoak sorturiko perbertsio bat dela, hauteskundeak, giza eskubideak edo feminismoa bezala.
Diozun bezala “Gero beste gauza bat da kolorearengatik pertsonari kalte egin nahi izatea apropos”, beste gauza bat da bortizkeria maila goragoan litekeelako, baina ez da beste motako gauza bat, biak arrazakeri hutsa dira.
Gainera, biologiak hain zuzen ongi aztertua duena kontrakoa da: zure inguruko eta itxura berekoekin luzeegi ugalduz gero, akats genetikoak agertzen dira, odolkidetasunaren ondorioz. Hori saihesteko, genetikoki zugandik ahal bezain urrun daudenekin ugaltzea komeni da, akats horien arriskua murrizteko.
Baratzezaina, zure azken esaldia egundokoa da, jainko maitea. Begira… 8000 milioi bizi gara, azterketa makroak egin. Eta azterketa makroak, estadistikak esango dizu gizakiak bikotekidea hurbiltasun fisiko eta kulturalarekin aukeratzen duela. Bai ala ez? Salbuespen indibidualak beti daude, noski, estadistika horrela da. Joera makro horri beraz arrazakeria deitzen diozu… deitu nahi duzun bezala, baina niretzat konportamendu naturala da, bestela ez litzateke joera makro bat izango. Txarra da? Ez, naturala da. Beste kontu bat dira garai bateko esklabutza, kolonialismoa eta horrelakoak. Baina horiek arrazakeria baino zerbait gehiago dira, genozidioa agian. Animalien ekosistemetan ulertzen duguna giza ekosistemetan ez dugu ulertzen… Gaizki deituriko globalizazioa, kapitalismo basati baten onerako diseinatutako markoa eta zuritutakoa, hori naturaren aurka doa. Eta naturaren aurka doanak lehenxeago edo geroxeago porrot egingo du. Ez hori bakarrik, marko horrek liskarrak sortu besterik ez ditu egiten. Animalietan arrazak daude baina giza arrazak aipatzea tabu bihurtu du gaizki deituriko globalizazio horrek. Eta okerrena da ikustea oraintxe bertan ezkerra dela globalizazioaren defendatzaile sutsuena. Ezkerra da kapitalismo basati horren defendatzailea. Hamaika ikustekoak jaioak gara! Ur honetatik ez dut edango ez omen da esan behar…
Biologiaren aitzakiarekin demostratzen saiatzen ari zarena, hain zuzen biologiak gezurtatu du aspaldidanik. Espezie domestikoetan baizik ez dira existitzen “arrazak”, nekazaritzak edota txakur hazteak sortu dituena. Bestela esanda, artifizialak dira, hots: naturatik sortu dena ez bezala. Domestikazio salbuespen hortaz aparte, arrazarik ez da existitzen. Existitzen dira barietateak (botanikan) edo azpiespezieak (adibidez Europako otsoa – Canis lupus lupus – eta Kanadako otsoa – Canis lupus occidentalis).
XIX. mendean Carl Von Linnék inbentatu zuen Homo sapiens afer azpiespezia, gizaki afrikarrak europarrak baino beste espezie batekoak zirelakoan (teoria errazialistaren barruan). Gaur egun, eta aspaldidanik, biologiak argi baliogabetu du teoria hori.
“Natura” gora eta behera erabiliz, zure ikuspegi pertsonala defendatzen saiatzen zara baina naturak ez du horrelakorik berresten.
Odolkidetasunari dagokionez, ez egin ulertu ez bazenu bezala. Espeziearen biziraupenerako aniztasun genetiko minimo bat ezinbestekoa da, eta endogamiak minimo hori mehatxatzen du. Aski ezagunak dira Espainiako Karlos II erregearen adibidea, edo Pingelap uhartea Mikronesian, edo Zimbabweko Vadoma tribua.
Arkeologian aditu direnei beti entzun izan diet giza arrazei buruz hitz egiten, tartean Barandiaranei. Baina beno… denari buelta emango diozu. Nik gauza bat esango dizut: mundu guztiko jendea elkartu lurralde batean eta liskarrak ziurtatuta dituzu. Dena homogeneoa izanda ere liskarrak beti izango ditugu gure artean, horrela da gizakia, baina dena nahastuta are gehiago. Hori gustuko duzula… segi aurrera. Bakoitza bere ekosisteman eta ekosistemen arteko armonia bezalako aberastasunik ez dago niretzat. Globalizazio horrekin denek sufritzen dute, dirua egiten dutenek salbu.
Gaur egun gizakiongan “arraza” hitza erabiltzen ez bada, arrazoi historiko eta politikoek ezarririko erabilpen ezagatik dela esango nuke. XX. mende hasierako literaturan “arraza” hitza modu ezberdinetan erabiltzen zen idazle eta arloaren arabera. Ez zuen esanahi zientifiko absolutu bat. Arraza hitzak balio izan du giza eta animali-espezieen baitako talde ezberdinak izendatzeko. 1950-1960 geroztik horren ordez “azpi-espezie”, “etnia” edo dena delakoak erabiltzen badira, “arraza” hitzak nazismoaren ondorioz sozialki hartu duen konnotazio txarragatik delakoan nago, zeren bestela nahikoa izango litzateke “arraza” hitzaren esanahi tekniko-zientifikoarengan aurkikuntza berriek dakarzkiten ñabardura eta aldagaiak ezartzea, hitzak berak balioan jarrai zezan.
Odolkidetasunari dagokionez, espeziearen biziraupenerako aniztasun genetiko minimo bat egokia den bezala, gehiegizko aniztasuna desegokia bilakatzen da, gehiegizko presio genetikoak espezie horren izatea mehatxatzen duelako. Edozein sistemaren biziraupenaren gakoa ingurunearekiko elkar-truke harreman orekatu batean datza, gehiegizko irekitzea kaltegarria da gehiegizko itxitzea bezain beste. Edonola, endogamiaren afera familia, klan edo tribu oso txiki eta isolatuetara ezartzen da, baina ez da balizkoa Euskal Herria bezalako herri batentzat, non ez den sekula guztiz isolaturik egon. Aldiz, gehiegizko irekitzeak dakartzan kalteak bai dira ezargarriak Euskal Herriaren kasuan, XX. mende hasieraz geroztik herri honek jasaten ari duen gainbehera azaldu dezakeeen fenomeno nagusia dela esan daiteke.
