LABI desegin eta osasun larrialdia bertan behera utziko du Jaurlaritzak ostegunetik aurrera

2021-10-05 14:10
Salabardoa
- Euskal Herria

LABI desegin egingo da eta Jaurlaritzak osasun larrialdia bertan behera utziko du ostegunetik –

Jaurlaritzak osasun larrialdia bertan behera utziko du eta LABI desegin egingo da. Pandemiari aurre egiteko indarrean dauden murrizketa gehienak indargabetuta geratuko dira ostegunetik aurrera. EAEk ”normaltasun handiagoa” berreskuratzeko ezarritako ”helburuak” betetzen dituela uste du Jaurlaritzak.
Araban, Bizkaian eta Gipuzkoan ere bertan behera ostegunean neurri murriztaile gehienak -berria-
Osasun larrialdia eta LABI: noiztik egon dira martxan eta nolako eragina izan dute?

EITB Media

LABI desegin egingo da eta Jaurlaritzak osasun larrialdia bertan behera utziko du ostegunetik

Eusko Jaurlaritzak duela urtebete pasatxo EAEn ezarritako osasun larrialdia bertan behera utziko du, eta Euskadiko Babes Zibileko Plana (LABI) desegin egingo da. Lehendakaria buru duen LABIren Aholku Batzordeak azken bilera du gaur arratsaldean, eta horren ondotik egingo dute iragarpena.

ZUZENEAN: Lehendakariaren agerraldia LABIren bileraren ondoren.

Mahai instituzionala 16:30ean bilduko da, eta espero da neurri murriztaile gehienak ostegun honetatik aurrera indargabetzea. Lehendakariaren asmoa da pandemia aro honetan LABIko teknikariek (funtsean osasun arloko arduradunak Jonan Fernandezek koordinatuta) zein LABI instituzionalak (honakoek osatuta, besteak beste: Jaurlaritzako hainbat sailburu, Espainiako Gobernuaren ordezkari, hiru Aldundietako eta hiriburuetako alkateak) egindako lana aitortzea. Urkullu jendaurrean agertuko da, LABIren Batzorde Zientifiko Teknikoko kide izan diren adituekin batera (batzorde horrek kutsatzeak geldiarazteko hartu beharreko neurriak aztertu eta proposatu ditu), bai eta ezarri beharreko murrizketei buruzko azken hitza zuten Aholku Batzordeko kideekin ere.

“Hilabete luze hauetan” EAEko erakundeen erabaki guztiak gidatu dituzten bi erronka nagusiak hauek izan dira Bingen Zupiriaren hitzetan: covid-19aren transmisioari aurre egitea eta osasun-sistemaren kolapsoa saihestea.