Ukraina, emakume eta haurren saltokia – 

Zoritxarrez Ukraina guztion ahotan dago, baina aspaldi egon behar zuen. Duela gutxi gertatu den eztanda mediatikoa baino lehen, Ukraina zen feminismoak egindako salaketen jo puntua, bai emakume ukrainar behartsuenen ugalketa eta sexu esplotazioa dela eta, bai beste aktibista antifaxista batzuena, Donetsk eta Luhansk lurraldeen egoera edo Euromaidana dela eta.

…

UGALKETA-ESPLOTAZIOA

Feministok aspalditik salatu dugu Ukraina dela Europaren umetokia, Europako haur-erosleak ugaltzeko adinean dauden ukrainiar emakumeen zaurgarritasun-egoeraz baliatzen direla, alegia.

Orain, emakumeen egoerari buruz iristen zaizkigun berriak gobernuen kontrako aho bateko salaketa bihurtu beharko lirateke. Hala ere, makineria mediatikoak zuritu edo isildu egiten du. Haurtxoak erosten dituztenek, xantaia emozionalaren bidez, krudelkeria saldu nahi digute gizatasunez jantzita, makineria mediatikako guztia haien alde jarri dute ordaindutako produktua erosi ahal izateko.

«BioTexCOMeko zuzendariak Ukrainako goi-agintariekin dituen pribilegio-harremanei esker, langileak ejerzitoak deitzetik libra daitezke, haurtxoak biltegiratze-bunkerretara eramateko eta bonbardaketen aurkako babeslekuak eskuratzeko, biztanleria bonben azpian hiltzen den bitartean.»

Sorginkeriak 2022ko martxoaren 16an kontatu zigun oraintxe bertan kalkulatzen dela 100 haurtxo direla ukrainar lurrean harrapatuta daudenak, eta ezin zaizkiela “gurasoei eman”, eta haurtxo horiek ordaindu egin dituztela.

Ildo beretik, ezin dugu onartu gobernu portugaldarrak haurren trafikoa eta emakumeen esplotazioa erraztea, XXI. mendeko esklaboak balira bezala. Horretarako gerra aprobetxatzeak ez dauka izenik. Ukrainan sinatutako “haurdunaldi subrogatuko kontratua” (hau da, ugalketa esplotazioa), Portugalen baliozkoa ez den arren, Kanpo Arazoetarako Sailak salbuespen-erregimen bat sortuko du TRATA ANTOLATZEKO. Horrek erakusten digu eredu altruista eredu komertzialaren estalki bat dela.

SEXU-ESPLIOTAZIOA

Oro har emakumeen esplotazioarekin gertatzen den bezala, denek beste alde batera begiratzen dute. Ukrainako emakumeen salerosketa areagotu egin da gaur egungo gerra-egoeran. Ukrainiar emakumea, amazona begi urdinduna, otzana eta entregatua delako iruditeria sexual hori erregaia da prostituziorako, salerosketarako eta emakumeen trafikorako. Ukraina, 90eko hamarkadan eta batez ere 2000. urtean, turismo sexualaren helmuga pribilegiatua izan zen Eurasian, eta Thailandiarekin lehiatzera ere iritsi zen. Ukraina desberdintasun oso larriak eta kultura patriarkala dituen herrialdea da, genero estereotipo tradizionalak oso errotuta ditu eta gerrak desberdintasun horiek larriagotu egiten ditu.

Espainian hain ezaguna ez den fenomeno bat katalogo bidezko emazteena da, Kanadan, Alemanian edo Estatu Batuetan oso ezaguna dena. Ekialdeko herrialdeetako emakumeek mendebaldeko gizonekin ezkontzeko beren burua eskaintzeko dauden agentziak dira, teorian behintzat, salerosketako, trafikoa eta sexu-esplotazioa ezkutatzen baitituzte.

Ukrainan gerratik ihes egin duten 2 milioi errefuxiatuetatik gehienak emakumeak eta haurrak dira, gizonek debekatuta baitute herrialdetik alde egitea gerra-legearen pean. Testuinguru horretan proxenetak, oro har alemaniarrak eta poloniarrak, baina baita ukrainarrak ere,emakume zaurgarriak erakarri nahian ari dira. Ez dezagun ahaztu Alemanian sexu-esplotazioa legeztatuta dagoela eta salerosketaren merkatu handienetako bat dela.

Mafiek bezala jokatzen dute bertan dauden polizia, kazetari eta agintarien begirada axolagabearen aurrean. «Haurrak euren ardurapean dituzten emakume gazteen babesgabetasun eta etsipen-egoeraz baliatzen dira putreak, haiek esplotatzeko eta pertsonen salerosketa sareetan txertatzeko». Aste honetan ukrainar bat atxilotu dute Madrilen, prostituitzeko asmoz bi adingabe Espainiara ekartzeagatik.

Baina ez dira soilik etsipenaz eta zaurgarritasunaz baliatzen. Halaber, mendekotasun kimikoa duten bahiketa saiakerez hitz egiten duten emakumeen testigantzak aurkitu ditugu. Trafikatzaileek zelatatuak izateko beldurrez, emakume asko ez dira bidean ura edatera ere ausartzen, proxenetek drogatzeko arriskupean baitaude. Horregatik, GKE batzuek oinarrizko aholku batzuk ematen dituzte arriskua txikiagotzeko: pasaporterik eta dokumentaziorik ez ematea; trataren aurkako agintariei deitzea, garraio edo janari eskaintzak iruzurrak direla susmatzen badute; segurtasun-kopiak egitea telefono pertsonalean dokumentazioa lapurtzeko arriskua ela eta; eskudirua eramatea eta igotzen diren ibilgailuen matrikulen argazkiak egitea, besteak beste.

SEXU-INDARKERIA

Baina indarkeria ez da hor amaitzen. Denok dakigu sexu-indarkeria gerrarako arma eta emakumeekiko ankerkeria gisa, egitate bat dela. Errusiako militarrek Mariupolen sartzea lortu zutenean, agertoki beldurgarri batekin topo egin zuten. Bortxatutako emakume eta nesken gorpuak, zatikatuak, kanalean irekiak, pilatuta, eta gutxienez bat bizkarrean esbastika bat grabatuta zuela.

Kolektibo feminista garen aldetik, agenda feministarekin lotutako gaiak salatzen ditugu, eta ezin dugu onartu Zelensky presidentearen egungo erregimena zuritzea, ez bere ardura diren politika eta miliziak, ezta emakumeekiko duen ankerkeria berezia ere.

Beste gatazka batzuetan eskatzen dugun bezala, gobernuek, nazioarteko erakundeek eta abarrek lege koordinatuak ezartzeko eskatzen dugu, “azken mugaren legepean” dauden milioika emakume eta haur horientzako korridore humanitario seguruak sortzeko.

“Ez ahaztu krisi politiko, ekonomiko edo erlijioso bat nahikoa izango dela emakumeen eskubideak berriro zalantzan jartzeko. Eskubide hauek ez dira inoiz eskuratutzat ematen, zuen bizitza osoan erne egon behar duzue”. Simone de Beauvoir.

Pertsonen Salerosketa eta Prostituzioaren Esplotazioa Erreprimitzeko Nazio Batuen Hitzarmena (1948)

Europako Parlamentuaren Ebazpena (2022/02/2), prostituzioa lan baten parekoa delako ideiaren aurka borrokatzeko eskatzen duena.

 

Ukraina, emakume eta haurren saltokia

Ukraina emakume eta haurren saltokia