Eta noski, Euskal Herriak azken 250 urteetan pairatu duena ahalik eta argien ulertzeko, arrazoi politikoak baino (bi inperio kolonial ohien artean lehertua izatea eta inperio ohi horien estatuen zalpalkuntza zuzena edo asimilazio prozesuak jasotzea), sar gaitezen naturan oinarrituriko metafora zoratutan, eta botere harremanak begiratu baino gure azalaren kolore bera ez duten jendeengan fokua jar dezagun, hor baitatza gakoa.
Arraza dela edo ez dela, denok gara kongoko, amazonaseko, ekialdeko asiarra edo europako norbanakoak bereizteko gai.
Naturala da bakoitzak bere “tribuarekin” identifikatzea (itxura fisikoa, kultura…) eta besteak, inkontzienteki bada ere, baztertu nahi izatea (jatorri ezberdineko populazioa biltzen den hirietako auzoak besterik ikustea ez dago).
AEBko kasua hemen aztertu daiteke. Horretarako, hiriaren izena bilatu.
https://bestneighborhood.org/racial-distribution-by-city/
Bestalde, gizakia mendeetan zehar bere ingurura egokitu da. Adibidez, ez dakit zer nolako onurak ekarriko lukeen beltz batekin umea izatea norvegiarra bazara hango eguzki-irradiazioa nolakoa den jakinda.
Eta tira, gauza bat da anai-arrebekin edo lengusu-lengusinekin haurrak izatea eta bestea inguruko pentsonekin haurrak izatea.
Ez dira nahastu behar arrazoia (kausa) eta fenomenoa. Politikoa da gehienbat kausa, baina kausa horrek abian jartzen duen dominazio-mekanismorik bistakoena ederki adierazi daiteke naturan oinarrituriko metafora horrekin. Izan ere, naturaren legeen baitako edozein sistemarako (baita kultural, sozial…) baliagarri den printzipio bat adierazten baitu: sistema batek biziraun dezan ingurunearekiko hartu-eman orekatu bat eduki behar du. Ez guztiz irekia, ez guztiz itxia. Oinarrizko zelula batetik abiatuta giza-organismo edota kulturetaraino. Zer da, bada, kolonizazioa/asimilazioa, sistema baten baitan sistema arrotz baten osagaiak bortxaz txertatzea ez bada? Bortxaz txertatzen diren osagaiak izan daitezke ideologikoak, kulturalak, zuzenbidezkoak, baita humanoak ere. Fokua non jarri bada arazoa, fokua osagai edo elementu guztietan jarri beharko litzatekeela esango nuke, inolako diskriminazio moralistarik egin gabe, bestela ez dugu gure buruak enaginatu besterik egingo eta ezingo dugu gure burua babesteko posizionamendu egokirik hartu.
Asiako aspaldi oso atsotitz polita sortu zuen: “Ur horretatik ez dut esanen, apez hori ez da nire aita eta EAJri ez diot botorik emanen”.
zvo-ren pentsamoldea, ene ustez, argia eta justua da.
Esplikatzen duen bezala, nabarmen da exogamiaren praktika beti existitu dela. Gure komunitatean ere. Beharrik eta beharrez. Bestenaz gehienok ez ginateke beharbada hemen izango gai honetaz eztabaidatzen.
Baina hori bezain nabarmen da komunitate etno kulturalak orai arte existitu direla eta horiek ukatzea eta desagertarazi nahi izaitea, agerian edo ezkutuan, asaldagarria zaigula gure herria maite dugun askori.
Ene ustez, egiazko problema sortzen da imigrazio masiboagatik edo kolonisazioagatik, exogamiaren praktika arau orokorra bilakatzen denean. Iparraldean gertatzen ari den bezala. Ez da gehiago euskal transmisio etnokulturalik! Denetan bezala horretan ere neurri bat bada zeinetik goiti beste populu batean urtzen garen, frantsesean alegia.
Gainera, kontziente izan behar gara, ez dela bakarrik Euskal herrian gertatzen herri kapitalista gehienetan baizik. Ez da kasualitatea! Mestizaje orokorraren apologiaren bitartez, herriak ukatu eta desagertarazi nahi izaiteko joera hori tipikoa da globalizazioaren eta kontsumismoaren ideologian zeinak lehenik xerkatzen baitu kapitalismo liberala gostarik gosta justifikatu eta biziraunarazten bere krisietan barna. Sistemak, gero ta gehiago, etorkinak behar ditu merke lan egiteko eta kontsumitzeko.
Adibide tipi baina esanguratsu bat: Ez dakit nola den zuen aldean, baina alde honetan, egoera berriari egokitzeko eta akzeleratzeko, telebistako publizitate gehienek bikote mistoak erakusten dituzte sistematikoki.
Konbentzitu nauzu zvo, gizakiak bere ezaugarri fisikoen arabera ekosistema egokietan berrezarri behar dira, naturarekin harmonia lortzeko, edo saiatzeko gutienez, horretarako bidea luzea baita. Ingles jatorrikoek, beren azal zuri-arrosarekin, ez dute ezer egiterik Australian, edo Kalifornian/Arizonan, edo Seychelletan, edo Ascension ugartean, eta historian zehar okupatu dituzten bertze hainbat toki eguzkitsutan. Berdin Espainiar jatorrikoek zer ari dira Venezuelan edo Kolonbian, Ekuatoretik hain hurbil, ekosistema horiek ez dira haientzat eginak. Berdin Alemaniarrak Kanarietan, dermatologoen irabazientzat baizik ez du zentzurik horrek.
