Otsaileko aipagarrienak –

2024ko otsailean zehar herritarrek Behatokira bidalitako hizkuntza-eskubideen urraketen lagin bat, lorpenak eta zoriontzeak jaso ditugu ondorengo zerrendan. Zuk ere intzidentzia bat bidali nahi badiguzu, erabili Euskararen Telefonoa.

 

URRAKETAK:

» Nafarroako 112 zerbitzuan herritarrari ez zaio euskaraz egiteko aukera bermatzen eta gaztelaniaz egiteko eskatu zaio.

» Cajamar banketxeak webgunean ez du euskara hautatzeko aukerarik eta iragarkiak gaztelania hutsean ezartzen ditu.

» Barakaldoko instrukzio epaitegiak ez dizkio dokumentuak euskaraz bermatu herritar bati berak berariaz hala eskatu arren.

» Megapark gunean dagoen Burger King jatetxeko ordainketa makinek ez dute euskara hautatzeko aukerarik eskaintzen.

» Osakidetzak gaztelaniaz eman du hitzaldia Barakaldoko D ereduko ikastetxe publiko batean.

» Leclerc enpresak ez ditu kontuan hartzen hizkuntza-eskubideak eta erdara baino ez du erabiltzen.

» Basauriko kiroldegiko gailuetan gaztelaniazko mezuak soilik agertzen dira.

» Eusko Jaurlaritzatik ez da ezer egin Arabar Errioxa-ko etiketetan euskara txertatzeko.

» Foruzaingoaren Altsasuko egoitzan ez dute arreta euskaraz bermatzeko gaitasunik eta gaztelaniaz egin behar da.

» Euskadiko Atletismo Federazioaren euskarazko webgunea lotsagarria dela salatu dute, eta txapelketetan gaztelaniaren erabilera dela nagusi.

» Antsoaingo udaltzaingoan ez dela euskarazko arreta bermatzen salatu dute.

» Portugaleteko Udalak gaztelania hutsean ezarri ditu iragarkiak prentsan.

» Bilboko D ereduko ikastetxe publiko batean eskolaz kanpoko jarduerak gaztelaniaz egin direla salatu dute.

» Iruñeko Udaleko e-postaren bidez gaztelania hutsean erantzun zaio herritarrari.

» Donostia Ospitaleko informatika zerbitzutik gaztelaniaz egiteko eskatu zaio erabiltzaile bati.

» Fagor etxetresnen konponketak eramaten diren alorrean herritarrak ezin izan du zerbitzua euskaraz jaso.

» Lanbideren euskarazko webgunean euskarazko informazioak duen zuzentasun ezarekiko ohartarazpenak egin dituzte.

» Eusko Jaurlaritzaren segurtasun digitaleko ataletik emailak gaztelania hutsean zabaldu dira.

» Nafarroako Gobernuaren webgunean herritarrak ezin izan du Osasunbidearekiko erreklamazio bat euskaraz jarri. Euskaraz egitea hautatu arren, dena gaztelaniaz agertzen da.

 

ZORIONTZEAK:

» Azpeitiko Laur Janariak dendari, euskaraz emandako arretagatik eta tiketa bera ere euskaraz emateagatik.

» Eibarko Gure Kaiola tabernari, euskaraz zerbitzatzeagatik (baina kartelak ere euskaraz jartzeko eskatu da).

 

LORPENAK:

» Antsoaingo haur eskolan kartelak euskaraz ezarri dituzte.

» Nafarroako Antzerki Eskolaren informazio buletina euskaraz idazten hasi dira.

» EAEko Ikasgunea web-orriko euskarazko bertsioan zuzenketak egin ditu Hezkuntza Sailak.

» Gipuzkoako Foru Aldundiak azpikontratatutako enpresa batekiko neurriak hartu ditu telefono bidezko arreta euskaraz bermatu dezan.

» Munduko Medikuak elkartetik neurriak hartu dira euskarazko kartelen zabalpen hobea egiteko.

» HM enpresak produktuak itzultzeko EAEko makina guztietan euskara txertatuko du.

» Metro Bilbaok Barakaldoko sarbideen izenak euskaraz ezarri ditu.

» Basauriko Udalak aldaketak egin eta neurriak hartu ditu gizarte-zerbitzuetan euskarazko arreta hobeto bermatzeko.

Otsaileko aipagarrienak