Irmotasuna –

Egia da, bai, hizkuntza-eskubideen edota euskararen normalizazioaren ikuspegitik azken hauteskundeetan lortutako emaitzak ez direla batere onak izan Nafarroan, hain zuzen ere, Estatuan oldartzen ari den diskurtso suntsitzailearen aldekoek irabazi dituztelako hemen hauteskundeak.

Eta, orain, harrotasun hori berori bandera bihurtzen ari dira Nafarroan boterea eskuratzen badute zer egingo duten azaltzeko. Inolako lotsarik gabe esaten ari dira euskaldunok ikusgabe bihurtzeko eta eskubidez gabetzeko neurriak hartuko dituztela.

Hori betiko leloa da. Horrexegatik nahiko nuke injustiziaren, bidegabekeriaren, diskriminazioaren kontra eta gizarte kohesioaren zein berdintasunaren alde daudenek irmotasun bertsua erakustea hizkuntza-eskubideak bermatzeko hartuko dituzten neurriak erabakitzean eta gizarteratzean.

1986. urtean onartu zen Vascuencearen Foru Legea, gaur egun Euskararen Foru Legea dena. 33 urtetan zehar legez ezarri da eskubide ezberdineko nafarrak izatea. #Euskara #Nafarroa

? Baina, benetan ezagutzen duzu zertan datzan eta zein ondorio eragiten dituen lege honek? ?? pic.twitter.com/FK4GKmgyDv

— Kontseilua (@kontseilua) May 7, 2019

Hartara, bidea zein izan daitekeen zehazten laguntzeko erantzukizunez jokatu nahi dugu honako hauteskunde hauetan ere. Horrela, larunbatean, eguerdiko hamabietan, Erraldoien txokoan gizarte demokratikoagoa eraikitzen lagun dezaketen hamabost neurri zehatz aurkeztuko dugu.

Izan ere, zinez uste dugu bidea zein den zehaztea ez dela arazoa, borondatea eta irmotasuna izatea baizik.

[Euskalerria Irratiko Metropoli Forala saioa, ‘Minutu bateko manifestua’, 2019ko maiatzaren 7koa]

Irmotasuna