Antzeko irizpideak hartu genitzazke Euskal Herriko biztanleak modu naturalagoan birtokiratzeko: ilehori eta ilegorriak, azal zuriena dutenak, Lesaka-Oiartzun-Goizueta-Zubieta artean kokatu beharko genituzke (Euskal Herrian urtean zehar argi gutien jasotzen duen eremuan, alegia), Artikutza erdian azal argiena dutenak, eta hortik pixkanaka urrunduz azal ez hain argikoak, azal argitasun gradientea eta Artikutzatik distantzia proportzionalak izanik.
Beste muturrean, azal ilunena dutenak Euskal Herriko zonalde eguzkitsuenera mugitu beharko dira, Nafarroako Erriberara alegia (eta bigarren aukeraz Arabako Errioxara). Han zebiltzan Goi Erdi Aroan jadanik populazio judu eta semitikoak, ilea guztiz beltz eta kizkurdunak eta azal beltzarandunak. Ederki kokatuko genituzke han Senegaldarrak, Bolibiarrak, Sahrauitarrak, baita Williams anaiak ere noski.
Kontuan hartu beharko dugu ere klima hain azkar aldatzen ari zaigula: datozen hamarkadetan Araba eta Nafarroa erdialdeko klima beroago eta lehorragoa izanen da (eguzkitsuagoa alegia), Bizkaia aldera zabalduko da ere klima Mediterranearra, eta gaurko zonalde hezeenan klima subtropikal mota bat garatuko da. Hori kontutan hartuz, aurreikus genezake Marrokiar kopuru haundiagoak egotea erdialdean eta Bizkaia aldean, eta zonalde subtropikalean berriz Kolonbiarrak, Nigeriarrak, Pakistandarrak eta holako.
Ni bezalako zurioi geldituko zaigun aukera iparrera migratzea izango da, eta oraindik aukera onak egongo dira gure herria Eskozia edo Norvegiako mendietako klima ozeanikoan birtokiratzeko. Horrela bakoitza bere ekosisteman, eta ea lortzen dugun krisi global hori konpontzea, edo gutienez horretarako bidea markatzea.
Aurreko artikuluan bezala (Japonia, inmigrazioa nahi ez duen herrialdea) seinalatu dudana (arrazakeria selektiboa) beste arlo batera eraman nahi izan duzuela, baina azkenean zuen pentsakera argi erretratatuta geratu da. 1. Agian ahaztu zaizue baina “arrazen eboluzionismo”aren falazia fisionomiarekin lotzea (sartu azalaren pigmentazioa bertan) Auschwitzera eraman gintuen argudio bera da.
2. Inmigrazioa krisi berri baten atarian gaude. XVI-XVIII. mendeen artean Europatik kanpora izan zen bezala, oraingoan hegoaldetik iparraldera ematen ari da; klima larrialdia eta goseteak, “zuriok” sortu ditugun desestabilizazio prozesu guztiak… Horren aurrean zer erantzungo du Europa honek? (edo Euskal Herriak, jarri nahi duzuena) Mundu mailako ekonomia kapitalistan ahultzen dagoen kontinentea, bizindarra galtzen dabilena (jaiotze-tasarik baxuena dugu, aizue!) Eta badakizue, zahartzen eta pobreziaren atarian BELDURRA da sentimentu “naturala” Hortxe zuen diskurtsoaren muina, BELDURRA. Zer hintzen eta nola hago!
3. Azkenik, Iparraldean (Hegoalde osoan) euskara eta kultura ez dira galduko bikote mistoen apologia egiten delako (gogoratu kultura etengabe aldatzen den fenomenoa dela, klima bezala, eta estatu moderno eta teknologiarekin herri kultura gehienak estandarizazio prozesuan murgilduta daudela XIX. mendetik gutxienez) Iparraldean (eta EH osoan) gure bizindar etnolingustikoaren ahulezia beste leku batean dago, transimisioaren ajea ez da mende honetako, aspalditik dator, gure etxearen habeak pipiak janda daude, etsaia buru barruan dugu, zapaltzen gaituzten estatuen instituzio guztiek ederki sartu digutena, geu gara herri gisa egituratzea ausartzen ez garen koldar kuadrila. Ez eskatu ahul datorrenari gu defendatzeko gai ez garena. Euskararen transmisioa bermatzeko (hau da, garena izaten jarraitzeko) modurik egokiena, gure haurrei euskaraz egitea, datorrenari erakustea eta ukatzen digunari, egurra!
Europarrak Ipar Amerikara joan zirenean Geronimok eta konpainiak gogor defendatu zuten eurena. Geronimo arrazista al zen? Bai, baina arrazista zentzu onean, naturalean. Nik txalotu egiten dut Geronimok egin zuena. Historia ez da amaitu, orain euskaldunoi dagokigu defendatzea. Niri ez dit balio guk hau egin genienez orain merezia daukagu esateak. Neoliberalismo globalistaren argudio oso erabilia da hori, nazionalismo oro desgaitzeko erabilia. Hor goian nazien kanpoak ere aipatu dira, asmo bakar batekin: nazionalismoa kriminalizatzeko. Espainiako gobernuak dena ETA da erabiliaz dena kriminalizatzen duen neurri berekoa. Ez gara tranpan eroriko.
Garagarra. “Guk hau egin genienez” diozu. Ez, txabal, mendebaldeak (eta gu bertan bizi gara) oraindik egiten jarraitzen du. Errepasatu azken hamarkadetako estatu-kolpe, interbentzio-humanitario, baketze-itun eta abar, eta abar. Geronimo aipatu duzu. Nik neuk Geronimo defendatuko nuke, nola ez! Estatu etnozidaren zalditeriaren aurka ederki borrokatu zen, nola ez! Era berean, gaur egun euren lurraren alde gobernu (eta nazioarteko enpresen) kontra defendatzen duten guztiak ere bai. Baina ez nahastu bazterrak, ez gara horretan ari. Estatu zapaltzailearen kontrako erresistentzia (armatua barne) zilegia bekit, ez ordea arrazakeria. Arrazakeriak ez dauka inolako justifikaziorik.
