Luis Fonsiren “Despacito”, jeltzaleen erritmoa

Gaur, San Inazio egunez, 122. urtemuga ospatu du Alderdiak -horrela adierazita ulertzen da, ezta?-, eta Bilbon burututako ekitaldian, EAJk PPrekin adostu dituen azken akordioak modu xelebre samarrean azaldu ditu, jendaurrean, Andoni Ortuzarrek.

Bere berbatan, Luis Fonsiren “Despacito” da jeltzaleen erritmoa.

.@andoniortuzar: “Euskadi es hoy más #Euskadi que hace doce meses gracias a lo conseguido por @eajpnv en Madrid”. pic.twitter.com/RcDKFk0ud9

— EAJ-PNV (@eajpnv) 2017(e)ko uztailak 31

“Uda deitzen dioten honetan, ez dakit bogan dagoen kantua entzun duzuen: `…pasito a pasito, suave suavecito…´. Horixe da gure eredua, pausuz pausu eta astiro-astiro autogobernua indartu, gero eta independenteagoak izan herri gisa; horrela egin izan dugu eta aurrerantzean ere horrela egiten jarraituko dugu. (…)

Euskadi gero eta indartsuagoa eginez, eta euskaldunak zoriontsuago. `…pasito a pasito, suave suavecito… ¡Euskadi al infinito!´; horixe da EAJren helburua”.

.

Mendigoizale senarekin, pentsa daiteke astiro-astiro joanda herri honek baduela bide luzea egiterik -Andoni Buzz Lightyear-en aburuz infinituraino eta are urrutiago-; txirrindulari senarekin, ostera, hobe dela ahal bezain pronto haginak estututa abiadura azkartzea, independentzia helmuga, erasoa jota.

Lehendik ere badugu zertaz eztabaidatu, baina Daddy Ortuzarrek dantzan Luis Fonsiren erritmora egiten dutela esan arren, gure aldetik, jeltzaleak Ricky Martirenean endrokatuta daudelakoan gaude: “Un, dos, tres, un pasito pa´lante Mariano; un, dos, tres, un pasito pa´trás”!

Luis Fonsiren “Despacito”, jeltzaleen erritmoa