Euskal Herriko bira bizikletaz, independentziaren alde –

herriBiltzak Euskal Herriko bira antolatu du bizikletaz, uztailaren 1etik 8ra, independentziaren alde.

Independentziaren alde Euskal Herriko bira eginen duen bizikleta lekukoa prest da. Zortzi egunez, herriz herri bizikletari batetik bestera pasako da, eta atzetik nahi duten herritar guziak beren bizikletarekin joango dira. Herri bakoitzean atsedenaldia eginen dugu. Bidean bakoitzak bere segurtasuna bermatu beharko du.

60 etapa eginen dituen lekukoarekin, independentzia aldarrikatzeko eta eraikitzeko 60 argudio lau haizetara zabalduko ditugu.

Independentzia aldarrikatzen eta eraikitzen dugu, Euskal Herria burujabe izaiteko, hau da, euskal herritarron elkarbizitza antolatzeko erabakitzaileak egiazki euskal herritarrok izaiteko instituzio politikoak ukaiteko.

Burujabe izan nahi dugu, gure eta munduko gainerateko biztanleen bizi baldintzak funtsean hobetzeko.

Burujabe izan nahi dugu, munduaren eta Euskal Herriaren egoera sozial, kultural, ekologiko eta politiko oso kezkagarriaren jatorrian den emakumeen eta oro har langileen esplotazioa desagerrarazteko.

Burujabe izan nahi dugu, herritarrok zuzenki erabaki ahal izaiteko nahi ditugunez ala ez AHT, Guggenheim Urdaibaien, auto bide berria Xiberuan, Meategia Erdizen, eukaliptoen monolandaketa, eolikoak mendietan, armamentu industria, presondegiak, 5G, Linky…

Zatozte BIRAra, EZ erraitera euskararen aurkako erasoei, langileen kaleratzeei, etxegabetzeei, pentsio eta erretreta erreforma bidegabeei, indarkeria matxistari, eraso homofoboei, planetaren suntsitzeari, komunitate zapatisten eta kurduen aurkako erasoei…

Zatozte BIRAra, BAI erraitera Euskal Errepublikari, harrera herria izaiteari, amalurra zaintzeari, bioaniztasunari, bizikletendako bide egokiei, hozte klimatikoari…

Zatozte BIRAra, Frantziako Tourra Euskal Herrian ez dela ongi etorria adieraztera.

BIRAko bazkari eta afarietatik landa, ordu beteko Berbaldiak eginen ditugu: bertan, herriBiltzaren aurkezpena eginen dugu, independentzia aldarrikatzeko eta eraikitzeko argudioez elkarrizketan ariko gira eta eskas diren argudioak gehituko ditugu.

Milesker BIRAn esku hartzeko gomita zuen lagunei eta erakundeetako kideei luzatzeagatik.

BIRAri buruzko azken zehaztasunak (ibilbide zehatza eta ordutegia), herribiltza.eus gunean ondoko egunetan emango ditugu.

Bira eder hori zuekin bizitzeko gogoarekin, har itzazue gure agur independentistak.

.

Independentzia zertarako?

60 etapa eta 60 argudio, independentzia aldarrikatzeko eta eraikitzeko:

Euskal Herria burujabe izaiteko

Euskal Errepublika sortzeko

Herri boterea antolatzeko

Euskal Herritarren Biltzarren Elkargoa eraikitzeko

Interdependentzia nola antolatu independentziaz erabakitzeko

Aberriak bizirauteko

Herrien arteko elkartasuna bultzatzeko

Komunitate zapatistak laguntzeko

Kurduen Konfederalismo Demokratikoa laguntzeko

Euskarak bizirauteko

Edertasunean bizitzeko

Emakumeek umea nun sortu hautatzeko

Beste hezkuntza sistema bat eraikitzeko

Emakumeen eta oro har langileen esplotazioa desagerrarazteko

Patriarkatua desegiteko

Kapitalismoari alternatiba eraikitzeko

Oligarkiarik ez izaiteko

Langileen kaleratzeak gelditzeko

Bortizkeriarik gabeko harremanak gauzatzeko

Indarkeria matxista gelditzeko

Eraso homofoboak gelditzeko

Euskal Herria harrera herria izaiteko

Laguntasunezko harremanak bizitzeko

Zezenketarik ez izaiteko

Gerrarik ez izaiteko

Armamentu industriarik ez izaiteko

Presondegiak desagerrarazteko

Bizi baldintzak funtsean hobetzeko

Bizitegi duina denek ukaiteko

Energia denentzat berdintasunez eskuragarri izaiteko

Elikagai osasuntsuak denek ukaiteko

Laborategiko haragirik ez izaiteko

Garraiobideak erabiltzeko posibilitate berdina denek ukaiteko

Pentsio / erretreta duinak ukaiteko

Osasun sistema hobea eraikitzeko

Sendagaiak ukaiteko posibilitate berdina denek izaiteko

Herritarren berdintasuna (egalitatea) gauzatzeko

Lurra denentzat berdintasunez eskuragarri izaiteko

Herri lurrak (komunalak) haunditzeko

Ekaiak denentzat berdintasunez eskuragarri izaiteko

Tresnak denentzat berdintasunez eskuragarri izaiteko

Planetaren suntsitzea gelditzeko

Hozte klimatikoa eragiteko

Amalurra zaintzeko

Bioaniztasuna babesteko

Oihanak babesteko

Euskal Herrian bizikleten ekoizpen buruaskia bultzatzeko

Bizikletaren erabilpena sustatzeko

Bizikletendako bide egokiak izaiteko

Guggenheim-ek Urdaibai ez kaltetzeko

Abiadura Haundiko Trenbiderik ez egiteko

Auto bide berria Xiberuan ez eraikitzeko

Erdizen meategirik ez eraikitzeko

Eukaliptoen monolandaketarik ez izaiteko

Mendietan eolikorik ez izaiteko

Aire garbiak BIRA gaitzan

Adierazpen askatasuna bermatzeko

Kazetaritza independentea bermatzeko

Gaztetxeen aurkako erasoak gelditzeko

Haurrek irri egiten segitzeko   

Euskal Herriko bira bizikletaz, independentziaren alde