Txabal, bai… ditxosozko mendebalde gaiztoa… mendebaldarrak ala kapitalismo basatia bultzatzen duten multinazionalak eta nazioak desegiteko multinazional horien neoliberalismo globalista politikoki zuzenaren diktaduraren gezurrak sinetsi dituzuenok? Euskal Herriak burutu zuen kolonialismoa? Zuk eta nik egin genuen hura? Gaurko alemaniar guztiak heriotzera kondenatuko al ditugu nazismoak egin zuena ordaindu gabe dagoelako oraindik? WOKE mugimenduak sustatzen du gu errudun sentiaraztea, nazionalismoak desgaitzeko eta globalismoa hedatzeko.
Ez dakit zenbat bider deituko didazun woke? Baina apur bat aspergarria da.1. Euskal Herriak ez du kolonialismorik burutu, nafarroako erresumatik haratago ez dugulako estatu izaerarik izan, baina euskaldun asko, ui laguna! Euskaldun asko kolonizatzaile itzelak izan dira, begiratu gure kale eta plazen izendegiak eta bertan topatuko dituzu, berdin Filipenetan edo gure indianoek utzitakoetan. Zuk ez dakit, nik behintzat ez dut hori zurituko, eta ez naiz horien triskatzen erantzulea, gaurko alemaniarrek nazien erantzule ez diren bezala, baina Alemaniako gobernuak barkamena eskatu zuen Gernikan. Ah, portzierto Nuremberg bat egon zen, eta egindakoa epaitu zen. Mendebaldeak munduko beste herriekin egin ez duen bezala. Noski, horretarako gerra galdu behar da, bestela hemen ez dago epaituko zaituen jesukristorik. Zu nazionalistatzat hartu duzu zeure burua, abertzalea zarela imajinatzen dut. Abertzalea eta apur bat arrazista (zeuk horren defensa egin duzulako) Beraz, lasaiiiiiiii gizonaaa, lasaiiii zure pentsakera bera dutenak EAEko gehiegoa dute, ez kezkatu! Hemen beltz batzuk onartuko ditugu Athleticen behar dira edo Mutrikuko barkuetan. Hegoamerikakoak, noski! Amazonen banatzaile edo aititte-amama zaintzeko. Txinatarrak ere bai, igandetan ogia inon erosi beharko dugu, ezta? Magrebiarrak, ejem, horiek Nafarroako erriberara frantses porruak hartzera, gure kaleetan ikusi ere ez dugu nahi. Datozela Ukraniako errefusiatu batzuk, baina ez Siria eso Txadekoak. Etor daitezela Madrilgo eta Pariseko turistak gure hondartzetara eta ito daitezela migratzaile beltzak Bidasoan. Bai, ederra zuen nazioa, ez du zerikusirik nire Euskal Herriarekin.
Eta etor daitezela lapurretan arituko direnak, soilik diru-laguntzen bidez biziko direnak eta matxetedun (es)kuadrillak ere.
Bota ditzagun kasernetako pistoladunak eta gure arteko lapur handiak lehenbizi. Ah horiek ez, horiek hitz eta azal zurikoak dira!
Lapur zuriak kanporatu lapur ez-zuriak ekartzeko? Hori al da zuen konponbidea?
Nahikoa daukagu gure lapurrekin, batez ere bozkatzen dituzuen politikariekin eta haiek sortu dituzten sare-estraktiboekin.
Ateak zabal-zabalik. Beste izen bat! Ez zara aspertzen, eeeeehhhh!!!! Hala, segi ohera eta ez nekatu gehiago neurona hori.
Nazkatuta, hor aipatu dituzu txinatarrak, adinekoak zaintzen dituztenak… Nik askotan esan dut, guzti horiek gizarte honek dituen arazoak partxeatzen dituztela, hemengo politikariei papeleta konpontzen diete. Demagun guzti horiek ez daudela lan horiek egiteko. Arazo handi bat agertuko litzateke eta konpondu egin beharko litzateke, bai, beste aukerarik ez dagoelako. Eta konponduko litzateke dirua handik edo hemendik aterata. Aldiz, etorkin horiek baldintza miserabletan jarriz, arazoa estaltzen dute. Politikariei lana errazten diete eta dirudunei ere arazoak kentzen dizkiete. Baina etorkin horiek aldi berean gaizki bizi dira: euren familikoak beste herrialde batean, hemen ere gaizki… Hemengo arazoak ez genituzke partxeatu/ezkutatu behar eta etorkinak euren jatorrizko herrialdean duintasunez bizi beharko lukete, hori da nik proposatzen dudana. Baina ez! Neoliberalismo globalista politikoki zuzenari ez zaio hori interesatzen, horrela diru gutxiago irabazten dute. Adibide bat jarriko dizut, adibide soil bat. Ni bizi naizen etxe blokearen alboan tailer bat dago, kotxeak konpontzen dituzte. Alboan izanik, nik ere kotxea horra eramaten nuen. Ordaintzerakoan ez zuen txartelarekin ordaintzerik nahi, eskudirutan soilik, eta behin edo beste esan zidan “lasai, bihar ekarriko didazu dirua”, poltsikoan dirurik ez eta txartelarekin ordaintzen saiatzen nintzenean. Susmo txarra honek, ez? Beno… langileak euskaldunak bazituen baina denbora gutxi irauten zutela ikusten nuen, alde egiten zuten. Eta gero etorkinak kontratatzen hasi zen, eta orain langile guztiak etorkinak ditu. Ikusten duzu zein den istoria, ez? Beno… orain dela gutxi etxe blokean pisu bat erosi du tailerreko nagusiak, salgai atera zen pisu bat. Bera ez da pisu horretan bizi. Eta handik gutxira brasildar itxurako emakume batzuk noizbehinka pisuan sartzen eta irteten dira eta kanpotik gizonezko ezezagunak etortzen dira. Tailerreko nagusi horrek ere batzutan gaua pisu horretan pasatzen du. Dena isiltasun handiz egiten dute, ezkutatu nahiko balute bezala, baina bizilagunak ez gara tontoak eta badakigu zer dagoen hor. Alegia, tailerreko nagusiak negozioren