XVI. mendeko euskara batua –

Video honetan ikusentzuten ahal dugun hitzaldi hau 2012. urteko ekainean Atarrabian, “Nafarroaren konkista eta europar Erreforma” izeneko kongresuaren baitan eskaini zuten Manuel Ercilla eta Josu Lavin Jakintza Baitha elkarteko kideek.

Hitzaldiak “El euscara unificado del siglo XVI al XIX” izenburua zuen, euskaraz eman bazen ere, salbu azken parte ttipi bat. Bertan Ercillak eta Lavinek azaldu zuten nola humanismoak bere eragina eduki zuen baita Euskal Herrian ere, eta haren ondorioetako bat izan zen Johana III nafar erreginaren babesaz Johanes Leiçarraga pastore protestanteak eta bere laguntzaileen taldeak euskara unifikatu bat eratu zutela, Testamentu Berria euskaratu zutenean.

Idazlan horren garrantzi historiko eta linguistikoa azaldu ondoren, horretan oinarrituz garatu zen tradizio literarioa komentatu zuten, hainbat idazle mendez mende aipatuz; gero XIX mendetik hona gertatu den prozesuarekin konparatu zuten, eta hor orain araututa dagoen euskara batuaren eta euskal herrian gertatzen diren arazo batzuk mahaigaineratu zituzten.

Hitzaldian ematen diren datuek eta ideiek herri honi bere buruaz eta bere historia propioaz hausnartzeko aukera eskaintzen diote.

…

Ondorengo loturetan hizlariei egindako elkarrizketa:

• xaviermina.org/2012/06/01/xvi-mendeko-euskara-batua
• xaviermina.org/wp-content/uploads/2012/06/XVI_eko_euskara_batua.pdf

Hitzaldiaren videoa Youtubeko Naffarrera izeneko kanalean postaratu da, honako url-an:

• www.youtube.com/watch