bat egiten du emagalduekin. Tailerreko negozioa oso ondo doakio, sekulako kotxe pila etortzen zaizkio, sekulako pila. Nik jada ez dut horra ematen kotxea eta ezta emango ere, zergarik ordaindu nahi ez duen bati eta dena beltzean dabilen bati nazka hartu diot. Ziur naiz tailerreko nagusiari galdetuz gero esango dizula: “hemengoek ez dute lan egin nahi, ezin dut hemengo langilerik aurkitu”. Sekulako jeta da tipo horrena, jakin nahiko nuke zenbat diru poltsikoratzen duen. Horri ere ederki datorkio neoliberalismo globalista politikoki zuzenaren doktrina, bai alajaina. Ziur naiz tipo horrek ere bere burua ez nazionalistatzat izango duela, irekia, ez arrazista, aniztasunaren aldekoa… Honekin ez dizut esan nahi denak horrelakoak direnik, baina “hemengo jendeak ez du lan egin nahi” entzuten duzun hurrengoan pintzekin hartu. Alegia, “globalismo” hau miseria, kaka eta nazka alde guztietan ereiten ari da. Gaur entzun al duzu zer esan duen Erkorekak? Arma zurien erabilera dela eta arduratzen hasia omen da, ez erabileraren gorakada bat egon delako baizik eta gorakada horren atzean arma horiek erabiltzeko kultura bat dagoelako. Kultura hori euskaldunona behintzat ez da eta hori ondo dakizu. Alegia, miseria, kaka eta nazka hemendik aurrera barra-barra izango ditugu, eta horri gehitu geroz eta diru gehiago egiten duten batzuk eta desorekaren areagotzea. Horixe da “globalismo” hau, gu gaizki eta etorkinak gaizki. Harrigarriena da gure ezkerra ere oraintxe bertan neoliberalismo globalista politikoki zuzen honekin guztiz lerratuta dagoela. Ezker hau ez da orain dela urte batzuk gure herrian genuena.
Jada, “nazionalista” hitza ez da erabiltzen, tabua bihurtzen ari da. Nazionalista zara galdetzen badiozu bati, oso arraroa da baietz erantzutea. Eta hitz horren kriminalizazioa ere neoliberalismo globalista politikoki zuzenak egin du bere hedabide eta botere guztiarekin. Ez duzu inoiz entzun nazionalismoak minbizia direla. Gure ezker abertzaleak ere jada ez dizu esango nazionalista denik. Izugarria da gertatzen ari dena!
Garagarra, horrelako nagusi sasikumeak lehen ere ezagutu ditugu, kontua da aurreko etorkinak Burgos, Badajoz eta Salamankatik etortzen zitzaizkigula. 50 eta 60ko hamarkadetan gertatu zen etorkin uholderik handiena, eta horien semealabak dira euskararen transmisioa bermatu beharko dutenak, izan ere, gehiegoa dira. Maketo eta hazurbaltzak, horiek ere kriminalizatu zituen eskuineko nazionalismoak. Izan ere, eskuinak txiroa beti bazterrean utziko du, berdin dio kolorea zein jatorria. Gallartako meatzariek Neguriko oligarkia aberastu zuten bezala, taller horretako langileek gizenduko dute nagusiaren paltrika. Baina hori guztia, beste istorio bat da.
Erkorekaren hitzak inmigrazioarekin lotu duzu, oker zabiltza, ez da inmigrazioa, hori marjinalitatea da, ala zure herrian ez zenuten duela urte batzuk drogaren inguruan adibidez, lapurretak eta istiluak pairatu? Gure aldean, bai. Asko gainera! Beraz, ez nahastu gaiak, mesedez! Marjinalitatearekin amaitzeko lana eta bizi baldintza duinak behar dira, eta hori tailerreko jabeari eskatu behar zaion moduan, lanerako beharrezko den erregularizazio prozesua arintzea administrazioari ere eskatzea logikoa da. Zergatik ez da horrela egiten? Marjinalitate tasa eutsigarriari heldu zaiolako hemengo gobernuetatik ekonomiaren mesedetan. Eta nor dago gobernua? Eskuineko nazionalismoa. Beraz, ez tematu ezkerrarekin.
Amaitzeko, bizitza arriskuan jarriz basamortua eta itsasoa gurutzatzen duten horiek, gogoz kontra etorri dira, askoz hobeto leudeke haien herrialdetan lagun eta senideen artean, hona ez dira kapritxoz etorri, beharrak eta goseak bultzatuta baizik. Ez ahaztu inoiz, mesedez!
“bizitza arriskuan jarriz basamortua eta itsasoa gurutzatzen duten horiek, gogoz kontra etorri dira” eta gei zinezake diru asko eman dutela trafikantei.
Nik pentsatzen nuen alderantziz europara jiteko gogo eta adore handia erakusten zituztela
Segur zira zinez hori guzia “gogoz kontra” egiten dutela?
Gogo eta adore handia? Ez doaz Annapurnara, gogoa eta adorea desesperantzari aurre egiteko tresnak dira, jakin beharko zenuke. Bernat Castorene, ez eman argudio gehiagorik, otoi! Zure erantzun guztiek txoko beretik etorri eta berera zaramatzate: etnizismoan oinarriturako eskuineko abertzaletasunera, hain zuzen. Estatu-nazioetan oso ondo funtzionatzen duen fenomenoa da, zuk Frantziakoa nik baino hobeto ezagutuko duzu, Askatasuna, Anaitasuna eta Berdintasunaren lurralde miresgarriaren menpean bizi zarelako. Baina Front Nazi-onalaren diskurtsoa EHra ekarri nahi baduzu, lehenago kontuan hartu abertzaletasunaren hegemonia (eta gidaritza) ez dagoela eskuinaren esku. Baina zeuk ere saiatu, saiatu gure artean bizi diren Frantziako seme-alaba garbiak bat egin dezatela EH mailako prozesu suberanista eta euskaltzale batekin eta ea hortik indar metaketa lortzen duzun. EAJtik eskuinerako espazio politikoa irabazteke duzue eta!
Kaixo berriz, Nazkatuta.
Ni gauean marrokiar gizon talde batekin gurutzatzen banaiz beldurtu egiten naiz (emakumeak badira ez, eta ‘arraza’ berdinekoak izanik, e!). Baina berdin pasatzen zait errumaniako kuadrilla batekin, edo itxura eta jarrera jakin bat duen eta betidanik nere herrikoak (eta nire eskolakoak) izan diren kuadrilla batekin, kaukasikoak hauek guztiak. Are gehiago, Donostiako parrandetan gazte frantsesek ere arrazoi berdinagatik beldurtzen naute. Baina ez zait berdina pasatzen talde hori txinatarrena bada, edo indioa, edo filipinakoa, edo mongoliakoa, edo kongotarra.
Lehenengo horiekin beldurtzen naiz ni eta nire ingurukoen esperientziengatik. Beldurtzen nauten talde horiek ez dute amankomunean ez ‘arraza’, ez jatorria, ez kultura ezta janzkera ere. Amankomunean dutena egiten dutena da (eta generoa).
Arrazista naiz orduan? Esaidazu zuk, etiketak jartzen trebea zarela ikusi dut eta.
Lokatz, esandakoaren arabera, zeure beldurrak gaua eta marjinalitatearekin du zerikusirik, ez jatorriarekin eta arrazarekin. Hori bada, ez nizuke arrazista deituko. Baina, artikuluaren egileak ez du hori esan.
Epa Beñat,
Mila esker zure hitzengatik. Diozun bezala, arazoaren gako nagusi bat “exogamiaren praktika arau orokorra” bilakatzea da.
Euskal Herriak, eta, bereziki Lapurdik eta Behe Nafarroak jasaten ari duen inmigrazio basatia arazo izugarria da. Euskaldunon pisu demografikoaren galeraren atzetik baidator gure indar politiko, sozial, ekonomiko eta kultural erlatiboaren galera ere.
Iparraldearen kasuan, gainera, etorkin gehienak klase ertain-altuko frantses zuriak dira. Kasu honetan ez litzateke erresistentziarik egon beharko ezkertiar abertzaleen partetik iparraldearen inbasioa bilorik gabe salatzeko. Baina, kusten duzunez, humanista ezkertiar ororen atzean “laissez faire, laissez passer” liberal bat dago.
Edonola, herri askok jasan behar izan ditu inbasioak eta okupazioak historian zehar, eta batzuek biziraun ere egin dute gutxiengo egoera batean. Beraz, ingurune zailetan ere herriek bizirauten dute determinaziorik eta bizi-indarrik duten artean.
Arazoaren muina euskaldunon bizi-indar faltan kokatuko nuke beraz. Metaforikoki esanda: inperialismoa eta inmigrazioa gure gorputz eria azkentzen duten infekzioak badira ere, gure benetako eritasuna gorputz hori ahuldu duen min-bizia da.
Zentzu horretan, “Nazkatuta” iruzkingileak bere 3. puntuan diona egia da. XXI. mendera heldu bagara ere, “gure etxearen habeak pipiak janda daude”. Beraz, ezingo da gauza handirik egin euskaldunongan baldin eta bizi-indar hori berpizten ez bada, gutxiengo kritiko batetan bada ere. Hortik aurrera, mundu ikuskera liberal-unibertsalista hau irauli, eta tribu kontzientzia endogamiar bat garatu beharko litzateke, ozeano arrotz honen erdian euskal etno-sistema bat berrantolatu eta gotortzeko. Besteongandik bereiziz eta gure artean elkartuz.
Baina tira, ez dut uste horrelakorik gertatuko denik.
Ondo izan
ZVO zorigaitzez nahikoa ados gara analisian baita konklusio gazi gozoan ere. Ez dut gauza handirik zuri erakasteko detalle tipi bat izan ezik baina inportantzia handia daukana.
Ezker abertzaleen “laisser faire laisser passer ” horri dagokionez, Ezker abertzaleek ( eta besteek) ordaindu behar duten prezio ideologikoa da Baionaz “jabetzeko”
Bost minuta baduzu irakur ezazu mesedez artikulu hau:
https://zuzeu.eus/euskal-herria/lurraldearen-paradigma-politikoa-iparraldean/
eta ulertuko duzu ez garela gu instalatzen ahal Baiona eldorado eder horretan etxen bagina bezala eta ukatu frantsesei Lapurdin eta Baxe nafarroan instalatzeko eskubidea etxen bezala.
Iparraldearen zorigaitza da herri propiorik ez izaitea
https://zuzeu.eus/euskal-herria/lurraldearen-paradigma-politikoa-iparraldean/
Bueno ez duzu erabat erantzun ene galderari baina nik ere trakets samar pausatua nuen. Gainera “Gogo” hitza polisemikoa da eta ez du errazten kontua.
Baina zure ganik jakin nahi nuen imigrante horiek bakarrik biktima pasiboak diren edo bizimodu proiektu pertsonal baten aktore aktiboak. Izan ere, errepresio politikoaren kasuan izan ezik, ez gara gure herria uzteko derrigortuak, batez ere herria eta familia maite dugunean.
Kirol erronkaren ( anapurna) edo “beharrak eta goseak” eragindako desesperantzaren motiboez gain sinplekiago izan daiteke zure (Nazkatutaren) bizimodu europearra bera gozatzeko irrika bizia. Hori askotan ikusi da, irrika horrek mirakuluak egin arazten dizkizu. Eta Itsasoa zeharkatzeko baliatzen dituzten energia, dirua eta arrisku berak baliatuko balituzte haien sorterrian lan egiteko borrokatzeko, han ere mirakuluak egingo lukete. Batez ere berreskuratzen balute beren polititikariek sakelan emaiten duten nazioarteko laguntza.
Imigrazioaren arrazoiei buruzko debatea bat ukan ginuen jada Zuzeun Beñat Hach eta biok. Artetik erraiteko debate hori adeitsua izan zen ez hau bezalakoa. Kamel Daoud idazle algerriaren artikulu argigarri baten itzulpen eskasa (ezbainuen beti bere frantsea konprenitze) egina nuen. Kontseilatuko nizuke irakurtzea:
https://zuzeu.eus/mundua/kamel-daoud-intelektual-aljeriarraren-burutazioa/
Nazkatuta, nazionalista zara? Bai ala ez, ez dut azalpenik nahi.
Behin eta berriz saiatzen zara eskuinekoak edo eskuin muturrekoak garela esanez zokoratu nahian. Hori bera egiten du mass media globalistak eta populistatzat kriminalizatzen du. Eta oker zaude. Neguriko aberats erdalzaleen aurka nago. Ezkerretik gehiago dut, baina begiak irekita, ez naiz inorekin hezkontzen. Gaurko gure ezkerrak ez du zerikusirik orain dela urte batzutakoarekin.
Marjinalitatea elikatzea langabezia-tasa handia dagoen lekura jendea kontrolik gabe ekartzea da, berdin dio eskuinak edo ezkerrak gobernatzen duen (Europan zehar ezkerreko gobernuak zituzten/dituzten herrialdeetan egondako/duten arazoak ikustea besterik ez dago). Horri gehitu askotan sortzen den talka kulturala.
Kostuak behera botatzeko baliatzen dituzte etorkinak eta horrela, etorkinen baldintzak ez dira hobetzen eta bertakoen artean prekarietatea areagotzen da. Horixe da laburpena, denak galtzen ateratzen dira, bizpahiru ezik. Prekarietatea areagotzen denez jendea Amazonen erosten hasten da, bertako dendak isten doaz, Amazoneko langileak prekarietate hutsan daude, Amazonen erosteak prekario gehiago sortzea esan nahi du eta horrela berrelikatuz doa ziklo amaigabe batean. Egunero ari naiz ikusten Amazoneko furgonetak gure kaleetan. Garai batean garbi daukat furgoneta horiek erre egingo genituela kalean. Orain aldiz inork xintirik ere ez, Nazkatuta. Ezkerreko inor ez dut somatu Amazon kritikatzen, edo ahopean kritikatzen dute eta Ba Otek bezala kapote erdia botatzen dio Amazoni. Garai batean furgoneta horiek kixkalita zeuden.
Bueno ez duzu erabat erantzun ene galderari baina nik ere trakets samar pausatua nuen. Gainera “Gogo” hitza polisemikoa da eta ez du errazten gure kontua.
Baina zure ganik jakin nahi nuen eia zuretzat imigrante horiek bakarrik biktima pasiboak diren edo bizimodu proiektu pertsonal baten aktore aktiboak. Bien artean bada aldea. Izan ere, errepresio politikoaren edo muturreko baldintza ekonomiko kasuetan izan ezik, ez gara gure herria uzteko derrigortuak, batez ere herria eta familia maite dugunean.
Beraz “beharrak eta goseak” eragindako desesperantzaren motiboez gain, imigrazioaren arrazoia sinplekiago izan daiteke zure (Nazkatutaren) bizimodu europearra bera gozatzeko irrika bizia. Hori askotan ikusi da, irrika horrek mirakuluak egin arazten dizkigu.Baina Itsasoa zeharkatzeko baliatzen dituzten energia, dirua eta arrisku berak baliatuko balituzte haien sorterrian lan egiteko, han ere mirakuluak egingo lituzkete. Batez ere berreskuratzen balute beren polititikariek sakelan emaiten eta xahutzen duten nazioarteko laguntza eta are hobeto politikari horiek ordezten balituzte.
Duela kasik bi urte jada, migrazioaren arrazoari buruzko debatea bat ukan ginuen jada Zuzeun. Artetik erraiteko debate hori nahikoa adeitsua izan zen, batere ez hau bezalakoa. Kamel Daoud idazle algerriaren artikulu argigarri baten itzulpen eskasa (ezbainuen beti Daouden bere frantsea konprenitzen) egina nuen. Kontseilatuko nizuke irakurtzea:
https://zuzeu.eus/mundua/kamel-daoud-intelektual-aljeriarraren-burutazioa/
Beno, garagarra imajinatuko duzunez EH batua, euskalduna eta bere buruaren jaberen aldekoa naiz. Egitura politikoa ez daukat oso argi, badakit estatua izateak ez duela nahi dudan EH bermatuko, baina estaturik gabe ez dugu lortuko, beraz, bai abertzalea naiz.
Abertzalea, eta familian horrela jasota, antifaxista ere bai. Amazonen furgonetak erretzen hasten zarenean, nire babesa izango duzu, lasai! Baina ez eskatu besteei norbera egiteko prest ez dagoena. Su emaiek, Garagarra!
Benat, artikulua irakurti dut, Aljeriako migrazioa zuzen zuzenean Frantzia aldera doa, normala da, lotura handia dago eta idazle horrentzat naturala da bertara jotzea. Zu ez kezkatu, frantziarrek konpon dezatela euren afera. Baina zeuk? Euskaltzale baten ikuspegitik okerragoa duzu adibidez Baiona-Angelu-Biarritzen dagoen panorama, horiek guztiek frantziar nazionalitatea dute, eta euren etxean bezala ari dira.
Nazkatuta, esan dizut azalpenik ez nuela nahi, eta nazionalista zaren galdetu dizut. Abertzale hitza erabili duzu, bai, nazionalistaren sinonimoa, baina nazionalista hitza internazionala da eta bestea ez. Nazionalista zara? Ez desbideratu. Beste kontu bat, ezkerra ez da jendearen arrangurari erantzuten ari. Eta milioika dira. Eta milioika direnean ezin duzu esan, esaten den bezala, populismoan erori direla, ezjakinak direla… Modu horretan ezin da jendea iraindu, mass media globalista politikoki zuzenak egiten duen moduan eta gure ezkerrak hauekin lerratuta egiten duen modu berean. Eta milioika dira eta isilean daude, politikoki zuzenak ez direla esan zaielako. Hori oso-oso arriskutsua da. Hor garatzen ari den gorrotoa diabolikoa da. Eta gorroto horrek eztanda egiten duenean… hemen bukatuko dira politikoki zuzenkeriak katakunbetan. Ezkerrak emango balio jendearen arrangurari gutxienez arreta bat, beste kontu bat litzateke. Baina harrokeriz jokatzen du neoliberalismo globalistarekin lerratuta. Eta gehiengo isilarekin ari dira jolasten. Ezin da jendea horrela tratatu.
Nazkatuta, zure komentarioa ikusita, beldur naiz ez duzula Daouden testua arretaz irakurri edo ongi harrapatu. Kamel Daoudek erran nahi diguna da Algeriako emigrazioarako kandidatuak, “harraga”k asko baino asko direnak, ez direla Frantziara etorriko dira ez diozun bezala goseak eraginda baizik eta kontsumo zibilizazioko bizi moduaren ilusioagatik eta Algerian aspertzen direlako .Bestela esanda zure bizimodu ak zeduzituta. Horregatik sistemaren laguntzaile partez manipulatuak partez kontziente baina ziur objektiboak dira.
Berdin izango da “zeuk” Marrokiatik errezibitzen .ditutzuen harragarentzat .
Zure azken esaldiari dagokionez, ni bakarrik banintza BABa Frantziari abandonatuko nuke segituan utz gaitzaten gure modura antolatzen Euskal herrian.
Euskaldunek hara emigratu dute harragak bezala frantses hiriko lanpostuak erraztasunak plazerrak hots hango bizimodua disfrutatzeko. Harragak bezala ez baigira aski ahalegindu gure herriaren ekonomia eta bizimodu modernoa garatzen. Egia da kolonisazio egoeran izanki, ez gaituztela lagundu; baina ene ustez posible zen egin dugun baino gehiago egitea batez ere ezker abertzalea zinez abertzalea izan balitz.
Aldiz, Garagarra, esaten duzunari dagokionez, emaiten du aditzen dutala Jean Claude Michea filosofoa, Georges Orwellen komentatzaile suharra. Biziki ongi deskribatzen eta esplikatzen du ezkerraren derriba liberala populu xumetik mozten duena gero ta gehiago.
Pasa deazgun egun on denok.
Komak zer gutxietsiak diren, arrazoirik gabe, jakina! Nafarroa Bai, Geroa Bai, horiek ezagunak ditugu, Bai Abertzalea naiz ez ordea. Maiatzerako zerbait berri prestatzen ari? Ala, bai, abertzalea nauzu.
Nagore, aurreko artikuluan esan nuen moduan, saiatu telefonotik erantzuten, eta ikusiko duzu zein zaila den ortografiari eta testuen koherentziari eustea. Zuzentzailea inglesez daukat eta ez dakizun zen nekeza den hemen idaztea. Gainera, 5 lerrotxo baino ezin ditut ikusi eta horrek ez du batere laguntzen. Baina, berdin dio, ezta? Ilargia seinalatu eta atzamarrari erreparatzen dionari zer azalduko diot!
Eta guztioi, agur. Jarraitu lasai ForoCoches bihurtu duzuen Zuzeu honetan; elkarri bazka ematen, hausnartze sakon eta berotsuan, patxada ederrean. Gozatu! Banoa, ez bainaiz hemengoa.
Nazkatuta, zure azken iruzkinean argi azaltzen duzu nolakoa zaren eta ez nau harritu. “Forocoches” esan duzu, ezker globalista politikoki zuzenak “populismoa” deitzen dio. Alegia, txusmaren iruzkinak: ezjakinak, maila kultural baxukoak, populismo errazan erortzen direnak… Gutxi gorabehera, orain dela urte batzuk la izquierda aberchaleko txusma zokoratzen modu berean. Harrigarria da eboluzioa, orain guztiz homologatuta sisteman. Non gelditu da ” eman hitza herriari!” hura. Herriaren hitza inoiz ez da interesatu uneko politika zuzenarekin lerratuta ez badago behintzat. Ez da inor gai “ni nazionalista naiz” esateko, beti zehaztapenak egin behar, nazionalista hitzari neoliberalismo globalistak atxiki dion orbanatik ihesi. Lehen arazorik gabe esaten genuen “ni nazionalista naiz”, baina orain ezta Arnaldo Otegik ere ez du esaten. Portzierto, bizi al da Arnaldo?
Zuzentzailea ingelesez. Ederki. Hori zerorrek hartutako erabakia duzu, ez da bakarra ordea. Zertara heldu dira desenkusak, inork ez baitizu eskatu. Eta, aizak, Txolin horrek, sinetsarazi behar ziguk ingelesez ez dagoela komarik?
Garagarra, ez etengabe saiatu zara nire iruzkin guztiak zuen fobietara desbideratzen, ederto bada! Zeu NAZiONALISTA zara, eta esandakoaren arabera ezkerraren kontrakoa, beraz, ESKUINEKOA (denok dakigu ez dagoena erdibiderik, ezta?) Beraz, ESKUINEKO NAZIONALISTA horrek, azalduko zenidake zein batzokitan homologatzen diren zure tesiak? Agian batzokitik haratago dago zure eskuin paretaren txokoa.
Nagore, C2rako titulua behar dudanean hiregana joko diat, lasai. Bitartean, jarrai ezak besteon komak zuzentzen, ezen hire komak ez baitu konponbiderik; konprenitzeko enzefalograma laua duk-eta.
Bai, hala duk, zeren konprenitzeko entendimendu handia behar baita, eta ez nagok neroni adibedetarako. Hala ere, Nagore:…., zer irizten? Bi puntuena ez baikenuen jorratuta. Hik esan.
Nazionalista zaren galdetu eta batzokia, eskuin nazionalista etab erantzun. Harrigarria! Eta gero esan erdibiderik ez dagoela… gutxi gorabehera “nik bezala pentsatzen ez duzunez eskuinekoa zara” egiten duzu. Hori ez da talantea, Nazkatuta. Nik esan dudan bakarra da orain dela urte batzuk lasai asko esaten genuela nazionalistak ginela eta orain jada ez. Emaiozu horri interpretazio bat.